伙食工業 (Closed)

💛#黃店話說去咗沙田凱悅酒店staycation有靚靚海景，於是就去埋附近搵食，首先搭一個站去火炭先！聽日再介紹大圍站！火炭喺工業區所以附近其實都好多餐廳食堂，不過黃店的話火炭就比較少，今次間餐廳係台灣菜，室內空間真係好大而且都有舒服簡單嘅裝修環境適合坐低傾吓計食嘢，不過佢嘅位置真係有少少遠，由地鐵站行過去係好多條嘅直路，睇吓大家為咗食可以去到幾盡🤣佢受咗傷被貼上膠布🤣👓台式魯肉飯套餐 $55因為屬於工廠位置所以呢個價錢包嘢飲都正常。套餐其實都幾豐富係一碗魯肉飯+一碟滷水拼盤，拼盤有好多海帶絲、豬耳、豆干、蘿蔔、一隻滷水蛋、兩隻雞翼。佢嘅滷水汁偏稠帶甜，我個人都係比較平時傳統嗰隻滷水汁，但勝在飯餸豐富。魯肉飯反而似肉燥飯多啲，肉粒偏碎，會比較喜歡大大粒正方體嘅肉粒，變相口感會好啲，不過肉嘅味道都正常唔錯。評分：7/10👓醉雞米線 $65有7片雞卷，米線同雞都灑上杞子作裝飾，啲雞好重酒味好正，但醉雞湯底份量好少唔夠濕潤，採用幼米線，不過份量偏少唔夠大碗 評分：7/10👓鴨血鴨肉米線 $65配料都幾豐富，有豆卜豆乾、榨菜芽菜紅蘿蔔、兩舊鴨血、約4塊鴨肉片。鴨血唔算太厚身，但唔算非常辣。湯底

Came here for a quick lunch and was not disappointed. The mince pork rice was flavourful and perfect with a little piece of pork ear or egg. The sauce is on the sweet side, as is the pineapple drink I got. Generous portions, super filling! Would come again if in the area.

話說senior就推介呢一間台灣嘢食，對於喺火炭最盡頭嘅上班一族來講，呢一間算係近近地，但食物質素真係麻麻地。有得揀一定唔會揀佢先。實在唔太好食嘅關係，連賣相都麻麻地，所以我都冇心機影相。第一次食帶咗個南嶺豬扒飯，嗰時覺得個名幾得意就叫咗，後尾發現係炸豬扒入邊有流心芝士，呢個時候聽落都仲係好吸引，但係當個飯嚟咗之後，係極之失望。首先個豬扒好乾爭爭，啲芝士嚟到嘅時候已經唔夠留心同埋芝士份量唔夠多，豬扒好薄，加埋就好似唔係食緊流心芝士炸豬扒咁🥲然後我叫咗杯嘢飲係美祿恐龍，類似個咁嘅名，即係有啲美祿粉沖杯朱古力奶出嚟，我想講呢杯野係酸酸地。我已經分唔到係我嘅問題定係啲美祿粉嘅問題。第二次食叫咗個冇咁易中伏嘅嘢食，就係牛肉麵。點知都係瀨晒嘢，個牛肉應該係炆煮出嚟，會係好鬆軟，入口即溶，但係… …真係一言難盡，個牛肉係咬唔到咁嘅款，值得一讚嘅只係個湯底叫做還好。

喺屋企附近冇乜好嘢食，要行好耐好耐好耐先去到呢一間餐廳，但係我依然會行好遠下你呢間餐廳食，因為佢真係好高質好正。呢一間嘅裝修好工業風，因為佢喺工廠大廈入邊囉,完全唔覺得佢係台灣野黎，不過呢佢會播住一啲台灣嘅歌，都幾有台灣feel嘅。我最鍾意食嘅就係佢個紅燒牛肉麵，我湯底好濃郁，但係又唔係好油膩好清爽，帶着淡淡的辣味，刺激啊！啲牛好淋好鮮嫩，唔會好柴皮，而且好入味，有花椒八角味。佢啲髯鬚雞都好出色㗎，揸得好趣口，又香，又唔會好鹹，食完會想再食。一句講晒好好味😋

未食之前睇樓下評價，啲評價係一半讚一半彈。-咁可能帶狗入內既餐廳真係唔多，仲要近彭福公園既狗狗友善餐廳更加寮寮可數。所以唯有去呢間試下啦😊-一入去我地即刻問職員狗仔可唔可以唔入袋，職員話唔洗入袋，超開心，可以比狗仔出黎透下氣（如果佢話要入袋我地就唔幫襯了，因為用袋狗仔其實真係幾唔舒服）咁之後就要自己去counter俾錢點餐，佢冇跟餐野飲，要分開叫，所以lunch黎講價錢算中上，80幾蚊有麵有特別野飲，唔算話貴但唔係平，但勝在入面環境夠大夠舒服。咁都好快上左餐，我地叫左佢地menu推薦既魯肉飯同 辣牛肉麵，味道不過不失，唔係難食但稱不上好食。反而想講兩杯野飲，我地叫左一杯黑糖珍珠同紫薯latte, 兩杯都想少糖少冰黑糖珍珠想少冰但店員話唔可以，咁黑糖冇得少甜係正常既，但冇得少冰就。。。。紫薯latte 就化學味，入面冇紫薯，應該係化學調飲品加奶精？總之唔推介飲。-見好多評價話店員態度差，我覺得唔可以話差，只可以話佢地冇服務，基本上係客人自助，店員都冇黑面既，可能係工作攰姐，但唔係惡意個種。咁人地冇收服務費，有收個啲店都好多冇服務啦，冇收個啲就唔好要求太高啦-店內環境真係幾舒服，都幾靜同幾

呢日又嚟食，想食飯又簡簡單單，於是叫咗鹽水雞。點知一嚟，知道中伏鳥😨雖然好大兜，但翻開成碟雞都碎濕濕，一粒粒碎碎咁，十足十開咗個罐罐，倒到滿滿用嚟餵主子🐱🐶食嗰啲雞咁樣... 😧外表差不特止，食落仲難食 😨😨😨 又乾又硬，又無雞味又無鹽水味，仲要亂加咗一味粉，辣辣哋... 🐶我懷疑係咪整廿一世紀新狗不理... 超級伏～ 食咗三分一，還返比佢，真係食唔落，變相齋食白飯。同食少少環境千祈千祈唔好食呢度鹽水雞，極伏～

💛💛💛伙食工業💛💛💛如果唔係有事要去火炭，我諗我都唔會食到呢間餐廳，因為真係遠離市區😂。就咁睇外邊已經見到充滿森林FEEL既木裝飾，入到去簡直係文清打卡之地😎。台式香酥雞排飯 $55香酥雞有少少辣，未辣到要飲水，好惹味，炸得好好。份量都okay，幾多雞扒又幾多飯，不過略嫌個飯有少少笠口😥。如果你問我下次會唔會食，我會因為呢個價錢而食，如果加價就不了🤪。台式蛋餅（肉鬆）$40食落有少少奇怪，個蛋餅比較濕，可能呢個係真台式做法，只係我哋唔習慣咁食🤨。肉鬆份量好多好足料，食到每啖都有肉鬆，就算食蛋餅邊邊位都有😽。美綠恐龍 $25唔係好多地方有得飲美祿恐龍，呢度嘅美綠粉就好似座山咁！好味又抵飲，只要$25，下次都一定會再嗌☺️。埋單$120（無加一）

位於火炭嘅『伙食工業』，地方非常寬倘而且價格合理。加上有啲時候會有不同嘅Live Band 演出，係放鬆心情嘅好去處。步入餐廳，彷彿時光倒流30年。各種充滿溫度的擺設和字句，猶如置身古早台灣。宜蘭蔥肉餡餅，皮同肉餡味道唔錯，不過溫度稍為唔夠熱。台灣菜又點少得鹽酥雞？呢度係雞排版本，炸得外脆內軟，雞肉亦醃得入味，係是晚最滿意嘅一道。牛筋牛肉麵係另一台灣名菜。呢度牛肉炆得夠腍，份量亦夠慷慨，可惜湯頭略淡，未能將牛肉味帶出。魯肉飯配鹵水拼盤，魯肉充滿豬油香，配上白飯當然一絕。鹵水拼盤有雞翼，豬耳同海帶，味道正常。後加嘅新竹米粉，炒得乾身足料。

初來火炭報到，乜都唔知盲中中，OP又少人寫食評～ 第一日食咗外賣雞飯就知中伏～ 難食到癲～ 繼不斷OP搜尋後，終於決定嚟一試Glos cafe~ 食過後，已決定係我呢區不定時嘅飯堂～ 食過香穌雞排麵，雞排超大塊❣️又香又鬆脆，好食好食～ 麵仲好彈牙，湯亦好好飲，飲落唔覺有味精，yum yum yum~ 👍🏻琴日再食半筋半肉麵，份量足～ 麵底同雞排麵唔同～ 個人有鐘意雞排嘅麵多啲，夠彈牙呀嘛～ 不過牛筋同牛肋肉都她軟腍，所以都係一個幾好嘅選擇～不過飲品方面就大失望～ 要海岩鹽焦糖latte,拉花水準👀眼見有限味道亦似即沖即溶～ 加$15先有，唔抵～ 唔值～環境方面，有好多擺設，確實係有趣嘅

今日係復活節假期第二日，瞓到自然醒之後大約1點半先出動搵嘢食～知道火炭工廠區多咗好多黃店🟡 專登去搵吓，適逢睇到呢間，我對台式食品都好有興趣啱晒胃口，於是一行二人就入咗嚟～餐廳係半自助式，疫情下要登記入座資料同量體溫，之後可自行搵位，再出去收銀處點餐，然後侍應送餐～ 流程大概就係咁嘅～當我哋決定咗食咩之後，由我拎住餐牌出去收銀處，呢個時候，我有幸「見識」到嗰位四眼大叔嘅服務～👓大叔 ｜ 👩🏻 我👩🏻：唔該⋯我想要⋯👓：小姐，你邊張枱架？ 👩🏻： hm....我坐電視機對住嗰張（同時我指向枱嘅方向指意話佢知）但未講完佢就開口⋯👓：我都唔知你講邊張！👩🏻：我未講完，你就截斷，就梗係唔知啦！👓：頭先咪叫咗你哋要講枱號囉！👩🏻：頭先？ 你同邊個講？👓：我同嗰位先生講架！👩🏻：哦⋯咁即係唔係我啦，我當時聽唔到喎；你而家係咪要我返埋位，睇咗枱號再出嚟點餐呀？👓：咁你講啦⋯（佢怒氣沖沖咁嘅樣，衰過黑社會）👩🏻 ：乜你可以咁嘅服務態度嘅？呢個時候我咩mood都無晒～ 9秒9放番低個餐牌，走！食餐飯啫，無謂貼錢買難受！總結：已backlisted～ 可能疫情下呢間餐廳太好生意嘞，唔多旨在一個半個所謂嘅「

4月3 陽光充沛的親子日每年都會造訪一次，但已沒有當初的味蕾感動，只能說不過不失，服務態度傲慢至一個點，猶豫客人與職員活於台式工業風的平行時空內⋯暖色燈光將高樓底空間，打造出溫暖的懷舊獨處空間，點餐就請客人稍移玉步，欠缺靈魂的職員其後就會為你送上餐點，完全零交流⋯是日午餐：番茄牛肉麵、金鑽鳳梨牛肉麵、紅燒半筋半牛肉麵；飲品：美䘵恐龍、冬瓜檸檬茶、百香果綠茶；甜品：靜岡抹茶紅豆千層蛋糕（災難）番茄牛肉麵：健怡之選，大片番茄搭配半筋半肉，湯底有滿滿洋蔥的少鈉番茄濃湯，非重口味之選，大愛芫茜味，美中不足之處正是幼麵底，出晒事試想像一下「勁軟身的出前一丁麵糊」，如果改為傳統Q感台式麵會錦上添花大廚推薦金鑽鳳梨牛肉麵：添加兩小塊鳳梨的半筋半牛肉麵，清湯底帶有啖啖鳳梨味，Q感台式麵，煙韌口感加上鳳梨清新會帶動你一口接一口，直至完麵為止招牌紅燒半筋半牛肉麵：微辣惹味，但不及從前的味道，卻依然難以抗拒的台式口味甜品就真心失望靜岡抹茶紅豆千層蛋糕：一件尚未完成解凍的千層，口感硬過石頭，pancake口感粗糙，沒有軟綿口感的普通綠茶紅豆忌廉，大失望期間仲有一段小插曲，親眼目睹職員將甜品飄去其他枱，再遊魂到

朋友介紹火炭Cafe ，有台式食物，好吸引Cafe位置比較偏遠，由火車站行過去要15分鐘左右，微斜路，店環境闊落又有不少舊物，玩味十足，打卡唔錯點左兩杯美綠恐龍，$20杯大大杯，好多美綠粉，抵飲又好味！食物點左半筋半腩飯，忟得好入味夠林，唔錯，肉鬆蛋餅好豐富，不過有少少漏，同埋醬太咸，少少失分芝士薯條，份量勁多，芝士好濃好香，不過餐牌寫英文松露，以為會有少少，點知一d都冇有d失望另外點左千層蛋糕，順便慶生，yeah

一心諗住黎試，諗住係黃店+台灣野，叫左個鹽酥雞排飯+黑糖珍珠奶茶，點知兩樣都唔掂，有d失望！雞排飯55蚊，鹽酥雞排無鹽味，淨係得辣粉味，雖然雞排大塊得黎都算脆，但係肉質唔叫滑同多汁。叫得鹽酥雞竟然辣粉味蓋過曬所有味，真係估佢唔到。黑糖珍珠奶茶仲離譜，完全無黑糖味，珍珠細粒得黎仲要係好粉既，類似未煮熟既感覺，呢杯野索價30蚊真係好唔抵。總共埋單 85 蚊，呢個價位出面大把餐廳質素好過佢，環境幾好都無用，d 食物質素真係要改善下。

🐮紅燒半筋半牛肉麵 $60 (7.5/10)⁣湯底鹹鹹地帶微辣，牛味唔重的～⁣牛肉幾淋幾好咬，麵質地彈牙😗係一碗不過不失嘅牛肉麵🤎⁣⁣🍅蕃茄牛肉麵$55 (6/10)⁣依個面好似係屋企自己煮麵咁🤣湯底冇乜蕃茄味，只係個面放左幾舊蕃茄咁🤧而且麵係一patpat的，唔推薦🙇🏻‍♀️⁣⁣🍳肉鬆蛋餅$40 (7/10)⁣蛋皮幾有蛋味，肉鬆芝士都幾多，整體不過不失👀。⁣⁣🐓椒鹽雞軟骨$40 (7.5/10)⁣雞軟骨炸到好脆，椒鹽都幾多，沒有特別 。⁣⁣

工業邨入面其實都有幾間靚cafe，一入門口就比佢既裝修打動到，雖然係cafe，但工業風既設計加埋間中會隱約聽到出面既環境聲，反而令到整體環境更加舒服自在，減少左一般Cafe過分寧靜既焗促感，呢度空間亦非常大，係可以好好咁坐下食餐飯既好地方🤗🤗Lunchset比想像中平，大部分都五十幾包埋茶啡，加錢可再轉特飲。美祿恐龍本身美祿底已算濃郁，飲到尾再將面頭既美祿粉mix埋一齊飲，有三種朱古力蛋糕既濃厚感覺，一定要試。台式鹽水雞飯凍食，味道足，不太油膩，幾啱輕口味人士試。台式香酥雞排麵湯頭清甜，麵底彈牙，唔錯。雞排炸得好香脆，鹹度ok，有啲過辣，要配麵/飯食既辣度。