神廚館 (Closed)

知道依間食店已經兩三年多，但一直冇試過，今次專登去試下，店舖裝修同餐牌食物種類比較簡單，品種不多！好快我點了廚師推介一號"招牌海苔窩燒墨魚餅煎蛋飯"$50，點了一會就上枱，墨魚餅飯賣相很不錯，炸到金黃色的墨魚餅非常厚大上面仲有啲海苔絲，旁邊白飯上放了煎得不錯的太陽蛋，雖然簡單但令人非常想食！墨魚餅炸到非常金黃做到外脆而內裡墨魚肉餅就十分彈牙的質感味道亦非常討好，如果佢係一碟小菜我諗我一定可以食三四塊，另外墨魚餅配白飯同太陽蛋再加上每張枱上也放了一枝的祕製豉油，簡直係絕配，令我響短短成間就K.O曬成個飯

同老公屋企附近食晚飯，諗住試吓啲未食過嘅餐廳啦！見佢門口有貼晒明星相，就行左入去啦！兩個人叫咗四個餸，一個係佢話馳名沙巴咖喱三扒飯，一個係方魚肉碎泡泡飯，油菜，墨魚飯。先講個咖喱飯，啲咖喱汁.......又唔咖哩又唔好味，最慘佢碗餸全部墊晒晒係底，剪碎埋得果3-4件扒，d汁少到喊，叫得咖喱飯緊係想拎d咖喱汁撈飯啦，於是叫佢比多少少咖喱汁俾我哋，第一個侍應聽完無理我，第二個聽完話要加錢！宜家d 咖哩汁好貴咩？個方魚肉碎泡飯，我唔知大家有冇食個出邊正式嘅「方魚肉碎泡飯」既方魚，呢道既方魚我真係笑左！原來切到舊魚正方形就當「方魚肉碎泡飯」，舊魚仲要好重魚腥味！碟油菜.....4條菜心......多謝你！

下什茶經過素聞呢間大角咀既墨魚餅出名所以試下下什茶時間少人，　所以好快坐低叫左個墨魚餅飯左邊係有一塊厚厚既麥魚餅，魚餅出面炸既厚度剛好，　入面熱辣辣墨魚香味，充滿彈牙既口感，而我幾欣賞上面鋪左既紫菜絲同魚餅既味道ｍａｔｃｈ另外，右邊飯不多，大胃王應該不夠，　上面既太陽蛋煎得不錯。剛剛熟，用蛋汁黎撈飯，再配合左邊既魚餅，不錯，順帶一講，如果嫌味道吾夠，可以點在枱面上既豉油。落幾多自己決定

早已聽聞呢間D魚餅好味，今日就黎試下，果然名不虛傳!午謄時間都幾多人，好彩我地都唔駛等位，不過都撘枱。餐牌雖然都有好多野選擇，但眼見全間舗嘅人都係食緊同一款野，我諗都唔需要再多揀啦! 本身都唔多鐘意食飯，老細都話可以轉米粉，但人人都係要魚餅飯，我深信都一定係最好味~黎到已經見個賣相唔錯，半熟蛋放上面，相信呢個蛋就係D人鐘意配飯嘅關鍵! 魚餅分量算多，咬落去啖啖墨魚味，好彈牙好厚身。蛋汁撈飯又開胃，簡直可以食多一碟!老闆娘都好好人，我地本身要撘枱，佢見有人走咗，主動同我地調位，服務都唔錯!

呢個月喺大角咀工作，我就襯呢個月好好咁食盡好多美食而平時又唔會黎嘅大角咀。放工後六點三黎到，太早一個人都冇。一早已經諗定食咩，當然係佢嘅招牌菜「招牌煎蛋海苔窩燒墨魚餅飯」（$48）。首先飲果個紫菜白胡魚湯，胡椒味好重，不過我幾中意飲完都冇口渴嘅感覺。之後主菜來了！蛋煎得好好，有蛋汁可以撈飯。之後食墨魚餅，佢外面果層個味好似天婦羅，不過仲要再香d好味d，我想嘗試分外面果層出黎不過做唔到。塊墨魚餅確實比一般嘅墨魚餅好味，好香，中間有墨魚令到佢好有咬口。不過成個飯黎講個感覺就有d乾，成個飯就係靠蛋黃汁，但係好明顯唔夠撈飯。總括黎講塊墨魚餅冇令人失望，但係如果個飯配到個啱嘅汁就更好了

大角咀食店林立，要在其中突圍而出，美味的食物是不可缺少的元素！早在網上看到此小店的名字，竟然有人敢改此名，賣的只是普通菜式，但這反而排起我的好奇心，便到此一探其究竟。店面細小，茶餐廳格局，菜單也不看就點了招牌海苔墨魚餅飯。先來一碗套餐跟的紫菜白胡椒魚骨湯。一試胡椒味洽當，但魚骨味就喝不出，味道還是可以，估計應該沒有下味精。等了約十分鐘，招牌菜式到，墨魚餅應該是即煎才這麼久。開始時被太陽旦所吸引，煎得十分漂亮，而墨魚餅煎得表面乾身，沒有很油的感覺，外表對辦！先試食墨魚餅，外層乾身，口感彈牙，材料豐富，顯然落粉既比例不像坊間一般可以相題並論。伴以旦汁同吃，十分滋味！然而始終欠缺醬汁，唯有用枱上味道單調的鼓油調味。單憑這招牌菜稱為神㕑就言過其實！但憑此店名卻吸引到我的注意，唔洗$50食到一個美味的晚餐，我是很願意再次到小店嘗試其他菜式

多次光顧水準保持.叫左:美極香煎薄牛扒飯,招牌海苔窩燒墨魚餅飯,紫菜白胡濃魚上骨湯美極香煎薄牛扒飯$45:個汁做得好好,蒜味香濃野味,但又唔會影響個牛扒味道,牛扒好淋,正.招牌海苔窩燒墨魚餅飯$48:海苔新鮮好味,墨魚餅好有口感,內裡好多一粒粒嘅墨魚粒,煎得好香脆,一個墨魚餅都好飽肚,超正!紫菜白胡濃魚上骨湯:好重白胡椒味,入口有小小辣但好喜愛,魚香鮮甜,令人有醒醒神嘅感覺.現時食店可以保持水準嘅真係小之又小,真係難得.

第一次來食緊係嗌招牌菜啦...講得咁西利點可以唔試呢...不過食落口, 個墨魚餅都唔香脆, 都唔彈牙...同埋油份幾高...所以我疑惑...到底它出名在哪裡?? 哪裡有驚喜???那隻半生熟的雞蛋還可以...就跟自己平時在家裡煎的差不多...好彩墨魚餅都有少量配料...爽口的馬啼粒&荀粒...但如果配料份量多d既話會更有口感同埋可以減輕油淋淋的感覺...總之一句講哂...真係名過於實...我諗極唔明佢有乜咁特別好食?嘩...個湯先經典...係送既~~ 叫做紫菜白胡濃魚骨湯 咁上下啦...我sip左一啖...即lur...咸到....仲咸過鹽水...到底發生咩事??!!然後完全放棄左...我朋友又試飲一啖...佢都頂唔順...最後成碗冇郁過...我諗下次唔會再來架喇...係咪我地黑仔??! 點解樣樣都唔好食既??

While chatting with my colleague a few days ago, she mentioned this place that she visits at least once a month.  I told my sister about her, then we decided to make a visit today. Environment & Hygiene:Just an everyday place with simple decor that offers simple down to earth food.  Hygiene was okay. Pictures on the wall lets you know what their signature dishes look like; making it easier for ordering. Service:The lady who took our order was all smiles at first, but we witnessed how fierce she

有一段日子沒有來神廚館了, 是晚在附近出席活動, 完結後也要找點吃的, 就來這裡吃過簡便的晚餐吧. 來了那麼多次, 吃的還是招牌作吧.招牌海苔窩燒墨魚餅飯 $48: 8分, 當然要繼續吃招牌海苔窩燒墨魚餅飯, 份量還是相當對辦, 墨魚餅是幾乾身的, 質感令人滿意, 配上海苔同吃, 出色. 文迪要吃熟一點的蛋, 那當然沒有甚麼蛋汁, 但正因如此, 飯會是比較寡, 好像要用豉油去撈吧. 當然, 單計墨魚餅, 還是有水準的.美極香煎薄牛扒飯 $45: 8分, 至於另外一客招牌作就是美極香煎薄牛扒飯, 最吸引的當然是那醬汁, 超級惹味, 很好下飯, 教人是單吃白飯也很滿足. 當然, 薄牛扒是煎得幾香口, 肉質尚算可以, $45一客, 當然是不能有太高的要求了.每客飯還包括餐飲, 我要了凍檸茶, 茶味不俗呢.神廚館的兩款招牌海苔窩燒墨魚餅飯以及美極香煎薄牛扒飯還是令人滿足的, 人在附近, 想不到吃甚麼的話, 又會回來這裡, 吃著那熟悉而美味的味道.

上一回到埃華街，目標對準那心儀已久、看到圖片已教人垂涎的墨魚餅。可是星期天休息的神廚館，就如一碗冷冷的閉門羮，直潑到心深處，感到異常失落！對美食擁有不死精神的我，當晚在關門前的一個多小時到達，終可如願以償！墨魚餅、紫菜，還有太陽蛋，就是神廚館的人氣名物 — 海苔窩燒煎蛋墨魚餅飯。神廚館的餐牌內容簡潔易讀，提供的食物種類不算多，大多是米飯配上飲品的套餐。除了必食的人氣名物，老公和我也多點了一款推介套餐，餐飲要了熱檸水和凍檸賓。牛腩飯像是髹上一層深黑的醬汁，托襯著白晢的蘿蔔，顏色對比強烈、香氣不俗。筷尖觸碰到牛腩時，已充份感應到牛腩那股鬆彈的質感。被切成厚立方的牛腩，入口肉質柔軟，脂肪有著入口即溶的特質，跟嚐東坡肉的感覺很接近，牛香亦恰好，若不是底層的瘦肉未較腍軟的話，我會給這道原汁頂級牛煵飯，打上更高的分數。值得一提，還有醬汁和白蘿蔔。醬汁帶甜，不是柱侯醬、亦不是沙茶味，反而有點似豉油混合出來的醬汁，似是小時候曾嚐過的味兒。白蘿蔔經清湯燜煮後加上，軟硬適中，蘿蔔中心清甜、汁液豐富。雖然醬汁與白蘿蔔兩者都不算是天下極品，但也顯出廚師付出過的心思！我的主角來了！賣相與照片沒差別，證明製作認真

大角咀埃華街65號在筆者印象中絕對陌生，但位處這裡的神廚館的名字就一早聽聞，尤其一客招牌煎蛋海苔窩燒墨魚餅飯可算是街知巷聞，這次難得路經附近，倒想知道它是什麼味道。小店內位置不多，但潔淨衛生晚飯黃金時間，店內看來已近乎滿座，加上店子面積不大，地方有限座位當然供不應求，心意一轉由堂食改作外賣，翻揭過餐牌了解到食物種類不多，除主打墨魚餅，也有泰式、沙巴咖喱和泡飯作選擇。這裡主打的就是一客海苔窩燒墨魚餅親切有禮的老闆娘相當年青，替我們下單不久，成品包括招牌煎蛋海苔窩燒墨魚餅飯套餐和墨魚肉雲吞就預備好了。1. 招牌煎蛋海苔窩燒墨魚餅飯套餐 HK$48單從賣相角度出發可說是簡單精緻，一客套餐由墨魚餅、太陽蛋、海苔條、與自家煮的豉油和白飯組成，套餐包括一杯熱飲或"紫菜濃魚上骨湯"，筆者加錢(HK$2)要了杯冬日限定的薑汁好立克。先在墨魚餅著墨，這體積又大又厚身的燒物，色澤金黃，油香滿溢，已忍不住想咬一口! 新鮮燒好的墨魚餅口感彈牙，鹹味適中，內裡墨魚膠和墨魚肉比例大約是1比1，當中夾著粒粒墨魚肉爽滑有咬口，真材實料當然令成品不乏鮮味，與面頭微脆海苔口味十分匹配。嬌艷欲滴的太陽蛋再看另一邊組合，太陽

"神廚館" 雖然無好靚既裝飾, 但就有好味既"招牌墨魚餅"由細舖變大舖, 店外成日都有人排隊去食~~自然有佢吸引之處~ ^^我認為一間店, 有一個招牌食物, 係正既,  自然可以吸引食客再次光臨的!  總會勝過有好多款食物, 但無樣精~ "招牌煎蛋海苔窩燒墨魚餅飯 $48" , 個蛋, 如果無特別要求, 會係太陽蛋黎^^ 等我講下主角"墨魚餅" , 個餅係炸既, 最正既地方係佢真係有一粒粒而且唔少既墨魚粒起入面, 夾雜左D甘筍粒~~ 出黎個味道, YUMMY YUMMY!! "墨魚餅"都算係多墨魚粒少粉~ 六四比例, 60%粉, 40%係墨魚粒  老實講, 平時真係好少起出面食到呢個質素~ 通常食到個D都係好粉, 好似魚蛋加左墨魚味.. 唔彈牙偏林既~ (所以我都少起出面叫魚餅食, 反而呢個"墨魚餅"喜出望外^V^)我推介可以搵日LUNCH黎試試~~!! "墨魚餅" 單點 $38- 飯餐$48 (好似飯餐抵D HAHA)個飯餐, 我要左"紫菜濃湯魚上骨湯", 好濃胡椒味, It's OK~~~*我同事叫的"泰式豬頸肉飯 $42" , 豬頸肉又厚又爽, 加埋個汁調得好得呀~ 唔錯

可能是因為住在附近的關係 總覺得回家就可以吃飯何必到外面吃呢？故常聽到他的大名卻未曾嚐過其墨魚餅飯這天恰好家裏沒人下廚 便到這裏叫個外賣 順便嚐試我的第一次外賣盒一打開就傳來很香的墨魚味先不說墨魚餅 光是那顆半熟的蛋還有那些甜醬油已經足夠我吃下整盤飯 每口飯都被甜甜的蛋汁包裹着 好好吃！不過飯好像太軟 個人比較喜歡硬飯之後到主角墨魚餅了 外表金黃 有一點點紅蘿蔔 一口咬下去就感覺到滿滿的墨魚肉 可明顯吃出是一粒粒的墨魚粒而不是被打到不似人形的墨魚膠 十分足料 神奇的是墨魚餅沒因為被外賣盒困住而變不脆 外皮依然香脆 又不太油膩 讓人停不下來 可是下面的菜不太熟。。。 之前沒吃過所以不知他到底有沒有退步 但個人認為50幾塊挺貴的 。。。

餐牌上食物選擇不多，由大角咀海景街搬入埃華街，雖然地方闊落了，但也只得聊聊數張枱，而用心鑽研，用心炮製招牌菜就是這裡的成功之道。彷彿吃不厭的墨魚餅，任何食物我會喜歡與友人share，但我去這裡都只會點墨魚餅，我會自私的吃罷全塊至覺得滿足。招牌海苔窩燒墨魚餅飯$48....這裡的墨魚餅是即叫即炸，炸得外皮金黃色，但一點也不乾身，不油膩，內裡充滿彈性，爽口彈牙，全因為真材實料，多墨魚少粉才可以有這份口感。店方用3磅以上的大墨魚以機器及人手打至起膠，更加入甘荀粒，增加口感，同時亦增加了一份甜味。配合太陽蛋，脆口海苔，椰菜，這個精心的搭配，賣相不俗，連拌飯的豉油也一點不馬虎，用冰糖煮過，這啖甜豉油飯配合蛋汁已經令我胃口大增，好想大叫一聲好好味的墨魚餅飯啊~試了綠茶賓，兩種味道原來是可以混合埋的，清新好味原汁頂級牛腩飯$45.....牛腩選用崩沙腩，炆煮得腍滑入味。蘿蔔清甜無渣，牛腩汁用來拌飯一流咖哩牛腩飯$50.....牛腩換上了馬來咖哩汁，寧舍香甜，但個人喜好原汁多些椒鹽排骨飯$42....排骨炸得香口，配合椒鹽，蒜，蔥，非常惹味每次當我想不到有什麼東西想試想吃，我也會想起這裡一碟碟頭飯，成