哥斯喵

Open Now

Now Closed

原本打算係大x 樂食下午茶餐，但又唔太肚餓⋯經過電梯見到舖頭張poster 原來京瑞有雞蛋仔舖京瑞啲舖仔都幾難搵，行咗幾個圈先搵到間舖有好多嘢食唔只得雞蛋仔，雞蛋仔啲口味都算多，有諗過麻薯，最後都係揀咗朱古力雞蛋仔即場整，5-10分鐘，無聊等個陣先睇下依間雞蛋仔舖嘅評論點知一睇咁多負評⋯嚇一嚇拎到手好靚啊個紙袋，打卡一流即係改觀不過味道都係最緊要啦，開頭仲有啲擔心唔好食好彩完全唔係負評咁講喎，唔油，口感好脆似曲奇，朱古力味係少少苦唔太甜個種，一啲都唔油膩喎，不過唔係流心個種雞蛋仔口感，但係另一種好味，值得下次經過再食

石門真係多嘢食，小食店都好多間雖然見到多負評，但我又好想食雞蛋仔，咁試下啦老實講未至於難食，但同平時嘅雞蛋仔好唔同，脆得嚟好油，無餡得個殼似係落太多牛油去整價錢算平嘅$19一底，附近多學生，都幾多人幫襯

本來以為專賣炸物/雞蛋仔既小食店 對學生黎講就算稱唔上好食都唔會難食。。。點知今日去買個炸花枝條同爆谷雞 真係好難食👎🏻 爆谷雞完全入面無雞肉 剩係得夠粉 唔係一粒係咁 係每舊都係咁😓😓花枝丸不過不失 無咩味道 。。好彩叫咗個細份既 唔係既話比$30 要包大既麵粉 真係會嬲。。。石門有大把選擇 希望呢間嘢唔好出啲劣質野食呃學生生意😪 劣評唔會再幫襯👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

質感完全唔似雞蛋仔, 似係蛋糕質地. 唔知點解好多油, 食完成隻手都係油. 真係未試過咁難食嘅雞蛋仔. 連小朋友都唔鍾意食, 冇辦法可以食曬一底. 又唔似蛋糕又唔似雞蛋仔嘅嘢食

叫咗個紫薯雞蛋仔（店舖推介之一嘅雞蛋仔）,離晒譜咁甜,口感亦好差。雞蛋仔完全冇彈性，食落去口感好「散」。拎咗返屋企比屋企人試食， 屋企幾個人試過都話好難食，結果全部人都唔肯食就知有幾差。屋企人結果每人都係食一嚿就唔食，最後成個掉左。以佢20幾蚊嘅價錢，價錢絕對唔算平。呢間舖頭專門賣雞蛋仔，冇諗過質素可以咁差。應該係我人生中食過最難食嘅雞蛋仔。亦都叫咗一個格仔餅。格仔餅就普普通通，冇乜特別， 算係可以接受。

雖然我知外賣冇得要求咁多😌但係真係好難食🤬勁難食 凍既 腥既 仲要有渣咬唔難架喎🤯薯條 0辣 又凍又硬 係最難食既薯條🤯 見佢地話推薦 諗住前面果啲難食就算點知又5脆 仲要係凍既😨 凍喎5係暖喎🤯 心諗係咪諗住外賣就可以求其比d野人食 仲要成為你48蚊🙂最後仲有個咩芝士雞柳 得一𡚒16蚊 又係凍既 。炸到勁燶完全feel唔倒芝士😡 又鞋恰恰🤯 冇影相（本來都冇諗住po 食評）附上外賣單已經用全港最快既外賣app 就算平幾多我都唔會再叫好難食 完🤬

小店有好多特色味道嘅雞蛋仔，人氣No.1、3、4、5都好吸引，不過我地已經半飽，已經食唔落麻糬，加上想試真D蛋香，所以最後揀左人氣No.1。人氣No.1海鹽焦糖雞蛋仔 $34等大概十分鐘就有，滿心期待，但拎上手果陣打左個特，心諗「咁輕嘅?😨」呢個雞蛋仔空氣感十足，食完好似食左陣風….😂空心程度好高，外圍果一圈更加得層脆皮….😑另外，唔明點解海鹽同焦糖呢個組合會咁油😯掂完手指變到油淋淋….🤔不過，佢真係好味😋，唔會好甜，焦糖味幾出，中間果D雞蛋仔外皮好脆之外，仲有好似布甸質地嘅內餡，如果成個都係咁嘅口感就更好🙊。

美國有炸雞窩夫，香港石門有泡菜豬扒窩夫小編一直都係鹹甜派擁躉🙋🏻‍♀️，所以試親嘅口味成日都讓人覺得好獵奇🙈🔹泡菜豬扒格仔餅🔹$34店家好貼心咁幫食客切開咗做兩半 方便進食豬扒同泡菜嘅份量都好大方底層塊格餅被壓得濕軟了點，但配埋吉列豬扒嘅鬆脆炸衣，同面層嗰塊香脆嘅格餅，又有多重口感之效🥸到最關心嘅口味問題，泡菜太酸😣 同帶甜嘅格仔餅唔夾。仲搶晒豬扒嘅味道，要細品先taste到個豬咩味🐷厚薄適中 質地軟稔易咬，炸衣唔介囗又唔厚，只係咁搞法晒咗塊豬扒格餅本人也是好吃的啦～比一般嘅麵糊配方香👍🏻感覺店家可以減少泡菜嘅份量，或者調節下個酸度大家成日掃街都離不開葵廣旺中，但其實仲有石門。咁啱我就係住附近，嚟都想同大家開發呢度，咁多小店不能只有我見到🫡‼️

個日同朋友帶小朋友玩波波池，等緊期間所以打算食下野. 見到間個樣似似地正常既鋪頭.咁就叫左炸魷魚🦑，炸雞塊. 同雞蛋仔.同班小朋友一齊食下. 點知咁就中左伏. 奶晒野.我頂，個炸魷魚🦑同炸雞塊，一d都唔脆，炸野油溢味超勁.肯定多日冇換油先係咁，極不新鮮.雞蛋仔冇味又唔脆，龍x十忟件都好佢多多聲.最重要係個服務態度. 有一個好似男人既女人直頭不知所謂，態度惡劣而且好似未訓醒咁. 冇離反應又黑面. 貼錢買難服.垃圾級別

早排無意中誤打誤撞入左呢個商場，上到1樓本身看看好像也沒什麼店鋪開門正想離開，就在大家樂旁聞到好香的雞蛋味！最後轉個彎見到有間新開紅紙都未撕下來的小食店畫得又幾好，食物又係咪得先？個位都幾入，聞到雞蛋香再望下見牌先知有野食店舖外形睇落應該花左唔少心思。當天還是試業，去到老闆介紹左個朱古力味，咁就決定朱古力！佢個朱古力係一粒粒的，唔係同蛋漿溝埋一齊，所以分別食到有微微蛋香，朱古力都幾香，選料應該不錯，重點！重點！重點是:我鐘意的口感！係脆口的！最怕食到軟林林好似麵包咁嘅雞蛋仔！估唔到咁都搵到驚喜。最後因為係同朋友分享，唔夠喉，又未到晚餐時間，所以買多左份伯爵茶味，張相影得唔好，因為朋友已經met左幾舊我就覺得可以濃d，朋友就覺得剛好，食野始終個個人口味唔同，個人喜歡朱古力♪(´ε｀ )開店後應該會有其他野買(目測有格仔餅機，不過無開口問)，支持下年輕人創業同香港小店，會再來試有沒有其他味道/食物。希望到時一路keep到個品質