餃子冰室

Open Now

Now Closed

衝住鹹蛋黃黃金餃而嚟嘅我星期六4:30 到，好慶幸等咗5分鐘就入得，仲要食到全日最後4隻鹹蛋黃黃金餃，超級好彩☺️如果想食就建議早d 過嚟排隊機應該會大d機會🙈▫️ 鹹蛋黃黃金餃（4隻）($35)👉🏻炸餃子鋪滿鹹蛋黃粒同醬，有d 似黃金炸魚皮，非常之邪惡🤤炸餃子皮炸得非常脆口，但又唔會太硬，連埋鹹蛋黃食非常惹味，不過如果鹹蛋黃粒切細粒同再流沙d 相信會更加正☺️👉🏻餡料咬落非常Juicy，做到爆汁，值得一讚和🙆🏻‍♀️⭐️⭐️⭐️⭐️.▫️黑白土匪餃（8隻）($68)👉🏻黑白係指黑芝麻同白芝麻，不過其實食落冇分吃，餃子外皮灑滿孜然粉，同樣炸得好脆，不過今次雞肉餡就完全唔Juicy，有小小乾🤔⭐️⭐️⭐️.▫️腐竹洋薏米沙冰($38)👉🏻人氣飲品，腐竹味就算幾突出，唔會好甜，感覺好Fresh，清清哋好啱食完煎炸嘢飲返杯⭐️⭐️⭐️⭐️.▫️港式凍奶茶（$22)☕️👉🏻正常發揮——————環境：鋪頭好細，有懷舊餐廳嘅感覺，充滿港式風味.評分：8/10.平圴消費：~$70

當日lunch time 時間去食都有好多人排隊去食🫶🏻等咗大概一個鐘先有得入去食🥹小店嘅坐位好少同埋唔好夠冷氣。但餃子就真係幾正！每一隻餃子都煎得好脆同埋饀料好足👅其中最推係鹹蛋黃黃金餃！如果唔洗等位會再去食！

之前未有得飛之前，香港人最多就係入長洲食嘢😙其中一間好多人推介就係呢間餃子店🥟餃子嘅味道都係好有特色並不是平時見到嘅😊其中最好食嘅係黑白土匪餃🤩食落係有土匪雞翼味🥰

📍 餃子冰室 (長洲)長洲大新海傍路86號地下-在長洲島的這家餃子店店面不大但是超多人 我等了半個多小時才吃到 餃子可以選煎炸的活著蒸的 我點的都是煎炸的 很脆很好吃 他們餃子的口味都是很特別的 外面很少見-🥟 黑白土匪餃 $33/4pcs 🥟 印第安餃 $40/5pcs🥟 蔥爆牛肉餃 $29/4pcs環境 ⭐️ 3/5食物 ⭐️ 4.5/5推薦指數⭐️ 4/5 #food #foodporn #foodstagram #hkfoodie #hkfood #hkfoodblogger #香港美食 #長洲

外賣 $170******************************餐廳非常細外賣點餐要行一條超窄嘅路走到餐廳入面一人通行都嫌太逼於是我地就揀左外賣如果喺餐廳內用餐一定會經常俾來來往往嘅人揩到撞到👎🏻***🥢咖喱薯仔餃食唔到有咖喱味🤔亦都食唔出薯仔嘅口感覺得似普通煎豬肉餃非常失望***🥢鹹蛋黃黃金餃呢款就味道唔錯睇得出用咗好多咸蛋黃嚟煎鹹蛋味香濃餃子內餡係豬肉味道同咖喱薯仔餃好似(點解會咁😂)***🥢腐竹洋薏米沙冰性價比超低嘅飲品$37一杯但係又唔係特別好飲薏米唔多沙冰溶溶地冇咁凍之後先飲得出腐竹味***🥢酸辣湯🥢美顏冰糖紅棗桃膠

清吓啲大假，就同老婆入嚟長洲宅渡假一下，點解揀長洲，因為都十幾年無入過嚟，睇吓變化有幾多，所以，專登請日假，星期五入，星期六走，諗住無咁多人，無咁擠逼。因為得兩公婆，都喺輕鬆自在遊，亦專登逛到2:00pm先食晏。「餃子冰室」一早就定好嚟試，一來睇見啲食評覺得頗有特色，二來餃子喺老婆喜愛嘅食物，而佢更喺長洲嘅人氣店。 鋪面就擺晒啲餐牌、食物相出嚟，既吸引啲遊人，亦讓等位嘅客人可以諗吓食乜，不過，今日喺閒日，又過咗飯市高峰時間，喺無人排隊，裡面仲有好多空位添。 裡面地方唔大，我哋被安排坐晌近門口嘅二人單向卡位，可謂自成一角。無行到入去，但目測估計都喺十多個位左右。環境比較昏暗，牆身貼滿好多食物相、餐牌……等等，而我哋個位，枱上擺咗個餃子模型同懷舊電話，後生一輩大多數都未見過，仲有自家製辣油同酸醋。既然喺以餃子為主打，菜式就以餃子搭配其他食物成為各款套餐，如酸辣湯、黑醬油雞飯、糖醋骨飯，而餃子更有成11款之多，標明全手工製、無添加，不過，未必有齊晒，睇睇門口個餃子剩餘數量牌就知邊一款仲有貨。 由於唔算多客，就算即叫即做，啲食物都算快嚟齊晒。我哋叫咗兩個餐，老婆鍾意食餃子，就點咗10隻餃子套餐

襯啲人而家去晒旅行，一於入去長洲行吓平時有跟開YT -Manson 食嘢覺得佢口味同我差唔多，於是就跟下佢去試食今次真係好失望1/ 黑白餃子🥟完全吾覺得有土匪果隻味佢只係在皮嘅表面加啲粉皮又吾夠薄2/黃金咸旦王餃失望❌1️⃣0️⃣0️⃣佢同平時嗰啲黃金蝦仁一樣，剩係得表面 呢隻餃涵同黑白餃係一模一樣！如果佢唔係表面加左嗰啲鹹蛋黃，完全唔覺得係有分別3/ 蜆肉芫荽餃 得嗰幾條芫荽就話係芫荽餃有冇搞錯？如果佢唔寫有蜆肉，完全食唔到有蜆肉嘅味道唔係要求佢做咗好似土瓜灣嗰間小食店咁好味！但係都冇理由得嗰幾條芫荽😒😒4/ 紅豆冰$37勁細杯紅豆都大粒，成杯嘢都係好普通嘅！可以唔使試一直有睇開我寫食評嘅人都知道我係好公正，而且全部都係自費！呢間舖頭係長洲太出名，可能因此失望了

雖然大部分時間都要排隊，但上次食完後，覺得餡料特別，味道又好；今次又心思思想試下其他味，唯有再去排隊😅。佢嘅餃子真係好juicy，連平時唔太好煎炸嘢嘅小編都忍唔住要叫個「黑白土匪餃」，真係神還原丫！⋯⋯『原隻鮮蝦菠菜餃（蒸）』$35/4『五香芋頭臘腸餃（蒸）』$45/6 （餐）『黑白土匪餃 』$35/4『特濃紅豆冰』$37。📍 餃子冰室 (長洲)長洲大新海傍路86號地下。好味指數：🌕🌕🌕🌕🌕回味指數：🌕🌕🌕🌕🌕

呢間係長洲嘅人氣餃子店🥰 今次去嗰時大概4-5點都有幾枱人等緊位~ 不過佢地有得攞籌排隊👍🏻 可以行吓先, 差唔多時間再翻去🤣 佢地有好多款特色餃子☺️ 蔥爆牛肉餃同南乳豆卜餃都好岀名! 不過今次去嘅時候已經賣哂🥹 不過好彩我去到嗰時仲有最後一份黃金餃! 如果大家想試比較人氣嘅款式就要早啲去啦🙌🏻餐廳嘅裝修都幾有香港舊式冰室嘅感覺🥰 不過舖面就偏細~ 而且唔知點解長洲嘅餐廳冷氣好似都開得比較細🤣 夏天去都幾熱🤣 另外個人就覺得餃子嘅質素的確係好唔錯! 但沙冰就相對冇咁推介~🤍鹹蛋黃黃金餃 (4隻) $33佢大部份嘅餃子都可以揀蒸或者煎~ 而黃金餃就只有半煎炸! 佢嘅外皮真係炸到好脆身!!🥰 而且外皮已經見到鹹蛋黃碎粒! 真係有好濃郁嘅鹹蛋黃香🥹 呢個絕對係必叫嘅餃子🤍荷葉津白餃 (4隻) $34荷葉津白餃就只可以揀蒸~ 呢款就比較清淡☺️ 蒸籠下面鋪咗一整塊荷葉, 都幾有荷葉香🥰 而且蒸餃嘅餃子皮好薄身🫶🏻 餃子餡都好juicy~🤍黑白土匪餃 (4隻) $33土匪嘅味道比起鹹蛋黃黃金餃嘅味道就相對冇咁岀~ 不過的確有食土匪雞翼嘅時候嘅味道🤣 都幾得意~🤍特濃綠豆冰 $33綠

長州美食推介(下)喺小編一齊同行嘅朋友強烈建議下，我地決定試呢間餃子冰室🥟🥰我地大概傍晚🌆時分行過去。一開門就被告知，所有口味的餃子無論蒸餃定煎餃都賣曬🥲😆😱得番芫荽蜆肉餃子🥟。本身都唸住不如下次早啲過來再試，但硬係覺得山長水遠入到黎空手而歸會仲失望😝最後決定哪怕得番一款都照試😝😝🥟蜆肉芫荽餃3️⃣3️⃣上菜時間唔洗等好耐，大概等5分鐘就已經有得食🥰。餃子一呈上，見到係綠色嘅餃子皮🥟，瞬間已經覺得好有食欲😍，餃子非常飽滿多汁，一口咬落去，口感層次豐富😍😍，超有驚喜🥰入面有完整嘅蜆肉夾埋豬肉再加芫荽獨特嘅清新味，成件事好fresh☺️入面肉汁鮮美，完全無雪味🤩加上最關鍵係個餃子皮，皮薄得黎又有少少煙韌口感🤩。從外皮到內餡🥰，食起來都好享受，好多年未遇過咁優秀嘅🥟，不禁感嘆，專做一樣比其他人都outstanding嘅嘢，都係一種成功嘅方法🙃就好像你我人生咁，不必事事優秀，將一件事做到極致已經足夠。推介指數⭐️⭐️⭐️⭐️⭐️(入長州嘅朋友唔好錯過😗😙)🍗麻油白雲雞中翼2️⃣5️⃣我地專登叫左個要凍整成個雞翼🤭，天氣太熱唔係好想食熱嘢😝個雞翼肉身緊緻厚實，唔係行嫩滑路線，加上外身有少少酒味☺️，成個口感都幾得意。如果追求

今次我地搭高速船黎到長洲已經1點lu, 我地冇去食海鮮, 直接行去餃子冰室食Lunch盡管已經多左人去外遊, 但星期六既長洲都係人山人海。直衝去餃子冰室既決定係明智既決定, 我地好彩唔駛等位。餃子冰室位置好易搵, 裝潢幾靚嫁, 行懷舊路線。我地兩個人點左12隻餃子+2碗飯，1碗酸辣湯+2杯熱飲跟餐熱飲： 四季春茶（冇加大）冇錢加大都已經好大杯, 滋味甘醇, 最岩就係配煎餃。酸辣湯酸辣湯都幾足料，但我就覺得唔夠辣啦！糖醋排骨飯比較惹味，實質都冇骨既，飯都有口感。黑醬油雞飯好醬油，少左d甜味。家鄉肉餅餃(煎)煎餃比較快上到檯，外脆內軟，重keep到肉汁係裹面。獨創南乳豆卜餃(蒸)味道獨特，加左佢既辣油一齊食，比煎更有肉汁下。總結：是次體驗唔錯，店員服務好好，好細心，好主動拎櫈俾你放袋。裝潢別有一番風味，但餐廳真係唔大，想打卡就有難道啦！如果唔想等位就記得早d黎，唔好等到晏就，我試過再經過餃子冰室果時，見佢好多款都話售罄嫁！

早幾個月前已經睇到呢間餐廳，一早save低想試。星期六太概4點30黎到，重需要等位。明明舖入面已經走左好多人，點解我重未等到職員安排入座既呢？咁就諗住入去問下個職員，一入去個職員就用態度極差既語氣同我講出去等叫number。無問題，咪出番去等囉。由於要每位最低消費38蚊，所以起碼要叫兩樣野，最後叫左四隻黑白土匪餃同埋六隻鮮蝦菠菜蒸餃配常溫四季春。首先四季春淡而無味，衰過佳之選既盒仔菜。第二樣上既係黑白土匪餃，屬於炸餃，外皮厚得黎吸哂油，內餡唔講唔知係雞肉，35蚊得4隻？食譚仔土匪雞翼好過！最尾上既係六隻鮮蝦菠菜蒸餃，上到黎，同招牌差天共地，蒸餃唔飽滿，個饀太重豉油味，一d菠菜同肉味都冇，實屬難食。咁就收我$86，職員服務態度又差！學我友人話齋，食$10一包既灣仔碼頭餃子都好味過食咁難食又貴嘅垃圾餃子。

黑白土匪餃子 $35/4隻餃皮炸到脆身，重孖然粉味，表面黑白芝麻，幾香口～鹹蛋黃黃金餃子 $35/4隻好重咸蛋黃味！！🤩 咸蛋黃既咸香味好正，入面又夠juicy ，推介！腐竹洋薏米沙冰 $37中式糖水味道既沙冰，感覺真係好似食緊腐竹洋薏米糖水咁～清清甜甜，好岩係夏天飲。

👩🏻👧🏻前排我哋一齊入咗長洲行下👭🏻食好西😚好多朋友話入長洲要試一試餃子冰室@gogi_icehouse 嘅餃子🥟呢度嘅餃子各有特色，味道非常有創意，仲要係即叫即蒸/煎，所以上枱嗰時熱辣辣♨️而且未開門已經有好多人係門口排隊，所以想嚟食嘅大家要早少少嚟😉 ==============================🍽 黑白土匪餃子連四季春茶(套餐) 💲42呢款餃子係用半煎炸嘅方式烹調，餃子皮煎得香脆，表面仲加有孜然粉同芝麻，而內裏嘅肉滿滿😌仲有好多肉汁添😋 食落比想像中唔太油膩👍🏻味道仲好似譚仔嘅土匪雞翼🍗 🍽 惹味咖哩薯仔餃子連四季春茶(套餐) 💲42👧🏻見到呢度有咖哩薯仔餃子，就要即刻點嚟試試🤗因為我好鍾意食咖哩薯仔🥔我哋揀咗用咗煎嘅方式，咬落香脆之餘，咖哩味勁香😌食落好惹味👍🏻 而且配埋薯仔同肉，口感非常豐富❤

承上一篇食評今日係因為工作關係黎到長洲完成工作後 就食埋晚餐先離開長洲啦上網有推介過 呢一間餐廳 《餃子冰室》到達餐廳時間大概5點半左右 未到6點餐廳人流唔算多入座後發覺餐廳每張枱都至少有一部風扇幾細心！因為真係有少少熱風扇柔和風速啱啱好非常可以幫助降溫！店員坐低後即刻溫馨提示店內所有餃子都售罄，只餘3款餃子天呀！我特登黎食 鹹蛋黃黃金餃冇得食！喺剩低嗰三款餃子 我都選擇左兩款黎食土匪餃子《餃子冰室》的餃子唔係煎餃係用一種半煎炸嘅手法去做餃子皮比坊間餃子店厚少少如果餃子皮太薄再用半煎炸去做出品可能會太硬呢一種餃子皮半煎炸口都幾鬆脆入口餡料幾多汁有一陣陣嘅孜然味係有少少土匪雞翼feel成個口感同埋味道有一種喺九龍城食緊牛肉餅嘅感覺可以既！印第安餃我未去過印第安所以都唔知印第安係咩味我會形容係辣味嘅餃子外皮都係用半煎炸嘅做法，幾鬆化嘅餡料多汁到一咬爆曬出嚟肉汁直接射落張枱度建議食用時，唔好太大力咬辣味都算係惹味嘅總體係唔同坊間嘅餃子有新鮮感！竹蔗茅根甘筍沙冰食完比較濃味嘅餃子就叫一杯沙冰作結平時都係食啲生果味嘅沙冰今次見到有涼茶類別嘅沙冰係好有驚喜！竹蔗茅根非常之清甜甘筍又非常之淋 岩我口