GOGO 為食坊

Open Now

Now Closed

放工同朋友出咗嚟旺角，經過一個叫GOGO為食坊嘅地方，見好多人上去食嘢，我哋又上去試下先。樓上舖地方十分大，有圓枱、方枱、卡坐等，店員示意隨便坐。⭐滋潤湯水任何小菜都可以加廿蚊轉套餐，包括餐湯、白飯同熱飲，餐湯唔係一般例湯，是晚嘅滋潤湯水係雪梨生魚湯，滋陰潤肺啱曬秋天飲。⭐招牌燒鵝下庄叫咗一份燒鵝下莊，上枱時閃令令十分誘人，燒鵝皮脆肉嫩，鵝油甘香，連骨都入曬味真係好正喎🤤⭐蝦醬豚肉蒸豆腐另一樣點左蝦醬豚肉蒸豆腐，豆腐超嫩滑，蝦醬鹹香鮮味，勁好下飯。⭐白飯白飯大大碗，有飯香👍⭐綠茶紅豆冰 & ⭐台式波霸珍珠奶茶跟餐熱飲轉做特飲都係加八蚊，叫咗一杯綠茶紅豆冰同一杯珍珠奶茶，綠茶香甜但紅豆唔夠軟腍，扣分😌珍珠奶茶唔錯，珍珠煙韌有咬口，茶香奶滑。小店唔使加一👍除咗小菜仲有西式鐵板餐、日式魚生飯、台式牛肉麵、甜品、小吃等，款式十分多選擇，總有一款啱口味😆

當晚放工想去睇新電話, 就去左旺角彌敦道某知名電話品牌店鋪參觀, 朋友因為要加班, 要晏晏少少到, 所有就近近地去左電話店後的GOGO 為食坊等我佢哋食飯，地點位於旺角砵蘭街180號砵蘭180+商場1樓, 由港鐵旺角站 E1 出口, 步行約3分鐘就到, 非常方便., 而且環境寛敞乾淨, 有2-4人卡座, 又有圓枱可以一家大細, 服務員就安排左我同朋友在卡位用餐🍽️。🍲我們點左個細的招牌沙鍋雲吞雞, 內有雲吞八大粒, 半隻上湯雞及菜底, 份量十足. 而且沙鍋上熱辣辣, 雞湯很濃郁很香滑清甜, 而且唔油膩, 雲吞皮薄餡靚, 用料十足, 雞肉鮮甜多汁, 肉質鮮嫩。🍢🍢小食叫了惹味沙嗲三色串 – 分別有雞, 豬及牛各兩串, 濃郁的沙爹醬有花生香味、各種香料: 例如香茅、薑黃、椰漿等等, 而且帶有微微的香辣，慢慢釋出香氣, 再蘸些醬一齊食, 口味十分多層次呢!主菜就叫了GOGO黃牌雜扒 - 一次過歎齊雞扒、豬扒、司華力腸、煙肉和太陽蛋，份量十足，趁熱倒下黑椒醬汁，即是喳喳聲, 超治癒, 而且再配以餐湯、意粉, 絕對稱得上是「大件夾抵食」🍴再叫多個什錦滷水拼盤 – 有豆腐, 牛肚, 牛𦟌, 豬大腸，

響朗豪坊睇完戲搵地方食野, 但係商場好多餐廳都差唔多LAST CALL, 所以都係出出面睇下有咩食. 行後一條街見到呢間為食坊開到成十二點, 啱晒心水.扶手梯一上到去, 環境幾大, 好多卡位但唔迫, 而且地下好乾淨.兩個人諗住隨意食少少, 所以要個沙鍋雲吞雞. 一上枱好大個鍋, 數一數雲吞有八粒, 細大約係細雞既半隻, 仲有少少菜, 份量非常十足.先飲啖湯, 熱辣辣飲左個胃暖粒粒, 好濃既雞香味, 唔油膩, 好順口.食粒雲吞, 皮夠薄, 皮無煮到爛晒. 餡料好足, 夠彈牙. 如果唔夠雲吞仲可以追加八蚊隻.雞肉唔老, 皮滑肉嫩, 好容易撕出黎食.跟住叫左牛肉餅, 有分大細, 細都係十六蚊, 個皮煎到好香口又夠薄, 一分開啲肉汁係咁湧出黎, 啖啖牛肉餡, 真係好味.原本食完呢兩樣都飽飽地, 但係見到呢度原來仲有甜品, 中西式都有, 又忍唔住要個芝麻糊, 仲可以另加湯丸.芝麻糊入口好滑, 侍應話係佢地餐廳生磨, 唔怪得好味啲, 而且甜度剛剛好, 食完好滿足.另外呢度好多侍應, 幾乎未舉起手就已經行左過黎問你要咩, 反應快又禮貌.

小妹今晚同豬去完雅蘭商場行街，醒起隔離條街，有間抵食「GOGO為食坊」😍餐廳🍴座位及地方闊落，環境裝修不錯，雖然看似food court，但呢度仲可以包廂😝中式，西式、日式、串燒通通有🥰南北杏雪梨煲魚湯🍐🍲大碗非常足料，有3-4嚿雪梨🍐湯底好足料，好重魚味🌛餐廳每日都會提供不同的滋陰湯水，喜歡飲湯既朋友仔當然不能錯過啦🤩迷你牛肉餅🐂🫓就咁睇完全唔覺得係迷你🙊 一咬牛肉餅係爆汁，非常驚喜🥰味道很好，食完好想再食😝菜遠牛肉炒河🥬🐂呢碟濕炒「菜遠牛肉炒河」真係好大碟🤩 牛肉份量多且厚身大片，牛味濃郁😆唔會太油膩，河粉以幼身為主，好味😋雲吞雞🐓雲吞雞絕對係上海菜之一，雖然主要食材係雞，但入邊仲配以蛙蛙菜、餛飩等材料，盛載於砂鍋內煮成，熬出來的湯呈黃白色。入邊仲有6-7粒大雲吞，雲吞薄餡內裡肉鮮甜多汁。雞肉肉質鮮嫩，湯🥣底亦好清甜😍正🤞🏻柚子一字骨🐖柚子蜜以一字骨為主打，柚子蜜甜甜酸酸，的確幾開胃🤤份量亦不少😆香芋紫米糖水🍲呢排天寒地凍🥶除咗打邊爐🍲外，當然要食返一碗暖呼呼既糖水舒身啦～香芋紫米糖水濃稠而且啖啖有紫米咬口🤪 係餐廳🍴食完晚飯，最岩食返一碗足料既糖水😌番薯糖水🍠小妹平日不愛吃薑既辛

打風天氣陰陰濕濕，食個時令羊腩煲，暖胃滋補，驅寒袪濕羊腩煲個汁好厚身濃稠，明火煲住食，汁眼卜卜跳氣味香濃至極！白飯拌汁無敵，煮生菜特別香鮮羊肉全選最厚肉腩位，骨骼較細，帶皮輕脂好掛汁，丁點羶香有風味！腩肉嫩滑，炆得軟淋Juicy，入口啖啖肉食得夠暢快羊腩連豐富配料一大煲，有爽脆筍片、吸汁腐竹、清甜馬蹄肉、蒜子、薑、韮菜、冬菇，份量足夠兩小口子用，食完不口乾燥熱，好回味吖甜品有好多選擇，點一份芒果斑戟，外皮軟糯厚薄剛好，芒果餡鮮甜大件，兩大件超值！凍芒果西米露清甜果香濃，飽肚大滿足

今日去咗旺角朗豪坊行街 之後去咗附近搵嘢食 誤打誤撞見到呢間Gogo為食坊 呢度其實類似一個大型Food court 裏面有日本嘢 快餐 小菜客飯 鐵板餐 中式小菜 甜品 鍋貼餃子等形形色色嘅種類 總有一款啱你食 燒鵝下莊冇諗到呢度食嘅燒鵝都幾有水準 皮脆肉嫩 個皮係脆得嚟有油脂香 個肉食得出係新鮮燒好唔會乾爭爭硬班班 個汁亦都好夠味撈飯一流 生炒糯米飯生炒糯米飯非常足料 裏面有蝦米臘腸潤腸 食落去煙煙韌韌好香口 而且份量好大 幾個人一齊share食就啱曬牛肉餅牛肉餅兩面都煎得非常香脆 而且肉汁十足 我哋幾個人share食一個 一切開分享就知點解店員唔預先幫我哋煎開 因為真係會流曬啲肉汁出嚟 非常邪惡 我哋見包廂有人一叫就12件 一人一件另外見到呢度做緊羊腩煲推介 見到都有啲人喺度食緊 啱曬嚟緊冬天暖暖胃

Gogo為食坊位於旺角砵蘭街 嗰度都幾多食肆 而呢個為食坊就係要上電梯 相對地唔起眼 但樓下就見到有banner賣廣告 呢度有非常多唔同種類嘅嘢食選擇 中式小菜/小食/刺身壽司/炒粉麵飯/甜品樣樣有 而今次我哋就食中菜為主Gogo小菜客飯柚子一字骨 $85 配白飯熱飲柚子一字骨個汁係柚子醬加埋泰式甜酸醬整成 個一字排都幾爽口 帶骨嘅肉不嬲都係特別好味 Portion唔算細 另外跟餐叫咗杯熱羅漢果茶 跟餐唔使錢 其實仲有珍珠奶茶/QQ百香果茶等等嘅台式飲品可以揀 只係需要+$8 下次可以試下韭菜豬肉鍋貼 $42呢個鍋貼都幾有驚喜 因為鍋貼皮夠厚同煙韌 個底煎得夠香脆 一咬落口爆曬啲肉汁另外鍋貼可以+$25跟一碗沙爹肥牛湯米粉 食完包保飽肚川芎白芷天麻燉魚頭 $348我哋不嬲都好鍾意飲啲湯湯水水 所以叫咗一個平時屋企比較少煮嘅中藥材湯水 川芎白芷天麻燉魚頭 除咗有半個魚頭仲有瘦肉同埋好多雞腳 個湯有淡淡嘅中藥材味 飲落去都幾順口本身我哋仲睇啱咗呢度有個叫做Gogo優惠套餐 $288 有A+B兩款小菜 例如可以叫酸菜魚加個小炒王 包埋兩碗白飯同兩杯熱飲 最後都因為驚食唔曬冇叫到 但我哋見隔離

放工同友人聚會🎈，黎到佔地面積大又近地鐵站的「GOGO為食坊」。佔地面積大，有卡位雅座、圓枱，方枱，枱興枱之間夠曬闊落。菜品多元化，有中式小菜、西式鐵板餐、台式牛肉麵、甜品，小食、串燒，款式眾多，總有一款啱口味。重點係不收加一服務費！GOGO套餐（HKD 288）從 A B 項目各選一款小菜，我地簡左酸菜魚：大碗盛載，滑嫩鱸魚片十分出色，贊油後都沒有縮水，呷一啖湯頭，湯底酸中帶辣，完全迎合香港人口味，不會辣到食吾到。酸菜魚靈魂是酸菜，毫不吝嗇一大堆頭酸菜，使其味道豐腴👍🏽酸同辣度可根個人口味選擇，我地叫左中辣，鱸魚片刺少肉多，滑溜無骨，重點不帶腥味，加埋酸菜別有一番風味。麻辣來自花椒，用油贊一贊，配合大量蒜蓉好香，夠酸也夠辣。GOGO小炒王：鑊氣十足，經過爆炒蝦干、腰果、鮮魷、白飯魚、靈魂辣菜譜、香氣十足、下飯一流，仲有毫不吝嗇的蝦粒，菜干，風味十足。套餐奉送絲苗白飯及熱飲兩杯：奶茶紅豆🫘冰：爆開口的紅豆🫘粒十分有咬口，撞上醇厚奶茶底，新與舊融合，不會太甜，難怪驟眼紅好多客人都試這款特飲。台式波霸珍珠奶茶🧋：咬口珍珠配茶香細滑珍珠奶茶🧋，茶底夠濃配香滑黑白奶增添香氣。什錦滷水拼盤：牛肚

上星期去旺角逛街，滿載而歸，晚上和朋友一齊食飯，就在鐵路站附近的GoGo為食坊開餐，沿扶手電梯上一樓就到，餐廳都幾大，我發覺食物種類都幾多。生煎牛肉包，超好味，一碟兩大件，好抵食，一口咬下，肉汁爆溢，牛肉碎好滑，整體食味出色，這個值得推介。除牛肉包外，鍋貼都唔錯，煎得好香豬肉韭菜餡滿滿，和上海菜館的差不多。黑醋甘薯豚肉，賣相加分，外皮香脆，豚肉爽中有軟，黑醋不會過甜，炸甘薯更正，香脆甘甜，這個一定要試。古法羊腩煲，味道好正宗，有小時候食的風味，羊腩都幾多，炆得夠軟滑，又入味，濃濃的腐乳香味，令人回味，還送一大碟生菜，生菜加上湯汁相當好食。豆醬蒸茄子，豆醬味香濃，比日比較多食燒茄子，原來蒸茄子都幾好味，不會太油膩，茄子蒸得軟硬適中。通菜炒牛肉，雖然看似普通，但越普通的菜越難煮得好，這個通菜爽軟有道，牛肉亦嫩滑，調味不會過濃，整體不錯。這裏的例湯都好足料，秋冬時候飲碗豬肺湯，既滋潤又美味。

朋友相約食飯聚一下，系旺角地鐵站附近揾嘢食。#GOGO 為食坊 定位為一間FOOD COURT 形式經營，除左價錢親民，免加一收費。加上地方舒適寬敞，啱哂同成班朋友嚟慢慢食吹下水🤣古法羊腩煲 $328.00 + 白飯 $12.00近來秋風起!當然唔少得一個羊腩煲!賣相唔錯，成煲羊腩都幾多下，一滾起香氣撲鼻👍🏼羊腩炆得極嫩滑，羶味不濃，加少少腐乳，更香醇。吃到一半有位置可加入生菜煮熟，入面仲有好多枝竹蔥同埋冬菇為配料。食成完煲好暖胃呀！芒果西米露（凍）$38.00芒果唔太甜，適合怕甜嘅人士。鮮果涼粉（凍） $38.00食完羊腩煲比我地去下火，涼粉加上西瓜、芒果等生果，仲充滿仙草，味道一流👍🏻

今日想同大家介紹一間位於喺旺角嘅餐廳，雖然門口唔係太起眼，但係出品絕對拍得住一般嘅酒樓，除咗款式多嘢揀之外，價錢亦都好實惠，亦有多款嘅二人套餐等等🥹🥹雜菌浸白菜仔非常健康，，白菜仔經過輕輕浸煮，保持咗脆嫩的口感。雜菌的香氣為整道菜增添咗層次感，口味清淡又不失鮮味，而且感覺唔會好鹹，感覺冇乜味精🙏🏻🙏🏻豉油王海中蝦蝦色澤鮮豔，蝦肉鮮嫩多汁，豉油的鹹香味道令蝦肉更加美味。每一口都充滿海鮮的鮮甜，最難得嘅係蝦殼比較尖嘅位置都比廚師剪咗所以食起嚟非常安心💪💪小炒王🆗用了多種新鮮的食材，包括有韭菜花同埋唔同嘅蝦乾等等，炒製得火候恰到好處，味道濃郁。每一口都有豐富的口感，香料的味道相互交融，令人食得過癮，呢個餸真係送飯一流

星期日和家人去旺角買東西，發現有間GoGo為食坊，晚上就和家人去食晚飯，原來都幾大間，老闆娘好熱情招待，向我們介紹特色食品，感覺好好。古法羊腩煲，一打開蓋就聞到濃濃的香味，都幾多羊腩，質素不錯，皮脆肉嫩，湯汁香濃，帶有腐乳、南乳味，配味都是滿滿的，有竹筍、東菇、腐竹......黑醋甘薯豚肉，是老闆娘推介，果然好好味，黑醋汁香濃，不太甜，豚肉外脆內軟，幾爽口，甘薯都香脆甘甜，真係好介紹。麵醬肉燥蒸茄子，麵醬味香濃，蒸茄子比炸茄子好，不會好多油，茄子與肉碎好夾，味道不錯。通菜牛肉，是一道家常小菜，頗有家的感覺，通菜脆嫩，不糊口，牛肉亦軟滑，食味不錯。牛肉餅，相當好味，外皮香脆，肉汁滿滿，味道濃郁，一碟兩個，都幾大個，幾抵食，值得推介。韭菜豬肉鍋貼，煎得幾香口，能鎖住肉汁，油而不膩，幾有水準。

好耐無見個朋友, 響旺角等佢收左工一齊食飯聚下舊, 佢帶我黎呢間餐廳, 話呢度好多款式既野食都有, 而且坐得舒服, 又無時限.睇佢餐牌中式, 台式, 日式咩都有D, 而且仲有中西糖水, 選擇真係好多. 不過我同朋友都餓, 所以都係叫小菜食.見餐廳有個燒味檔口, 應該都賣好多, 所以要個燒味三拼. 有燒腩仔, 油雞, 义燒, 份量足, 2個人食一定夠飽.燒腩仔個皮夠脆, 腩部份唔會太厚脂肪, 肥瘦分明.油雞個皮都唔肥, 好香, 雞肉嫩滑.义燒就係半肥瘦, 肉質唔會好乾, 個邊位燒到微焦, 咁樣先係最香口.仲要個蜜椒薯角牛柳粒, 一口牛柳粒炒得剛剛好, 肉質唔韌夠嫩, D薯角甜甜地, 唔會好硬.小菜可以跟白飯同飲品, 唔覺唔覺就可以邊食邊傾一整晚.另外見到佢有時令古法羊腩煲, 不過今次太飽食唔落, 下次會再黎食過.

移民多年的親戚回港探望我們，當然要去食一啲香港地道風味的小炒，這次選擇旺角一間樓上餐廳，裝修乾淨整潔之餘 ， 亦都有一啲傳統大排檔的小菜可選擇。 （5⭐️最高）古法羊腩煲（5⭐️）$328大大件羊腩，肥瘦層次分明、 入口多汁又不會太老❣️。 當中有的配料：馬蹄、枝竹、冬菇及生菜🥬。 當中的湯底，味道恰巧之餘又不會太濃😋⋯⋯大人細佬都喜歡食🤩。 最值得一讚就是個湯底味道清淡而不濃烈。蜜椒薯角牛柳粒（5⭐️）$138而是很喜歡吃的小菜，又在這裏比我發現🤤。薯角被胖煎炸之後加入蜜椒一起炒😄。 牛柳粒大細適中，而且咬落十分Juicy野味、入口即溶🤩如果份量再多啲就超正啦～

好難得同相識20載的朋友食飯，通常朋友食飯離不開油尖旺。因為交通方便之餘，食物選擇亦都很多🥰。 朋友介紹位於旺角一間樓上餐廳，坐位闊落之餘，亦都有一啲傳統大排檔的小菜可選擇。 （5⭐️最高）雲吞雞（5⭐️）用沙鍋上， 一打開就見到有4-5粒大粒的雲吞及半隻上湯雞👍🏻。雲吞薄餡內裡的肉鮮甜多汁。雞外形是以中形為主，肉質鮮嫩. 而且上湯比較清甜😊。 菜遠肉片炒河（5⭐️）因為以濕炒為主，不會太過於油膩，濕炒河粉想比乾牛河， 炒質比較幼細， 而且比較滑💋， 小朋友好喜歡食👏🏻豉椒味菜鵝腸（5⭐️）一道久違的小菜，因為很怕食鵝腸有臭味，但這一道做得非常之好味，大大片味菜帶有微酸，十分開胃🤤。 鵝腸爽口、彈牙， 入口煙煙韌韌。 好滋味😘