高高酒家

Open Now

Now Closed

中午食晏，期間發現有侍應在樓面肆意吸煙，食物質素再好也補救不了令人討厭的吸煙行為，更何況食物質素只是一般水平以下，服務更稱不上令人舒適，就好似我請一位侍應為我落單點了一碟肉絲炒麵兜亂，過了好一會，另一位年紀較大的侍應過來說沒有肉絲，改叉燒好不好，我說沒有肉絲就不要了，但他好像很不高興地說叉燒咪仲好，企在檯邊沒有離開，我再說唔該，不要了。之後我請另一個侍應再落單叫了一碟牛腩炒河，淡如無味！招牌冰鎮生炒骨有質素，但份量真的少，魚香茄子雖然油但惹味，蒜蓉勝瓜無味，堯柱蛋白炒飯有鑊氣可惜份量太少，食物大般上可以接受的，但員工的工作態度和行為仍有改善空間，營業中食肆內吸煙乃違法行為，希望酒家管理層正視員工的行為和態度。劣評，本人決定不會再光顧。

大排檔首選  -  高高酒家高高酒家絶對係同區首選味道、價錢同份量都非常好每次都要點冰鎮咕嚕肉推介冰鎮完外皮香脆味道開胃欖菜四季豆唔會太油四季豆夠嫩送白飯一流👍🏼黑椒牛柳粒比較失色牛柳粒唔多炸大腸夠脆口作為佐酒小食冇得頂咸切雞肉滑而家好少店家會配埋鷄什半隻雞份量都唔會少之前食過盤龍鱔好好味不過太大條食唔哂鱔肉夠肥美食太多會膩例牌份量啱啱好👍🏼另外豉油王炒麵同豉油王鵝腸都好好味未影得切相已經比朋友掃晒😂

Gogo Restaurant is just a Dai Pai Dong with air conditioner, the space is crowded and simply just wanna finish as soon as possible, the waiter is awkward too, keep coming to ask us whether add some dishes, it simply too annoying, we just wanna enjoy our meal, the service is badSiu Namn Jia is super salty, they seem putting salt on the top of the pork, have one is enough for me lollllGu Lou Yuk in Ice (sweet and sour pork) is the best dishes here haaaa, so yummyyy, the texture is soso good, havin

高高酒家 (深水埗) 平民酒樓性價比高 一大班人去食都係一個唔錯嘅選擇！▫️冰鎮咕嚕肉 每次都必點小菜 冰鎮咕嚕肉會令到咕嚕肉提升到另外一個層次🤪 外凍內熱 外脆內軟 十分推介👍🏻▫️避風塘瀨尿蝦肉賴尿蝦肉起晒殼 食嘅時候十分方便 真係啖啖肉！✨食嘅時候好爽 配埋避風塘 味道好夾好惹味！▫️瑤柱粟米羹性價比超高！不過味道就普通 未到話唔好飲 但就不是太出眾咁🙂▫️鹹蛋肉餅可能我平時食開嘅鹹蛋肉餅高質好多 所以有對比之下 就差少少 都唔係好建議你哋叫 因為肉餅都冇乜肉餅味.. 另外之前都試過 黑椒薯仔牛柳粒 雜菜煲等等味道都不錯 可以試試！建議大家最好打電話留座 因為都幾多人食！不過環境就普通 好迫好嘈 去嘅都係為咗食冰鎮咕嚕肉😋📍高高酒家 (深水埗)深水埗福榮街188號曉盈地下及1樓

星期六突然好想食冰鎮咕嚕肉，於是search下邊間冰鎮咕嚕肉出名，上網搵到高高酒家唔錯，好彩訂到枱。高高似係做街坊生意，應該係老字號開咗好多年，這個係新舖，所以地方都好光猛。我哋兩個人叫咗必食避風塘賴尿蝦肉、冰川無骨咕嚕肉、鐵板滋味魷魚鬚。坐低就見這碟小食，$20避風塘賴尿蝦肉$258一碟大約有15 隻小賴尿蝦，全部無殼，不太辣賴尿蝦細細隻，去咗殼，啖啖肉，但炸得唔夠脆。冰川無骨咕嚕肉，隻碟好大，放咗好多冰，咕嚕肉大約20 件，炸粉唔厚，甜酸度適中，外層好脆，裡面仍然好熱，當然放得耐一定會凍，但比啲冰雪耐咗外層仍然好脆。鐵板魷魚鬚上枱時熱辣辣香噴噴，好惹味。總結：入到酒樓已經覺得好擠迫同好嘈，我哋被安排樓上座位，樓上一樣好擠迫，枱與枱之間只能夠一個身位通過，我哋張枱係路口，經常俾人撞到， 坐得好唔舒服，我哋食完都嗱嗱臨走人。服務方面尚算禮貌快捷。食物雖然好食但被環境扣咗分。如果下次再有機會嚟，我都會揀平日，希望無咁多人。

近深水埗一帶，比呢間更貼地、更有江湖味的酒樓、餐廳多的是。呢次特登擇咗呢間無酒樓嘅富麗堂皇，連魚缸都會令人有點卻步, 反差萌極大的「酒樓」。門口有如粗獷大叔咁，但啲菜就盡顯細心。如冰川無骨咕嚕肉，仲唔係俾啲食唔切嘅人食嘅？而且仲去埋骨，啖啖肉添。瀨尿蝦仲幫你剝埋殼嫁。温聲提示：呢度份餐牌係無價錢嘅。叫咗13碟菜，食到蝦、魚、龍䠢、埋單$1800多啲，都算抵食吧！另外，唔建議叫菜，因為真係好油。你就放過廚房吧！出餐見到佢嘅賣相，都唔諗住叫嫁啦！點知佢哋出完一客又一客，當然唔好執輸，試下佢係咪真係咁特別先。夾番件，又啲確係有驚喜喎，而且完全係啱啱一起鍋就立即過冰河了⋯ 有種好味又唔知點形容俾你哋知嘅驚喜感，只能說：好好味啊！仲有呢客泡椒魚肚，啱晒我呢啲鐘意辣一辣嘅過隱但又唔食得辣嘅粉皮！ 麻得黎，又唔會辣親你。呢啲咪係廚師嘅細心囉！其實呢碟魚都已經好大碟了，唔知隔離枱嘅靚女仲可以有幾大碟呢？因為我聽到哥仔同靚女們講：特登擇咗條大魚俾你哋，所以耐咗啲。就算佢係賣口乖，作為食客都覺得開心。佢就係會一間餐廳都會食到嘅茄子煲。但佢最特別係上菜時，果種滋炸聲，嘩嘩嘩，實在太有氣氛了。無錯無錯，唯一要

避風塘瀨尿蝦肉🦞瀨尿蝦肉起曬殼最啱懶人🤣蝦肉炒完依然嫩口味道惹味👏🏻略嫌蝦肉份量較少🙁冰鎮咕嚕肉外凍內熱♨️🧊外脆內軟好正💯咕嚕肉調味出色酸甜比例調較得啱啱好✅一定要食😋黑椒薯仔牛柳粒牛柳粒🐮脂肪比例較重肉質軟淋但牛味欠奉🤔薯仔🥔外皮唔夠香脆做唔到外脆內綿既口感層次🤭相比之下，萬x較出色台式三杯蠔煲蠔🦪有九粒左右都算大粒無腥味👍🏻做到外脆內嫩味道唔差幾好食👅高高小炒王哩個餸算係幾大份👌🏻有韭菜、炸芋頭絲、蝦乾🦐、蘿蔔乾等調味較重有啲鹹😂泡椒煮鮮魚卜配料有魚卜、腐皮、酸菜、芽菜等魚卜爽彈👍🏻湯底偏麻、辣味都突出唔食得辣既朋友食完一啖就嚇怕左🥲我就覺得夠辣🌶同惹味😛蒜頭生啫雞🐥正常雞煲味道雞肉有少少嚼頭未至於太淋👌🏻翅群海味什菜煲🥙什菜份量唔少湯底清甜🥳係食左咁多油膩野、重口味野之後食下蔬菜Balance返😝整體而言，正常大排檔既食物出品但高高酒家份量較少💸性價比唔高❌而且坐得好逼、好嘈完全傾唔到計🤦🏻‍♀️野食又唔係特別突出我諗我唔會再encore🤔🤭

餐廳環境一般，環境像一般飯店差唔多。一行10 人吃飯，叫了招牌菜冰鎮咕嚕肉，招鹽賴尿蝦，霸皇雞，食物水準很高，冰鎮咕嚕肉口感一流，咬口非常爽而且鬆軟彈牙。賴尿蝦稍為咸了一些，其他餸菜也非常好味。侍應服務也很好，經常詢問有什麼需要。整體水準很好，下次會再光臨。

約咗幾個同事一齊食飯，幾個麻甩佬就決定食呢間酒樓。我一入到去，起初以為係打冷店，坐低咗睇一睇menu 就發現好多小菜，所有小菜都好吸引，我哋6個人叫咗10樣餸，仲係咁飲啤酒。我哋叫咗椒鹽鮮油，小炒王，冰鎮咕嚕肉，黃金軟殼蟹，椒鹽賴尿蝦起肉,etc。我椒鹽賴尿蝦起肉的確好好食，首先你唔使自己剝賴尿蝦個殼，因為我都唔係好識點整，所以好方便啲唔識剝殼嘅人，個味好好，係有少少覺得個辣味蓋過咗個鮮味，但其實都好食嘅。成個冰鎮咕嚕肉，非常好食，係份量比較少，因為好多冰。其他餸菜都一般唔差嘅。

開頭以為冰+咕嚕肉嘅配搭會有D奇怪，點知好有驚喜，個炸皮超薄，凍凍地，入面就熱辣辣，D肉又淋又冇骨，啖啖肉超正！金沙軟殼蟹就少少鹹，落咗勁多鹹蛋黃去炒，軟殼蟹炸得幾脆，豉椒炒花甲個汁調得樂好，唔係太杰同鹹，花甲炒得岩岩好，幾juicy ，豉汁蒸聖子係逐隻逐隻叫，個size超級大，上面D炸蒜好香。

⭐️高高酒家⭐️📍:深水埗福榮街188號曉盈地下及1樓⏰:5:00pm-3:00am(唔係疫情既時侯)💰:人均$200-$400⭕️: 現金，信用卡👉🏻冰川無骨咕嚕肉 💰128 ⭐️十級推薦 ⭐️好特別 個咕嚕肉係起啲冰裏面 食落去出邊個脆皮好脆口 凍凍地嗰啲先叫咕嚕肉㗎嘛 平時熱辣辣嗰啲👧🏻🍼覺得唔好食😟😟👉🏻避風塘賴尿蝦肉💰238唉 又係必食😂 冇蝦殼既賴尿蝦 啖啖都係肉 我地會叫一碟堂食 一碟外賣帶走😂係咪好痴線 不過因為太好食 連裏面嗰啲炸蒜都好好食👍🏻👍🏻👍🏻👉🏻避風塘炒肉蟹(時價)👉🏻芥辣牛柳粒💰108👉🏻薑蔥桶蠔煲 💰188🌜唔想講咁多廢話 以上嘅全部同我叫一碟🙌🏻🌛🌟識👧🏻🍼既應該都知道 我係超鐘意食大排檔 佢哋嘅食物係大排檔 你但係座位係有冷氣㗎！！呢個好重要 我唔想夏天熱死咁食大排檔🥺雖然佢個價錢偏貴 但係嗰個賴尿蝦真係好好食🥲🥲呢個最難忘 我自己可以食一碟😂 肥死都要食！但係佢啲食物對得住呢個價錢！！因為真係超超超好食！！🌟總括而言，大排檔黎講佢都算貴價 但係食物質素真係唔錯 如果有一大班人一齊去食 都係一個唔錯嘅選擇 不過佢地方比較偏僻 👧🏻🍼好記得佢哋未搬舖之前 屋企人

生日飯朋友建議呢間，入到去坐得幾舒服，啲員工好友善，依家啲餐廳，中菜已好少見啲員工有禮貌，唔黑口黑面。之前見啲評論話呢間中菜有點貴，但我地5個人叫左8個餸連白飯啤酒都係一千蚊真係幾抵。我地叫左招牌冰鎮咕嚕肉（冇失望），椒鹽已去殼嘅賴尿蝦（怕除殼嘅朋友就最啱，啖啖肉）， 脆皮猪手（熱，脆），啫啫通菜（一般），豉油皇鵝腸（爽，夠味），米網蝦卷（冇特別），豉油皇薑蔥雞（ok),油鹽粉絲大蜆（新鮮，夠味）。

嗰日心血來潮想食九菜花❣️於是嚟左呢間位於深水埗食中菜嘅小菜館，我地2人叫左3個餸，我記得忍象中剝哂殻嘅瀨尿蝦我好似食過一間，唔係度度都有，所以今次叫左個椒鹽賴尿蝦肉，冰鎮咕嚕肉同蒜蓉韭菜花，非常好味，冰鎮古嚕肉非常脆口，賴尿蝦新鮮之餘又大隻！碟碟都好有份量，完全食到捧住個肚離開，認真大碟夾抵食呢間可以encore再encore，下次birthday dinner都可以一大班人嚟食，因為太少人唔可以試太多款式

前幾日黎到高高酒家食野，佢應該係搬咗去隔離鋪，發覺原來都真係一段時間冇食。叫咗一客雞煲翅，唔少得咕嚕肉同埋賴尿蝦，之後叫多碟肉炒芥蘭，明顯賴尿蝦冇之前咁啖啖肉，比較失色，咕嚕肉都還可以，雞煲翅好彩都保持水準，裝修就比之前好左，衛生左

前兩天到深水埗朋友家中作客，談到了晚飯時間，朋友便介紹了附近一家粵式菜館。雖然在內街，但裏面裝修得不錯，光亮整潔，也算舒適。在這個艱難時期，仍然能夠做到客似雲來，實在難得。 坐下來，點了幾個家常小菜，也都是熱辣辣，香噴噴的港式大排檔菜式。 黃金蝦球酥脆的外皮，包裹著鮮美的蝦肉，入口份外滿足。 豉汁炒花甲惹味的醬汁，配上觧甜爽口的花甲肉，令人垂涎。 牛尾煲香味濃郁，沒有羶味，牛尾肉質鬆軟可口。 以上菜式都比較濃味偏鹹，但勝在夠鑊氣，喜歡港式小炒的朋友值得一試。