金葉子 (Closed)

星期日一同3人到金葉子任食個menu同普通thai restaurant一樣，但份量就會跟人數準備試過以下菜式:明爐魚----估唔到呢個都有得食, 條魚都幾新鮮，但係個湯底無我期望既咁好，唔夠酸而且太多莞茜紅酒雞翼--- 個汁甜甜地，其實無乜紅酒味，但係都幾好味，細細隻，易入口沙律--- 柚子同青木瓜都試左，兩個都......麻麻，佢落左d咸咸地既蝦仔(紅色、超細size的)，我覺得陣味唔夾冬陰功--- 一貫好味，一人一隻蝦札肉湯金邊粉--- 湯底夠味，但係d札肉....唔新鮮，肉質'散' ( 唔知有無變壞左,但係我咬左一口，無吞落肚，好彩無肚痛)，only 食粉都ok炸蝦餅--- order左,但無來海南雞--- 多肉，唔肥，自己搵sauce點雞，唔差飲品: 熱 薑母茶& 柑桔檸檬--- 兩個都夠味, 唔怪，好飲涷 珍多冰& lime soda--- 太淡，唔好飲甜品--- 送幾件糕點，唔好有期望la, 咁就無大問題埋單--- hk$133/人 + 10%8pm前埋單，人頭費15%off3個人hk$ 379

昨天食完. 今日寫下食評先.原本諗住食竹屋...因時段唔o岩. 所以轉左食金葉子..因為媽咪係泰國人..所以可以話係經常食泰國菜, 但任飲任食都係第一次..講返正題先...大部份d味道都好正宗..唔會覺得因為任飲任食而令d質素下降...今次2個人食...覺得係超抵食...兩個人加埋先$293左右...食左十幾樣野, 覺得好大食tim..有木瓜沙律, 炒蜆, 蝦餅,青芒伴魚鬆, 冬陰公, 咖哩炒蝦, 紅酒汁羊扒,柚子沙律 ,飛天通菜 ,串燒, 豬頸肉, 蒜茸包, 龍眼冰, 青檸梳打.必食 - 蝦餅, 熱辣辣青芒伴魚鬆冬陰公 --不過d蝦差d, 同咖哩炒蝦唔同咖哩炒蝦紅酒汁羊扒差 -柚子沙律 --入口好澀飛天通菜 --黎多左一碟, 第一碟好老, 第二碟好d串燒 ---好干..總括來說, 係好抵食..下次會再試其他野...

真係好抵食!!!放題式ge餐廳有咁好ge水準真係好難得!!!蝦餅熱辣辣, 超好食!! 我食左3塊!!南瓜粟米餅又係另一推介!! 好好味!!仲有其他野都好好味, 印象中淨係得有個唔知咩粉絲煲係唔好食ge...d staff個個都好nice, 服務態度好, 反應快, 又friendly識講笑搞下氣氛!!成餐飯都食得好開心, 個個都不知不覺食到好飽好飽!!走ge時候, 有個staff仲送左d coupon俾我地, 真係好好人!!下次一定要再黎, 仲要介紹多d friends一齊黎食添!!

偶然响收音機聽到介紹呢間餐廳, 膽粗粗同女朋友走去試下一嚟即叫杯青檸梳打同龍眼冰, 普通...再嚟鳳爪沙律同柚子沙律, 唔錯! 柚子唔太乾, 不過比例柚子太多....之後點蝦餅, 好味, 夠熱, 即炸!其後食咗通菜, 烏頭, 青咖哩, 薄餅, 都可以......羊架就千其唔好試, 好似甜酸醬炒羊架...好難食又飲咗珍多冰, 柑桔檸蜜, 好過之前兩杯總括都唔錯, 每位$118加一服務費.服務好好, 希望唔係我哋好彩!

懶左一排無寫到食評, 今日肯坐係電腦前寫呢篇食評食因為我要講: 呢間店好值得來食呀~~~~~~其實當係雜誌睇到呢間店既介紹時巳很想黎食, 之前曾訂過一次位, 但因為太大雨而被逼取消, 直至上星期某日同個同事傾開大家最感興趣既話題: 食~ 佢問我有無試過呢間先突然諗起, 即刻約番上次原本約好的朋友同埋老公一齊再試, 訂位時間有二輪6:45-8:15; 8:15-11:00, 另外9點後有九折, 但我唔想咁夜食所以打去問可否7點, 聽電話既小姐幫我查完訂枱情況後都肯俾我呢個時間, 但要9點交枱~滿心期待的呢日終於來到, 我竟然有事遲到, 7點還係巴士上, 唯有打電話去推遲到8點, 8點準時去到, 好口渴呀, 即刻點左青檸梳打先, 有幾多食物選擇, 第一輪點左最想食的: 炸蝦餅, 炸粟米餅, 燒豬頸肉, 燒雞, 冬陰公湯, 辣椒膏炒蝦, 明爐燒魚, 嘻嘻~ 點左好多野呀~等了一陣, 野飲到, 我同朋友一致認為青檸梳打無咩味, 梗係, 得一片青檸係入面, 但試過老公的柑桔水好味好多喎, 見到隔離枱的龍眼冰及珍多冰好似都唔錯, 即刻叫過啦~ 美食一一上枱,好彩呢度的食物份量會根據人數決定,最先黎

好開心 , 終於黎左黃埔食任食泰國菜喇 ~~~~~book 8 點半 , 去到見到原來 9 點後九折 ,行左幾個字先入去 , 反正眼見得好少客 ...星期日喎 @@" ?? 係咪因為黃埔太太太太多食肆 ??老婆一黎就叫左個 OR 食評推介o既龍眼冰 ,但係飲左幾淡就無飲話無乜特別 , 唔好味喎 ...我前後叫兩杯青檸梳打同柑桔檸檬都 ok =)先黎一個柚子蝦沙律 , 老婆話要舉手問下 d 蝦o係邊 不過個味道都幾好 , 另一個青芒果魚鬆沙律 ...我睇到都無興趣食 , 老婆一試就辣到要飲野 ,d 小食好似唔係太得 , 粟米餅中間一團粉甜甜地咁o既豬頸肉好淋 , 軟殼蟹好細隻又油令我有 d 失望 ,小食拼盤我淨係食得蝦餅 , 點泰式辣醬食 v.good ,串燒十分乾 ><" 魚餅就唔arm 口味 , 好重香茅味 ~勁鍾意個冬陰功湯 , 飲左兩碗 , 好多菇又有兩隻蝦 , 好正 !!咖喱蝦又係好好味 , 雖然係唔辣, 但勝在老婆都食到 ^^我自己鍾意食又捉老婆陪我分享 盡用埋 d 咖喱汁 ,我見有得 order 薄餅同蒜蓉包 , 但我用左黎撈波蘿炒飯 個飯 ok o家

最近再去食(已經係第4次)，覺得水準有點下降，柚子蝦沙律只得柚子無蝦，炸軟殼蟹太油膩，冬陰公湯既蝦唔新鮮有D霉同臭，豬頸肉唔爽好淋。唔知係咪因為咁，發覺每次去，幫襯既食客都越來越少，個場都好靜.....唯有不變既係員工服務態度良好，蝦餅、炒粉、鳳爪、海南雞依然好味，餐廳環境乾淨我寧願佢加多$20換取當初既食物質素

剛過去的禮拜六同家人來這家餐廳吃宵夜自助餐，前身的朗田以前隔數周都會來吃一次放題，不過自從食過距係奧海城的晚市放題都唔會再幫襯旗下連鎖的日式放題了...............講返呢度，整體食物還好，不過128值不值就見仁見智，服務方面有個應該是經理的男人都幾好服務態度，經常問我地有無漏單。小食類最抵最好食應該是軟殼蟹同蝦餅，我地encore左起碼7次，主菜類就不過不失啦，個薄餅點咖喱就最正，薄餅熱辣辣好香。飲品就只係得柑吉檸檬好飲，珍多冰同龍眼冰好普通。最後順帶一提，我本身對最中意越南泰國菜的甜品，不過呢間就做得出奇地差爆，我真係從來未食過甘難食既泰式甜品，比超市賣既仲要差，雖然當晚隔離台都好似食曬d甜品（埋單前會比一碟來的），但係我發誓我完全沒有挑剔架啦，希望呢間野會改進下啦！我應該不會再光顧啦，有d貴而且食材全部都係cheap野，不過想任吃泰國菜的各位都可以考慮下既...........

上星期六同一眾好友去食宵夜buffet,$128一位免加一,全個餐牌入面o既野都叫得,大部份野都好好食,個人最鐘意海南雞,好滑又有雞味,豬頸肉,炒菜,冬蔭公湯都好得,反而覺得d咖哩普通左d....大家都食得好開心好滿意,下次都會再黎...不過大家留意佢好似要3個人以上先可以光顧buffet,去之前最好打去問問....

今日午餐選擇左今葉子,成日行過都無機會,今日終於可以一試!set lunch約無套$40,加$12多一份小食,如雞翼,炸蝦餅,炒菜等,和同一集團竹屋的形式一樣!叫了個海南雞飯午餐,+雞翼,香茅豬扒+炒菜!先睇賣相..不錯,食落也相當不俗..肉滑、嫩、有雞味,再加上油飯配合,有小準....好味!但香茅豬扒就相反,印象中香茅豬扒應是乾身,無汁,而且有很重的香茅味,但這裡的有很大pat汁住d豬扒,而d醬汁又很鹹,豬扒略硬,一句,...吾掂!但最吾掂係呢處d服務,全程除左上菜,就無人理你,如加水,收碟,....更加吾好想會有人幫你換碟呀!我睇番d post話有甜品送,但我地無囉,仲無問過tin!

服務態度好我比80分食物質素我比80分價錢我比80分不過發現餐廳人客多時(尤其大檯客多),就會較混亂同淨係掛住Serve大客,又會MISS單+炸物炸過火+飲品淡口....唸住帶朋友來食好野,但水準不穩都係佢致命傷,不過由於服務態度好,所以挽回唔少分數甜品,豬頸肉,蝦餅,海南雞,炒粉都好正下次都會繼續光顧

睇過雜誌上任時任飲既廣告菜色似乎幾好.想去試好耐了!終於琴晚有機會前去一試.8點半後係宵夜時間.照價再打9折.等於唔使再加一.所以特登8點半先到.由打電話訂位開始服務一路都好好.一坐底就詳細介紹點樣落單.餐牌上面既菜式全部都可以叫.睇餐牌原本既價錢.108一位真係好抵食!首先點左龍眼冰.味道好好.好清甜.好香龍眼味.最後安哥左3杯都意猶未盡仲想再飲!蝦餅.軟殼蟹.粟米餅.都唔錯!有2小碟約6種醬俾我地點.串燒..黑胡椒牛柳粒就有D乾爭爭.春捲裡面包粉絲味道麻麻.冬陰公湯好足味.唔會過酸蝦都幾多.柚子蝦沙律酸酸咪咪幾開胃.咖哩炒蝦用大海蝦炸到蝦殼都酥脆.再淋上咖哩汁.可以連埋殼一起時落肚.咖哩汁好味.鹽燒烏頭好大條.魚肚仲塞左好多香茅.有位泰國人睇佢好似主管.見我地食到0甘上下.走過來好好笑容既話繼續.繼續!見我地桌上有咖哩又主動行過來好友善問需唔需要薄餅來點咖哩汁.仲幫手落單.最後老公對一位中年服務生講薄餅來左順便來埋生果甜品.佢行過來搭住老公既膊頭好似好老友0甘款話唔使0甘急.食野梗係要慢慢dip!叫我地用完餐之後佢收乾淨D碗碟再慢慢享用甜品生果.0甘樣先夠HAPPY嘛!第一次見到服

食緊同食完都係這個樣！極無誠意的一餐！點了湯河，牛柳粒炒紅飯，濕炒河，蝦餅。湯河蝦餅還可。牛柳粒炒紅飯一端上便覺得不對勁，紅飯本應是番茄汁抄成的，應呈鮮紅色，這裡的卻是呈甩色粉紅色，也不知是用甚麼香料抄成的，牛柳粒又乾又奀。濕炒河河粉極小，又硬又碎，像把別吃剩的河粉再煮一樣，忍無可忍向侍應投訴，他提議換來一碟抄金邊粉。抄金邊粉熱辣辣端上，味道也不錯，算是力挽狂瀾了。餐後，侍應端來一碟甜品，挺大堆頭的，我看其他也沒有，想是他們賠罪而送的。有椰汁糕，大菜糕等，味道也不錯，不是太甜。雖則他們補救的金邊粉和甜品也不錯，但我還是不得不給喊面，望他們好好改善。

前身係郎田而家就做泰越式，裝修完全無改過，只係換招牌同班房，連經營方式都似郎田，午市以套餐主打加錢有其他小食。食三個餐包括海南雞飯($38)、咖喱雞飯($34)、生牛肉檬($28)又加沙爹雞同咸肉炒介蘭，每樣$12。海南雞飯係近期食得較為滿意，雞係微暖唔係凍冰冰，肉質滑有雞味。咖喱雞就偏甜，撈飯一流，而生牛肉檬，上檯己經熟晒，肥牛都OK。沙爹就好普通而炒介蘭反而最討好，夠大碟又好味。飯後有甜品，芋頭糕幾好味，餐飲都OK不過都係偏甜。整體唔錯，幫襯得過。