金滿都越南餐廳 (Closed)

大熱天時，胃口不太好 食碗湯河再加杯冰凍的飲料就啱哂 一坐下，先來兩杯冰凍的飲料 囝囝的荔枝沙冰和我的咸檸七，兩款都是 HK26 杯 點了客越式火車頭湯河粉 HK$55，可以半價選配飲品一杯 越式火車頭湯河粉大大碗仲有好多餸 有生牛肉、熟牛肉、牛丸、牛栢葉和牛筋，好豐富呢 !!! 湯頭清澈帶有濃厚的牛清香味，入口清爽不油膩 最鍾意大大件煮得夠腍的牛筋 其實午市套餐選擇頗多，有湯河、撈檬或飯 配埋飲品只是 HK$37 - HK$56 加多 HK$18 仲有一款小食 ... 春卷、蔗蝦、蒜茸包 ... 不過，我們熱到無咩胃口，多點了兩款小食一起食 牛油雞翼 HK$60 一客四隻，外皮香脆帶濃厚的蒜蓉牛油香，香口又惹味 越式蝦餅 HK$58 這客越式蝦餅不是用炸的，而是煎的，入口無咁油膩，不錯** 以上分享是以我的口味、喜好和情況作出分享及感受，一試 / 合用與否請自行決定

今日天氣都好悶熱，冇乜胃口食飯，想食啲有湯嘅粉麵 ，咁我同家姐兩個就走咗去食呢個越南粉，我呢就叫咗一個生熟牛肉湯檬，啲牛肉見到已經非常新鮮，食落非常軟熟，生個邊，見到啲肉汁不斷流出嚟，見到都唔想浪費，即刻放佢落口，吞咗落肚，仍然有很多濕潤的汁液在口腔內，跟住食熟牛，雖然佢係熟，但係煮得好嫩滑，火路啱啱好，輕輕一咬已經化開，唔需要有太多調味已經有濃濃的鮮甜牛肉味道，啲湯檬浸住啲牛肉上湯，美味無比，我家姐叫個個重犀利，火車頭湯檬，材料眾多，有生牛，熟牛，牛丸，牛柏葉 ，牛筋，整碗都滿滿的，生熟牛肉梗係好食唔使講 ，佢連牛丸處理得彈牙味濃，牛柏葉又爽又脆，牛筋又林膠質豐富，全部材料浸在呢個咁濃味嘅牛肉湯裏面，真係食到唔停得口，仲有佢將啲上湯浸製在時菜上，另一個普通嘅菜提升到另一個層次，最後我哋加配咗一個鹹柑桔蜜茶，一個青檸菜蜜，當我哋食完呢兩個味龍嘅湯檬，跟住飲咗呢個清甜蜜茶，簡直非常配對，最後我哋都食埋甜品係一個榴槤西米露，鍾意食榴槤嘅朋友唔可以錯過，榴槤嘅香西米嘅彈牙，甜味適中 ，食完我哋都覺得非常滿足。

經過開黃大仙，見好耐冇食過越南野，就諗住入嚟試下。位處現崇山商場內，大部分食肆都係做街坊生意，人流唔多就唔洗等位。餐牌選擇種類多，有晚市套餐，又有特色小食、推介菜色。小食併盤有三款小食，每人一舊好滋味。粉包小食，熱騰騰試上碟，透薄粉皮包著豬肉、木耳等多種餡料，味道屬水準之上。蔗蝦同春卷都係即炸，春卷香酥鬆脆，蔗蝦蝦膠彈牙。烤羊架連錫紙包住香茅上碟，香茅味四溢，羊架厚肉有嚼勁。生熟牛肉河份量足，牛骨湯底味道清甜，帶有濃郁的牛味，配料和湯底一下子被我全吃光，值得推介👍🏻椰汁紫米露，紫米煙韌冇過甜，加埋粟米增加口感。呢度無論係一支公、兩口子，定一大班人，都適合嚟食。價錢相宜選擇又多，環境闊落清靜，多d人叫多幾個套餐share嚟食夠哂抵玩。

越南餐廳比人既感覺都係帶點髒亂既感覺, 但係呢間店就一反傳統不但止環境好清新, 而且食物既選擇亦都好多最正係佢每一日都有不同既菜式做緊優惠!! 可以比個機會試下多D唔同既菜式 吊燒雞今日咁岩呢味吊燒雞做緊DISCOUNT!! 我更係要點黎試一試啦, 可以聞到好香既南乳味, 皮脆肉嫩, 南乳既味道同雞好夾下, 最正就係佢每一舊都切都幾大塊下, 唔會太碎, 口感一流, 而且有優惠之下既價錢唔算貴, 抵食 牛油雞翼起初點既時候以為係普通雞翼上面抹上牛油, 點知原來係炸雞翼黎, 未上台已經聞到好香既牛油香味, 最正係佢一咬, 外層非常爽脆, 而入面既肉就充滿住牛油既香味!!必食小食推介!!

位於鬧市中的越式飯堂自從多左好多新樓盤之後黃大仙呢頭多左好多唔同種類既野食今次食既呢間係主打越南菜式, 有湯河又有其他越式菜!! 我地叫左既有咖哩牛腩煲呢度既咖哩牛腩煲係我食過最好味既!! 一黎D咖哩好夠味, 餸飯一流!! 而且D牛腩係勁香口勁好味, 一點都唔會痴牙!! 加上佢係用牛根腩去煲, 食落個煲味道有埋油香味, 更加正!! 芙蓉蛋飯呢度既碟頭飯同港式茶餐廳都有D分別, 好似呢個芙蓉蛋飯, 佢就係用左越式既製法來整, 食落既口感同港式比起來會乾身D, 而蛋入面就包左好多材料, 有札肉

今日和朋友往黃大仙金滿都食越南菜, 入座時見到有小朋友光顧即送小零食,十分貼心和有禮。我們點了兩客晚餐, 分別是香茅朱扒雞翼飯+灼白菜仔+椰汁沙冰, 越南雞絲湯河粉+粉包+紅荳冰, 另外我們點了越式沙爹串燒盤和越式蝦餅。香茅朱扒雞翼飯好足料, 朱扒有2件, 雞翼有3隻, 朱扒煎得甘香香脆, 咬落去啖啖肉, 好惹味；雞翼煎得入味, 肉質鮮嫩, 拌白飯食十分飽肚, 十分惹味；灼白菜仔, 白菜仔十分新鮮, 最欣賞配白菜仔的蠔油是分開上的, 十分窩心, 適合不食蠔油但又想食菜的食客；椰汁沙冰, 椰汁味香濃, 甜度適中, 很解喝消暑的特飲；朋有點的越南雞絲湯河粉雞絲肉質鮮嫩, 配上的蘿蔔味道香甜,湯底味道香濃, 而且熱辣辣, 美味十足；粉包份量十足, 粉包皮薄餡料鬆軟, 肉質鮮甜,花生惹味香口, 蔥好惹味, 味道豐富的粉包,是前菜的不二之選；越式沙爹串燒盤有雞肉, 牛肉和朱肉各2串, 牛肉串燒得剛剛好, 不會太老, 朱肉串肉質美味, 有油花, 食落彈牙, 而雞肉串肉質鮮嫩, 啖啖肉, 三款串燒燒得甘香, 不用醬汁已覺滋味, 而附送的沙爹醬食落香濃, 辣度適中, 能帶出串燒的惹味；越式蝦餅蝦餅煎得

最近同朋友入左黃大仙住，上左佢屋企探佢同佢傾計～差唔多DINNER 時間就落左佢樓下商場，搵間餐廳食飯。大家都好耐冇食越南野，所以就揀左金滿都...我要左個海南雞飯~配上油飯，雞肉嫩滑，而且啖啖肉，唔會話有好多骨。 而朋友就點左個越式火車頭湯河粉～入面包括：生牛肉、熟牛肉、牛丸、牛展。朋友話個湯底好濃郁，表示好滿足！另外叫左2碟菜，始終出街食得多都想食多 D菜~睇落D 菜都好新鮮、翠綠，每碟$18，份量唔少，好抵食～ 另外叫左個牛油雞翼，熱辣辣，食落好脆好香口 =] 我地仲點左個酸辣湯，出奇地入面勁多料，有魚、青口、蕃茄等，完全冇expect 過，味道都算唔錯！我仲點左杯紅豆冰，個dinner 餐+$5就有~ 最近每人都唔洗$150 ~ 抵！OVERALL ：味道：★★★★☆環境：★★★★★服務：★★★★☆衛生：★★★★☆抵食：★★★★★

下午請假陪姨媽往黃大仙拜神，現在黃大仙廟和以前的大有不同，遊客多過本地人，附近的商場也為了遊客而改變，沒多遠的現祟山商場，裏面有一間叫金滿都越南餐，有朋友知我今天去黃大仙，特別介紹我去食，佢話d野都幾底食，最好就係沒有什麼雜費和加一服務費，而家好少有鋪可以做得到！甘底就去試試吧！餐廳地方整潔，座位舒適。每天都有推出多款特價食品，記得睇餐牌！海南雞配油飯：海南雞有點似白切雞，雞肉都滑不鞋，點些醬汁更好味，油飯已有咸味，軟硬適中！香茅烤燒豬肉湯檬粉：湯底好鮮甜，檬粉爽滑，豬肉林滑不會硬，加左芽菜、洋蔥，增加了口感，更加好味！越式併盤：豬扒和雞翼有好香的香茅味，外脆內嫩好入味，春卷脆口，蔗蝦肉比較實。越式豬肉和牛肉沙嗲串：肉已用調味料醃過，都好入味，熟度燒得剛剛好，不會硬，點些沙嗲醬更惹味！套餐加5蚊就有一杯特飲，每天不同款，要留意啊！今天的是椰汁紅豆冰，椰汁味好香又甜，红豆林甜，好好飲。凍咖啡也不錯。椰汁什果涼粉，椰汁粟米西米露(凍)：食完飯食些甜品先完美的，椰汁味濃，味少甜，適合任何人士食。

琴晚近近地系黃大仙行左陣 到左食飯時候 爸爸提議去現崇山個度睇下有咩食 見有間食越南野 價格相對便宜就入左去食了。香茅烤豬肉湯檬粉：份量適中，湯底濃味 當中既烤豬肉吾會硬吾肥。檬粉方面好幼身 食落仲吸入吾少湯底味道 另外仲有少量芽菜同白蘿蔔添。海南雞飯配油飯：油飯帶有鮮黃色 越南米不帶𥺦性。海南雞件數量適中 有不同部位的 雞件肉質嫩滑，不錯啊！椰汁紅豆冰：味道帶有重重既椰汁甜味 而紅豆吾硬身。越式蝦餅：外面既皮帶有點點硬 但當中既蝦肉也不錯。越式併盤：豬扒不會太硬身 size亦好大塊。雞翼炸得好脆身 咬落仲帶有汁。春卷細細舊，同樣脆身。蔗蝦帶有點點蝦肉味。越式牛肉沙嗲串/豬肉沙嗲串：牛肉同豬肉味道好重 吾會燒到黑晒，但沙嗲汁較淡味。椰汁粟米西米露：味道較淡味 適合健康人士食既甜品。西米份量好多，可食出粟米的甜味。

今日朋友帶咗我去黃大仙食越南嘢，朋友話要早啲食，因為好多人。去到見到地方寬敞又光猛，感覺好舒服，服務員都好好禮貌。先呢一份酸辣無骨鳳爪，酸酸甜甜，夏天最啱食。鳳爪多個配料，入面加上香茅食落特別好味。再嚟一份越南春卷，炸得好鬆鬆脆脆，令人食過不停。香茅豬扒拼雞翼飯 : 豬扒大大塊配上兩隻大雞翼，又鬆脆又入味，再加上油香蔥嘅香味，特別惹味。海南雞配油飯 : 油飯有微微的椰香，令人食完一啖又一啖，份量十足，套飯都有四分一隻海南雞，超級抵食。

今晚同個老友去現崇山的金滿都試下那裡的越南菜。這店環境不俗，裝飾雅潔光猛，食得放心。店內有4人卡位，亦有2至8人枱，亦可拼揍十幾人的枱，座位舒適。這裡的餐牌清晰，圖文並茂，方便落單。先來的酸辣無骨鳳爪調味酸辣適中，啖啖爽口，既開胃又好味。跟著來的蔗蝦，配上酸甜醬美味可口。蒸粉包記得要趁熱食，口感豐富，令人回味。最值得一試的是越南咖源牛腩飯，軟滑肉質混和椰香咖喱汁配上飯香，出奇好味。最後的榴蓮西米露更是抵食夾大件，更覺滿足。

朋友仔約食飯，黃大仙友當然約在黃大仙啦！今次搞手揀咗一間在現崇山的餐廳，貪佢靜中帶旺，有人氣但又不是太迫。餐廳的食物好抵，大家都忍唔住叫到一枱都係。串燒拼盤有三款，有齊豬牛雞。我最鍾意串豬，豬肉有咬口得來柔嫩。點上沙嗲汁更惹味。我最鍾意牛油雞翼，揸得剛剛好，好香脆。一咬開牛油同雞油一齊滲出，超juicy。朋友仔好鍾意食青口，特登叫咗一客焗青口，仲瞬間俾佢清晒。咁多人都想試吓海南雞飯，油飯都幾香油味，而且醬汁有齊三款好正宗。雞肉分量非常多，如果能夠嫩滑一點就更好啦。當晚另外有一款小食都好令我哋驚喜，就係扎肉海蜇沙律。睇圖已經見到扎肉的份量好多，上面仲有特別的芝麻醬汁。扎肉混入海蜇的口感好特別，海蜇好爽口。醬汁酸酸甜甜中帶點點辣，好開胃。我哋咁多人叫咗咁多款食物，埋單都係一人＄100左右，。雖然食物算不上非常高質，但真係好抵。

到了和朋友飯聚的日子，可惜腸胃不中用，未能好好品嚐各款美食。但作為有承擔的真男人，爽約不是我所為，唯有硬着頭皮吃點清淡的吧！沒有想到原來餐廳果然有簡單的晚市套餐，價錢是罕見的40多元一位。簡單點了一款牛肉湯河，清清淡淡的正合我需要。看到實物着實有點驚喜，牛肉的份量非常多，而且河粉很軟滑，容易入口。牛骨湯不如傳統的越式餐廳般重口味，反而是淡淡的滲出不同香料的味道。太太點了一款香茅豬扒河粉，豬扒看起來很吸引，可惜我未有機會品嚐。勇敢地向店員查詢，越色餐廳會有青菜？意想不到，這裏竟然有清淡的通菜，翠綠的通菜正合我心意！

黃大仙呢邊好多各式各樣嘅餐廳，只不過今次我好想食越南野， 所以帶咗屋企人嚟呢邊。黃大仙中心嘅成日都食，因為屋企人住新蒲崗所以黎呢個位都幾方便，今次去呢間老字號餐廳，金滿都越南餐廳去試吓佢嘅越南野係咪真係咁好味， 見佢哋開分店開得越來越多，幾年前都食過佢哋嘅越南粉，唔知水準仲係咪一樣呢。生牛肉湯河，呢樣食越南嘢食入邊一定唔少得，每次我都會叫。牛肉湯超好味而且好濃郁，睇得出用咗唔少心機去煲出嚟，所以好鮮甜而且有牛嘅味道。生牛肉湯河上面嘅牛肉我最喜歡，鮮嫩而且份量唔少，而且牛味好夠配埋佢嘅湯，簡直想識多幾碗。另外佢哋咖喱牛腩我都覺得係好出色嘅其中之一，牛腩炆得好琳味道亦都唔會好咸， 食完要飲好多水，通常會喺茶餐廳入叫呢度錯但係次次都覺得味精好重。但係呢度分量足夠資源味道又唔會話好鹹，整個感覺又健康又好味。羊架亦都唔會好似蘇，用咗少少香茅調味但係非常香濃，而且仲熱辣辣，即叫即整。我哋另外仲叫多咗蝦餅，蝦肉啖啖肉，而且彈牙。外皮亦都唔會太油膩，最緊要蝦肉會有蝦嘅鮮味，唔會全部入邊都係粉，落足功夫啊。飲埋佢嘅越南啤酒，簡直係男人嘅浪漫。

晚餐套餐平平地$43就有，仲包埋咖啡/奶茶，好抵食！Order左香茅豬扒飯，豬扒整得好入味香口，飯既份量又夠，好味又抵食！咸檸七特飲半價$13就享受到，正呀！另外仲叫左啲小食同小菜同家人一齊分享！咖哩雞煲足足有半隻雞，睇見都流哂口水了！雞肉嫩滑，配上椰香味濃郁既咖哩汁，真係頂瓜瓜！食得唔好哂...蒜蓉包沾上咖喱汁，更加好味！牛油雞翼真係誰可抗拒？！🙈雞翼肥美大隻，牛油味濃郁之外，仲帶有小小蒜蓉味，回味無窮呀！蝦餅口感爽彈，沾上酸辣醬食就最完美了！