金蘋菓餅店

Open Now

Now Closed

一直都好想試呢間餅店, 但啲蛋糕睇落都幾大個, 所以趁今年母親節開party成12個人就嚟訂個兩磅的試試.(其實係有細個蛋糕賣的, 但大個嗰啲睇落好吸引因為母親節關係, 攞餅都要等一陣~打開餅盒大家都嘩嘩聲(可能少見呢啲傳統餅啦), 個餅份量亦十足斤兩, cream唔太甜啱啱好, 生果唔會有一層啫喱冚住, 食落亦新鮮, 啲芒果真係好足料，鍾意芒果的我覺得超正；蛋糕又鬆軟, 忌廉好滑唔太甜，如果再厚啲就好咯難怪會大排長龍~

早前親友生日，我去金蘋果訂咗個佢最鍾意的卡通人物造型蛋糕（Kakao friends Tube)，想俾個驚喜佢。一個星期前預訂時交低下面張圖畀師傅， 其實都有啲擔心㗎，因為呢隻卡通人物唔出名，師傅可能都未見過唔知做得似唔似……到左拎餅個日，見到整出黎個效果真係好好！當晚壽星女都好驚喜和好開心呀～講完外型講味道～1.蛋糕有蛋香，古樸風味2.可能是因為蛋糕面的cream花唧得小巧，cream的份量比以前上網訂的卡通造型蛋糕少很多，唔會食到一口cream3.芒果香味夠，甜中帶微酸，喜歡啊唯一令我煩惱的是，親友下年生日送咩好？

住左係呢區咁耐，都冇為意過原來呢到鬧間蛋糕店，前幾日有街坊同我講先知道。一向係海綿蛋糕控既我，就去左買鋪花芒果蛋糕黎試。入去買果時已經見到好多人慕名而來，好彩仲未賣晒。拎到番屋企，試食左一啖，嘩，好驚喜！連蛋糕入面都有芒果，仲要係好多，d芒果仲要好甜。

"金蘋果" 的蛋糕雖然不像 "連鎖式餅舖" 多款式, 但係小店情懷濃厚, 今次要了一個芒果蛋糕, 外形懷舊, 特點係多Cream,  芒果好甜, 味道好! 鍾意食Cream一定鍾意

我每次訂蛋糕首選都一定是金蘋果，價錢是非常便宜，比起其他餅店的質素還要好， 每次入去訂蛋糕總是很多人！今次我的仔仔生日在金蘋果餅店訂了一個八磅蛋糕，大部份人都非常滿意它的味道， 所以我會繼續幫襯

好多元朗人都話呢間麵包店啲生日蛋糕掂，但住咗咁耐元朗都未試過，今日終於有機會試。本來想買半磅蛋糕，但原來最少要買一磅，咁都試下啦。芒果蛋糕分2款，揀左卷花呢隻，貪佢多芒果。外形設計比較傳統，款式基本。味道勝在芒果清甜，蛋糕水潤，沒有大牌子那種「榎歰歰」、「乾噌噌」嘅感覺。蛋糕入面有一層層芒果肉+蛋糕隔住隔住咁整，芒果迷一定鍾意。壽星仔都話讚！後記：2個人真係食唔晒1磅，所以拎左返屋企，發現隔夜再食都仲好好味😋

依期成日去元朗區，朋友介紹左依間金蘋果西餅店俾我，話係元朗老字號既餅店，最出名係芒果蛋糕，由於我唔太好芒果，所以試下餅店內其中幾樣野食雜果蛋糕，仲可以寫埋名牌，好足料，d cream好滑，個蛋糕好實心，完全同某大品牌既空心蛋糕差好遠，生果用料都好新鮮，蛋糕都鬆軟，試左一次後已唔太想幫襯某大品牌既餅店了！芒果pan cake 同樣，個皮加cream加芒果夾埋一齊一啖食落口好好味雜果撻個撻皮好香牛油味，好似一塊牛油曲奇餅加cream加生日一啖放落口,好好味容易入口!用黎開party都唔錯！

金蘋果餅店在五十年以來一直陪伴元朗人長大，而傳統的芒果蛋糕也十分著名，著名在平宜的價錢，中等的服務，中上的蛋糕質素。鋪上蛋糕面的芒果採用剛切的泰芒，不失鮮甜和軟度，蛋糕口感柔軟，加上香滑的忌廉，簡直是邪惡的完美結構。最重要是，性價比十分高，1 磅蛋糕的價錢大概是市面的 ⅔ 左右。

每年生日都會食金蘋果,兒時回憶，食開有條路，因為阿女鍾意食朱古力，所以今次訂左個朱古力，朱古力係jelly+蛋糕，但我覺得可能其他款色會好食好多，因為女兒喜愛朱古力，所以生日一定會訂佢最愛食既味道😍😍，😘😘，真係一年訂幾次，相信好多人都會食過金蘋果，我果日拎蛋糕回家時，有個阿婆問我係邊架金蘋果，我就教佢點去，阿婆同佢孫女話，聽人講話金蘋果蛋糕好好食，我話係呀，係好食架，可以去試下呀，下次家人生日會再去訂其他味道😍😍

小時候在新界居住過一陣子，在我生日時家人總會帶我到餅店訂個畫滿卡通的蛋糕哄我開心，站在高高的彩色相片前，小時候的我總是心大心細的拿不定主意，好不容易才選到。那時候，由訂餅到取餅的幾天也會很期待，然後吃下的每一口也滿足幸福。長大後想要的越來越多，吃的也越來越多。近年最常吃的都是連鎖餅店，名媛餅店，酒店餅店等的蛋糕，數百元甚至上千多元的蛋糕，有時候每吃一口也數百元，就對自己說，才一年一次，沒所謂吧。婆婆生日，問她想吃甚麼蛋糕，我隨口說了一堆酒店名字，她卻幽幽的說想念金蘋果餅店的芒果蛋糕既香甜又鬆軟的質感。那一刻我不禁聯想，有些回憶和感情實在是金錢買不到的。許多年後的這天，芒果蛋糕依舊香甜足料鬆軟。

金蘋果名物，芒果蛋糕成日食，多數係有人生日先食它；今日嚟到元朗，就特地走去買它其他出品試下。其實金蘋果同其他麵包店差不多，內裏小小的，但它特別在有一大個凍櫃，入面有10幾個ready好嘅蛋糕，入嚟嗌要個芒果蛋糕就即pack即走；亦有已被mark實，唔同口味、size嘅蛋糕。另一邊就係麵包架，都係平時見到傳統嘅口味麵包，但比較平，無餡麵包如豬仔、麥包等等就$3.5/個；有餡腸仔、肉鬆等等$5/個，而且不是空氣包👍🏻見到有兩款曲奇餅，除左👆🏻杏仁味，另有原味牛油味，$28/半磅，好抵食！😋😋每塊都平均報滿杏仁片，like！另外牛油味亦重，食落好鬆脆、香口，新鮮焗起嘅味道🤗而且用料足，唔會一邊食、一邊跌到周圍都係餅碎～但略多糖，甜味較重，不過偶爾食下，就無相干😊

前幾日我地訂了一個兩磅芒果朱古力蛋糕來慶祝生日。雖然今次唔係第一次買金蘋果生日蛋糕，但呢個蛋糕真係新鮮到不得了！我地早上攞蛋糕，中午切，蛋糕軟軟的，很好味！而面頭的芒果又好甜，就係食到唔停口呀！呢間餅店長期很多人幫襯，偕因價錢合理，味道好，長者仲有優惠添！只要你唔要求好特別的款式，這是一個很好的選擇。

元朗出名餅店 金蘋果 卡通蛋糕🤤又係呢個傻蛋🙊小黃人偽文青家中有小朋友生日 就試下訂金蘋果既蛋糕3磅裝 海綿蛋糕軟綿綿 好香蛋味 忌廉香滑 雜果餡多 傻蛋既手腳都食得 係粟子蓉搓成 好味道啊☺️✌🏻下次要試下麵包 蛋撻先得👻👻👻==============================金蘋果餅店 (元朗)元朗安寧路84號地下

因為父親節同家人生日一齊搞，所以呢個蛋糕一糕兩用！上次婆婆生日買左芒果布甸大獲好評，所以家人都提議再買金蘋果。不過今次就試下另一款 －－ 黑森林蛋糕好老實，呢個蛋糕就比較普通，真係普通屋邨樓下細舖既質素，無芒果蛋糕咁突出。不過就好多啫喱，而家人因為好愛啫喱所以佢好鐘意呢個蛋糕。（一個人食左三成都有）其實依家市面上d 蛋糕做得好靚，成日食都開始食到無乜驚喜⋯⋯依家食返d 舊式蛋糕反而感覺清新不過如果再選擇既下次應該會買返芒果蛋糕

Heard it’s a traditional bakery shop in Yuen Long. I walked past last week and decided to go in and grab one to try. They offer bakery items with a good selection. I had a Tuna bun $5. It was average but with this price, I think I will go again. Many people were in the shop ordering cakes during my visit. I think I will try one next time. Taste: AverageSpeed of service: FastEnvironment: So-So