金蘋菓餅店

Open Now

Now Closed

有朋友介紹話金蘋果餅店既蛋糕好食 於是上網search下 發現原來依間係一間傳統餅店 所有蛋糕都係以芒果為主 賣相仲好傳統 個個食過既人都讚不絕口 咁岩屋企又有人生日 於是就去訂一個試下餅店離朗屏站不遠 大約行3分鐘左右 我個晚大概8:00去到 都有幾個人排隊訂/買蛋糕 我就訂左個兩磅芒果蛋糕一拎上手 仲諗姐姐係咪比錯我？點解兩磅蛋糕好似三磅咁重 好墜手 打開後發覺芒果真係好足料 面頭有啲cream 內面係海綿蛋糕再夾住芒果餡 果然冇介紹錯 芒果好甜 海綿蛋糕好香蛋味 cream好滑！整體黎講絕對比得上出名的餅店！

早排朋友訂左個芒果蛋糕慶祝侄仔生日，佢講到個蛋糕勁重磅，芒果唔同平時既假味浸糖水啲芒果，所以買左件切件試試係咪真係咁好食。呢件算係芒果忌廉海綿蛋糕，13蚊，睇落細件，但拎係手個下真心覺得ok抵。首先，比係平時既我，第一見到鮮果蛋糕一定唔買，第二唔鐘意海綿蛋糕。但係呢件睇落咁普通既蛋糕真係拍得住出名貴格既餅店。一啖食落去，你係感受唔到食緊海綿蛋糕，因為佢層海綿蛋糕係好鬆軟，入口即溶!好好奇佢點整。所以夾埋啲忌廉同芒果，諗住自己食緊mousse蛋糕。而呢間野賣既全部都係芒果既蛋糕，佢啲芒果又係入口即溶，甜甜地完全唔酸。下次要試下佢其他芒果甜品～

因為OPENRICE有好多對呢間餅既好評，所以一直都好想試下呢度既芒果蛋糕話曬芒果蛋糕就人人都食過，到底有乜咁特別可以得到咁多好評？咁橋因為婆婆生日，所以就由我準備買蛋糕同屋企人一齊分享！蛋糕個樣無乜特別，係傳統餅舖既芒果蛋糕，見OPENRICE都有唔少相所以都無諗住放上黎LU老實講呢依家見得好多呢D 靚蛋糕，所以覺得呢個蛋糕既賣相真係有Ｄ差。。。蛋糕放左係屋企雪左一晚第二日再拎出去晚餐時候食，大家都已經食飽飽，蛋糕臨尾做甜品明明已經食過好多芒果蛋糕，但係呢個真係特別好味！芒果好甜，入面個清蛋糕好軟綿綿！就算雪左一晚都唔會因為抽左水份而乾左雖然有好多CREAM，但係又唔會太甜甜到漏，唔會覺得滯個個食完都俾好評，話個蛋糕真係好好味！媽媽仲話下次佢生日都要去返呢度買蛋糕

又來金蘋果， 真係無得輸。 個女兩歲生日，搞咗個大嘅生日會，請咗20幾人，兩個月前開始諗訂乜嘢蛋糕，本來想訂嗰啲好睇唔好食嘅蛋糕，但又諗深一層，不過靚字就成千蚊真係好唔抵，所以諗來諗去都係去返呢間老字號，當然梗係芒果面芒果餡蛋糕。 三磅都係＄300超讚。 最開心係切蛋糕時好多朋友都要添食，好快就清晒。個個都讚。 大人細路都食得開心， 呢個蛋糕真係10000 個like。

細細個已經日日食佢既腸仔包， 估唔到一間無花巧既傳統老鋪可以做足30年， 仲仍然做緊普通既面包， 仍然咁多人去買。 至於佢最出名既就係芒果蛋糕， 出名咩呢？ 就係又平又正。 講款就老土d, 但講到蛋糕軟熟度， 芒果雜果新鮮度， 點比都勝過出面品牌鋪。 有學生證仲有折， 一磅都係80蚊。

金蘋果餅店， 細細個食到大， 買麵包都仲係街坊價錢 ，$4.5 一個。 訂蛋糕就仲抵， 忌廉蛋糕100蚊一磅 ，芒果餡蛋糕都係125蚊一磅。蛋糕好鬆軟，啲cream好味 ， 仲可以幫你即場寫名牌。 有附近學生證會有折扣 ，平時成日都會嚟訂蛋糕㗎~

之前未搬往屯門，常去金蘋果買芒果蛋糕吃，因為實在太好吃。今天往元朗西巴士總站乘車前，路過久違的餅店，進去買了兩件切餅帶走，$24。就算你要買整個，價錢也比連鎖店的開價更相宜。店員態度友善。雖然兩件餅細左D，但SPONGE CAKE部份很鬆軟，忌廉和芒果依然十分香甜。無可否認，它的芒果蛋糕比起幾家連鎖店做的更佳更好味。回憶裡的金蘋果，依然很好味。唯一要挑剔的，就是件餅太細，感覺意猶未盡而已。

比起大型連鎖店，這間餅店既蛋糕款式更多。可因應唔同人既喜好，訂造唔同既樣式。如入到去都唔知選擇咩款好，有唔同既實物相比你參考。造工精美，未打開個紙盒已聞到好香既雞蛋糕味。今次選了芒果夾心，芒果甜。同老闆娘請盡量少cream,佢都話盡做，無reject 我。唔錯！不過今次遲左訂又無帶卡，所以無折，要$200一磅，共兩磅。下一次要早一個星期訂

Mango insides pancakes and cakes are sooo sweet！ And sponge insides those cakes are so soft as well! Shouldn't be missed out with this low price though it is not the best one in yuen long

自從有一次 係生日會上，同事買嚟兩個金蘋果嘅蛋糕， 食咗之後我就一直念念不忘。 一直都好想推介俾芒果控嘅媽媽。 可惜佢成日都話山長水遠去元朗，買個蛋糕返嚟有咩咁特別，於是 阻止咗我幾次。 前幾日侄女生日， 我同我妹夾好咗之下，買咗一個金蘋果芒果蛋糕返嚟一齊食，佢一食之後不停讚好，睇黎以後金蘋果將會係我屋企買蛋糕嘅首選。 支持香港傳統小舖！

今日去開元朗， Openrice見到呢間蛋糕店排名好高，專登走來買個試吓。今次買咗個芒果蛋糕。蛋糕外型雖然比較傳統，但係食落非常好味，生果非常新鮮，忌廉味好香令我回憶返細過食過好好味嘅忌廉，最重要嘅係海綿蛋糕本身好軟好有水份，仲要係非常之平，一磅嘅芒果蛋糕都只係＄125，係我今年食過最出色嘅蛋糕。佢哋主要有三款蛋糕，芒果蛋糕，黑森林蛋糕，雜果蛋糕。由於非常多人買，所以蛋糕好多時你去買嘅時候，都係啱啱先整好，一定會再去。

忌廉非常香滑，當中的海棉蛋糕很鬆軟，㚒了多層新鲜芒果肉。 勁多芒果嘅立體蛋糕$230/lbs. 有好卡有8折，元朗XX學校學生証，長者卡......，折咗都係百幾蚊一磅，美X都唔得啦！如果唔追求款式，去到鋪頭買現成嘅鮮忌廉芒果蛋糕都有好多，同埋啲蛋糕應該幾新鮮，我見佢流量好快，平均三至五分鐘會有人來買蛋糕，唔係話因為今個禮拜係父親節，我上個星期你訂蛋糕都係見到好多人即買，即刻寫生日牌，即刻攞走！間鋪嘅門面的確唔係好起眼，但係估唔到有啲新發現！不枉我由九龍特登入到黎元朗訂呢個蛋糕！因為我唔想要啲普通圓形款，所以特登訂咗呢個立體蛋糕！

住元朗的人都知金蘋果係老字號，細細個既生日都會買佢。今次為左慶祝2016 年，所以買左一磅個芒果粟子蛋糕慶祝，蛋糕買只係$110，價錢好合理！而味道係非常之好味，首先係佢d 芒果係好甜，其他水果都唔酸，咬落去仲好juicy 既。 另外水果下邊就係海綿蛋糕，佢個海綿蛋糕食落去係好鬆軟鬆化，加埋d cream 一齊食係啱啱好，味道又唔會好甜，呢個中間仲夾左d 粟子，d 粟子溶好香，有粟子味。

香港既小店越來越少差不多都被連鎖式店舖包圍啦~金蘋果係由細食到大既餅店出名既係忌廉同芒果每次經過都想買番一件半件來食下趁有家人生日，當然唔放過呢個機會一於去買個蛋糕啦~芒果舖面既芒果蛋糕裡裡外外的芒果不單止甜仲滿有果香係慶祝生日首選最值得一讚，係多年以來，每當訂蛋糕，員工都會加上一句，如果當時啲芒果唔夠甜的話，會另行通知你，睇下需唔更改對比出面有啲餐廳會將唔夠甜的生果浸糖水已經是貨真價實的保證

今日終於試左好多元朗人推薦嘅金蘋果蛋糕啦！款式唔多，只有水果同黑森林兩款~ 我今日試左水果芒果蛋糕~ 蛋糕底比大牌子嘅蛋糕充實，無咁多空氣，但係口咁仍然好鬆軟。忌廉真係好好味，唔太甜，又無油膩感覺，食左兩大件都唔會覺得好”漏”嘅感覺，蛋糕裏面只有充實的水果同適當份量嘅忌廉，唔會好似大牌子咁超多忌廉，再配埋鮮甜芒果肉，真係好好味呢~