黃金燒味 (Closed)

新開張，朋友話試下，餐廳講到湯煲左好耐，老火湯選湯或者飲品，因為餐廳新開張，送湯，午餐包飲品豉油雞肉質一般，白切雞較香，燒肉都好香及脆皮，燒排骨就好差啦，雖然燒排骨貴，但食落完全系無肉的排骨，餐廳賣鵝不賣鴨食鵝要另加錢侍應生服務較亂，話送湯，每個侍應答應左送就無影，第四個侍應才送上例湯環境坐得舒適

今日約好朋友去戲院看電影，所以放工就快快食晚餐，在灣仔附近找下有什麼嘢食，行到修頓球場附近有間(黃金燒味餐廳)，6點入去時只有幾枱人，所以不用等位，我們就看餐牌上見到有:2人餐$198，先來2碟細細碟涼拌青瓜和蘿蔔絲，酸酸甜甜醒神又開胃，乳豬雙拼叉燒一碟，不是很多件，乳豬皮脆脆地，肉很香和腍味道剛好，不會太鹹，叉燒比較瘦左D，所以鞋左少少，菜心小蠔油，這個我喜歡因乜油，最怕是太多油，但碟菜太細碟，因我比較喜歡食多菜。今晚的老火湯是老黃瓜，飲落口很舒服，不加味精，飲左不口喝真係好好飲，碗湯都幾大碗有2碗。餐-涼伴青瓜(白雲鳳爪)，鳳爪比較硬左些少，但點少少甜酸汁非常好味，酸酸甜甜的青瓜絲都幾爽口，拍蒜豉汁蒸倉魚，倉魚很新鮮，一些都唔腥，倉魚肉點蒜容和豉汁十分惹味，好快就比我們食哂。我朋友說好耐無食過生腸，後來加多碟豬生腸-例$78，生腸好大碟十分抵食，超爽口又無尿壓味，轉特飲加$8，我們叫左杯:甘草菊花蜜、咸檸7，有半個咸金吉，咸咸地都幾好飲，食完飯再飲完飲品很滿足就結帳去看電影剛剛好😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比

尋晚去灣仔上堂，上堂前同同學仔黎個速食，見到有間新開食燒味既餐廳 - 黃金燒味，就一於試試啦！我地叫左個2人餐，有燒鵝、乳豬雙拼+ 蒸魚+油菜+飯+湯+飲品, 都係$198咋~~燒鵝真係正，片脆肉嫩，食落好滋味；乳豬層皮勁脆，色澤均勻，肉汁豐盈，而且肥瘦適中，好推介！之跟餐既菜都算幾多，又唔油～我地個餐本身跟老火湯，不過我地想飲燉湯，所以每人加$25轉左淮山杞子螺頭燉雞湯，燉湯真係好ok，入面真材實料, 咩淮山、杞子、螺頭都有，好養生健康！條蒸黃花魚都唔錯，食到魚既鮮味！另外我地揀左瀨粉代替白飯，唔洗加錢咖，食落滑溜，好食！最後仲一人一杯野飲，　好滿足呀～～呢度地點方便，性價比高，下次會再食！

今日去開灣仔買電腦，路經軒尼詩道的「黃金燒味」，望到他的燒味樣子很吸引，便進內吃晚餐🤗這裏主打吃燒味，餐牌上面有多款套餐，單雙拼及涼拌小食可以選擇，價錢也很大眾化。朋友選了個黃金四寶飯改配瀨粉$98，包括有燒鵝、乳豬、肥腩叉燒和燻蹄，更有菜心及是日靚湯(西洋菜雞腳紅蘿蔔湯)。我叫了住家燉湯餐$108，雙拼選了乳豬拼燒鵝(加$12)。上菜速度快，一盤套餐，放得整齊，除主食外亦配有拍青瓜和不同的醬汁，方便客人食用。是日靚湯是西洋菜雞腳紅蘿蔔湯，料足夠老火，不錯。淮山杞子螺頭燉雞，燉湯材料也很足，絕對夠火候，正!乳豬色澤紅潤，皮脆新鮮，肥瘦均勻肉味佳。靚靚的黃金燒鵝，皮香肉滑，香氣四溢，又不會太油膩，份量也不少，非常正!肥腩叉燒，甜甜的、肥瘦比例很好，食落又香又軟，口感十足。燻蹄食落爽口、味道好，點上醬汁更好吃。菜心大大碟，翠綠鮮甜，讓我們感覺較健康。套餐還可以加八蚊轉特飲，我們叫了甘草菊花蜜和檸檬柚子蜜，夠消暑清涼👍🏻今晚雖然是簡簡單單的一餐，但符合他們的餐牌上說只做靚燒味，他們所有的燒味都特別好吃。😍

放工想去行下會展, 去之前係灣仔區食晚餐, 一路都揀唔岩心水, 因為好多都好貴但食物都唔太吸引, 直至見到呢間, 價錢比較合理而且燒味款式又多, 所以決定一試!晚餐點左份叉燒米粉, 野飲揀左例湯, 佢地標榜係煲左5個鐘既靚湯, 是日例湯係紅羅白湯, 仲有其他料既, 一飲就知真係老火湯, 冇落味精, 而且大大碗, 岩哂鍾意湯既我。本身諗住叫左普通既叉燒米粉, 點知店員問會唔會想試下肥濃腩叉, 開頭聽個名覺得好搞笑, 望真D原來係指濃味既肥腩叉燒, 所以就轉左肥濃腩叉黎試下, 一黎到見到同一般叉燒色澤真係有唔同, 好明顯令面D, 燒得靚D, 一咬, 不出所料, 焦糖化左既外皮超級好味, 而且啖啖肉, 應該係我食過既叉燒裡面top3之一好食。個米粉雖然係一般既米粉, 但個湯底唔簡單, 有D肉骨茶feel, 特別得黎又幾好味。

前幾日發掘到哩間食燒味既，環境乾淨企理，腩叉超好味！落完單店員即刻端上例湯同小碟，送既，話未有野食前飲左湯先，都幾貼心，又好快手有野食。住家燉湯餐 $108燒味當中最愛食燒鵝同叉燒，見餐牌話加$5轉腩叉，即轉，跟餐仲配油菜一碟同燉雞湯一碗。一上台見到d腩叉十足五花腩咁肥瘦均勻。睇落肥既地方原來係爽口嫁，一d都唔油膩，燒得脆邊爽口，好正！燒鵝皮冇咩肥膏，鵝肉甘香。足料靚燉湯，兩個餐三碗湯，哈，夠晒湯水。雙拼碟頭配米線 $54燒腩仔拼玫瑰鼓油雞，份量十足，哩度d燒味唔會好咸，質素高，下次再黎食！

同朋友去行書展，準備幾個鐘之前既博殺緊係要食飽飽啦！我呢就突然好想食燒味，搵到灣仔開左呢間新既黃金燒味，就黎試下啦～門口已經掛哂咁多燒味，流哂口水！睇睇餐牌先，好多種唔同既燒味都有，坐係廚房隔離既位，仲見到呢間餐廳係自己製作既燒味，唔係出面黎貨架！朋友先叫呢個黃金四寶飯$98，有黃金燒鵝，化皮乳豬，肥濃腩叉，酒香汾蹄，再跟埋飯同老火湯（花生眉豆木瓜煲豬骨），仲有骨湯浸時蔬，我地叫左菜心！另外我呢就唔想食飯，剩係食燒味就叫左呢個$54雙拼脆皮燒腩仔配瑤柱貴妃雞（轉雞脾+12）再加咸蛋一隻$8！另外再叫左碟骨湯浸時蔬$28 因為我想食多d菜～先黎係朋友既四寶飯，每樣既份量都幾多，好吸引！先試下個老火湯，好好飲，唔似味精湯！都見到好足料有豬骨。菜都好新鮮，配埋佢用骨湯煮，令到d菜再鮮甜d黃金燒鵝個皮好食，肉又滑化皮乳豬個脆皮超正，好新鮮好脆！！肥濃腩叉個蜜汁好正又唔會太甜，肥瘦分明酒香汾蹄 呢個好夠味～我呢個雙拼走飯呢～幾吸引！燒腩仔我要求左要肥d,真係做到，個皮好正好脆，肉又岩岩好夠味！瑤柱貴妃雞脾呢就肉滑皮又好食，食雞點可以唔食雞皮啊～飲品我就叫左凍檸茶走甜，朋友係芬達什果賓治。好滿足好

同老公兩個每年都去書展行下買下書，今年都無例外，不過就打算食左野先行過去會展，醫飽肚先慢慢睇，星期六晚書展收零晨時份，有足夠時間。經過有間黃金燒味餐廳，應該新開張無幾耐，不如就試試佢，因為睇到門口Menu主打燒味外還有其他蒸煮選擇，都好吸引。日日蒸品餐 $88老公揀左拍蒜豆豉蒸倉魚，健康啲又惹味餸飯一流，即叫即蒸需要點時間，包左白飯，老火湯，時菜還可+$3 轉凍飲。蒸魚上枱熱辣辣，魚肉算滑醮點蒜蓉豉汁好惹味。加 $3 凍檸茶 油菜用骨湯浸熟入晒味！住家燉骨湯餐 $108除左燒味雙拼，可選燒鵝或乳豬配當中任何一款燒味，我 order 左乳豬，可惜乳豬已售罄，所以選左燒鵝拼叉燒，白飯改食米線添！半肥瘦叉燒夠淋身，而燒鵝就皮脆肉質較實肉，醃料醃得剛好，跟白飯麵類都好夾。就係為左呢個淮山杞子螺頭煲雞湯，飲落香濃又足料，味道唔錯飲後無口喝，正呀兩個人均$120 有找都可以接受。

今次去到灣仔行書展，行到肚餓就出返大區食啲嘢，見到地下有一間裝修都幾靚嘅燒味店，就入去食返餐豐富嘅晚餐。肥膿腩叉$118你見到啲叉燒無論係色澤，定係脂肪，都係賣相非常吸引，而且食落去香甜十分，連脂肪也很好吃。黃金四寶飯$98黃金燒鵝，花皮乳豬，肥膿腩叉，酒香汾蹄喜歡吃不同款式的燒味的話，可以試試選擇四寶飯，可惜我們太夜已經賣光了乳豬，就轉了貴妃雞。每款份量不算太多，不過很夠吃，燒鵝皮香肉滑，還有特別的汾蹄有很清新的酒香味。淮山杞子螺頭燉雞湯$35（跟餐轉加$25）雞湯嘅份量比較多,而且充滿著淮山杞子螺頭嘅甜香！味道十分清甜，飲得出係已經煲咗一段時間。時菜係普通菜心，賣相都OK。蜂蜜檸檬柚子特飲龍鳳檸樂熱杏仁霜飲品方面選擇都比想像中多，有一啲特別嘅特飲，加幾蚊就有得飲了。

灣仔燒味新星家父很喜歡食燒鵝，奈何坊間的排隊燒鵝店，大多數只有人龍，質素平平，與價錢不成正比。一日放工看見灣仔有新開的燒味店，近家，且有燒鵝賣，立即帶爸爸來試！店舖主打燒味，亦有蒸品，常餐，兼做早餐時段，真係世界難撈，租金太貴了。今次主題係燒鵝，首先來一碟下庄燒鵝脾，片脆肉嫩，滋味無窮。之後來一客淮山杞子螺頭燉湯，同老闆介紹一樣，燉湯真係好ok，老人家大讚。好想食的肥膿邊腩叉售罄，所以來了一碟五香牛展拼乳豬。牛展鹵得入味，濃濃的花椒八角滲進了軟硬度剛好的牛肉嫩根之中，香氣纏繞口腔味蕾。乳豬肉汁豐盈，皮鬆脆又色澤均勻，肥瘦適中，肉味突出。隨餐上的時蔬份量足，亦沒有淋上過多的油。好想食的肥膿邊腩叉售罄了，很多客人點的肥膿邊腩叉售罄了，我一定要回來食肥膿邊腩叉。

上個星期四約左一眾好友去打麻將但由於未夠鐘, 所以決定食個午餐先再去於是又喺灣仔四圍走走, 因為小弟是日冇食晏！所以肚子空空, 十分肚餓, 咁啱路經呢間食店, 又未試過, 好！就一於入去食一餐啦!入到食店唔算多人, 地方亦算光猛清潔, 伙計招呼坐底後, 就立即望下有咩想食, 望左兩望最後都係柯打最鍾意嘅燒腩仔切雞飯, 加半隻咸蛋跟名火例湯等左一陣就有得食, 賣相都幾靚, 半肥瘦嘅腩仔, 望落去已經好想食喇, 燒腩係幾鬆身, 而且皮燒得脆卜卜咸蛋無乜特別而且整體而言普通少少, 加上豉油唔算特別香, 未算惹味;最正整碟燒腩切雞份量算多, 有大半隻雞脾攪到食完一碟後非常飽呀! 例湯係一杯非常十分普通嘅湯! 唔覺得話已經煲了五小時靚湯總括黎講叉燒飯質素一般, 環境清潔光猛, 服務普通, 價錢都相宜, 五十九碟飯, 包一個湯抵食程度一般啦或以上

今日行完書展,想係附近食下燒味,見到地鐵站附近有依間新開嘅店,就過黎試下。餐廳碟頭飯嘅價錢唔會話好貴,而且仲有好多選擇,㨂左一陣先決定好食咩。嗌左一碟叉燒飯加咸蛋,一上枱,哇左一聲,份量好大,不論飯定係叉燒,一定食得滿足同飽,叉燒係瘦嘅比較多,想食肥嘅可以加5蚊叫肥膿腩叉,但女仕同我一樣想食健康啲,可以就咁叫叉燒,味道水準都唔錯,有幾件燶邊都好食,咬落唔會好鞋好難咬,可惜有幾件斬得有啲碎,但見到可能係學徒學習緊,都唔緊要,要比機會人地學,先可以keep住食到好野。第二碟有燒鴨乳豬飯,依份叫左少飯嘅,但都仍然好豐富,乳豬皮係脆嘅,但有少少細骨係底,做唔到啖啖肉效果。燒鴨都幾好,帶有啲肥,香口好食,唔會乾。仲有啲醬點下,減輕油膩感。依張相好見到唔叫少飯嘅份量係幾多。最後仲食埋個乳鴿,幾有水準。店舖話係生炸,我都覺,因為係毎一啖都有啲肉汁油份浸出黎,皮都炸得幾香口,用手黎食真係爽。野飲叫左甘草菊花蜜,夠哂凍同大杯,好飲。最後店舖嘅侍應雖然好忙,但對食客都有傾有講,幾好態度,絕對係街坊選擇之一。

尋日星期六放假就出咗灣仔打算行吓Book Fair，咁去同人迫前就梗係要醫飽個肚先！同朋友係軒尼斯道一直行就見到呢間新既燒味店，門面幾光鮮又乾淨咁，反正好耐冇食燒味就決定試試新野。睇個餐牌見佢店面唔算好大但燒味款都好齊，仲要價錢超抵食！😆咁我就叫左個老火湯套餐試埋個湯佢一定要食肥燶腩叉燒，顏色金黄同普通叉燒差好遠。叉燒肥瘦參半，表面塗左厚厚蜜糖，燒完有微微既燶邊。夾起每舊之間見到絲絲蜜糖，食落肉質柔軟，油脂好香，加埋燶邊微微既焦香，拍得住名店出品喎。乳豬燒得非常脆，粉紅色既肉，都好正！老火湯好足料!朋友怕肥就叫咗蜜汁叉燒，水準都唔錯，唔會太鞋口價錢咁抵有高質燒味，值得一試！

灣仔最新有間新開張既燒味店，環境都幾乾淨企理！坐得都舒服，店員都幾有禮貌，抵讚既！叫左份住家燉湯套餐，當然是有老火燉湯啦~淮山杞子螺頭燉雞湯個湯真材實料，都幾濃郁！飲不出味精來！之後套餐我雙拼了乳豬同埋肥膿腩叉，每件肥膿腩叉都非常靚仔每件都帶點點肥！食起黎更鬆軟！腩位特別肥美，片數都好厚切！份量好足夠。乳豬燒到好香脆！肉質都幾嫩滑，皮都keep到香脆！這樣的雙拼非常好。還點了一份白雲鳳爪！味道都不錯，軟硬度適中！

今日去灣仔書展行了成個鐘，行到勁肚餓要去搵嘢食，灣仔出名勁多食肆給選擇，都唔知食邊間好，行到見到有間新開張食燒味既專門店，叫（黃金燒味），見價錢唔係好貴又新開張，就決定幫襯吓佢。一坐低就有啲開胃菜，酸酸甜甜好好食，食完真係好開胃，之後就叫咗好多嘢，朋友點咗乳豬燒鵝飯雙拼餐，有老火湯跟餐送，我試了幾口，係幾好飲真係老火湯，唔係味精水，油菜菜芯都好嫩口，燒鵝和乳豬都幾好食，都算合格。至於呢個叉燒值得推介，半肥瘦入口即溶，燒汁加了蜂蜜加重口味，送飯一流可以食多碗飯啦。