黃金冰室 (成業街)

Open Now

Now Closed

晚上經過見到餐牌，有蒜香雞，於是就入去試下，另外叫左個芥末沙拉肉排。蒜香雞黎到份量多，外皮脆脆地，味道正常，另外有個辣椒醬跟，沾雞幾好食。跟餐有中湯/羅宋湯，我就叫左冬瓜湯，另外叫左椰汁涼粉，食物飲品中規中矩。芥末沙拉肉排我就麻麻地，個沙拉醬非常杰身，糊patpat ，唔識欣賞。食物種類非常多，有好多選擇，下次再試其他。

尋日又幫襯左好正既 #黃金冰室 真係唔係講笑, 變左飯堂一樣, 因為真係抵食又好食, 今日同麻甩熊去試食左是日晚餐既 #流沙黃金骨 同埋 #椰汁焗芋頭燒雞飯 淨係聽個名都己經流曬口水啦, #流沙黃金骨 💛💛💛除左排骨, 當中仲有黃金芋頭, 估唔到芋頭同咸蛋黃呢個配搭都好好食,個黃金醬食起黎唔太鹹, 薄薄一層好脆岩岩好包住成粒排骨 / 芋頭, 食起黎唔太膩, 仲有少少蒜香, 非常惹味, 不過配埋個炸麵餅本身滿心歡喜以為係肉絲炒麵果啲麵底, 點知原來好睇唔好食, 係要黎裝飾 🫢🌻🌻🌻#椰汁焗芋頭燒雞飯食落好香椰汁味, 少少甜甜地, 芋頭煮到變曬芋蓉好香同令個醬汁好厚身 仲有啲洋蔥令到個汁好有層次, 食到底有兩舊燒雞脾有啲估佢唔到, 一來雞脾都好大舊多肉, 二黎雞髀燒完再加入汁食落都仲好JUICY 一啲都唔乾, 配埋芋蓉醬非常好食, 撈飯真係一流🌻🌻🌻🌻🌻都係果句, 呢間野係有保值既, 長期幫襯🅱️tw, 如果是日晚餐， 盡量唔好呢兩個餐配搭一齊食，好多芋頭🤣🫢——————#是日晚餐 #觀塘好去處 #foodie #foodiehk #茶餐廳 #先食奇兵 #互追 #互follow #cin

臨收工買下午茶頂替午餐。見到座位還有，立即坐低。下午茶價錢不會好平，但應該物有所值。因為我見到隔離臺果炒飯好正呀。印尼炒飯下午茶通常以平價為准。而家呢個下午茶大碟又有擺款。味道都相對系快炒系列有味道，（鑊氣）抵食。另外同事叫的是XO醬豬扒炒即食麵。炒麵幹身，有少少燒伊麵口感，可惜好似不過豬扒無咩味道，鑊氣差左啲。可能我比較重口味。兩個人簡單而精緻下午茶，買單不超過100，飽到今晚都不用晚餐喇。繼續OT工作。

黃金冰室 (成業街)觀塘成業街11號華成工商中心地下2號舖💋咖哩豬髀扒飯，佢上碟時直頭嚇親，D飯多到一個點，我都爭D食唔晒(認真的)，而佢個咖哩汁味道香濃，而且帶點香辣，味道層次豐富，佢D豬髀扒數量唔講得笑，都幾多下，口感彈牙，厚度有返咁上下，都唔算係A4紙的厚度，算幾好的了。💋瑪蘇利拉芝士扇貝焗海鮮意粉，佢個擺盤好特別，真係有塊貝殼插左係裡面，好似話你知有落真正的元貝咁 (希望唔會重用啦)，佢D芝士勁香濃，又可以拉絲，拉到勁遠，意粉份量都唔錯，食落唔會過淋，而佢D海鮮就冇咩特別，似係急凍海鮮包裡的咁。

觀塘成業街不嬲都有好多餐廳 最近開咗間新嘅黃金冰室 今日就嚟咗試吓佢嘅早餐🥣一入門口就見到一個買新鮮出爐麵包嘅地方 而入面環境都幾光猛 亦都有好多座位😛鹹牛肉炒滑蛋配特色餐包滑蛋嘅擺盤堆成一個半圓嘅形狀 雖然鹹牛肉份量唔係好多 但係炒蛋都真係幾滑 個多士都夠脆 不過水準有啲參差 見到隔離枱嗰件多士烘得過燶😅沙嗲牛肉公仔麵沙嗲牛肉味道係一般茶餐廳嘅水準 唔係好多沙嗲味 只係有啲鹹咁 公仔麵就好似未煮腍 都要浸多陣湯先食到😗櫻花蝦雪菜肉絲米線雪菜肉絲加少少櫻花蝦可以話係整色整水 其實對味道冇咩提升😹整體早餐就係正常發揮 唔係特別出色 比較好食嘅就係件多士 或者門口嘅出爐麵包都值得一試嘅😊

【黃金冰室】一到Lunch Time 時間，係工廠區搵食真係唔係咁容易，近地鐵站就開左間新茶仔：黃金冰室，地方寛趟，9成係卡位，坐得舒服。筆者之前去過黃金冰室兩間在深水埗既分店，試過下午茶花生黃金西多士，今次就試Lunch。.❇️銀芽肉絲炒麵💰HKD 49黎茶仔，一定食佬飯👨🏻‍🦰肉絲炒麵最正係...麵餅邊炸得香脆，香口好食，再配辣醬就梗正。平時茶仔叫炒麵，多數都好油，眼前呢碟炒麵唔太油，都ok 👌🏻仲有大量肉絲🙌🏻而餐湯係...好少機會見到以❇️糊椒豬肚湯做例湯，濃濃既白糊椒味，真係正🙌🏻成餐飯可以話係 Deluxe 版既佬飯😂樣樣都好岩

今日有事去開觀塘，聽朋友講呢度有一間好大坐得幾舒服嘅茶餐廳，所以就嚟試吓食佢嘅早餐。入到餐廳果然俾佢嚇親，駛唔駛咁大呀😅餐廳環境幾唔錯，餐廳食物種類非常多。員工亦有禮。叫咗早餐B同D，落單唔夠3分鐘就上通粉，果然高效率。早餐份量十足，味道中上，丹麥多士香脆但略嫌薄咗少少，可能食慣厚多士🤣奶茶☕️熱度夠，有茶味，水準之上。這就是香港味道☺️去開觀塘嘅朋友不妨過嚟試試早、午、茶、晚餐，真係要嚟多好多次先試到唔同時段嘅味道。

很久沒有在觀塘食午餐，因為多數返到公司附近時食Brunch 就算。今日需要飽肚食藥，所以迫自己食個正餐。見呢間新開1個月左右，平時非常多人排隊，我來到時已接近2點，無人龍便試試。要戒口，無乜選擇，叫了豆腐火腩飯。通常這類碟頭飯炒埋一堆上枱，但無諗過會係飯餸分上，仲要擺得有層次，菜在底，豆腐中間，火腩在面。豆腐是一磚磚煎好無爛，最驚喜是火腩居然仲係脆皮，可見廚房師傅真係用心製作。侍應態度好好，另外傳菜用手推車，安全衞生。

叫外賣個陣無話等咁耐，一開頭得我一個人等，等咗10分鐘左右見無就問阿姐，佢態度傲慢話要慢慢等，我再等多10分鐘。中間都見有出錯單，熱奶茶變凍奶茶，個包裝又無包好，d員工又係客人面前互相指責，之後我見後過我的單都已經出咗，阿姐再叫我等，我之後就無再等啦，退咗錢就走。平日朝早十點客又唔多，員工又唔少，我唔明點解可以慢到咁。呢度係觀塘區，一個普通早餐都要等廿分鐘以上，認真要檢討下。員工質素有待改善，待客有禮是基本，起碼唔好係客面前互相指責或教訓下屬。開咗無耐咁多負評，大家認真考慮下。

最近見呢間餐廳岩岩新開， 而睇到有d食評都唔錯。咁就早餐時間同屋企人來試一試啦。可取之處係環境方面係坐得舒適既，唔會話太迫，而且每張枱都有usb插位同電掣，方便食客叉電但係食物方便可以改善下...屋企人點咗沙嗲牛麵同沙嗲牛米， 都一致認為太咸。 牛肉水準唔太平均， 有d食落比較咸同“梅”, 但亦有d食落係正常的。份量就算大碗，牛肉畀得足。而佢地跟餐的咸牛肉炒蛋就略嫌咸牛肉太少， 成份炒得先得一兩粒咸牛肉.....而由於我自己唔鍾意食炒蛋及煎蛋緣故，就問早餐配的煎蛋可否轉烚蛋或其他， 結果係無！得！轉！嘅, 阿姐話你一係食麵包啦最後嗌左個雪菜素鮑米， 就不過不失啦。 係米線偏淋。最慘係佢早餐幾乎個個餐都配炒蛋/煎蛋， 除左雙餸粉麵餐同三文治餐之外，真係無其他選擇。講真，依家出面好多茶餐廳/冰室，甚至連鎖快餐店都有得轉烚蛋或火腿腸仔之流。真係要改善下。同埋只收現金， 其他支付方式都唔收老實講， 觀塘一條成業街，淨係街鋪都幾間茶記，但係價錢唔係特別話抵食（正常價錢）, 食物及職員質素又一般般，  再次幫襯可能都要隔好耐了。

今日太趕時間食飯, 所以近近地搵嘢食, 見到最近新開嘅茶餐廳, 就入去睇吓, 喺外面望又唔覺得裡面原來咁大咁多位, 雖然坐滿人, 不過都好快有位喇。茶餐廳由2:30 開始就有下午茶餐, 選擇種類都算多, 而我就揀咗XO 醬豬扒炒即食麵。大概等咗5-8分鐘, 嘢食就上枱喇。🥢XO 醬豬扒炒即食麵賣相幾好, 配菜有蛋絲, 洋蔥, 椰菜, 韭黃同紅椒。XO 醬味道比想像中淡, 雖然有見到XO 醬粒, 不過無乜味。豬扒醃得好入味, 肉質亦軟腍。可能因為下午茶關係, 公仔麵份量偏少。🥢凍檸茶 (走甜)大大杯, 唔會太多冰, 而茶底亦都夠濃。

行過見新開張，應該唔會差，二話不說，迅速安心，侍應好招待，坐位闊落，興奮叫野食第一口花膠勁重腥味，難道無換浸花膠水當軒汁埋？未食一半，見到條菜好想食都無胃口，一直怪怪的味道跟本唔想食。放涼之後，碟邊銹色浮現，個一刻我知道被突然補充了很多鐡質。意粉第一口有草味，越食越覺有噏未，色也不好看，無曬食慾。投降周打海鮮白湯？糊仔都好食過這碗哩，連隔離枱都話係甘既咩？材料亂甘嚟，估係未有酸菜⋯怪怪的腥腥的噏噏的，真的不能比合格⋯

因為經常在觀塘打滾 見到新開既黃金冰室 就即刻試一試 餐廳地方好大 呈大長方形格局 地方乾淨整齊 侍應禮貌親切 夜晚餐牌食飯有好多選擇 而家碟頭都好大碟 男士食都一定夠飽 性價比高👍🏻今晚我地就叫左咖哩雜扒飯同豬扒炒公仔麵 首先講下咖哩 咖哩味都幾香 但係唔辣 雜扒有齊豬、牛、雞同煙肉 飯係偏大既份量 如果可以辣少少 應該會仲惹味 另外豬扒炒公仔麵 無得轉炒烏冬 但係公仔麵炒得好好 每條麵條都分明 又唔會過分鹹 勁多豬扒 超足料 讚👍🏻兩款食飯份量都好多 味道仲唔錯添 晚餐仲有5-6款 想食有質素茶餐廳 可以試下哩間🥰