金雞去骨海南雞專門店

Open Now

Now Closed

去西貢諗唔到食咩就去食海南雞, 呢間餐廳去左幾年了, 次次去質素依然D雞皮好黃, 雞肉好滑鮮嫩, 有雞香味, 加埋啲醬味道更上一層樓, 中意食海南雞飯嘅人一定要試下南瓜湯都好飲，雞油飯都好香環境黎講都係茶餐廳嘅環境, 上菜時間好快, 預你食完就走食過其他餐廳嘅海南雞飯, 但呢間係我覺得最好食個, 雞嘅質素同醬都係比其他餐廳優勝, 都屬於性價比高嘅餐廳食物算係新鮮, 價錢係茶餐廳嘅價錢但食物質素比某啲自稱米芝蓮級種嘅海南雞飯好食👍

比朋友推薦嚟咗食，距離小巴站好近。店面唔係好大，上菜速度快，唔洗等好耐，超正👍🏻雞肉鮮嫩，食落好滑，份量都好足夠！米飯就麻麻地，不過明白雞先係重點，都可以接受！

山長水遠去西貢遊走，家人多年前食過金雞好食，於是一心去食這間，沿路見到其他泰式海南雞飯也沒有心動。飯沒有什麼香味，而且不熱，雞亦不嫩滑，湯亦普通，三款醬油也不覺得特別好食，黑鼓油偏甜，辣椒醬有生蒜味，薑蓉是生葱味，無一種合我口味。家人也極度失望，跟幾年前食不一樣，有一刻我懷疑，當日的廚師是否替工。

金雞🇹🇭夏天西貢水上活動🏖餵飽肚推介第二擊🤤馳名老字號海南雞飯🐣泰國人地道主理 快靚正 出餐超快嘅泰國菜😍﹎﹎﹎﹎﹎﹎﹎﹎﹎﹎﹎﹎﹎﹎﹎/去骨海南雞飯🐣 $57/海南雞嫩滑 黃雞皮好爽口 會有層薄薄嘅啫喱🐥無加錢轉脾位 但係都已經好滑 但係略嫌雞味可以再濃啲🍗附上三色醬:辣醬 豉油同薑蓉🤪最推薦辣汁好夠辣又惹味🌶油飯超驚喜🤩係秘製用雞油 雞湯 炸蒜同乾葱 超香口嘅飯又唔會油膩🍚秘清一粒飯都無剩😍/滷水西貢狀元碲飯🐖 $57/豬手滷得超稔身 基本上唔用牙都咬到🐖除上滿滿嘅豬皮同骨膠原 仲有少少肥膏位 所以食落好滿足🥰但係個滷水汁有啲偏杰身同鹹 輕身啲會再正啲🫙/南瓜湯🎃/免費跟餐送嘅中式南瓜湯 用埋紅蘿蔔🥕煲所以好鮮甜 煲耐到有南瓜🎃蓉

又難得走入嚟西貢，緊係要食好西啦！🤣Lunch time就搵間平平地嘅，見呢間海南雞都幾多人介紹就去試下啦平時我唔係好好海南雞飯，但呢間賣相吸引！價錢唔算好貴包埋湯再嚟佢係去骨嘅，岩哂我呢啲懶人！😂• 先講雞：真係好滑好滑！仲要好入味，重點冇骨真係一咬就啖啖肉，口感太豐富了！🤤• 再嚟飯：粒粒分明！仲要加咗乾蔥落去，成件事昇華咗！！好味+99999• 湯就正正常常啦～整體係入得西貢一定要嚟食！！性價比極高！

🌟金雞去骨海南雞專門店🌟⁡係西貢嘅某一小巷見到間唔太起眼但又好多雜誌食評嘅人氣熱店🔥就毫不猶豫決定試試係龍定鳳🤣⁡🎀 < 去骨海南雞飯套餐 (轉脾+$10) $67> ⁡海南雞肉質嫩滑🐔🐓去唒骨食好方便😋惟雞肉份量唔算多油飯好香加咗炸蒜更加香口令人食慾大振🤭聽隔離食客講豬蹄好正🐷下次再試試⁡🌠環境: 6.5/10👄味道: 7/10 💰價錢: 7/10 👍性價比指數: 7/10⁡*☼*―――*☼*―――*☼*―――*☼*―――*☼*金雞去骨海南雞專門店 (西貢)📍西貢福民路(食街)34號地舖📞 3488 9984⁡⁡⁡⁡⁡⁡

今日去西貢就係為左呢個海南雞飯而來。我地三個人share一個二人餐包以下食物：--招牌去骨海南雞（半隻）-滷水西貢壯元蹄（例牌）-滷水汁時菜-住家老火靚湯x2 -雞油飯x2 -餐飲x2 合共$188，非常抵食👍🏻👍🏻👍🏻👍🏻👍🏻海南雞非常嫩滑多汁，皮薄爽口。雖然雞皮係好肥，但係連皮食嘅海南雞非常美味。食到停唔到口。🤩滷水西貢壯元蹄滷得非常入味同淋身，淡淡骨膠原，正吖！😋雞油飯油香十足，配上蒜片，非常惹味。整體食物質素非常高質同好食😍服務員亦很親切，會主動問我地要唔要碗仔同埋辣醬，推介撈飯食一流。很有人情味呢！

【西貢隱世小巷必食海南雞😋】呢間係小巷入面完美隱藏😝門口細細，但其實幾人氣㗎！貼滿曬報道📰價錢唔太貴，但好好食‼️完全係街坊生意☺️不過食完真係覺得幾驚喜👍🏻.🍴招牌去骨海南雞(💰:$209)成隻雞都好滑，去骨食真係好方便🐓又滑，加埋醬汁一流👍🏻佢有三款執揀，包括海南雞醬、蔥油、辣醬，我覺得海南雞醬最好食🥳推介‼️.🍴滷水西貢狀元蹄(套餐包括💰:$138)豬手超大隻，係勁似韓式豬手個隻份量🤣有滿滿骨膠原同肥膏，入口即溶係有少少邪惡嘅🦴啖啖豬手都有晒汁😋 豬手肉食落好淋🥳推介‼️.🍴海南雞油飯(💰:$16)油飯我覺得粒粒飯都好硬😂入面有啲炸油聰蔥🧅好好食👍🏻-🔖4人套餐包括海南雞一隻➕狀元蹄或煎鹹魚蓉肉餅➕時菜➕湯➕雞油飯或白飯➕飲品😚今次佢係南瓜湯，飲品真係唔好咁大期望😂(💰:$328).🔖MENU選擇唔多💩好似得10樣食物以下🥲.💡見到好多人入到嚟都係叫無骨雞髀飯🐓-💎推介指數: 💎💎💎💎💎💡性價比:✨✨✨✨✨(4人餐好抵份量超足😆)🍴ENCORE指數: ⭐️⭐️⭐️⭐️⭐️ (下次自己食應該會叫無骨雞髀飯😚)- Ig; Munchpig_hk

上星期去西貢行山行之前去朋友介紹嘅海南雞飯食嘢先係小巷入又估唔到🤣係正hush hush 隔離，下次一定要試埋。泰式鳳爪 $59 呢個價貴左少少但份量都對得住個價錢但味道就辣左少少不過好爽😄麻辣無骨雞飯跟湯 $60 個雞都幾滑，就算雞胸都唔鞋麻辣汁放左側邊 麻味唔太出不過係幾香嘅辣油好似有蝦米同炸蒜，成件事似XO醬多啲😂油飯有炸蒜搶哂雞油味🙅🏻‍♀️個湯係勁重南瓜嘅湯，冇乜雞湯味。Overall 我覺得普通加上西貢價格較貴唔係太抵食，不過勝在老字號快食可以一試，岀餐好快

雞飯好好食！唔洗60蚊，平靚正👏🏿晚餐外賣，但居然冇差到，飯好香好特出，有炸蒜片，好驚喜。雞都滑，湯好飲，唔似味精湯。三種附送醬汁調味都好正！雖然等得有啲耐，不過係值得！

以前都食過幾次，呢次入西貢，晨早11點前就等佢開舖，叫咗個金雞二人套餐，$188。套餐有半隻雞海南雞，一上枱未食都覺得佢好靚，冇骨，鋪響隻碟度，有美感。皮薄，唔肥，肉超嫩。滷水豬手， 十分之淋，又入味，餸飯最啱。仲有兩碗例湯，南瓜湯，但係呢次好似味道沒有那麼濃。一碟油菜，都OK。另外兩杯飲品。至於兩碗飯，可以選擇白飯或油飯。我兩碗都要油飯。飯軟硬適中，有少少椰香味，而且唔油，唔錯。食飽之後，好似意猶未足，再叫多一碟雞髀飯自帶盒外賣，並且加多少少飯。要脾，加多$10，即$67。一碟雞髀飯送上枱，加少少飯真係誇張，差唔多係Double上，雞髀斬件，排得好靚，值得俾個like。

🐔🍚去骨海南雞飯套餐跟湯 $57 轉髀+$10✨ 睇完「衛食攻略」一直都好期待來試這款海南雞有幾好味🤔，去到門口原本好多明星都幫襯過，過了食午飯時間來到，不算太多人，點了單店員好快就送過來，見到好大份海南雞髀配油飯還有湯已經心心眼😍，湯好似係南瓜和豬肉做材料，唔濃唔太清味道鮮甜。到主角海南雞喇，見到雞皮雞肉表面好有光澤😃食落好嫩滑，真係好味到難以形容，這個價錢性價比高😍👍🏻🖼佢有兩間舖，另一間就在對面，環境唔算裝修得好靚，但食物質素就係神級，我見好多人外賣成隻海南雞，真係好多熟客仔👍🏻

西貢食個LUNCH， 11點半左右，店內無咩人唔洗等位，我地就嗌左金雞2人餐。海南雞飯配埋雞湯！湯唔係味精，好甜好好飲! 有木瓜、雪耳、紅蘿蔔、南北杏、雞….. 飲完會覺得好舒服！海南雞有雞味嘅，係滑lululu，仲要係無骨，油飯又真係食到有椰油味，但又唔會好油立立。雞皮唔算薄，皮與肉之間有雞油啫喱，油潤嫩滑，食落真係滑溜嫩口，啖啖油香！可以食好多飯！啖啖都係肉！懶人必食！再加上秘製醬料，入口先有甜味，再有少許辣味，但絕對沒有奪走雞既鮮味！滷水西貢狀元蹄，元蹄大大隻，元蹄滷得好入味，不會太鹹仲有少少滷水汁既香甜！煮得軟入口溶化的狀態，成個口都充滿骨膠原感！

前幾日係到搵西貢有咩好食然後見到呢間野咁多好評所以想試下依家晚市無得堂食焗住只可以買外賣我打電話去呢間餐廳到話想轉頭外賣自取一位男士聽電話答可以啊突然電話入面有一個大陸口音既女人大聲講唔做然後男士就答我 : 唔好意思啊外賣賣哂啦於是我諗住係外賣平台到叫外賣點知我見到呢間餐廳係外賣平台顯示係可以叫外賣諗唔通點解打電話去外賣自取就話賣哂唔做生意但就做外賣平台上面既生意？？見到呢個情況於是我叫另一個朋友打電話去朋友問，唔該想問仲有冇海南雞飯外賣？男士聽電話答有然後相同地有個女人大叫話賣哂其實我真係理解唔到點解打電話叫外賣自取唔接？姐係外賣都要選擇性地做生意？定只做外賣平台上面既生意唔做其他途經既生意？其實行前多幾步有間泰國人開既餐廳人哋一樣有海南雞飯賣仲要係泰國正宗海南雞同泰式醬汁雖然你唔識做生意不過都多謝你唔做外賣自取既生意先令我發現有其他更好既泰國餐廳存在親身去過二間餐廳現場你呢間就得一枱客堂食 人哋就爆哂場今時今日仲咁既服務態度揀客黎做難怪得一枱客幫襯你

🍪【#西貢】金雞去骨海南雞專門店 Golden Chicken💥滋味幼滑海南雞💥.🍪又一外賣好選擇🚴🏻‍♀️！幼滑🐔海南雞配惹味醬汁︰薑蔥、🌶️辣椒、甜豉油)✧Now that restaurants are closed for dinner, let’s not stop discovering yummy takeaways!😙Awesome Hainanese chicken rice- silky-smooth chicken with flavourful condiments (ginger scallion sauce, chili sauce, dark soy sauce). 👍🏻~~~~~~~~~~~~~~~~~~~~~~~~~~~~~~🐥 去骨海南雞飯套餐 (跟湯) $52 (4/5)✧ Boneless Hainan Style Chicken Rice Set (with Soup)~~~~~~~~~~~~~~~~~~~~~~~~~~~~~~味道 Taste：🍪🍪🍪🍪/5💸消費 Spending：$52 /人 Person🔥推介度 Recommendation：