金城苑越南餐廳 (Closed)

12:45pm去到，人唔多，2個人坐左4人枱，都唔駛搭枱，午飯市都冇滿坐。叫左:墨魚餅凍檬+熱奶茶。$25冇加一，價錢合理。墨魚餅，彈牙程度，只屬中等，份量略小，只有2件。檬粉份量剛好，汁的味道都係一般味道。奶茶幾滑。服務不錯，環境似一般茶餐廳格局，地下尚算乾淨。

原來係西九龍4樓個間搬佐來呢度，都係后來才知道的，要是早知道就不會進來了。陪朋友過來看布料，順便在福榮街搵食，我F話巨唔餓，是但我選，本來念住去劉森記吃個蝦子麵的，點知巨又話入來吃越南嘢哦。周末下午兩三點都好多人哦，坐到入最里面同人地孖位。金融風暴我當然第一時間睇下午茶特價嘢啦，于是自己點佐個特價餐$33蚊有香茅豬扒湯檬+炸蝦餅+紅毛丹冰；話唔肚餓個位竟然正價$38蚊點個香茅炒牛肉，再正價$15蚊點佐個青檸梳打哦，厲害～個炸蝦餅唔錯，不過湯檬麻麻地，同以前西九樓上個間一樣咁水，香茅豬扒同香茅牛肉一樣咁沒香茅味道。個冰都算解渴，不過真係唔好飲～～ 下次米搞～～見到隔離張臺個跌牛河好大好鬼靚，一家三口分好好味咁，睇睇個牌先$22蚊仲送埋嘢飲，早知我要個個啦～～Anyway, 吃個下午茶91蚊仲要我請，唔抵！下次都係去吃個tenish既餛飩麵算了～～～

一心諗住食生牛河, 但下午茶轉左餐牌, 無包括生牛河, 有些失望, 唯有轉另一樣 豬扒湯金邊粉 ($18)--豬扒落左少少香茅去醃, 本身無落太多調味料, 故偏淡味--豬扒被湯浸到過稔 --金邊粉好滑--幸好魚露夠味, 可以點豬扒及粉來食以至於不太淡--加$5 轉的珍多冰有香濃的椰汁, 唔會溝太多冰及水 咖喱牛腩飯 ($22)--咖喱汁香濃, 唔辣, 有好香椰汁--牛腩雖然唔硬, 但肉質實, 炆得唔夠火喉唔夠入味--牛筋碎碎幾舊, 夠稔, 最好食係佢--加$5轉的青檸梳打都同以前食評一樣, 青檸新鮮多汁, 好飲

同朋友於工作前來這裡吃了個晚飯之前來過都覺得ok今晚唔係太肚餓叫左個生牛肉河粉 + 熱檸水基本上我係評價唔到佢好唔好味因為其實我食唔到有咩味道....最有味就係個湯底....但都唔係有咩特別佢牛肉幾多，但係真係完全無味可言....少少牛肉味都無所以我都唔識評價佢....唯一就係ok抵食囉朋友不要求我應該不會再來的

佢D散餐最抵食,連野飲同小食都係30幾蚊,而且味道相當唔錯,越南餐廳黎講我去過至平既一間上次去食左沙嗲牛肉檬,串燒牛肉同椰汁冰,都好正

12/9(五) 7pm為台灣遊到各大百貨公司張羅一些戶外用品後,我倆走到福榮街尋食.坦白說對此條熟悉的街道確實有點生厭,剔除茶記,車仔麵及泰菜館,隨意地走進"金城苑",吃了2客$42套餐:蒜香雞翼,蒸粉包,扎肉湯粉,香茅豬扒凍檬,青檸梳打加$5.蒜香雞翼--2隻雞中翼炸得尚香口,油份略多,畢竟雞肉充斥著蒜香味,合格!蒸粉包--厚度高的粉包質地並不粗糙,上下夾雜著炸蒜,蔥粒,沙葛,木耳及蝦米,層次複雜;味道尚討人喜歡的!扎肉湯粉--金邊粉具份量,也具水準!口感爽滑;扎肉還蠻厚肉結實;唯湯味單調,不喝也罷.香茅豬扒凍檬--凍檬欠缺魚露這好搭檔,怎樣亦於理不合;幸虧香茅豬扒軟腍且夠入味/青檸梳打--酸甜度適度的青檸梳打,$5的貨仔,算不俗呢!服務方面,阿姐手腳頗快.二人晚餐,七八十元有交易的越餐,吃得過!

去大球場睇完大匯演就黎左呢間食飯.叫左豬扒凍檬+酸辣鳳爪同埋咖哩牛腩檬+炸蝦餅豬扒凍檬1般,酸辣鳳爪好好味!夠酸夠辣!咖哩牛腩檬夠辣不錯,炸蝦餅唔係炸ge-_-仲有值得1提份量幾大份,價錢都可以接受,不錯!會再黎呀:]

五月三十日, 星期五晚, 放學後, 老公過咗嚟陪我食晚飯,我哋去噃「金城苑」食嘢, 今次都叫凍檬, 仲有我鍾意食既豬頸肉喎~~ 正!個「豬頸肉凍檬」仍然 keep 到水準!而老公呢個「越南炒飯」就比較少食, 食咗兩啖, 都唔錯, 分量仲幾大, 老公最後都食唔晒, 食淨幾啖呀!簡唔中九點後嚟呢間食吓都唔錯, 不過佢又加咗價啦!九點後特價餐跟一個汽水或熱飲要 $22, 以前只需 $20, 凍飲加 $2, 唉.. 冇辦法啦, 我都知乜食物材料都貴晒, 佢咁耐而以都只係叫做加咗 $2,都算係咁啦!! 好過「合發」, 除咗加咗成四次價之外, 啲份量仲細咗好多呀...呢間都算係有良心啦!! 只係我哋既人工又跟唔傾咁解啫................ 更詳細資料及圖片請看 : http://hk.myblog.yahoo.com/joycewai616/article?mid=8440

今次再去當然不會錯過下午茶,$18生牛肉湯河+$5可選冰類飲品;想讚下青檸梳打,青檸好新鮮,原個上一開二,點篤都唔會過酸,且一D都唔苦;好好飲呀!反而朋友仔果杯龍眼冰就無咁好飲,龍眼肉好黑,龍眼水味道不太討好總括而言,下午茶超抵,今次個生牛肉河very good!

是日本來係網球日，可惜天公不做美，所以要改期，但波就cancel啫，晚飯一樣要食架嘛上次打完波落左深水埗，今晚再去過，本來想試劉森記，但大堆人等位，所以都係打退堂鼓，只好另覓地方。深水埗選擇不少，經過一間越南野，一於試試。晚上有晚飯套餐，二人點了：牛柳粒配法式炒紅飯加酸辣鳳爪(牛柳餣得味道不錯，可惜梳打粉多了點；炒紅飯熱辣辣有蛋香；酸辣鳳爪夠入味，少辣。)香茅豬扒凍檬配炸蝦餅(豬扒入味，香茅味重，撈檬魚露好正；炸蝦餅夠彈牙，熱辣辣。)另外點了椰青及龍眼冰，透心涼。兩sets套餐$89

星期一晚, 約咗兩個舊同學食飯, 因為舊同學派炸彈呀!!今晚我哋平平哋, 走噃嚟「金城苑」食越南嘢,舊同學叫咗個「沙嗲雞絲湯檬」配「酸辣鳳爪」,另一位舊同學叫咗個「咖喱牛腩湯米」配「炸蝦餅」,我就叫噃至愛「炸豬扒凍檬」配「春卷」,今次係第一次食呢度既「酸辣鳳爪」咋! 原來都幾好食喎~~佢哋話果兩碗麵都幾好, 而我果個凍檬就唔駛講啦!春卷都正, 夠熱, 至於啲炸蝦餅好似差咗少少喎... 埋單每位 $30 (一個粉麵飯加一個小食套餐), 價錢合埋啦!不過呢度都仍然係我其中一個飯堂嚟既! 更詳細資料及圖片請看 : http://hk.myblog.yahoo.com/joycewai616/article?mid=7478

晚餐一行五人叫了套餐外賣:有一碗粉+小食-札肉湯檬:得果4-5片半塊版札肉,無咩味,反而個粉就ok,幾滑,味道有d似河粉,不過係narrow版!-豬頸肉拉麵:豬頸肉係就咁煮熟,而唔係燒過的,所以好麻麻,拉麵似油麵-咖哩牛腩拉麵:似個湯底叻沙多d,一d咖哩味都無,但係都無椰汁味,係隻色似啫,牛腩都好淋,有幾舊薯仔,個麵都係似油麵-雞絲湯檬:雞絲唔係絲,而係雞肉條,勁清-炸豬排凍檬:個汁唔甜又唔酸,豬排就唔錯,夠淋.個檬粉就一般-春卷x2:手指公粗少少,好細條,都食唔到咩味,但係唔係中式春卷皮都讚o既..-雞翼x2-蝦餅:個醬夠酸甜,但係就無咩蝦味-無骨雞腳:唔夠酸辣,簡稱無味-牛肉串燒x2:個醬幾濃味,似係自家的.個牛幾淋

$30香茅豬扒湯檬+蝦餅湯檬好少,豬扒頗鞋口,湯底少越式香料,最不滿意是湯有些黑色一點點,可能是煎豬扒後留下的鑊屑蝦餅濕濕的,淡而無味,有點兒失望不知道三點半有下午茶,故三時二十五分入去便立即點菜,若遇著nice些的食店,一定會單聲五分鐘後有下午茶囉

前日一行4人隨意的選擇了這間店.晚市選擇不少,主要睇2個餐牌....1個$20(飯,面,檬粉果D),加野飲(唔同野飲要加唔同$,特飲如真多冰就加$5,椰青要加$10!!!)另外1個就$3X,又係1個飯/面/檬粉果D+1樣小食~~~其實小食可以另外叫,每個$10,有墨魚餅,小串燒,春卷等.主菜and小食都有唔少選擇.4個人都係叫$20果D,另外加樣$10小食.小弟叫ge係類似豬頸肉炒飯,好彩叫左個小食,如果唔係可能唔夠"送"!因為豬頸似數目唔係咁多!可能食慣金太河果d數目~不過味道就唔錯!有d越feel!(查實係落左香矛果d^^")炸墨魚餅就中等啦,好就唔粉~2大舊$10可接受~

12月3日夜晚,四個人走咗去金城苑叫小菜食, 先嚟兩個小食「炸軟殼蟹」同「炸雞軟骨」, 可惜今晚炸粉多咗少少...跟住生菜包春卷, 呢個幾好味!! 再嚟「咖哩牛尾」配四片蒜蓉包, 個咖哩沖同蒜蓉包都好正! 仲有呢個「焗帶子」, 都好香好好味呀!仲有好好大個碗既香茅豬扒湯檬,不過朋友話啲豬扒淋晒, 應該分開上碟會好啲!仲叫咗「牛展豬頸肉配蛋白炒飯」, 兩個餸都唔錯啦!老公話啲蛋白炒飯好好食喎~ 不過我太飽, 試唔到!而個「牛肉粒煎蝦餅紅米飯」就食咗唔少, 兩個飯, 我好自然咁食咗呢個紅米飯啦!至於啲牛肉粒同蝦餅都幾好食呀!另外我同朋友都叫咗杯紅豆冰, 老公就飲熱華田, 不過呢度既紅豆冰個人覺得麻麻...不過點講呢度都算係抵食, 叫咗咁多嘢, 食到我哋四個咁飽,埋單都係$255 左右, 雖然未至到好好食, 但樣樣嘢都唔差, 特別係個咖哩, 正!!同埋呢度每晚九點後都有啲特價套餐, 都幾多款同埋幾抵架!