金枕頭泰國餐廳

Open Now

Now Closed

夜晚的粉嶺依然燈光充足，到處仍然是人來人往，在住宅下的泰國食店更出現人龍。原來他們是等9時半的宵夜時段。8時半到達不用等位就可以入座。店裡很熱鬧呢🙆🏼魷子沙律 $653隻辣椒 好辣！好刺激！！😍吃辣朋友一定很喜歡！辣味由鼻子攻上頭頂，配著稍酸的醬汁超級開胃！😋柚子生菜包 $78柚子 豬肉碎 青木瓜絲超喜歡這種配搭！清新的柚子去除豬肉的油膩感！生菜略嫌不足。生菜和配料放在同一碟子上，最底的生菜沾了醬汁，不方便用手包，只好考驗筷子功力。💁🏻魷魚筒飯 $90這個比想像中有點兒不一樣，魷魚較沙律魷魚的韌，要用力咬開。飯質感像是糯米飯，這一碟很飽肚。🤰🏻椰汁涼粉冰2-3粒涼粉 椰汁略甜，消暑解渴一流❄️下次可以一試宵夜時段☺️===============重點：1. 必食生菜包！2. 宵夜時段9:30後開始3. 只收現金===============

有啲想食泰國菜所以今晚就同媽媽嚟咗屋企附近嘅嘅金枕頭，我哋已經好耐冇嚟過差唔多年幾兩年啦。 我哋呢好多人要等位所以就六點幾黎度。 雖然天氣有啲熱但都無阻我哋對泰國菜嘅熱愛。睇完餐牌之後我哋嗌咗幾樣野。 首先係細嘅冬陰公，我哋兩個人飲每人都飲到兩、三碗架，我發覺依個係枱枱必嗌嘅。 但係我見到六個人都嗌細嘅，所以細嘅份量都叫多。佢入面好足料唔係淨係得湯，蝦、秀珍菇都幾多，飲落唔係太辣，幾開胃。 跟住我地有嗌馬拉盞炒通菜，馬拉盞係幾惹味可惜通菜有啲老，所以麻麻地。炸蝦餅就冇乜特別同平時食開嘅差唔多青咖喱雞入面有埋茄子，佢餐牌寫住有兩條辣椒，食落比平時嘅青咖哩辣少少， 我覺得唔太辣接受到，配埋薄餅食都幾好，我諗送飯都會幾好食。 我覺得總體黎講其實質素算唔錯，當然唔可以同出面九龍城泰國餐廳比，但係係屋企附近黎講算係唔錯嘅選擇。

份量勁充足！最少要2-3個人黎先開心share價錢同一般泰國餐廳差不多但份量大30%味道不馬虎 上檯熱度夠食幾次炒菜同炸餅都係出住煙上檯食得好開心！炸墨魚餅同蝦餅都外層好脆好熱炒菜一讚 味道夠 小朋友都即刻中意食菜係飲品一般 淡口 青檸梳打得一片青檸 有冇咁珍貴呀但其餘都叫性價比高款式都唔算少未叫過套餐 2次都係單品叫下次有機會試下抵唔抵食再報告下啦！係環境迫啲 迫到茶餐廳咁如果空間大啲就好不過環境好左可能價錢又相對貴啲

一家四口帶BB去食午餐，我話俾個阿姐聽四位，佢望一望我，只問我個B.B. 袋係咪寵物袋，之後我話拉埋曬點會係寵物袋，之後個阿姐理都唔理我走去落單，真係冇禮貌又冇知識！之後我話係咪冇位，個收銀先行埋嚟話未有位，但我見住有四個吉位！之後費事同佢講嘢，走人

我住附近，呢間泰國菜都幫親左N咁多次，我個人覺得我試過咁多間粉嶺既泰國菜（包括埋聯和墟）我唔敢講呢間係粉嶺最抵食，但我認為呢間係粉嶺最好食既泰國菜，我每次食晚餐有兩樣野係必點，炸蝦餅同埋燒豬頸肉，真係好好食，炒飯除左菠蘿炒飯之外？我會推介火車炒飯同埋椰青炒飯，特別係椰青炒飯，好香椰子味，不過星期六日一定要早D到攞定位，門口好多人等位，其他野食都好食但我推介係以上幾款，最衰既地方就係衰在無得比卡，我地有次一行十幾人埋單過千都係只收現金。

大年初二 最好就係可以同家人相聚😆屋企每年年初二都會去粉嶺嘅金枕頭食餐飯😋今次我地嗌咗個八人餐 有好多唔同嘅餸菜😋叫咗雞肉同豬肉串燒 好香好野味之後仲有蝦餅 啲肉都幾厚又炸得唔算油 配埋甜酸醬好好食小菜仲配有生菜包 生菜好大塊 肉碎味同香草味好夾好吸引😋仲有兩碟炒菜 蒜頭味炒得好香 不過就有啲啲油主食有菠蘿炒飯 炒飯係用菠蘿嘅殼裝住好特別🤤 飯亦都炒得乾身 菠蘿味好重仲有個濕炒豬肉河粉 味道都算唔差

每個星期都會路經呢度，每次都發現晚市時段好多人等位😮，估計食物應該唔錯!見到佢有做宵夜PROMOTION，由每晚9:30開始。一直都想試下，終於講左大半年後既今日可以試一試😏認真講，睇完個MENU真係嚇親😯，居然一個粉只係$13-$26，今時今日仲可以以十幾蚊去食個泰式粉真係好滾動..!!!😭😭價錢吸引又點止個粉，就連菜都好抵點，$28可以點到通菜或鮮魷；另外仲有15款小食，價錢都只係$6-$13，雖然小食同出邊差唔多價，不過勝在可以每款叫少少，唔駛局住食太大份😆😋如果肚餓既話，仲可以叫雞飯、炒飯、炒河，我見唔少人都會叫雞飯，個賣相都算靚仔，下次可以試除左鹹點，仲有甜品，令個宵夜更圓滿!~🤗泰式炒通菜 ($28)分量應該係出面既1/2至2/3左右，用蒜蓉同麵鼓炒成，唔會太鹹，味道OK辣椒膏炒鮮魷 ($28)呢個有驚喜! 一黎第一次食，二黎個味真係唔錯用洋蔥、辣椒、羅勒、鮮魷炒成，只屬微辣，但個汁好有魷魚味，我地之後將金邊粉撈汁食，比湯粉更佳 (我地係重口味之人🤣)牛肉湯金邊粉 ($15)牛肉用上半肥半瘦既肥牛，美道屬普通。金邊粉分量唔算少，以$15呢個價錢黎講，算抵食😀牛腩湯金邊粉 (

幫趁左好多年，食物質素一直咁高，亦一直咁多人等位 😂.呢間湯粉做得比炒飯好。冬蔭功海鮮湯粉非常足料，見到青口同蝦都大大隻 👍🏻👍🏻👍🏻.值得一提係飲品，呢間做得非常出色，一定要叫！.呢間嘅涼粉應該係特別訂嘅，比街市同超市罐裝更有咬口，食得好過癮 😋.青檸梳打上一杯青檸片同汁，加原支梳打水。附上糖漿，可以自己控制甜度。呢間青檸梳打$11，價錢唔平，但係唯一一間做到添完梳化水都維持風味，非常值 👍🏻

本人都有幾年沒有食泰式菜，突然好想食。上Openrice搵搵附近有沒有泰式餐廳，於是發現這間有51個，直得去試一試！這是午餐餐單，不論正餐，小食，飲品都有好多好多款式。而且價錢也可接受，份量適中。泰式蝦餅  ~  $24蝦餅很重蝦味，啲皮脆卜卜，與甜酸醬很配合，甜甜的，酸酸的！泰式炒通菜  ~  $28雖然有少少油，但整體都不錯。泰式豬肉炒河(濕)  ~  $36大塊塊河粉，豬肉好軟好香，但唯一不足的是啲菜煮太久，好老。牛豬串燒沙爹  ~  $40蜜糖燒雞翼  ~  $26這個味道不錯，有高級自助餐的好準。泰式炒金邊粉  ~  $36在那裡多種正餐中，我最喜歡這個。各方面都很完美。大家一定不試這個！！泰式海南雞飯  ~ $53可以轉雞腿。黃咖喱牛腩飯  ~  $38咖喱小辣，很濃咖哩的味道和香味，牛腩好軟，是送飯的最佳搭擋！泰式蝦春卷  ~  $24

同媽咪帶家中有两隻為食小鬼去食lunch其實幾頭痛，放假想去遠d但又唔願，所以帶住两隻唔走得太遠!次次唔係飲茶，老麥就茶記，今日決定同佢哋轉下新口味，加上思鄉病病發，唯有就近去附近醫下啦!菠蘿炒飯，飯面有肉鬆，不過不失啦!香辣肉碎炒河，自從我知道河粉用油猜後，我介食河粉，但每次我喺呢度必食呢個炒河粉雖然唔係超好味!小食拼盤最後緊係有两隻小鬼飲到唔願放口嘅咸檸七同青檸梳打!l呢度既青檸梳打，糖漿加上，可以自由調較甜度，唔錯!

這間位於粉嶺牽晴間金枕頭泰國餐廳服務態度非常惡劣個年約四十餘歲略肥的女人做收銀位那時我約12:30打電話落單（外賣自取）叫左三個雞翼米缐 ，三杯凍檸茶 一杯少冰，一杯少甜 ，一杯正常，加一個香芋春卷 。我說得非常清楚 ，我說到加春卷時就快快收左線，於是我再打過去等了一等要加春卷 。（電話中已感覺到個服務員想快點搞掂，語氣很差，冇耐性。我明白午餐時間繁忙，但吾應該咁樣。）重點來了，我等了約二十分鐘拎著三個外賣回來 ，一打開發現變左三個河粉 ，其實我住這餐廳附近光顧了幾次了，己經出錯不少，就是對上一次明明叫了雞翼米線，打開卻是雞翼河粉，那時都算冇所謂照食，最後食了三分一就食不下了，因為河粉真的好難食，湯好快被河粉吸收左，一團野咁）所以我決定這次決心拎去要求更換米線，我說我電話清楚說明三個雞翼米線，你比左三個雞翼河粉我，點知個收銀女人黑面一句道歉說話都沒有，更想吾認，更在我面前揸爛兩個河粉消毀袋外賣（發曬脾氣）我都未發脾氣，佢就發先，之後在我走背後仲駡人我真系未見過咁差既人 我住粉嶺廿幾年，未遇過這樣差勁既服務態度，自己錯先仲惡人先告狀。講真呢間野我知道在牽晴間略受歡迎 食物一般 泰國野來說

家中大大生日，想食d特別d ge 野，之前係粉嶺都食過間泰國野，不過味道就麻麻地，之後仲執埋，之後屋企人又撩起話想去呢道食，咁就即管book位啦。但真係要講一講ge係聽電話果個個態度真係好麻麻，如果5係屋企人想食，我真係諗住book過第二間算。不過我地有野做，最尾係cancel 左個booking，要walk in。去到果時真係好多人，係出面排哂長龍！都等左一段時間先入到去。食泰國野，又點可以5食生蝦呢？不過除左點左個汁有少少辣辣地之外，整體尼講個蝦5算特別。呢個粉絲比我個印象好深，一開始見到紅當當咁，以為佢好辣，點知食落，甜甜地咁又幾得意呀，原來紅當當果d5係辣椒，係蕃茄。呢個咖喱就咁食佢真係好似有d嘥咁，佢本身又冇飯跟，所以要自己另外野尼撈d汁，不過今次我地叫左蒜蓉包尼撈佢個汁。個咖喱幾好食，不過都係覺得佢個味5夠濃。其他d餸都係ok啦，不過食完之後個印象都5係好深刻。其實最好食係佢個甜品！個芒果糯米飯真係好高質！當然我本身就中意食佢，如果佢再甜d就好喇，可惜都未影相d甜品就比屋企人夾走左😂總括尼講，粉嶺係真係好難同九龍果邊尼比ge，但係粉嶺食到呢d餸，起碼5係淨係得春卷同埋咖喱咁

其實都已經食過幾次，啲人啲態度非常差。成日都好憤怒。之前去叫左個金邊河外買，超慢，等左成半個鐘。到有得take away 個時又吾話比人聽。個時我發覺拎錯左人地個外賣，服務員就好冇耐性指三指四。超差😡

奶油包因為工作關係差唔多每個星期六都被流放『好Q遠』既粉嶺(奶油包住港島東區...粉嶺真係好遠)而奶油包有朋友住粉嶺佢推介奶油包去試試『金枕頭泰國餐廳』所以奶油包就約佢朋友一齊去食LUNCH喇環境方面...金枕頭泰國餐廳有D似茶餐廳既style但so far都坐得幾舒服而食物方面...LUNCH SET都好多選擇而且價錢唔貴大部份都係$30 - $50仲可以加錢包野飲奶油包同朋友就揀左2個LUNCH嚟食佢地分別係「菠蘿炒飯」同「泰式濕炒牛河」「菠蘿炒飯」個賣相真係唔錯好多肉鬆係面而D菠蘿亦好多...仲有D好似咸肉既物體咬起嚟好香口個飯炒得好乾身真係唔怪得朋友推介我食而「泰式濕炒牛河」就比「菠蘿炒飯」差左少少因為佢真係好濕D河粉好似俾湯浸住咁每食完一碗都要倒一次汁當然...唔會好影響個牛河因為味道唔會太咸而D牛肉都好滑唔鞋仲要有D菜配襯唔會覺得只係得肉同河粉奶油包餐飲方面叫左杯青檸薏米水um....個味道其實唔差...但奶油包唔係咁鍾意成餐嚟講...奶油包俾75分

今日老闆請食飯，介紹左呢間泰國餐廳幾好味，所以一於黎試下。可能因為附近係住宅區，人流少，所以唔使等就已入座。不過座位之間就比較窄啲。馬拉盞通菜咸味適中，好味!串燒選擇左雞同豬，沙嗲醬唔辣偏甜，肉質無論雞定豬都好嫩口，唔韌炸蝦餅&蝦春卷蝦餅炸得剛剛好，蝦肉多粉少。春卷一樣炸得剛好，脆皮。酸辣鳳爪。我覺得好辣，要叫嘅話要留意返。辣味主要來自個汁。雞全翼燒得剛剛好，正。炒金邊粉金邊粉軟硬適中，唔會炒得好“淋”。菠蘿炒飯。我覺得飯比較“淋”左啲，一般。