金枕頭泰國餐廳

Open Now

Now Closed

粉嶺唔係太多泰國菜，所以金枕頭係伊區比較受歡迎。加上佢地方闊落，價錢又唔算貴，好多上水粉嶺人會去食。今晚兩個人嗌三個菜，一個椰青。豬肉生菜包偏酸少辣，我會想佢再辣啲，啲菜好新鮮。豬肉雞肉串燒乾身得黎唔靭，配埋沙嗲醬正。菠蘿炒飯無提子乾差咁啲味道，而且味道偏淡。全晚亮點係椰青，廿八蚊超大個，飲極都仲有椰青水。兩個人食佐二百四，餸菜份量多，性價比高。

由上學時期已知粉嶺牽晴間下面有間好有人氣的泰國餐館，就算隔離餐廳仲有空位時，呢個泰國餐館已經早早有人龍。早排去探朋友仔，所以去開個頭，順便試下呢間餐廳有咩咁吸引。我們一行6人，共叫左份四人餐($568)及再散叫D野。四人餐包無骨鳳爪、泰式燒豬頸肉、明爐烏頭、生菜包、炒通菜、炒飯、甜品及四杯飲品。泰國酸辣脱骨鳳爪的辣味比其他餐廳辣，鳳爪肉彈牙，而且酸酸地非常開胃。泰式燒豬頸肉燒得唔會燒得太乾，重點佢惹味得黎又係唔會太肥。明爐烏頭的魚肉都幾鮮味，餐廳更貼心地準備了另一碗酸辣汁，可以避免個魚滾瀉之餘，唔夠汁仲可以後加。生菜包的肉碎煮得超級惹味，係餐紙上更教大家泰國人正宗食法：先食肉碎，再食蔬菜去減少辛辣味。飛天炒通菜的味唔算超香，不過D通菜炒完仲係嫩綠，都OK的～菠蘿炒飯用菠蘿殻上，本身已經好香，加埋大量的腰果及肉鬆，令到整體的口感及味道更香。由於我們有6個人，一份四人餐係唔夠食的，所以我們都散叫左D小食及一個炒河。其中更有優惠價加配小食，呢份蝦餅都只係加$58，佢表面炸得金黃，而且裏面又夠彈牙，真係無叫錯！泰式豬手係餐廳推介的菜式，唔算太肥的豬手更健康，加上惹味的醬汁，令味道更濃郁。炒芥蘭

粉嶺細細地不知何解有咁多泰國菜館，今晚終於返黎牽晴間食泰菜喇！呢間泰菜成日經過都好多人，直覺應該不錯今晚就去試試。超厚肉彈牙活蝦刺身 $80活蝦厚身口感爽口彈牙，蘸上辣汁味道同味蕾都大大滿足👍冬蔭功 $68酸辣醒胃不過提一提盡量襯熱飲會好味些。脆豬肉炒通菜 $52有鑊氣喎👍不過脆豬肉即係燒肉就欠脆皮了，炒通菜配了豆板醬甜甜地有另一翻味道。😋鹹魚雞粒炒飯 $55咸香惹味粒粒飯香炒得乾身香氣撲鼻。👍多種炒菜組合想點炒用咩炒全部自己話事泰式素菜就連素食人士都有得選擇夠細心。👍八人海鮮套餐二人用膳每位127 都算抵食，服務員大多數都係泰國人，沙嘩地Cup 都幾好態度啊！

話說因為上次係尖沙咀食左個貴夾味道一般嘅泰菜私房菜，所以最後結論都係食泰菜緊係去返我平時最愛嘅飯堂。（星期六晚1930去到竟然要等位）今次叫左4樣野食。1. 蒜蓉包 $26/4件— 我的最愛！試過好多間都係覺得呢間最好味！個包外軟內脆（食果時唔會比包邊𠝹到個口），加上牛油、蒜蓉醬，好味2. 冬陰公湯 $65/細 — 非常足料，料多到食唔晒！（有蝦、秀珍茹、蕃茄、香草）甜、酸、辣味有齊，仲有淡淡椰香！雖然未去過泰國，唔知正宗係點，但對於平時唔太好湯水嘅我黎講係幾好飲。3. 豬頸肉串燒 $50/4串 — 每次必叫，最鍾意就係佢食落有炭燒味。4.柚子生菜包 $78 — 第一次叫黎試！比起平時 食開嘅生菜包多左柚子、芒果絲。肉碎辣辣地，加上柚子同芒果絲，中和返，非常fresh。下次會再叫。最後再個人食左$300幾（外賣左個芒果糯米飯返屋企食。

夜晚宵夜時段9:30開始，9:20入去，明明大把位都唔比人坐，要拎飛，出面三十幾度都唔比人入去坐低等，點會咁安排。😡😡😡😡😡出面有bb有大肚婆，企曬門口，d人又食煙，一肚氣，最後9:35先比入。

金枕頭呢間泰國餐廳原來都開左十幾年日日生意都不錯有時候仲要等位！大廚係來港定居既泰國人珍多冰 & 椰汁紅豆冰青檸梳打內冬陰功湯，好多蝦不太辣蒜茸包，好脆！這個要配飯吃好味，但好濟。。。

夜晚的粉嶺依然燈光充足，到處仍然是人來人往，在住宅下的泰國食店更出現人龍。原來他們是等9時半的宵夜時段。8時半到達不用等位就可以入座。店裡很熱鬧呢🙆🏼魷子沙律 $653隻辣椒 好辣！好刺激！！😍吃辣朋友一定很喜歡！辣味由鼻子攻上頭頂，配著稍酸的醬汁超級開胃！😋柚子生菜包 $78柚子 豬肉碎 青木瓜絲超喜歡這種配搭！清新的柚子去除豬肉的油膩感！生菜略嫌不足。生菜和配料放在同一碟子上，最底的生菜沾了醬汁，不方便用手包，只好考驗筷子功力。💁🏻魷魚筒飯 $90這個比想像中有點兒不一樣，魷魚較沙律魷魚的韌，要用力咬開。飯質感像是糯米飯，這一碟很飽肚。🤰🏻椰汁涼粉冰2-3粒涼粉 椰汁略甜，消暑解渴一流❄️下次可以一試宵夜時段☺️===============重點：1. 必食生菜包！2. 宵夜時段9:30後開始3. 只收現金===============

有啲想食泰國菜所以今晚就同媽媽嚟咗屋企附近嘅嘅金枕頭，我哋已經好耐冇嚟過差唔多年幾兩年啦。 我哋呢好多人要等位所以就六點幾黎度。 雖然天氣有啲熱但都無阻我哋對泰國菜嘅熱愛。睇完餐牌之後我哋嗌咗幾樣野。 首先係細嘅冬陰公，我哋兩個人飲每人都飲到兩、三碗架，我發覺依個係枱枱必嗌嘅。 但係我見到六個人都嗌細嘅，所以細嘅份量都叫多。佢入面好足料唔係淨係得湯，蝦、秀珍菇都幾多，飲落唔係太辣，幾開胃。 跟住我地有嗌馬拉盞炒通菜，馬拉盞係幾惹味可惜通菜有啲老，所以麻麻地。炸蝦餅就冇乜特別同平時食開嘅差唔多青咖喱雞入面有埋茄子，佢餐牌寫住有兩條辣椒，食落比平時嘅青咖哩辣少少， 我覺得唔太辣接受到，配埋薄餅食都幾好，我諗送飯都會幾好食。 我覺得總體黎講其實質素算唔錯，當然唔可以同出面九龍城泰國餐廳比，但係係屋企附近黎講算係唔錯嘅選擇。

份量勁充足！最少要2-3個人黎先開心share價錢同一般泰國餐廳差不多但份量大30%味道不馬虎 上檯熱度夠食幾次炒菜同炸餅都係出住煙上檯食得好開心！炸墨魚餅同蝦餅都外層好脆好熱炒菜一讚 味道夠 小朋友都即刻中意食菜係飲品一般 淡口 青檸梳打得一片青檸 有冇咁珍貴呀但其餘都叫性價比高款式都唔算少未叫過套餐 2次都係單品叫下次有機會試下抵唔抵食再報告下啦！係環境迫啲 迫到茶餐廳咁如果空間大啲就好不過環境好左可能價錢又相對貴啲

一家四口帶BB去食午餐，我話俾個阿姐聽四位，佢望一望我，只問我個B.B. 袋係咪寵物袋，之後我話拉埋曬點會係寵物袋，之後個阿姐理都唔理我走去落單，真係冇禮貌又冇知識！之後我話係咪冇位，個收銀先行埋嚟話未有位，但我見住有四個吉位！之後費事同佢講嘢，走人

我住附近，呢間泰國菜都幫親左N咁多次，我個人覺得我試過咁多間粉嶺既泰國菜（包括埋聯和墟）我唔敢講呢間係粉嶺最抵食，但我認為呢間係粉嶺最好食既泰國菜，我每次食晚餐有兩樣野係必點，炸蝦餅同埋燒豬頸肉，真係好好食，炒飯除左菠蘿炒飯之外？我會推介火車炒飯同埋椰青炒飯，特別係椰青炒飯，好香椰子味，不過星期六日一定要早D到攞定位，門口好多人等位，其他野食都好食但我推介係以上幾款，最衰既地方就係衰在無得比卡，我地有次一行十幾人埋單過千都係只收現金。

大年初二 最好就係可以同家人相聚😆屋企每年年初二都會去粉嶺嘅金枕頭食餐飯😋今次我地嗌咗個八人餐 有好多唔同嘅餸菜😋叫咗雞肉同豬肉串燒 好香好野味之後仲有蝦餅 啲肉都幾厚又炸得唔算油 配埋甜酸醬好好食小菜仲配有生菜包 生菜好大塊 肉碎味同香草味好夾好吸引😋仲有兩碟炒菜 蒜頭味炒得好香 不過就有啲啲油主食有菠蘿炒飯 炒飯係用菠蘿嘅殼裝住好特別🤤 飯亦都炒得乾身 菠蘿味好重仲有個濕炒豬肉河粉 味道都算唔差

每個星期都會路經呢度，每次都發現晚市時段好多人等位😮，估計食物應該唔錯!見到佢有做宵夜PROMOTION，由每晚9:30開始。一直都想試下，終於講左大半年後既今日可以試一試😏認真講，睇完個MENU真係嚇親😯，居然一個粉只係$13-$26，今時今日仲可以以十幾蚊去食個泰式粉真係好滾動..!!!😭😭價錢吸引又點止個粉，就連菜都好抵點，$28可以點到通菜或鮮魷；另外仲有15款小食，價錢都只係$6-$13，雖然小食同出邊差唔多價，不過勝在可以每款叫少少，唔駛局住食太大份😆😋如果肚餓既話，仲可以叫雞飯、炒飯、炒河，我見唔少人都會叫雞飯，個賣相都算靚仔，下次可以試除左鹹點，仲有甜品，令個宵夜更圓滿!~🤗泰式炒通菜 ($28)分量應該係出面既1/2至2/3左右，用蒜蓉同麵鼓炒成，唔會太鹹，味道OK辣椒膏炒鮮魷 ($28)呢個有驚喜! 一黎第一次食，二黎個味真係唔錯用洋蔥、辣椒、羅勒、鮮魷炒成，只屬微辣，但個汁好有魷魚味，我地之後將金邊粉撈汁食，比湯粉更佳 (我地係重口味之人🤣)牛肉湯金邊粉 ($15)牛肉用上半肥半瘦既肥牛，美道屬普通。金邊粉分量唔算少，以$15呢個價錢黎講，算抵食😀牛腩湯金邊粉 (

幫趁左好多年，食物質素一直咁高，亦一直咁多人等位 😂.呢間湯粉做得比炒飯好。冬蔭功海鮮湯粉非常足料，見到青口同蝦都大大隻 👍🏻👍🏻👍🏻.值得一提係飲品，呢間做得非常出色，一定要叫！.呢間嘅涼粉應該係特別訂嘅，比街市同超市罐裝更有咬口，食得好過癮 😋.青檸梳打上一杯青檸片同汁，加原支梳打水。附上糖漿，可以自己控制甜度。呢間青檸梳打$11，價錢唔平，但係唯一一間做到添完梳化水都維持風味，非常值 👍🏻

本人都有幾年沒有食泰式菜，突然好想食。上Openrice搵搵附近有沒有泰式餐廳，於是發現這間有51個，直得去試一試！這是午餐餐單，不論正餐，小食，飲品都有好多好多款式。而且價錢也可接受，份量適中。泰式蝦餅  ~  $24蝦餅很重蝦味，啲皮脆卜卜，與甜酸醬很配合，甜甜的，酸酸的！泰式炒通菜  ~  $28雖然有少少油，但整體都不錯。泰式豬肉炒河(濕)  ~  $36大塊塊河粉，豬肉好軟好香，但唯一不足的是啲菜煮太久，好老。牛豬串燒沙爹  ~  $40蜜糖燒雞翼  ~  $26這個味道不錯，有高級自助餐的好準。泰式炒金邊粉  ~  $36在那裡多種正餐中，我最喜歡這個。各方面都很完美。大家一定不試這個！！泰式海南雞飯  ~ $53可以轉雞腿。黃咖喱牛腩飯  ~  $38咖喱小辣，很濃咖哩的味道和香味，牛腩好軟，是送飯的最佳搭擋！泰式蝦春卷  ~  $24