金萬年酒家 (Closed)

送完小朋友返學諗住飲早茶，想試去第二間飲早茶，第一次去萬年酒樓去到大把吉位又冇人招呼，我隨意在門口附近坐咗一張4人枱，諗住飲完走。點知服務員走過來話我一個人唔坐呢d4人位，我又無謂但你安排一個位就ok,我起身跟著佢行點知帶我去個角落頭的2人位我，我真係好嬲到爆，我一個人食唔駛塞我去角落位呱亞姐。咁多位置，我次次飲早茶去到都隨意坐，都唔會有酒樓介意我坐4人枱的因為亦未唔易搵2人位因為大把位。我即刻走人，走去潮潮居食，以往一樣隨意搵張4人卡位，人哋服務員好好招呼。

差別待遇，毫無規模嘅酒樓一入到去，同另一夫婦差不多時間到前台隨即直接走出前台帶兩夫婦入座我哋尾隨在後待佢安頓好前一對夫婦回頭見到我話三位立即板住面 唔出聲直行 經過我我以為佢聽唔到，再大聲講「三位唔該」佢先不耐煩回頭「係囉，我宜家咪攞飛俾你囉」我就奇怪，明明前一對夫婦無見佢拎任何野一見人就笑臉迎人咁同人打招呼「我唔見你之前嗰枱有飛，我都唔知道要飛」佢再無視我，同另一熟客呻「唉，佢話我唔理佢喎，咁得我一個人，同我講做咩啫，同經理講吖嘛」受得了差別待遇，可以前往無人帶位，得張紙手寫枱號唯有自己搵枱感覺回到從前舊茶樓年代雖然人哋講嘢大聲粗聲粗氣但招呼好好不時會提醒住你，坐邊，飲咩茶食物一般，氣就食到一肚氣前傳，話說飲茶前幾日有去買外賣又係呢個前台我坐喺度等外賣期間嘅15分鐘帶住AirPod 都聽到佢傾股票只能夠話新鴻基缺商戶至此竟接受如此劣質服務商户都係好失望！理解搵食艱難但都無理由貼錢買難受不知所謂嘅前台服務員操內地口音，卻比內地服務員態度差九皮#金萬年 #黃埔 #黃埔花園 #飲茶 #差別待遇

今日去咗食下午茶, 對呢間嘢印象十分之差! ！！食物質素ok但服務態度所有嘢都真係完全唔掂唔會想再嚟! ​簡單講下發生咩事令我去寫第一個評論！​1. 不停漏單，明明點心紙寫得清清楚楚，都可以漏三樣嘢。因為上次屋企人已有漏單嘅情況，所以我哋今次有check單，發現嘅時候我地即刻同返落單個姐姐講，佢話唔好意思會幫我地加返，但我地等左好耐都未到，再追嘅時候佢地竟然同我地講無落到，而且廚房已經走左整唔到，個經理仲要走埋黎話係我地無落單！😡😡😡2. 下午茶時段係兩點到四點，但兩點半入嚟好多點心已經冇晒，無飯無麵無腸粉無叉燒酥乜都無😵😓3. 本身係叫炒飯, 但上咗鳳爪排骨飯。而且姐姐放落黎嘅時候完全無對單。鳳爪排骨飯仲要比我地叫嘅價錢貴, 佢冇通知我哋冇嗰個飯就自己自行幫我哋轉咗😵‍💫4. 下午茶時間明明係二至四，但兩點半好多點心都無晒不特止，三點嗰陣想加單啲姐姐仲話廚房已經收爐走左，三點半仲有成枱野未食完，個經理已經畀單我哋叫我哋出去買單，過多五分鐘仲要熄埋冷氣同燈趕人走，而嗰時大概仲有六張枱嘅人，其他食客都未食完。大家仲食緊啲員工已經過嚟講話佢哋要打掃啦🤬🤬🤬🤬🤬🤬都未計佢地上菜撞瀉我哋啲茶，

屋企人生日，一早訂檯搵經理寫餐牌，經理推介了幾款時令海鮮，視覺同味覺都好正。👍🏻👍🏻👍🏻食到好飽，掛住食，後面都唔記得影相。服務都OK，侍應特別照顧老人家，會成日主動幫忙換熱茶。冰鎮南非鮑魚：唔韌，幾鮮甜😋😋😋😋😋清蒸阿拉斯加長腳蟹：　大大隻，隻隻腳都好多肉，好新鮮，正！必食推介😋😋😋😋😋鮮果百花釀鮮元貝：好特別，平時食開通常係炸蝦球，第一次食元貝炸球，成粒大元貝係炸球入面，同埋配埋個水果沙津幾開胃☺️☺️

訂了兩圍，跟店員說明了用餐目的，員工態度是ok 的，還很友善幫忙，沒有傳聞中那麼差，親友也很滿意，全部食物一上桌便十分鐘內碟碟清……食物質素以同樣價錢，連鎖酒樓應該做不到了

趁着端午節約咗屋企人一齊飲茶，酒樓嘅地點其實都算方便嘅，不過如果唔熟悉黃埔嘅人出咗地鐵站行過去，可能要花少少時間搵一搵，但係酒樓環境都可以，基本上就係比較傳統嘅酒樓感覺。因為今次掛住傾偈，所以都冇話特登每樣點心都影低佢，只係純粹想分享吓，佢哋點心方面其實都算多選擇，同埋都有啲點心係比較傳統嘅款式，每樣點心平均水準都唔錯，加上價錢亦都唔貴，所以都覺得幾抵食，可能唯一嘅問題就係人手不足，所以有陣時招呼方面會比較倉猝啲，但係都好理解嘅。呢間酒樓都應該會返嚟食。

上週日訂了位跟阿媽去飲茶，點知去到足等了一小時才有位，氣死！因為熟客及有利是的客才優先有位。坐下來吃點心又不熱，叫了炒飯及餸又留單。而且不夠伺應，沖水都要自已去沖。下次唔會再去了。

有老人家，昨天致電訂了位，可是今天中午到達後仍要等（也無問題）。但是發現金萬年大門外的老女支客，她衹給她的熟客和有給她利是的人才有位，並無需等立即便可入座，不用等，其他人包括巳訂位的都無位。十分失敗！以後都不去了。

年初二叫咗個12位用$3980晚餐包啤酒汽水。點知一上菜之後就話無咗兩樣高價餸菜: 脆皮雞、炸蝦球，由比較平價的鹽焗雞、京都骨代替。落單時又唔講、價錢又收足。之後奉上12罐汽水，同餐單講的啤酒汽水各6罐不符，又唔肯上水杯同公筷，嘈咗好耐。最終有人忍唔住俾利是個侍應先解決到，原來威迫人俾利是。整體食物雖然好普通，但總算無大問題。翠肉瓜炒蝦球- 蝦同瓜都無味。乳豬拼盤- 算ok北菇瑤柱- 北菇夠大但瑤柱好少京都骨- 太冧無口感無肉味，唔知係用鬆肉粉定烚完先炒？發菜蠔豉豬脷- 算ok鹽焗雞- 算ok

今日兩公婆嚟飲午茶，聽朋友介紹話唔錯，所以一訓醒就過嚟。呢間茶樓占地應該過萬尺，有好多VIP房，坐係入面嘅有老人家，有商務人員，後生仔就少啲啦！我地一入去就即刻將個年齡層拉低左啦職員都好勤快，見到我哋入嚟就即刻帶位，仲好快沖好茶俾我地。我見到新鮮出爐嘅 叉燒酥，立即叫姐姐俾碟我，老公仲問我鍾意食嘅咩？我話：“新鮮嘅咩都好食。”老公即刻咬啖，佢都話好鬆脆，好好食，我地食左兩碟呀我哋仲叫左腸粉，燒賣，棉花雞，尖椒肉，水餃，除左棉花雞個賣相差小小，其他味道真係一流。有機會真係要試下

今朝早又一支公，去咗黃埔呢間酒樓飲茶。呢間酒樓係某影視紅星有份投資嘅，地方不算太大，環境都尚算清幽啦！價錢都相當大眾化， 早晨孖寶都係$30，有蝦腸揀， 喺呢個時候有咁嘅價錢，算係咁啦！另外特價點心款式都十分多。今日我冇食孖寶，點咗兩款特價點心，一個懷舊鴨腳扎，一個鮮蝦菜苗餃。魚肚滑雞扎大家就聽得多啦，但係呢度嘅鴨腳扎就加咗一片魚肚落去，當堂名貴咗，嗰塊魚肚真係有用上湯餵過，鴨腳又十分惹味，有八角落去個醬汁，但醬汁油 唔會太濃，有一件芋頭，有一塊豬肉、蝦肉、冬菇及少量肥肉攪製成肉餡，味道好好。呢個我十分推介。鮮蝦菜苗餃，餃皮都尚薄，不太煙靭，餡料用上白菜同鮮蝦，味道中規中矩。食兩碟嘢， 都$53蚊，性價比好高。

黃埔金萬年酒家上星期日去左金萬年，撞正係父親節好驚要等好耐位，因為平時經過都幾多人，重點係我肚餓。點知，去到唔洗等，太好啦。酒樓話因為父親節，所以個日無孖寶無特價，要收番原價，如果好食就無所謂啦。揀完點心大概等左15分鐘左右，每樣野上枱都熱辣辣。味道唔係差，但又未到好好食，不過啲環境同衞生都幾好。我見好多人話啲員工態度唔好，我去個朝又Ok喎，佢收碟個陣我講唔該，佢地都有話唔洗客氣，係我每次講唔該都有應返我，同埋我見佢地同啲熟客都有講有笑。溫馨提示，去飲茶個陣要留下啲杯碟啦，我洗杯個陣見到個杯係崩裂既，啲老人家睇唔到就慘啦。

我地兩位5月22日幫襯佢早茶，大約10:30落單，再經阿姐提點之下10:45預先埋單。11:45左右有位高高瘦瘦姓陳嘅店長走過嚟，話佢要還枱，想我地離開，d野好快d食埋佢！當時附近仲有好幾張吉枱，仲有早茶客係其他位度，我地事先亦都冇聽過準時十一點就要離座。我地當時仲未清完點心，咁一定清完先走得㗎啦！佢話可以，但就不斷强調早茶11:00就完㗎啦！單單打打，好唔禮貌，離遠玩吓射喱眼咁啦！我睬佢都有味，拖吓拖吓到大約12:00食埋野飲埋啖茶先至走。飲茶留佢個半鐘，一d都唔過份。如果佢有多少少禮貌，我地都樂意配合吓佢嘅！呢間酒樓我地以往都幫襯過好幾次，唔明佢點解做到店長，收枱阿姐嘅態度仲好過佢……劉華話齋，今時今日咁嘅服務態度，係唔得㗎！

週末和家人到黃埔的酒家飲茶，可能是因為假期的關係，足足等了超過一小時才有位。餐牌香糯金珠咸水角可能是因為等太久，很肚餓的關係，覺得任何一樣嘢都好好食。青芥沙律明蝦角我個人的必點菜式，不錯。流心朱古力合桃包重點五星推薦。本來打算食奶皇包或者叉燒包，見到呢個朱古力合桃包，大家都話酒樓好少見到，未食過，所以一於試「伏」！但意外地好好食，入面不是磨砂粉末，是真的有很多一粒粒的合桃做餡料，而且最重要的是，不會太甜！必試之款。晶瑩翡翠鮮蝦餃蝦餃也是飲茶必吃的，正常水準，不錯。另外仲叫左一碟炸豆腐磚同一碟炸魷魚鬚。豆腐磚可以，入口先淡後咸，會再想食第二舊。炸魷魚鬚普通。除左等得太耐之外，水準環境都OK。

無得揀食尼間.見到d價錢都唔便..但係個服務態度真係xxxx..d阿姐各個凶神惡煞，問多兩句就唔耐煩..我趕時間，叫佢比打包盒，扮聽唔到，講野好似爭佢錢咁，我都明，繁忙時間…但係hea到爆炸第一次見🙄唔會有下次..d語氣態度差到