金翠餐廳 (Moved) New Location

本身對食既要求，巳經唔算好高。但叫4成熟，切開冇紅色！熟到8成以上冇分別，真理解唔到明明塊鐵板唔算好熱，至少食落口都冇覺得辣口。可能我食唔慣咁熟既牛扒，食左一半都要放棄。實在搞到塊扒好鞋又韌，完全哂左塊扒。忌廉湯仲要有燶味，全部野都overcooked左。唯一餐包好少少，唔熱唔涷，至少冇燶味，可以完整食得哂，冇浪費到。伏既野，中一次就夠仲話前金鳳班底，我去返真金鳳食好過，起碼叫4成熟，切開都有紅色睇下ar

經過太子附近俾我發現一間好舊式，喺細個食嘅鐵板牛扒餐廳，這間餐廳叫做 "金翠" 一睇佢嘅裝修同埋裡邊黑蚊蚊嘅環境，就係我好想食嘅兒時鐵板餐廳 ！我同朋友都叫一個鐵板牛柳餐，牛柳真係好厚身， 加上熱辣辣嘅黑椒汁，未食已經流曬口水，仲有薯條及椰菜，好豐富！仲有餐湯、牛油餐包，白湯真係唔錯，好creamy，不過羅宋湯就真係好稀，希望下次有改善啦！如果有埋餐後"啫喱"，咁就真係滿分了！不過呢度 環境比較嘈一點，伙記說話傾計有時太聲了，要改善！

本身係諗住食金鳳，但因為太多人等，最後都放棄咗。就去咗同街，另外一間報稱都係前金鳳師傅主理嘅扒房食扒。餐牌都係大同小異。雖然唔係金鳳，但我哋都等咗差唔多20分鐘先有位。我哋分別嗌咗匈牙利豬扒，蘇格蘭肉眼扒同埋西冷牛扒。肉質上同味道上我哋都覺得係大同小異，不過始終缺少咗係金鳳度食果個風味。特別想提嘅係蘇格蘭肉眼扒。我哋嗌咗一份三成熟嘅，上枱果陣都覺得好塊扒嘅熟度啱啱好，唔會太熟，肉汁都保留到，而且肉質都好鮮嫩，值得一讚。

今日知道開門因為新年老公話試下啦🤔😏因為有人講過佢係金x嘅員工之前咁應該都唔會太差😏一坐低環境就係同一般茶餐廳一樣冇質素污糟嘅😱😒一坐低我哋睇餐牌已經嗌咗三個扒餐分別兩個牛柳一個肉眼😬坐低好快已經有餐湯餐包牛油係用安街嘅有質素餐包係暖暖嘅餐湯冇乜料但係並沒有加上生粉👍好快已經扒上枱😛服務員立即倒上你揀選嘅汁醬😬我哋揀咗七成熟係真係七成熟嘅肉質尚可接受但是沒有特別😅如果你加兩蚊就有新鮮蒜蓉喺扒上但係我哋三個都沒有加上😅食咗咁多年扒都知道乜嘢梗係神仙乜嘢係真正嘅打咁多醬汁咁多味道搶走曬😂凍飲加三蚊ok嘅😊不過其實一分錢一分貨啦但係唔係我杯茶囉😅值得推薦嘅只要你唔計較環境其實合理價錢👍💞👍💞👍💞👍💞👍💞最好嘅就係全日冇加一

自問對食要求也不是高，第一次吃東西令我忍不住要給劣評！今天到此餐廳叫了一份西冷帶子，但這份西冷扒竟然有三份之一是根部，向店員反應，得到的回應是：這屬正常，因為西冷部位近根，有沒有根要看你的彩數。她這個回應真令我汗顏，原來吃一塊西冷是要看你的彩數，遇到好吃、沒有根的是你好彩，遇到不好吃、多根的是你吾好彩。我曾去過不同的餐廳，也吃過多次的西冷扒，但吃到這塊佔了三份之一也是根的西冷扒只是第一次，就是在這間太子金翠。我相信我以後也不會去這間餐廳，因為我不想連吃一塊正正常常的西冷，也要看看當天的彩數。如果大家想在這間餐廳叫西冷，也請考慮淸楚，慎入！

提到金翠，可能好多人都會諗起鋸扒，但其實佢都有做早午市，都有一般茶餐廳嘅菜式今次就久違地去咗食lunch，點咗個台式肉燥煎蛋飯 午餐都有跟餐包餐湯熱飲一如既往，餐包趁熱搽牛油食，餐湯例牌叫羅宋湯，依舊保持水準，多菜夠酸微辣好開胃主菜都好快上枱都幾大碗，夠份量，蛋大隻肉燥夠「傑」身，可以平均撈勻全碗飯，令每一啖都同時食到肉燥飯不過唔知係咪因為調味問題，個人認為個肉燥嘅味道同平時食開嘅唔同，唔係咁啱我口味……今次有啲失望下次會叫其他菜式

位於旺角鬧市中,位置極為便利, 方便返工一族，裝修都好有心思,富有歐洲裝飾,亦設有，舒適卡位。室內寬敞,環境優美。午餐首選有羅宋湯及麵包。羅宋湯好濃。免治鷄蛋牛肉飯好食，因為面子用上等牛肉 加上他們特製醃汁送飯，口感一流。唔夠15分鐘已經飽肚 配上他們凍檸茶，將所有煩惱忘記。食完飯繼續返公司搏殺。😊😊

金翠已經唔係第一次幫襯佢哋嘅扒餐算係出名抵食夾大件，款式種類都多雖然店面比較細，坐得比較逼，但都一再幫襯扒餐都會跟一個餐包一碗餐湯一杯餐飲，成個餐份量好足好飽肚餐包最好趁熱食，凍咗會變硬，食落口感會打折扣湯有紅有白，我自己比較好雜菜湯，而金翠嘅雜菜湯，菜多，夠味，帶微辣，食扒之前飲，簡直有開胃作用淋扒嘅醬汁，有燒汁&黑椒汁2種，想試晒兩種醬汁嘅，可以要求侍應兩種汁都落，佢會係你面前淋汁今次點嘅牛扒夠厚，成塊鐵板咁大，仲有薯菜墊底我點7成熟，但其實對個人而言，扒中心都仲係偏生咗少少，我就有自己嘅小小秘訣~就係喺塊扒上枱淋汁之後，即刻撥開晒底下嘅薯菜，趁塊板仲夠熱，俾塊扒直接接觸鐵板，令佢變得更熟另外，一邊切一邊食嘅同時，都可以將自己覺得唔夠熟嘅位置貼實鐵板，會有更佳更細緻嘅效果~

约左同事交收，同事提議去金翠，可以試下D扒，餐廳又較附近金✖好D！中午一點前去到，唔需要等位，同事K叫左個午餐，冇咩特别，同事B就要左個$78西冷牛大人，我自己就聽同事介绍叫左過美國1855西冷牛扒($133), 内質幾腍，不過件牛有D筋位好難食，影響到整體感覺，即刻要減分，同事B叫個件西冷牛扒，雖然唔係主打介绍，不過不失

人大咗，對扒嘅要求相對提高，阿sir想食鐡板扒，但我其實對港式扒興趣不大了，以前成日都會去X鳯同花X餐廳，而而家嘅我只對西式炭燒扒有興趣，因為調味少，基本上係食食材原有味道，不過估唔到港式扒都可以做得到😃美國1855頂級西冷牛扒 $133 🥢🥢🥢🥢4成熟，肉呈現粉紅色，集齊肉腍、juicy、牛味重、膏香於一扒，無醃料無梳化粉，真正靚扒，雖然價錢比較其他扒貴，但真係值得一試🤤；至於阿sir件T骨扒，6成熟，肉質相對無咁腍、醃料重，即時比1855比下去。至於羅宋湯，味道比較清淡，因為無落茄膏，所以顏色上亦較淺，飲完仲唔會口乾👍🏻一人共消費：$133 (全日免加一)

這家金翠餐廳， 仲保留住傳統嘅鐵板扒餐， 基本上每位客人， 都係點傳統嘅黑椒牛柳， 雜扒，西冷牛扒等等……當然唔少得有傳統嘅紅湯白湯，餐包及餐茶……！這家餐廳食物水準都算保持， 今晚我們點了兩客黑椒牛柳鐵板上， 牛柳好軟熟， 份量依然巨型， 牛柳配上黑椒汁，煙霧徐徐升起， 香味十分吸引！美中不足， 係環境及侍應嘅對話實在太嘈雜， 而且好似好急速要幫你收起啲餐湯……！其實我哋都係盡快用餐， 都唔希望阻住人做生意， 但有時過份緊迫就不太舒服了！

一向對港式鐵板餐情有獨鍾既我都有好多年無食到好味既鐵板牛扒。平時食飯成日行過呢間金翠，有時放假都會見到有人排下隊咁，話唔知個廚係邊間出名既茶餐廳出黎自立門戶開既。不過名氣對我無吸引力，好唔好食先係重點琴日六點幾七點黎到，唔洗等位就有卡位坐。舖面其實都幾細，menu除左牛同焗飯意粉個d就無乜其他野。不過咁都好，專心做好d牛嘛一坐低侍應就會問要咩湯。羅宋湯好夠味，但餐包翻叮太耐，個底硬晒我叫左個1855頂級西冷牛扒，雖然唔平($133)，但好耐無食過咁有牛味既港式牛扒平時d茶餐廳d牛一係就”乸”到無晒味，一係就韌過柴皮。今次既西冷雖然側邊都有d筋，但叫左四成熟既肉質都唔錯。加兩蚊要生蒜，係兒時食蒜蓉汁牛扒既味道啊不過個底d薯條太咸，食完覺得個腎可能會有事牛扒餐飯後重跟一個黑加侖子味啫喱，真係好懷舊整體黎講野食唔會伏，侍應態度都好好，絕對係高質茶記下次牛扒癮起一定會再番黎！

這是一間另人回味的餐廳！牛排鬆軟彈牙，廳內環境幽黑，氣氛一流，鐵板牛排熱棘棘，紛香樸鼻，小時候的感覺返哂嚟。記得小時候都十分喜歡吃西餐，傳統西餐廳已少之有少，要緬懷一下真的十分困難，香港要興建一條懷舊村，把所有60-70年代的食物及餐廳集於一身，到時一定有意想不到的效果！

午飯經過金翠 見列吉豬扒一於試下個汁係普通西汁但塊豬扒唔係講笑 成隻碟咁大好在無跟飯否則實過飽有餐包餐湯 跟埋餐飲先四十蚊抵到爛啦不過最緊要係坐得舒服有卡位又有電視睇雖然係新台但都叫有電視送飯呀嘛

呢類舊式扒房，仲係保留住傳統嘅舊裝修， 昏昏暗暗嘅燈光，每位客人都點著同樣嘅鐵板餐。當上枱時，每枱都冒起白白的鐵板煙來，好攪笑!這類扒房，明碼實價 ，買的係實實在在的 鐵板牛柳，西冷牛扒，雜扒等等...這間金翠餐廳，我間唔中放工嘅時間都會去幫襯，貪佢有熱辣辣的餐湯及餐包，而且黑椒牛柳黑椒汁很獨特，少少辣有些少胡椒味 及黑椒粒，而牛柳係我喜歡嘅七成熟，少少紅但不見血水，牛肉很有牛味，而且牛柳表層是煎得有少少炭燒味。每次食完都覺得好充實! 而且呢間餐廳，相信係保留住家庭式營運包括收銀姐姐及門口嘅婆婆，每日經過佢哋都風雨不改，很勤力呢! 呢啲就係典型嘅香港精神!