金泰子泰國餐廳 (Moved) New Location

去食泰國野無諗過會食到美味牛腩~話說好耐無去搵食，放工同個朋友去太子附近行左陣就去左搵食，就見到金泰子。我地叫左海鮮冬蔭工，竟然有八爪魚腳，而且酸辣適中，個晚凍凍地，係幾開胃。我地仲有個炒河，本身都幾好，一撈左旁邊d辣椒就辣到喊左，整體不過不失啦。重點來了，是咖哩牛腩。叫個時我地要青咖哩，但黎左個樣無青色，不過是但啦，太餓，照食。食左夠筋，大叫，好好味呀。個筋好滑好林，又無渣。咖哩微辣而椰香味重，適合撈河撈飯。最後其實唔平，連埋個肉碎生菜包，埋單差不多400，但個牛腩份量多，其實一人一個飯加個冬蔭工都夠的了。

今日係太子上完堂，經過見到有間泰國人主理既餐廳，吸引左我入去食餐廳內裡面積並不大，但亦不擠迫，而且餐廳分左2間鋪的，另一店子面積大少少睇下menu 先......都好多選擇，我又有好多野想食，所以又花左d時間！好啦，就要冬陰公蝦河粉+蒜蓉椰菜苗（廚師推介的）味道真係好好，酸酸地辣辣地，上左癮啦，令我忍唔住飲哂d湯，不過河粉份量都好多，我食唔哂，但就飲哂d湯蒜蓉椰菜苗炒得剛剛好，唔會太軟又唔太硬其實我好想食紅咖哩軟殻蟹+蒜蓉包，但我一個人一定食唔哂，所以下次要同朋友過黎食

這天在太子附近做完工作後，行經這間泰式小店，被大大的“金泰子”招牌所吸引，一於試試這街坊式泰菜。餐廳雖然不大，但地方乾淨企理。坐下不久已聞到陣陣泰菜香味。先來一客食泰菜必點的“冬陰功湯”~ $68 (小) ，熱辣辣的湯用料毫不吝嗇，有鮮蝦，秀珍菇，蕃茄等，尤以鮮蝦份量最多，蝦肉浸透了冬陰功湯後更覺微辣提鮮“青木瓜絲沙律”~ $60 爽脆可口，令人開胃“黃咖哩牛筋腩”~ $78 份量認真十足，牛筋腩稔香軟彈，尤其是牛筋非常膠質黏感，令人回味這是一間實而不華的泰菜，有機會一定會再試！

無黎幾個月，開始掛住佢燒得好靚既豬頸肉，今晚收工即興，約左無飯主婦，阿may姐係媽媽落樓下食。媽媽最喜食泰菜，太子附近都開了幾間住家式的飯店，賣點係平又無收加一。雖然店仔細細，自上次食完串燒就實在難忘。今晚帶佢好好試一試。豬頸肉13串x2燒得如常靚靚仔仔咁，個樣好刺叉燒，相當殺食，齋睇樣已經引人入勝，味道呢？外面焦香脆口，入面肥美不膩，連食兩串先夠喉。司華力腸13呢個來貨黎講不特別，純粹小妹鍾意食，無燒到太干0抄曬皮，啖啖肉，無可能唔好食既有味腸，最抵食，因為自己係街市買都要七蚊左右啦。食串燒一定要沾個惹味沙爹醬呢，yumyumyum..海南雞半隻90雞皮薄滑溜，肉件亦嫩口，同樣不少肉，口感香軟，價錢ok，好彩有去骨，加賣個唔點唔得既醒胃酸辣汁，辣辣地啱曬我啦（因為真係有餐廳海南雞係唔去骨嫁）椰汁西米露25媽媽最愛，叫佢食既，兩樣都係佢喜歡，合体又如何？？？不太甜，椰味足，不會好稀或太杰，價性比高。幾得意西米係泰國產的，所以有珍多冰的綠色樣，加賣粟米同馬蹄，幾特別，同我唸既幾唔同，而且比一般糖水店大碗，平。食後感：店名大一大都無咁大，搶眼十分易搵，幾張台既格局雖然細但有屋企feel，食

小店金泰子，坐位不多！但都有小店風味，店員都非常友善點左泰式炒金邊粉，超多蝦！Pad Thai 好易整，但係炒得好都唔容易！呢間算炒得唔錯，唔太油，唔太乾唔太濕，剛剛好！調味亦都做得好好望落唔覺食落就發覺好大碟，分到有八至九小碗另外點左冬陰公湯，湯嘅味度偏酸，好開胃，唔太辣！連唔食辣嘅朋友，都可以飲幾碗材料十足，好多蝦同草菇！香茅、魚露同青檸份量啱啱好非常大碗本來想叫多個椰菜苗，但賣哂！兩樣嘢都份量大，兩個女仔已經食到好飽，每人都唔使＄100 ,晚餐來講真係算超抵

食物不算太難食，但服務態度實在太差！！舖面店員不斷以唔咸唔淡的口音係度依依鵝鵝，鬧其他同事，鬧廚房，煩到人根本唔想食野！幾枱客人都搞唔掂，又亂咁鬧其他同事，（佢同事問佢碟飯送去邊張枱，佢竟然答唔好理，拿出去先！！！）拿去邊張枱先得架！？坐隔離舖個客來追野飲，人地拿完野飲一走，就話個客，人多蝦人少！！人手唔夠就咪開兩間舖啦！

屋企附近開左間新餐廳，今日男朋友仔約我收工去食pizza hut，但因為中午先食完m記，一日不能兩餐垃圾食物，所以最後一致通過，試新ya 嘻嘻。。。開心P.S. 同佢無一齊去食過泰國菜嫁。餐廳唔多大，簡單家用式的裝修，平時經過都會好奇望兩下咁，地理位置不旺，猜想租金不貴，應該食物價錢定位會合理吧？心大心細下就去試下好無味先。。。面積細細見到餐牌又幾平，小店食物係普通茶餐價錢，經濟實惠無加一，感覺好抵食，呢種就係住家先有既照顧味道。店子分了兩間，其實同老闆，原來都係同廚房出品的，有兩間都幾好，可以唔驚滿座要等位。估唔到開左都一年，但明明我最近先見到既？冬蔭功蝦炒飯68其實係首次試冬陰公炒飯，重口味既我地覺幾正，少少酸辣幾開胃，不過價錢唔算好平。50四串串燒 要了豬 牛 墨丸 豬頸肉墨丸炸起熱辣辣幾彈牙，點賣個沙嗲醬正好多。豬頸肉最重料，厚身燒得又靚，個樣好刺靚叉咁引死人，而且仲好輕鬆化tim。牛不un且有嚼口，燒得唔錯但相對普通。雞肉幾好味，香噴噴但唔點汁就較干身。冬陰公肥牛湯河粉48秀珍菇同肥牛都唔少，冬陰公味同樣酸辣醒胃。河粉唔算好滑，其他材料亦無乜，好簡單咁的一碗面，勝在個湯底拉分

上次過來這邊吃附近一間點心店, 無意中發現這間小小的泰國菜, 今次就專登過來吃個午餐試試.這間泰國菜好特別, 是分開了兩個小舖位的, 我入了寬敞一點的那間坐下, 點了午餐其中一款:海南雞飯$41, 還附送例湯, 加$5 再要一杯原價是$18的椰汁冰, 感覺幾抵~ 例湯是中式的紅蘿蔔粟米煲粉葛, 估唔到都幾好飲喎, 味道濃郁好足料, 唔似有溝稀或者加左味精, 同屋企媽媽煲既有得比! 而椰汁冰都幾好飲喎, 比"椰X大王"好飲添~大熱天時飲完真係透心涼. 無幾耐店員就從隔離舖拎碟海南雞飯過來了. 賣相不俗, 雞和油飯的份量都頗多的. 先吃一口油飯, 味道不錯喔! 儘管外表沒有太金黃色, 原來油飯味道都夠香夠味的~飯帶微暖, 軟硬度可以. 雞肉是去骨的, 啖啖肉, 肉質都算嫩滑的, 不過味道就略為淡了少少. 附帶一碟泰式酸辣醬 味道幾正, 都幾辣, 如果雞肉點了這碟醬就會好食啲. 食物和服務是可以的, 不過店內衛生就要多注意了, 唔知係咪因為我午市來吃店員仲未清潔, 我見到座位地下有些掉落的食物, 卡位的梳化位上也有不少塵, 感覺都有啲污糟, 希望店主可以改善一下. 

之前買過幾次外賣，都係凍食，酸辣鳳爪 & 豬肉生菜包（冇影相）。呢兩樣都令人有驚喜正喎！所以今晚揾埋媽咪一齊黎試下。5點幾入黎食個 early dinner, 坐左喺隔離個鋪位。睇過之前幾個食評，叫左五個菜。第一個到嘅係蝦炒金邊粉，個賣相…夾落去就發覺濕得滯，有啲一舊舊咁，啲蝦係底，蝦肉死實實，個粉嘅調味太淡，冇咩味。海南雞半隻繼而送到，跟泰式酸辣醬。已去骨，皮下肥膏可接受，雞肉都算嫩，不過都係太淡，完全靠個醬蝦餅係最好味果個 有成8件（已切半），熱辣辣，有蝦味夠彈牙。好期待嘅咖哩軟殼蟹同蒜蓉包差唔多同一時間送到包係意料之外咁細件，好似迷你熱狗包嘅大細，佢唔係期待中嘅脆乾身，而係外軟內微烘嘅程度。中間仲釀左少少野，不過食唔出係咩都係味淡。咖哩叫左少辣，其實完全唔辣，仲用左好多蛋黃去炒，所以個醬睇落去好“杰”。配料有好多洋蔥、唐芹&青椒。用個包仔夾住啲配菜食會好食啲，軟殼蟹有很多件數，平均每人食左4件。埋單 Hk$344, 熱食令我有啲失望。下次都係食返冷盤沙律果啲穩陣。

和A先生住在太子差不多有三年了記得金泰子之前一間細鋪,之後見到佢係隔離鋪再擴充 所以就試試啦老實說 我常常在九龍城覓食今次唔洗去九龍城都食到果陣味啦但要有心理準備 佢既鋪頭比較細 可能會坐得逼D,但對我黎講 野食既質素先係重要👍🏻A先生選了串燒 我就簡左我食泰菜必選既 冬蔭公湯和金邊粉冬蔭公湯/ 有海鮮/淨冬蔭公湯選擇 我就簡左淨冬蔭公湯/ 材料都好豐富 有蝦 蕃茄 菇等, 我唔太鐘意食蕃茄都覺得蕃茄唔錯蝦粉金邊粉/ 我自已就好鐘意食呢個 不過蝦就得兩三舊 唔夠喉串燒/ 好似$50=4串;$13=1串揀左雞同牛 / 牛就熟得滯/ 雞好食多了 一間食到人情味同小店的味道下次一定要再黎

朋友話帶我去食宵 估唔到十二點幾都重可以食到泰國菜 呢間鋪仔細細開到1:30 最好就係唔會趕頭趕命催人走!呢個冬陰公 好得 越食越開胃 夠3個有大男人食別咖喱軟殼蟹夠惹味 一定要試 食得出係泰國人煮既咖哩口味叫得咖哩就一定要叫呢個蒜蓉包黎點咖哩汁食啦呢個係老闆推介 開頭聽到話側魚怕多骨 點知老闆話黑側魚得一條骨肉又夠嫩 果然無講大話下次早D去再食過!

今日同朋友行過太子 見到呢間鋪頭細細既泰國小店好多人食 等左一陣至有位 食物果然有驚喜! 唔同一般既香港泰國菜 呢間係正宗泰國菜!雖然全鋪客滿 但服務態度良好!芒果沙冰一定要試  飲完好似食左成個芒果咁!無骨海南雞 雞肉嫩滑 個醬汁好出色!泰式炒粉絲 夠泰國風味 好似响泰國食咁!

行街經過這間泰國食店，見價錢都幾低就入去試下，發現店舖雖然細間，但入面原來係泰國人廚師，我叫了一碟泰國海南雞飯+泰式香茅雞中翼，海南雞飯雞肉好滑，雞飯好香好好味，雞翼味道好好。如果我有時間經過附近，我會再來這間店舖食。

這間餐廳嘅價錢相對大眾化，是一間很地道式的泰國菜館，以下係我喺呢間餐廳食過覺得不錯的 呢個豬髀肉我叫左個例牌，兩個人食啱啱好，個樣睇落以為會好肥，但係原來食落一啲都吾肥囉，而且仲鹵得好入味，好味 嘅足料又彈牙嘅蝦餅，一定要試，我個人認為是必食的 蝦醬通菜炒得亦不錯，我這個是小辣，我不食辣的朋友亦可接受

首先，上個食評所講既人真係有問題，因為我食過好多次，人地用既碟係呢款 唔明點解會白色碟。所以我覺得上個食評可能講第2間。今天我帶我朋友黎食呢間泰國菜，雖然呢個位置係無咩人黎。但係食呢到係因為人情味同真心好食，想食泰菜既朋友可以黎呢間食。其一呢間鋪人情味好好，個老板好好人又nice。其二就係價格平 平時食開泰國菜既餐廳都好貴，而且又貴唔好食。而呢間平平地之如又好食，我同朋友都鍾意食佢個泰式炒金邊粉。因為我地食晒，唔記得照相。但真心推介錯，食清盤。 不過，環境方面雖然細同埋佢未裝修好。但都影響唔到食物質素。我地3個人黎食，食左7樣野 蒜蓉包 泰式炒金邊粉  生菜肉碎包 馬拉盞炒通菜 炸蝦餅 酸辣鳳爪 墨魚丸 。我朋友覺得佢椰汁冰好好飲 仲飲左2杯。唯一個缺點係廁所，因為佢飲左2杯椰汁冰，有d內急。下次會再來食，因為真係會食過返尋味。bye