金泰子泰國餐廳 (Moved) New Location

今日嚟到位於太子一間好特別嘅泰國菜，它的名字叫「金泰子」。今日叫了一個他們呢間鋪嘅推介《海南雞飯》， 聽個名好似好唔特別，但食落去味道好特別，好驚喜，因為餐廳比海南雞嘅部位，差唔多都係雞脾位置，雞肉相當嫩滑，雞皮亦都好滑，完全唔會嚡霎霎，再加埋佢好好味好香嘅雞油飯，佢呢度啲雞油飯真係煮得好香，再加埋炒過嘅新鮮椰菜做配料，真係好入味。除此之外，海南雞點樣可以唔少得三樣醬汁配料， 泰式辣醬、特製薑蓉同埋特製豉油，三樣醬料加埋一齊嚟食，再配埋d雞同埋雞油飯相當好味吸引，必食。《鹽燒大海蝦》，三隻大海蝦放喺我面前，真係有手掌咁大隻， 廚師燒得時間啱啱好，他們用特製嘅海鹽黎燒，成隻蝦燒到金黃色，蝦頭相當脆卜卜，連蝦殼都想食埋，而且大海蝦相當鲜甜，再用海鹽嚟燒，相當配合 ，必食推介。另外叫左一個「椰青」，椰青相當大個，又冰凍又鮮甜，好似有飲唔完嘅感覺，每一個椰青都大大個，黎到每一個客人都會點選椰青， 相當好飲。呢度還有很多特式嘅「泰國食品」，例如炭燒豬頸肉， 生菜包，泰式鳳爪，炒金邊粉，炸皮蛋，泰式生蝦，同埋多款特色嘅咖哩等等，任君選擇，多不勝數。

今日經過去太子 突然食泰國菜既引起 於是同媽咪入咗呢間金泰子泰國餐廳食我哋既午餐餐廳開中午12點至3點 下午5點至12點簡簡單單嘅裝修 牆上掛咗幾幅畫 門口仲可以拍車好方便枱上放咗兩種唔同泰式嘅醬料 一個係辣椒魚露 另一個係辣椒醋 辣椒魚露超級好味 又鹹又辣 好開胃泰式蠔仔肉碎湯飯 蠔仔雖然唔係好大粒 但勝在好鮮甜 同埋冇蠔殼 飯粒煙韌彈牙粒粒分明 湯底好喝泰式肉碎扎肉湯河 同湯飯嘅湯底一樣味 有啲似肉骨茶 泰式扎肉爽口彈牙 河粉晶瑩通透 入口好滑泰式蝦膏炒飯 超級有鑊氣 蝦膏味唔算濃 炒飯粒粒分明 加咗啲雜菜 口感豐富 仲有大大粒蝦肉做配料套餐仲會送埋嚟湯仲有嘢飲 青檸水同菠蘿蜜 好有泰式風味叫咗三個餐都係132蚊 好抵食呀

簡單泰式晚餐，一人一麵飯，小店味道很不錯可以平時晚餐自己食，都係4，50蚊。嘿嘿我的是冬陰公豬頸肉河，份量都多，豬頸肉燒過，幾香口，另外冬陰公酸酸辣辣開胃，而且又有香茅味香又有椰奶香，辣度剛剛好。河粉是比較粗身有硬度，不錯不錯，嘿嘿呢個炒飯正啊，香葉肉碎炒飯，夠重口味，而且好入味好香口。飯又粒粒分明。仲有小小濕潤感份量算多，好夠飽，嘿嘿兩隻燒雞全翼，雞肉仲有肉汁，唔會乾爭爭。全隻平均熟熱。最鐘意個沙嗲醬。嘿嘿正啊，珍多冰，夠哂多椰條，椰香夠哂重。嘿嘿

三間金泰子都係在附近, 店舖坐位唔多, 但牆上貼滿了菜單, 所有想食的泰國菜, 例如生蝦,串燒,冬陰公,咖哩蟹,咩都有,而且價錢唔貴.隔離又一間再隔離又一間所有野食一目瞭然今日食午餐,價錢好抵食,多選擇,椰汁冰,青檸水,龍眼冰,汽水加$5,熱飲加$3套餐跟例湯我同朋友叫左唔常見既菠蘿蜜,菠蘿味唔假, 唔太甜,味道岩岩好, 好味道朋友又係叫海南雞飯,佢真係好中意海南雞,次次都食呢個,佢話雞油飯正, 雞又滑, 汁又好味道, 成碟食哂我叫左冬陰公墨丸河粉, 墨丸彈牙有墨魚味, 有4粒, 仲有墨魚滑,冬陰公唔係好辣, 易入口,好味道,抵食過食米線

星期六到處都很多人，如果到大商場食飯一定大排長龍...位於太子旺中帶靜的一條小街有一間正宗的泰國餐廳，食完飯可以直接走10-15分鐘到旺角逛街血拼餐廳裝潢簡潔，在對面街一眼找到清晰招牌店內椅桌擺設整齊簡潔，盡用店面空間盡量增加入座人數Lunch時間夠長，適合我這些睡到黃昏的人而且價格非常平民化!!!自助餐具及醬汁，很方便本來以為例湯是一般普通湯+兩條荽茜，便要求只要一碗湯，怎料竟然是很足料的 粟米蘿蔔湯，我後悔了， 馬上叫店員為我多遞上一碗旁邊的是柑桔蜜，最近喉嚨不適，飲完之後有點舒緩另外一碗湯很快便送上椰汁冰很香椰味，沒有加水沖淡的感覺小食雞肉串燒，燒得很香口，而且肉很嫩滑我最喜歡吃豬髀飯，有家的味道，對於非常小食住家飯的我很感概.....豬脾煮得軟綿綿，粘粘的很好吃啊😭😭😭感動 記得每次到泰國必定會食辣肉碎飯，這碟飯很juicy，很多炒肉碎的汁而且肉碎肥瘦均勻，不會很油膩

落足成個星期雨，真係落到好煩！濕濕笠笠！所以都懶得行，就近近地去試吓金泰子泰lunch。午餐都好多選擇，有炒粉麵飯，全部送例湯，加錢有飲品。一坐底就送上熱湯。是日靚湯係蓮耦湯，飲落好似有味精，但飲曬成碗下晝都無口渴喎。揀咗雞肉炒金邊粉。wow 都幾大碟，碟邊有辣粉同花生碎。配料除咗有雞仲有豆腐乾，炒得有鑊氣之餘又唔會太乾身，味道調得剛剛好，唔會偏酸甜。枱上亦有辣魚露同辣醋。地點近地鐵，冷氣夠涼，座位都OK, 會再來！

金泰子 九龍泰子柏樹街15至17 a地鋪椰子沙冰 25 蚊好多唔同生果既沙冰試好多 椰子沙冰第一次試 成杯白雪雪 一飲落去椰子味香濃 完全用椰汁既香甜果肉黎整 而且沙冰又夠軟綿綿 熱天時候鍾意椰子既朋友一定要試酸辣鳳爪 48 蚊48 蚊大大碟酸辣鳳爪 成十幾隻 每隻都好肥美 以 葱花 辣椒 蕃茄 蘿白絲 生菜 做配襯 凍食既鳳爪 酸辣味十足 十分惹味 正！特製泰式豬脾 68 蚊同出面泰國餐廳既豬脾唔同 以生菜 蒜頭 咸酸菜做墊底 豬手雖然係例牌 但都有好多肉 出面一層肥味既豬皮 口感好黏稠 肉質有口感 醬汁咸度適中 底層既醬汁 充滿住豬油香 點少少醬汁 再點另加既酸辣醬 好味 ! 推介另外 甜品西米椰汁糕都好好味 上面一層椰汁糕 入面充滿住大粒爽口西米 爽口既冬荀同粟米 甜度夠又有口感

To be honest, I came here for dessert and it didn't let me down.The usual sago you see in restaurants are just white with sago pearls, but on Social Media I saw these green pearls which made me try it.As expected, the dessert tasted so good and the fact that it was not too sweet made it amazing.There were bits of taro, sweetcorn, water chestnuts in it as well as sago.The salted lemon soda was fantastic as well because it is probably the saltiest salty lemon you can find but I loved it.Also had t

最近搬了去奧海城，平要要醫肚少不了到處覓食。由於小女酷愛泰國菜，所以都專程找一找附近有什麼的泰國菜館。剛好給我發現在太子柏樹街有一間貌似不錯的泰國餐廳，二話不說就入去期望飽餐一頓。餐廳麻雀雖小，但五臟俱全，牆上貼滿食物的相。跟負責人交流過更發現原來這裡是由正宗泰國人「煮」理。立即覺得食物一定有保證。我看了看餐牌，發現食物價錢不貴，可以說是街方街，安心點了三款食物。先是這杯木瓜奶，只需$25，大大杯，滿滿的就快溢瀉。木瓜的份量好足！木瓜味香濃，同時奶味都好夠，質感smoothie 。肉碎生菜包，又是份量多到嘩嘩餐！$68一碟大大碟，說真的要不是平時小女訓練有素，真的會暴殄天物。生菜翠綠新鮮，入口爽脆。肉碎鹹度適中，炒到香口，配上香蔥香洋蔥碎，香口惹味，用上生菜夾來吃更覺滋味。食泰菜怎少得了冬蔭功湯，所以要了一碗冬蔭功湯雞絲金邊粉，當然麵底和餸方面可自行選擇。一碗橙紅色的麵並沒有嚇怕我，因為我酷愛食辣。麵上枱時香氣四溢，碗上有芽菜、辣椒和一些香菜。冬蔭功湯的味酸辣惹味，開胃醒神！麵條爽口，份量充足，就算一個大男人食都夠。一碗有8-10磈雞肉，雞肉嫩口。是次用餐深深體會到什麼叫高手在民間，小

雖然每日我都有住家飯食，但其實我是無飯煮婦，住家飯都是靠媽媽，是晚媽媽去飲，我和星仔唯有出外吃飯。新工作每星期都有一天在葵涌上班，交通非常不便，最近的巴士站亦只有幾條巴士線，所以一早約定星仔在中間點太子晚飯，之後才回家。＊＊＊＊＊＊＊＊＊＊＊＊＊＊＊＊＊＊＊金泰子是一間平民式泰菜店，店面不大，裝潢亦簡單，不過地方都尚算整潔。豬頸肉炒金邊粉($58)金邊粉份量都算多，內有豬頸肉、蛋絲、花生碎和乾辣椒碎。金邊粉口感微彈，但多吃兩口都頗辣，建議不吃辣的朋友最好不要把碟邊的乾辣椒與金邊粉拌勻。豬頸肉軟腍又入味，整體味道都對得起這價格。冬陰香草蝦炒飯($68)炒飯與金邊炒相比份量較少，大約只有茶樓一碗白飯份量。個人比較喜歡乾身的炒飯，所以這炒飯對我來說有點偏腍，而且冬陰功味亦不突出，唯一滿意是三隻大蝦都算爽彈。椰汁冰($18)椰汁冰椰子味突出，味道不會甜，都算不錯。味道只屬中規中舉，不過不用加一，以現在茶餐廳吃個午飯都要$50起跳，晚飯人均消息才幾十元都叫交足功課。

今天又到金泰子食午餐，我選擇左泰式豬排飯，呢個飯其實都比較乾，無咩汁，豬排肉質都可以，喜歡吃無汁飯是最適合的。致於個例湯就好好飲，有住家湯感覺，我又叫左杯熱奶茶，真係好滑好飲。

今日又經過太子，再次進入金泰子食午餐，今次食左個泰式炒貴叼加柑桔蜜。碟粉係酸酸辣辣，好有番茄味，仲有些花生碎粒，都幾醒胃。另外杯柑桔蜜，真是用鹽釀製一段時間嘅金咭。真的潤口！另外個例湯都好好飲。

今日四圍搵位泊車食晏，就到太子柏樹街附近見到一個偷雞位，一落車就入左間泰式菜館，我見到餐牌上嘅飯唔係好貴，大眾化價格。我叫左個菠蘿炒飯加泰國咖啡。我初時都想，45元套餐，應該是一般茶餐廳嘅飯。當我個飯來到時，到忍不住影張相先，有擺設，香味，賣相都唔錯。食落重有菠蘿味。粒粒飯都有口感。泰國咖啡香濃夠滑。跟住個女仔問我飲唔飲湯，佢話冇加味精，今朝煲，好好飲。咁我就試吓。果然有住家湯嘅味道。下次我都會去再試。

今日到太子附近工作，看見一間泰國菜館，店員拿出一盒盒外賣，經過我身邊時，我聞到冬陰公香味，我就拉著友人進入店內食午餐。內裏雖小，但水準一點都唔小。我梗係叫咗個冬陰公雞絲湯河+凍奶茶。先來奶茶，茶香奶滑，再來湯河，我第一時間就試下個冬陰公湯，嘩，好有泰國味道，辣味十足，雞滑有鮮雞味，河粉經過冬陰公湯浸過，食落更香滑。另外朋友叫左個波羅炒飯+咖啡。熱騰騰抄飯送到面前，飯是一粒粒的，加上提子乾，肉鬆。我都忍不住試下，真的有菠蘿甜味。都可以講得色香味俱全。最後，我見到餐牌上有甜品，就叫左椰汁西米糕，椰汁芒果西米露試下。兩款都差不多，西米糕好軟滑。芒果西米露啲芒果好大粒好香甜。果D綠色粒粒好爽囗最後我見到廚房幫手正是泰國人，怪不得整出泰國味道。仲有係，呢間店鋪有外買訂餐，如果想同屋企人在家食泰國菜，可以首選金泰子。

今日去花墟睇下有咩花買, 哈哈, 因為過年啦MA, 於是我地就睇下太子有咩好食先, 行行下見到呢間泰國餐館, 細細間, 感覺好地道人煮的模樣, 好一於入去試下啦, 哈哈, 坐低先知原來有2間店的, 唔知呢邊係主店定另一邊呢, 不過廚房就係我地呢邊, 聽到好有鑊氣聲, 同聽到好似入面有D泰國人煮緊野食咁, HEHE...心諗應該無選擇錯的.好....再望望餐牌睇下有咩好食先, 我選左海南雞飯$46(凍飲+$5), 呢個係一個套餐黎的, 有湯仲有野飲, 嘩.......其實一上枱已經好吸引, D雞勁肥美, 份量都OK多, 相機食完都情不自禁要快D夾舊雞食下先, WAO........超滑呀, 一D都唔鞋, 再點埋自家制既酸辣汁, 正呀, 我覺得呢到既汁特別辣, 會令到人食完一啖好想繼續食下一啖. 而個飯都好香雞油味, 唔太乾, 仲有一粒粒既感覺, 食過出面個D雖然係有雞油既香味, 但唔知點解好乾, 一舊舊咁. 而朋友就叫左豬頸肉炒金邊粉$58, 豬頸肉好爽口, 金邊粉亦炒得好好, 味道適中, 另外仲有D辣辣自家制的辣椒碎, 可以撈埋一齊食, 好香口. 唔食得辣都食到架, 因為佢係分開的.