金川料理 (Closed)

同朋友在元朗食黎食去都係甜品，今次好想試下食其他。經過見到呢間野好似幾平，決定入去一試。入到去，一陣伏味飄咗埋黎，心諗，唔緊要啦，死就死啦。order左唔同既壽司，好似冇冷藏過咁。食落係有d d 室溫熱既感覺 開始有小小驚肚痛.... 到三文魚黎喇! 佢d三文魚.... 冇味既 口感好似食緊香口膠咁... 真係好特別，係獨家先有既味道! 環境上，燈光較暗。座位係梳化，都坐得ok既。職員既態度真係有待改善，冇咩禮貌同埋黑口黑面咁，搞到成間餐廳好似死城咁。

話說我地三個齊人入到去坐好睇下食放題好定就咁食個set lunch 就算，點知睇唔夠1分鐘已經俾條個女人係到吹諗好食咩未仲要黑晒口面態度超差咁講野，仲要間鋪得四張枱，又唔係多人，咁好我都算，當佢m come 之後落好單佢仲要俾我聽到你勁大聲講嘈口一路行一路入廚房話我地媽媽😡，等1分鐘姐洗唔洗咁，咁好啦d野食黎到，樣貌不討好三文魚完全冇味仲唔新鮮，之後我同d fd食左一兩啖俾錢走，食到勁嬲，請著你d咁好態度既伙記

之前買左120蚊團購，見到咁多劣評，諗住今次死梗好好醜醜都要用左張coupon佢入到去其實唔full, 可能係星期一至五嘅關係侍應都幾有禮貌本來話半個鐘先有嘢食嘅情況冇出現到, 兩三個字已經有嘢食，黎得都算齊食物質素都唔太差，除左個焗蠔啲沙律醬太多搞到酸左啲總括黎講都ok，都係抵食嘅平日黎會好啲

買左團購$176+ 40服務費- 兩位後, 見到d差評都冇晒信心。特登揀星期一諗住冇咁多人可能好d。去到7:30 等左一陣就入得。入坐後食物質素喜出望外, 每樣味道都幾好。壽司唔會大舊飯, 點嘅野大多都冇溜, 天符羅幾脆, 菠蘿甜, 燒物手卷幾好。刺身就細件左少少但ok...三文魚幾好, 舌拿魚就差少少啦, 但其他都ok呀。野飲好多選擇。。服務方面都幾nice...整體黎講呢個價錢算係幾滿意。時間限時730-900, 830last order

接待侍應態度惡劣我地已經一早BOOK左位接待侍應呼喝我地話:你地數清楚啲COUPON啊,少一張都唔俾入!!!洗唔洗咁嘅態度啊... ....漏單情況嚴重叫10樣就少2樣刺身漏得最誇張,好似隨心出咁... ...我地寫嘅數量同黎嘅數量從未一致Order紙(要注意)一般放題都要喺Order紙上寫人數但呢到嘅Order紙係冇"人數"呢項侍應又用呼喝態度同我地講:唔寫人數嘅話師傅做唔到俾你地!!!咁我地都好乖,張張都喺右下角加返人數不過師傅都係做唔到俾我地囉食物賣相趕客,味道一般一口炸芝士上到枱甩皮甩骨 刺身冇味... ...小心甜品櫃有張紙寫住食客不准自取,如有需要通知職員咁上下嘅告示有個食客行埋去睇下有咩款,就俾疑似老闆娘喝止:"咁大隻字睇唔到啊?... ..."大家唔想被鬧就要醒水... ....

見到佢又做團購 我就有感而發 事關我都係比團購呃到第一次食放題食到一肚氣 嗌幾多野你同我走一半係要三催四請先肯黎架喎 尤其是海膽 催左好多次先肯黎 催極都係同我講黎緊 我想知d野食係邊到運落黎囉仲有 嗌10件火炙壽司 同我黎兩件 話按人數計喎任食原來係限叫 我都係第一次知 隔離枱夠係兩個人拉 比10件佢？見我地個樣好恰？唔止啊 落單仲錯漏百出 好多野都唔知送去邊到咁我地既野就比左隔離枱 d員工走黎問食客係咪幾多號枱 都幾好笑結論係 食物質素一般 海膽少 係咪團購就可以敷衍了事？我見人地評論d海膽好多 而實際係差天共地 刺身切得好細 我諗應該係團購同正價既分別~~~食咁多次放題 唯一一次不歡而散 可一不可再 一定blacklist 真心想講句 走咁多單就唔好做放題啦 再咁搞法 遲早無人幫襯 態度五好 又走勁多單 咁多負評係正常 大家小心 無謂比錢黎受氣

我得1.5鐘頭食 1個鐘後就last order 你黎野超慢 等左成個鐘黎得幾樣野，炒飯、烏冬類直情冇出現過 完全係漏哂單囉吹極都唔黎到底係咩玩法呢？一時又話我地仲有單係廚房叫我地等下，俾啲時間廚房整，隔多陣再吹 竟然又話廚房冇哂單wo咁到底你叫我地等係等咩呢？同埋到底消失哂嘅單 去左邊呢？大佬呀！想點呀！第一次食放題係食唔飽 反而係食到一肚氣入到西朗咁多好野食 竟然食中間伏野，完全失望！完全唔會推薦去伏其他人lo

旅行社優惠價$108晚市放題，要48小時預約，全場爆滿，但預約8：00pm,準時比你入座，唔使等，呢樣野係抵讚既！2人坐4人枱，唔會再分多枱，日式放題既舒適度黎講，都係比like既當然最主要既當然係食物質素清酒煮蜆味道好好，有酒味又有蜆味，好大隻係大大粒肉，但係有DD UN但因味道好，所以有再番頭炸貓山王呢個係一定一定一定要食！起初會驚滯肚，原來係唔會好飽滯之餘，榴槤味好重，外面皮厚度適中，QQ感，但絕對係流心！！！餃子雞翼係好食，但一隻都夠夠地，因為好肥美，雞翼內外好夾，有點泡菜味，絕對推介。一口芝士，細細粒，真係一口，但一定有流心芝士既效果推～～燒物燒蝦，焗蠔燒既火候適中，所以唔會老，飲埋啤酒，爽呀～～蟹膏蝦軍艦，好正，蟹膏味好香口肥美，絕不欺場！泡菜豚肉煲不過不失。刺身不過不失，pass!總結，漏單情況都有，因為食個半鐘，但規定最尾半小時係唔可以落單，第1round有30%漏單，但催單後都正常既，始終睇到個情況係唔太夠人，D樓面唔係懶懶閒唔so你，只係人手不足，真係不斷衝黎衝去既，服務態度，以咁既情況黎講，都叫盡咗力既：）當然都希望可以再好聲氣DD la食物質素係好既，但都有中伏

第一輪落單，就已經淨係黎一半，有啲單直情冇出現過。我團購得一個半鐘，一個鐘就last order，第一輪啲野食已經要半個鐘先上。去到第二輪，啲野直情冇黎過，問職員，就話因為前面有20張單等緊。ok，咁我地咪等囉。但直情我地坐到一個半鐘都冇野上，我地搵另一個職員問，佢就話廚房冇單，叫我地不如直接落啦。我心諗，我之前落個啲去哂邊。根本就係呃錢嘅，唔俾野食嘅放題，真係未見過。食完唔飽嘅放題，真係冇言。最後食完呢間伏野仲要去食b仔醫肚。痴線，正價仲要200幾，究竟憑咩收呢個價呢間野究竟幾時執？

未試過食放題食完一碟,等完又等都未黎,張枱冇野食既,等完又等,追完又追,叫左啲野食好多野都未黎,問左又冇黎,約9點,9點10分入門口就話10點last order, 由一坐底叫個烏冬到10點幾都未黎,追左3-4次先話我知烏冬冇蕃茄湯底,勁好多野食都話冇,粟米又冇,上次食過諗住冇下次,再俾多次機會佢,點知都係中左伏,好似冇咩食過野咁囉,真係真係冇下次囉。。。😤

上網見團購$108 食90分鐘既日式放題，都算OK，諗住買黎試下啦，點知中左伏！訂位訂左六點，去到都有其他人等緊入座，佢六點先開始點名比人入，花費左五分鐘後坐低，點知呢五分鐘都計埋入放題時間原本已經時間短，仲要咁就無左Ｄ咁唯有拿拿林落order啦......食物種類同團購張餐牌紙出入不大，種類不過不失生既食物如刺身同壽司出左先，但我唔食生，所以未有得食。等左一陣，我既熟食終於上枱炸物，雞絲蟹粥，焗蠔，沙律都有出，但份量比點單時多左，而且都無出齊炸物夠熱，但食左一粒焗蠔，發現未焗熟，粒蠔仲冰冰地食左少少野，已經過左半個鐘，第一次落既單仲有好多未出。跟住等左10分鐘，枱面空空如也，有個姐姐行埋黎問有無野未出，我心知唔對路，將點左既野再講多次，兼寫定第二次order。又等左十分鐘，都仲係無野出。姐姐你頭先問我，唔係幫我追單呀.....千呼萬喚，黎左第一轉點既芝士雞鍋上枱時Ｄ材料未熟，個鍋已霸佔成張枱，但最少有野食.......終於煮熟Ｄ材料夾落碟食，已經last order，但重點係，第一轉order 既食物仍然未出晒同侍應姐姐反映左之後，出菜快左，但亂咁出一模一様既壽司黎左兩次，可能係想快

初開張時朋友食過一次，表示完全不行，當時我不在場！我聖誕約了一大班朋友，試了一次覺得OK喎，今天和該朋友兩家人去完南生圍踏單車，晚上小朋友想食壽司，經過金川，和朋友重提，不如再一試龍與鳳，幸好有位，叫了一大枱壽司和刺身，孩子們特別喜歡三文魚和火炙三文魚，甜蝦，吞拿魚等....大家也非常滿意，朋友和老闆娘閒聊，原來換了廚房班底，朋友也另眼相看，今餐非常滿意，壽司和刺身也很新鮮。大人細路都覺得可以再來！特別推薦羊架，好味！最後發覺忘記了叫軍艦壽司，只好下次再試！

本人第一次寫食評，而且對食的要求甚低，但為何要出手去評，原因是九人去食了一個$2,555 又不飽肚的放題，為何放题都不飽肚？答案只有一個："…………………慢!!!!大佬呀，食放題叫刺身，由入紙到出嘢，成半粒鐘!!半粒鐘唔緊要，九個人叫每樣刺身二十件，唔算過份吓？!到來每樣得五件，問佢哋點解嘅？佢竟然答個碟裝唔哂，話食完會再出，我心諗，九個人一個長方形的枱，難道放多一碟刺身有困難？？定係成間舖得一隻刺身碟呀？！公平d 其他食物味道還可以，但都係慢！最後埋單仲搞笑，諗住碌卡啦，又話卡機條線壞左，大佬呀，唔通下下有幾仟蚊係身咩，好在身上剛剛有(月頭原本用來交d雜費),否則籌旗都好肉酸吓囉，最後大家離開後不約而同話bad list 喎！至於小弟真心希望你哋有改善空間，否則元朗d 舖租咁貴，你哋真係諗下咁小家做放題是否真正符合大衆的要求🤔🤔

見新開入去試下。點知難食到爆。魚生一D都唔新鮮，好似放咗好耐咁。燒物係凍嘅！裝修成間雞煲咁。服務又差，個個都好似唔想做。元朗咁多放題，真係最差呢間。重要價錢又唔係平，一定冇下次。

星期四我哋一行八個人收工揾地方醫肚。到金川門口有位親切嘅"小二"介紹。我哋9 點後每位$188 放題有串燒有魚生fit曬我哋. 本來都是平常心，點知個魚生好新鮮，三文魚,劍魚腩,Toro 超正! 厚切! 生蝦細左D,但是都好新鮮。燒物都ok, 特別是個羊架，味度fit到無朋友!我哋班女仕們都感食。希望下次有Job到元朗再食多次!