金龍泉特式風味餐廳 (Closed)

晚飯小菜不錯的選擇，套餐小菜好有好幾款選擇，大約50元至60元，有飯有湯，三至四人可以食到不同菜式，合一家大細食。他們也有好多不同小菜和燒味。小菜有茄汁煎蝦，蝦都大隻，好有茄汁味和香口，餸飯好食。魚香雞粒豆腐煲好香魚香，剛煮起熱煲上，份量也不少。

同家人外出食晚飯，金龍泉(青衣)地方大，有少至二至四人可以坐卡位，多至一圍十二人的圓桌也十分合適。在繁忙時間和多人的時間，就可能需要搭枱。餐廳也有電視，可以給客人一邊和朋友食飯談笑，一邊看新聞時事，增加不同的話題。他們有小菜客飯，煲仔菜和燒味供客人選擇，在冬天，他們更提供煲仔飯和羊腩煲等菜式，但因為我們時間不合適所以沒有試到煲仔飯及羊腩煲。我們3個人叫了3個晚餐客飯，有飯和湯(湯可轉熱飲)。西洋菜豬骨湯，一大碗湯，我們每人約可分到兩飯碗。湯裡有很多西洋菜和豬骨，適合喜歡食湯料的朋友。一貫中湯的味道，西洋菜好淋身。梅菜香醬蒸腩片梅菜香醬味道十分好，鹹味比較重，加在飯中一起吃就剛剛好，很開胃。肥肥的腩肉薄片口感也很好。合適喜歡食肥腩肉的朋友。魚香雞粒豆腐煲好香的魚香味，剛開始食時魚香味道適中，但食到最後時因為很多魚香醬汁在底所以味道比較重，建議在食之前，先撈匀一下。雞粒比較細小但也算滑，炸豆腐內裡也很滑和入味。蝦醬西蘭花炒花枝片上菜時還有煙出，本想煙是從醬汁熱才出的，當食西蘭花時，內裡都是熱的，薄薄的花枝片加上蝦醬的味道，食落更野味。

After having a not too full lunch at Disneyland, a few of us headed to Tsing Yi to eat something. Not knowing what to eat, we came to a cha chan teng and ordered the tea sets. The place was fairly busy and it was hard to find a table. The restaurant had closed off an area but when we couldn't find a table, they quickly opened up a table for us in the closed area.I ordered the bbq duck with rice noodles. At the front of the restaurant, the duck hung on hooks and were dripping in oil and looked mo

一直以來，在下對於青衣長發村及長安村的商場，沒甚感覺，也沒有刻意要到這裡覓食，直到友人今天要來青衣，便一起去長發的商場。自從領匯接管後，長發村的商場換然一新，也把在下的眼光換了起來。雖然不是時常都會過來，但始終都要給它一個機會。金龍泉是其中一家屋村茶記，有燒味有客飯也有午市套餐。由於在下已經吃過飯，來一個下午茶好了。其實在環顧餐廳環境，都幾不衛生的，滿地都是手寫單，好像沒有人清理，兼且順手把紙張隨手拋在地上。友人點了一客肉餅飯，看來這肉餅飯水汪汪的，但是看來味道只是一般，如困要說的話，那麼要問問友人了。在下的豬扒包，是一客下午茶。包身已經皺皮，但未至於龜裂。內裡的豬扒似乎很好，塗上了沙律醬。吃一口，包身不算太脆，軟腍腍腍的，豬扒略有鬆脆怠覺，而且還有油脂在豬扒上，，是因為還未把油滴乾。熱奶茶就較一般般，沒有茶香也沒有回甘度，只是有順淜的感覺，茶味也不足。整體來說，一般貨色，勝在豬扒畈略有鬆脆，否則已經全軍覆沒了。

約了友人見下面，純粹的hea 下，所以都無要求餐廳的層次，但這真的唔可以屋邨餐廳都係o r d e r 一啲惹味小菜啦，今次我地orde r 了4個菜：甜酸魚柳，椒鹽豬排，肉絲炒銀芽，紅燒豆腐。甜酸魚柳：魚柳是急凍的，內面仍然是硬崩崩，又有陣雪味，價值$48。椒鹽豬排：炸到黑色一舊炭咁，入面又未熟，明顯未解凍就炸，$48。肉絲炒銀芽：肉絲即係火腿，成碟完全唔可以用“炒”字形容，應該用油浸，成碟油，跟本食唔落。最過份係上菜時有一小部分跌到侍應的手上，侍應完全沒有反應，仍然照舊將菜上台，最後那一小部分跌落台上。這碟被油浸及受到污染的小菜$48紅燒豆腐：用了蠔油汁，但一啲味都無。最可惡係一罐可樂要$15， 入面有金的嗎？這間餐廳其實有無廚師呢？我唔要求半島質素，但最其本，食物應該係熟都做唔到？不是吧

未坐低已經火火火一入去好多人，甘揾位坐啦，好爆好爆，無位，我見有三張大枱，寫住留位，甘我好好聲氣甘問個肥肥地既啊姐，無位，留位D枱坐吾坐得，佢好快甘答我，吾得仲要指住張幾爆既枱塔臺啦，我心想我兩個人呀點塔呀？？我老豆再睇多次有無位，我老豆之後再問多次同一個啊姐，佢今次指住張留位張枱叫我地同其他人塔臺，我即時串佢，你吾係話吾比坐架咩？？？佢立即收聲！！！老實講，間舖頭已經吾係好食，仲要D人甘串，真係吾得囉，我係客人，仲要睇你面色，你無野呀

驚訝在OPENRICE金龍泉是如此低分...因為它的燒味飯確實很好食....有一段時間很喜歡食燒味飯....喜歡它大大碟...啖啖肉...而且很平....這里的X燒恰到好處,飯汁很棒,很香易入口,很容易令人不小心就會把整碟飯食完.因為之後食過幾間燒味飯店,質素都比這間差...(包括太興又貴又吾好食,有次叫個蝦,完全無味的,印象難忘土瓜灣聯兄比較好,起碼燒味大大件,但都沒有這里好食)所以有時去開青衣都會再來食燒味飯,一再回味

入戲院前，先找個地方吃些小食，免得肚皮在打鼓。要了份炸髀沙律，不一會便送上。小小的一隻髀，雞皮沒有炸得香脆，好彩肉不會太乾，但不香口的炸髀，怎樣也稱不上美味。話明要配沙律，見張單都係寫沙律，送來的卻是薯條，真係吹漲。算吧！不換了，沾些茄汁把它吃掉。對於這些沒有薯香的出品，其實提不起興趣的。傾傾吓食食下，又忘記了時間，差點兒趕唔切入場。大口把凍檸樂飲完，一肚氣的趕路。

有時除了會弄一些涼菜作為打稿的小吃外，最近發覺原來小時候唔喜歡吃，但卻是唔錯的送稿小吃燒味紅腸；呢味東西可算燒味中最平凡又無性格的東西，但原來浸住微熱的蜜醬，用叉「篤住」吃，是比起炸蝦片或薯片好吃，始終熱吃的小食感覺也較良好，不信，大家可試試。

第一次的食評就俾左佢, 金龍泉食左呢間餐廳好耐, 俾我嘅感覺係好街坊, 平民式茶餐廳, 燒味, 小炒, 煲仔飯菜, 仲有我嘅至愛, 星期一至五先有嘅鐵板餐一至五, 各有不同, 有飯, 有湯, 有扒, 薯條, 野飲, 40蚊, 真係好平豬扒唔硬, 有咬口, 最重要係真係好多....至少有兩磈, 牛扒, 雞扒都係, 你要D 扒JUICY, 最高級嘅呢度比唔到你, 基本嘅一餐飽飯, 呢度可以話令你笑住咁返屋企今日仲有個呀姐見我食完飯, 遞左張紙巾俾我抺咀, 呢D服務喺邊度搵, 臨走仲聽到一陣姐姐的唱歌嘅歌聲, 呢D 就係街坊嘅味道

豬扒米上海排骨麵其實看不到有什麼唔同，除了上海排骨麵多兩塊肉之外。燒鴨瀨d燒鴨，有點肉汁，而且算鬆軟。西多士唔夠熱，而且好油。份量算是合理。又燒河好硬，根本唔想食下去。服務算是一般屋村的水平吧～但衛生問題一直都是大有傳言。（自我中學時已有衛生問題的傳言，至少都有５－６年了．．．）

今日去開青衣做嘢.....少入去唔知有咩好食, 咁就求其搵間餐廳坐低啦. 剛好二點正, 下午茶時間開始, 叫咗個楊洲炒飯食, 落單唔夠兩分鍾個飯就 " 呯" 一聲放係枱面! 我一睇個炒飯似足UFO形咁, 個外形就好似比個大飯碗吸著再放入微波爐 "叮" 出黍比我食, 此時此刻心知不妙啦!!!我就硬住頭皮食~啦~ 第一啖.......又乾又硬.......第二啖...嗶入D.......唔冷唔熱仲要濕濕哋............當我正想舉手叫侍仔換過佢啦, 就見到坐對面個西裝友碟"UFO乾炒牛河"睇見都"打冷震" 個樣仲吸得實過我果碟呀! 個餐都有成廿七蚊, 都比D咁GA "食物" 客人食!!!! 實在過份......行業自我放棄......當時如果我要換過碟真係唔知會比咩我食啦.........為有一邊食一邊諗...當我前世欠咗佢啦

八點幾上到去，人山人海，waiters忙個不停，但佢哋見有客到就會即問幾位，然後幫你搵位。本身無咩位，所以waiter叫我哋兩個搭枱，女友好眼見到卡位有人想離開，就一個箭步去等位，兩個waiters亦立即幫忙清枱，抹枱，無端端有位師奶想打尖霸卡位，waiter即刻出聲話張卡位係我哋，屋邨餐廳邊個話無好服務ga！

四月上旬近一個星期，吃法式棍包吃到有點怕，回家後仍想吃包，但就當然不會想到下了黃牛肉、豬腿、酸菜、粗身芽菜等配料的越式三文治，而是簡單地道的奶醬多～拉了老弟來聽故事，要了一分奶油多佐膳，那邊廂碟頭飯即叫即上，反而多士就要等五分鐘，拿上手暖而脆口，也不會烘得乾巴，只是奶醬的分量很少，感覺就不夠滿足。$10／碟，除開$4是替領匯交舖租的，價錢也算合理。

二月上旬原以為領匯接手後這間十幾年歷史的屋村茶記會結業，卻不知幾番裝修後，改變為增設燒味部的茶餐廳，是續約的代價？舖位沒有從前霸佔了五分二個4F那麼大，但仍然是很大．．．檯凳換了沒從前那魔「趕客」，趕時間，叫下燒肉拼乳豬飯，話未說完，雙拼就送來，效率幾高的。燒味飯無跟例湯，很奇怪，乳豬只得薄薄一層脆皮及切薄了的厚脂，吃起來脆脆的，算是這樣子了，但只得皮無肉，不是味兒，燒肉皮酥脆，烤得不錯，奈何是斬好一分交來的冰鮮肉，欠肉汁，肉亦鬆散，無興趣吃下了，幾片脆皮送飯吃，飯鬆軟好吃，這個脆皮餐收$36，比樓下連飯亦煲不好的美心，也沒什麼好投訴。