明星金閣海鮮酒家

Open Now

Now Closed

今日要陪奶奶去市中心飲茶， 他選了明星海鮮酒家， 平日晚飯總是人山人海， 但星期日下午茶時竟然門可羅雀， 聽說是因晚市有好多晚飯優惠， 夜晚總是相當爆場。至於午市為何乏人問津？ 也許是因屯門人週日都愛出市區，又或是北上吧！酥皮叉燒包內餡熱辣辣，不過叉燒只肉末而已， 有啲削喎，外皮酥皮層沒有起酥， 味道一般。藥膳鳳爪鳳爪炆得軟爛不過同樣比較削， 湯有雞湯的味道但沒有藥材香氣， 食味一般。北菇棉花雞棉花大大塊都足料， 雞肉都幾嚡口， 反而喜歡花菇夠稔夠甜。百花釀魚肚魚肚同樣大大塊的， 但熱度欠奉， 發現明星的點心熱度都是一般般。釀尖椒尖椒夠辣夠香口蝦膠量足， 但比較油膩。上湯灼菜心份量很足的一碟菜心， 煮得比較稔身也很甜， 份量太多真吃不完。見到明星跟快餐店一樣，用上了傳菜機械人已知不妙， 點心水準亦都相當一般，而霖迪喜歡更有溫度的服務， 所以這間酒樓不是我的茶。這一幢柏麗大廈有不少補習社，如非方便就腳， 或價錢相宜， 屯門會有更好的酒樓選擇。

好耐無同住屯門嘅朋友食晚飯，一諗起食片皮鴨，大家就決定嚟明星啦。呢排有以下優惠：4隻蒜蓉粉絲蒸元貝 $68明星脆皮燒雞(半隻) $45片皮鴨(1隻1食) $138七味椒鹽吊桶拼豆腐 $78我哋2個人，竟然叫咗呢4樣嘢食，真係好誇張。🤭蒜蓉粉絲蒸元貝，每隻元貝都好大隻，蒜蓉同粉絲嘅份量都算多，1人2隻啱啱好。😋片皮鴨當然係主角，呢個價錢雖然唔係優惠價，但我覺得味道好，份量多，2-3個人食，一定可以ko晒。😍朋友大力推介明星脆皮燒雞，估唔到燒雞真係皮脆肉嫩，我都忍唔住，食完一舊又一舊。🤩七味椒鹽吊桶拼豆腐，吊桶炸得好香口，椒鹽豆腐外脆內軟，當餐前小食真係一流。🤗呢餐晚飯唔使$400，性價比高，我下次一定會再嚟試下其他野食先得。🥰

半年前去咗明星海鮮酒家食咗個豐富嘅晚餐，所以今日諗住返去回味一下，點知中晒伏，啲嘢食加晒價。首先，今次都叫咗片皮鴨，雖然都係好好食，但價錢已經貴咗好多好多，半年前一份片皮鴨都係價值港幣88 ，但去到今日已經要港幣138。足足貴咗$50。另外，叫咗斑求兩味，一份石斑魚就清蒸，另一份石斑魚就炒球，味道都非常之好，不過都要$168，即係又加左價了。最後，叫咗一條細沙斑，呢條魚比較平，都係$78呢個最抵食。白飯要$15一碗，同大陸比真係貴左4-5倍

今日嚟到明星海鮮酒家食飯，佢哋出咗幾個好平嘅套餐，都好吸引。首先片皮鴨，佢個價錢極度平，都係價值$88 ，但係份量好足，味道亦都唔錯，不過美中不足的是出來時嘅熱量唔係好夠，如果可以蒸熱啲先至出嚟就好啦。另外我哋仲叫咗幾個餸，有個斑腩煲，同埋蝦伊麵，呢兩個都有得跟套餐，加多$70就會有多一個小菜，不過我哋睇過小菜嘅選擇好差，都係一啲蔬菜煲蔬菜類，完全唔食$70所以冇加到套餐。斑腩煲都好好食魚量都好多。龍蝦伊麵龍蝦好大隻，非常之好。最後仲有一個炒蟶子，呢個就不過不失，味道係好，但係份量少。

一行三人去食晚飯，去到個場好冷清，個知客問我哋想坐邊張枱，我哋揀咗張附近有電視睇嘅，但佢話系大枱吾比我哋坐，好，無問題，明白🫡但轉個頭有另外三個人坐咗喺度，個知客解釋話系個兼職比嘅😨完全安排混亂，嬲😡食物叫咗芝士龍蝦伊面，上菜速度超快🤔味道還可以，但啲龍蝦肉霉嘅🤢另外叫咗枱枱都嗌嘅片皮鴨，啲鴨肉柴到爆又凍冰冰🤦‍♂️呢間野價錢係平，都明白一分錢一分貨，但都可以比啲誠意嘅，呢間野無下次👎👎

由於屋企人好想食片皮鴨，所以今次特登揀明星聚餐。片皮鴨同燒鵝都唔錯，唔算好肥好油膩。個金銀蛋時菜同魚香茄子不過不失，而炸魚算整體味道最好食，總結呢間酒樓冇乜特別，所有嘢不過不失，價錢中等。

今天和親友屯門明星金閣晚飯，見到餐牌黃金宴半席$998（包茶芥六位及加一服務費）算好抵！1）鴻運乳豬大拼盤⭐️⭐️⭐️⭐️⭐️2）上湯焗蝦球伊麵⭐️（鹹咗D)3）黃金吉列大蝦⭐️⭐️⭐️⭐️⭐️4）紅燒海皇魚肚翅⭐️⭐️5）翡翠炒龍躉球⭐️⭐️6）金銀蒜枝竹蒸班⭐️⭐️（鹹咗D)7）蟲草花鮮百合炒菜苗⭐️8）脆皮妙齡乳鴿兩隻⭐️9）菠蘿海皇炒飯⭐️⭐️(炒得幾好）10）紅棗糕⭐️⭐️⭐️⭐️(紅棗味濃）11）合時生果(西瓜🍉）⭐️⭐️**獅威啤酒三罐 汽水三罐招呼⭐️⭐️⭐️⭐️⭐️👍

收工啦，家庭聚會，早點去晚飯🥣屯門栢麗廣場三樓 「明星海鮮酒家」環境闊落，坐得舒適，時間尚早客人不多先睇吓餐牌海鮮類、自選孖寶、各式套餐、優惠推介…等等 ， 任君選擇🤗晚飯堂食、超值優惠京式片皮鴨（壹食）份量多趁熱食😊粉皮包住薄薄鴨，甜醬 青瓜🥒紅燒 BB 鴿惹味 香噴噴，皮脆肉嫩😋海味雜菜煲嘩！大大煲，粉絲勁多、魚腐卜白菜仔、西蘭花🥦、生菜、大隻蝦乾上湯焗加拿大龍蝦🦞噢！麻麻哋喎伊麵底，略嫌欠汁太多

I usually come here for family gathering dinnerThe price is economicalIt offers dinner set sometimes which offer quite attractive priceThe food quality is okay~ some dishes are amazing like 芥末炸魚班塊Be reminded that holiday dinner time always has long queue Please prepare time to take the table

星期六的下午1:00，一行幾人飲茶傾計，等位約15分鐘就可以入座，原因～大多數人等2點下午茶。午市大小中小點$2x-$33，價錢大眾化！讚：點心拼盤幾好味$35，抵食！ 白切雞飯，雞味濃！ 沙律鮮蝦炸雲吞，脆，蝦肉爽口！彈：杯碟清潔度，有待改善！

大年初一同爸爸媽咪嚟食新春開年嘆茶🫖☕️ 等咗10個號碼就有位，不過入到去就覺得太迫，同隔離枱距離太近。我哋叫咗普洱同壽眉、味道濃郁😋 另外仲點咗多款賀年點心，全部都好美味😋

噚晚經過見無人就一家四口去食晚飯，龍蝦伊麵隻龍蝦又硬又「鞋」，西蘭花炒蚌炒到好咸，成堆垃圾咁，仲有乳鴿整到好乾身，唯一正常既係魚。比起另一間屯門明星，實在差太遠，呢間環境不乾淨，電梯有米奇老鼠🐭，無下次不推介。

辛勞工作的一天，準時收工，火速到「明星金閣海鮮酒家」已經有人在等吃😀 先拎個籌，6:00 開始晚飯時間看看餐牌：各式時蔬、魚/燒雞/鵝套餐海鮮推介、優惠推介 、、等等，款式多自選孖寶 $188芝士焗生蝦伊麵份量多，淡淡芝士香，撈伊麵吃，滋味無窮😋🦐尚算大隻，鮮甜美味濃湯粉絲什菜煲 $88足料： 草菇、大大隻蝦乾、生菜、豆卜、白菜仔、粉絲再來一份 蜜汁叉燒，厚切，瘦瘦、啖啖肉😊食得開心埋單連茶芥加一 $336.50 👌

入屯門做牛牛陪飲茶明星位多,拎位等15分鐘就入得位,點心都唔錯!例牌 蝦餃燒賣,鳳爪,腸粉,煎豆皮卷,叉燒包,馬拉糕都試曬鮮蝦餃夠大隻,入面咬開仍好有蝦既肉汁又夠爽口鮮甜鮮肉燒賣入左好多冬菇粒,比起一般既食到口感更彈牙豐富叉燒包唔錯,微微爆口,個餡料夠多又香甜!豆皮卷入面係蔬菜絲,脆口但清爽既口感腸粉牛肉,一份6件,個皮幾薄身,牛肉份量都相當多鳳爪夠大隻,個皮已經好軟淋,入曬味,幾重膠原感另外仲食多碟馬拉糕,夠鬆軟,有黑糖甜味消費$300屯門屯喜路2號屯門柏麗廣場3樓R1-R2舖

Always having renovation here, the feeling is still here, the food is still yummGoose feet is so good with sweet sour flavor, the meat is soft too, I love this dish much haaCrispy BB pigeon is another good food but it's a bit too oily and heavy, I barely eat of their legs and feeling enough laaBBQ pork rice having good taste too, tender texture Groose rice noodles isnt bad too, they like it so much haamenu:Food is good, where we used to come often, gonna miss this place soon maybe haa