金仔米線 (Closed)

話說上星期晚約了夥伴開會，一行六人，地點選擇了「金仔米線」，我開頭以為就是普通的米線店。怎知晚上來到這裏，晚上原來是主打吃不同的鍋物，還可以點生料打邊爐，其實有點奇怪。不過既來之則安之，即管試一試他們的手勢！「四川原條烤魚鍋」＄178叫了少辣，即叫即滾，鉗魚先煎香，之後放入有點像冬陰公的湯底來煮，肉滑及沒有細骨，湯底酸辣到位，我自己就覺得味道不錯，有點喜出望外。而且侍應不停為我們加湯，吃得我們十分起勁。「椰子雞煲」＄168因為在場有位朋友不吃辣，所以走了辣。雞煲的味道其實也不錯，在打邊爐之前我們就先飲湯底及吃雞塊，雞塊比想像中硬，椰味不強，湯頭就頗鮮甜，有點似吃砂沙窩雲吞雞湯。至於打邊爐的生料，我們點了肥牛、炸魚皮、雲吞及薯粉。生料反而我覺得質素一般，薯粉比較粗硬，牛肉及炸魚皮就是一般standard，雲吞不過不失，雲吞皮不算太滑。其實這裏的煲都算幾大份，下次若再來的話，可以考慮單是吃鍋物，生料則有待進步。整頓飯連一人一杯飲品人均$100，也可算是抵吃之選。

朋友介紹..所以一行四人去試下先叫兩個小吃送啤酒"紅油豬耳"..辣度夠好開胃~豬耳腍身帶爽口"酥炸雞軟骨"..炸得好香口+夠味"原條鉗魚(特大)"..泡椒味+中辣鉗魚肉質有彈性+嫩口魚煲汁底唔多選擇~較為惹味係泡椒中辣辣度ok+好惹味~配料都唔少(豆卜,芽菜,土芹,酸菜,洋蔥等)食完魚..再點個"土佬雞煲(小辣)"雞煲因為點小辣..加上醬油味平凡~整體欠缺惹味及刺激度而雞件都比較過熟~口感變得好老加湯轉火鍋..朋友講明火鍋料唔得架食店仲有2款三層架火鍋料優惠~但唔吸引所以散叫2個菜,響鈴,墨汁花枝丸依個丸好甜..我覺得味道好古怪整體環境坐得舒適~食物普普通通~服務可以呢

一行六人到金仔，入到門口，女待好有禮貌招呼上二樓，安排坐在角頭一張長枱，比較寧靜。招牌菜~四川烤魚(蔥燒味)$208鉗魚煎香，無细骨，肉質幾滑。配火煱料~肥牛，墨魚丸，質量與街市的凍肉一般，無乜味道。響鈴亦是來貨，不是即炸。期望火煱料質料提升，或著能自制一二樣出名火煱料，加埋已不錯的招牌鉗魚，咁就出色啦。

金仔米線都食過幾次，雞煲就第一次試。要咗個土佬雞煲小辣，再加咗日本蠔、蝦滑、米線、娃娃菜、炸魚皮同黑豚肉。土佬雞煲都等咗10分鐘先有，雞都幾多，而且好嫩滑。但醬汁唔辣唔麻又唔夠香，香料唔夠，所以醬汁遜色。侍應等我地d雞食得7788，就過黎加湯，加咗湯之後，d油浮晒上面，要努力畢呀畢，畢得7788我地先落料。D 料好渣，蝦滑基本上無蝦，得麵粉，好難食，食咗一兩啖就無再食。日本蠔有d解咗凍，有d又未解，而且都幾腥。黑豚肉碎濕濕，半肥瘦，尚可接受。米線就好好食，煙煙韌韌，又吸味。

買團購 5張 75元 可當150元用 好底 (仲無加一) 去到“金仔” 枱較細 幾靚順眼男經理 好有禮貌招呼 上2樓上到2樓啲女侍 望都未望就話無位 又要落番樓下禮貌男經理 親身上2樓再安排 有枱 招牌菜 水煮鉗魚 (中)208元 大辣 上枱紅噹噹 配豆卜 鉗魚無細骨幾滑 朋友好buy 土佬雞煲(半只)108元 似豆豉雞 雞很嚡 汁醬苦苦地 加咗白湯打邊爐 好似洗鑊水 換個湯底至再火煱 ~火煱料~ 凍肉料： 肥牛 墨魚丸 豬皮 牛柏頁 碎拾拾 新鮮八爪魚滑 唔彈牙 響玲 脆 正小食 有 蒜泥白肉 泡椒雞腳 炸豆子豆腐 有水準 海南雞飯 無湯跟 雞嚡白湯底有待改善~  咸而不香雞超嚡 

離開香港幾天，由沙巴回來氣溫已經降至20度以下，到了市區正值晚餐時間，冷冷的天氣最好當然是吃火鍋。在開飯找到兩家在太子區的雞煲店，在二選一之下來到這裡。這裡雖說是賣米線為主，不知何時開始兼營雞煲和烤魚，既然開了數家分店，心想水準應該不會太差吧。店子有兩層，我們坐在樓上，剛好有部大電視，可以邊吃邊看。晚市大部分客人都吃火鍋，有烤魚也有雞煲，而我們就要了中辣雞煲。至於火鍋料選擇也不少，價格算是相宜，特別是丸類，三十多元就有交易，而火鍋丸類通常都較貴，不過店家可能用上米線的配料，不用刻意再入一些其他貨，所以價格相宜一點吧。由於不清楚雞煲的質素，我們只簡單的點了韮菜餃、響鈴、麻辣牛丸和皇帝菜，如果鍋底好的話再決定要不要追加配料。雞煲上檯時已經可以吃，中辣的辣度剛剛好，味道挺濃，帶少許麻，不過味道比較單調，沒有加太多香料，因此層次稍欠。半隻雞的份量不少，肉質不賴，都算煮得夠入味，而伴炒的洋蔥相當好吃。加湯後味道沒那麼濃，但也不算太差。韮菜餃。一隻隻的韮菜餃體型不少，都是硬梆梆的框成一個方型，韮菜與肉的比較是九比一，所以韮菜味很濃郁，只是韮菜有點渣，口感普通。響鈴。當然不會期望是即炸，可是以來貨來

話說放工同陳生出咗太子區活動，咁啱經過界限街，見到之前做團購時幫襯過嘅紅楓葉原來笠已執，紅楓葉嘅荷葉飯勁香荷葉味，已成絕唱，可惜可惜!!取而代之嘅係金仔米線，主打雞煲､烤魚及米線。今晚只求果腹，所以速食碗米線就算，話明金仔米線，咁梗係食米線啦，點知一坐底，眼見9成人都喺到打緊雞煲，成鋪都係雞煲同烤魚味，人地咁惹味，我地就食米線，相當冇癮。******************************食法同其他米線鋪一樣，自選湯底，另外加餸，餸分3個價位 ﹣ $5/$7/$10陳生配搭：金仔燜湯米線(小辣$21) +  醬爆火辣牛丸($7) + 肥牛($7) + 豬肉丸($5)由於周圍都係雞煲嘅氛圍，我不禁懷疑米線嘅配料都係打邊爐嘅材料，講番條橫丫腸先，碗麵Size都幾大，飽肚，燜湯相信係柱侯湯，浮咗好多辣油喺面，仲有柱侯醬，但湯底不夠濃郁，唔知想點，味道唔深刻。所有配料都冇乜特別，醬爆火辣牛丸正常，肥牛正常，幾欣賞豬肉丸𠝹開咗少少，方便咀嚼。我的配搭：重慶酸辣湯(小辣$21) + 轉紅薯粉（$2）+ 鮮冬菇($5) + 豚腩片($7) 心血來潮勁想食紅薯粉，配重慶酸辣湯，此湯底比金仔燜湯

有一次同媽媽行過黎呢頭搵野食 , 見到開左間金仔米線 , 即沙田禾輋之前我地食過烤魚o個間o既分店 , 呢間大好多呢不過o個日行到熱辣辣 , 無興趣食米線 , 今日涼涼地就 arm 晒喇新店位於太子界限街 , 有上下兩層 , 坐位疏落有致 , 感覺舒適店主為雲南人 , 米線薯粉聲稱正宗雲南風味 , 有多種湯底以供選擇我地先行一試牛刀 , 叫左兩個午市套餐 , 只需 $ 64 埋單 , 幾抵食 ~1. 重慶酸辣湯雞絲雪魚丸玉子紅薯粉 ~ 酸辣湯要左少辣 , 味道唔錯 , 有少量酸菜 , 酸辣得黎帶麻香 果真有重慶酸辣粉o既風味 , 但無o個種過份味精過份濃郁o既嗆喉 配料樣樣都幾好食 , 雪魚丸口感有 d 似墨魚丸 , 但充滿魚肉鮮味 玉子豆腐唔係劣質貨 , 軟彈滑溜 , 雞絲係雞脾肉 , 嫩滑軟腍無雪味紅薯粉晶瑩透澈帶曲折面 , 煙韌又索味 , 有芽菜跟腐竹作伴 , 口感甚佳2. 豬骨湯豚腩片龍蝦丸米線~ 媽媽叫左呢個兩個送o既 , 只需 $ 28 連熱飲 , 米線既腍且軟滑 , 不過當中有 d 係煮得唔夠透 , 個芯仲係硬o既 , 但明明己經等左好耐先有得食豬骨湯味道 ok , 豚腩