金仔米線 (Closed)

今晚收工唔知食乜好,兩個人行行下就經過金仔,之前都想試下,於是入左去,walk in 都唔洗等!上左去職員安排嘅坐位,雖然兩人坐四座位,但已經好迫,前後背貼背,肥d都坐唔到,個雞煲賣相唔差,但食落好油淋淋,d雞勁多肥膏,叫左d小食(青瓜,蒜泥白肉,木耳)唔錯,到叫其他本身種類選擇唔多肥牛,午餐肉,牛栢葉....等等ㄧ食落口午餐肉ㄧ夾就散,肥牛唔滑但都有推介(炸魚皮)唔會再去

喺附近番工，上個月經過呢間野，見到門口易拉架寫住有做火鍋、雞煲、烤魚，配料任食，價錢就幾吸引喇。平日黎$138冇加一，五六日加10蚊，9:30pm後入座仲要係$98，一直記喺腦中，打算搵機會試下。上週五有位朋友R飯食，於是打左黎問價，確認價錢後我地就預訂位置，如果食火鍋、雞煲呢就實收$148(週五)，但我地想食烤魚，四位以上唔洗加錢一樣食到，當然只可以雞/魚二揀一。但如果唔夠四位，想食魚，係要加幾十蚊的，自己留意。預約左8點半鐘，但見前面食評話店員賴佢遲到，所以我地都預早左十分鐘到左。點知…間野客人都幾多，雖然有兩層，但下層位置唔算多，去到嘅時間已經爆滿。帶位嘅女店員一直叫我地等等等等，又話有枱埋單於是我地等到8點45分，佢又話張枱唔肯埋單，大佬，不是有限時嗎…點樣唔肯埋單(?!)店員見我地面燶燶，又問我地拎左飛未，大佬，我訂左位都要拎飛，咁我訂來做乜？然後店員醒覺了，原來我地係訂左位的。於是佢又話等多陣，見佢有講唔好意思前，唔好意思後，我地都照等啦事實上間野係真係幾忙幾好生意，不停見啲員工chit chut咁轉，上上落落，所以如果想食，都建議預約。（當然啦，即使你預約左，都有機會要好

Book左19:45，三人，19:36到餐廳，問佢有位未，就話我晏左，比人入左先喎👍🏻仲要無枱比我之後，再行過補一句，話我晏左。我同佢講，我幾時遲左？佢無應我丫。咁我Book黎做乜？一係同我講無得book我walk in無咁嬲。19:46無人理，無人交代。我走。

開始凍啦當然要搵返D熱辣辣既野食食啦朋友就推介咗去金仔食雞煲喎當然我地係BOOK有位先去 獨立房坐 好正 不過要搵侍應比較麻煩基本上我地係自生自滅冇人理連寫落單D紙寫完都要出去搵人先有人幫我地落單 又冇人幫我地執野都幾慘 但私隱度十足 因為我地自己一間房雞烋我地點咗個中辣 好辣呀個朋友食到成頭汗 佢應該唔太食得辣都幾多雞 幾入味 仲要我地可以食兩個煲 真心抵我地係仲有叫咗魚食 不過都係雞煲抵食好多仲有兩煲雞食 我地十幾人 我覺得好抵又好味性價比好高

唔係抵 又唔係好食 雞煲都幾淡 加埋湯之後 更加唔洗講 啲料感覺幾孤寒 因為唔多 叫第一輪好似好抵咁 黎到原來唔多 食得多少少嘅人都應該唔夠 要另外再叫 即係唔係抵 出返少少去旺角食任食好過 如果都係要食到咁嘅價錢 咁不如俾多少少食潮福（當打邊爐計） 俾平啲出旺角求其一間食雞煲都好食 總之俾我感覺係唔上唔落 兩頭唔到岸咁 係競爭激烈咁勁嘅地方 呢間野真係好普通 除左雞煲外 其他都係普通 啲味似波仔咁 齊料再返叮咁 淡味 見到評分到有服務一行 就即係提返我 坐得''隔涉''啲 啲伙記睇唔到你 無人理 總之我嘅經驗好麻麻 真係唔好意思 係ok都唔達標嘅情況下 要俾個劣評呢間野

12月中到1月頭我已去過三次抵食...好味...足料...服務唔差雞煲堅要食..我有朋友食唔到辣都大讚...調味岩岩好...！講堅今時今日$130-$190（時段）左右打個放題火鍋那裡找...！1:雞煲好食2:配料任食絕不孤寒3:員工服務中級佢仲有房可供應真係唔差唔差...！暫時都未咁多人到訪..煩忙時段都唔等太耐留意佢有分時段21:00後更抵...！唯獨是佢打邊爐有蔥蒜比你食用.只有豉油辣醬任飲有汽水啤酒茶類但我都番食再番食😝🤣😂

星期五晚，十點半左右黎到門口，雞煲任食，見個牌寫營業至二點。心諗大把時間食，掂！直入。$118唔洗加一,星期五，六，日加十個大洋，即係每人承惠$128。先黎半隻雞煲，味道都唔錯！但係，當望見order紙就知賴野。除左肥牛，豬肉片，雞肉絲，居然冇魚同其他肉類！，然後就係丸類同菜。心諗，唔緊要，肥牛都好。但肥牛真係好肥，睇見到都飽再黎菜類， 唐生菜同芽菜都唔新鮮，雞脾菇同蘿蔔算ok。當我仲諗緊有咩好食，呀姐問我仲有咩加？廚房收11點！點解我入坐時冇人同我講？算喇，比我食到2點都冇用，根本就冇野好食。

好耐冇食過金仔米線, 今次路經太子原來呢邊有一間, 入去食個米線TEA. 都係照舊食"重慶酸辣湯底"(小辣), 揀左其中一款下午茶餐:豚腩肉玉子豆腐米線, 計埋凍飲都係$27, 唔知點解呢個餐特別平, 其他下午茶餐都要三十幾蚊.配料和米線份量都幾多, 比想像中既下午茶份量要足, 湯底依舊好味, 米線彈牙, 豚腩肉薄薄一片幾好味, 玉子豆腐都係咁啦. 可惜原來佢地而家既米線只係賣中午和下午(4點前要落單), 晚市只做雞煲. 如果唔係夜晚都可以食啦!都係果句, $27有兩餸米線包野飲真係算好抵.

之前開會路經見到$98 任食2小時雞煲已經想試，今日同朋友再路經決定一試。任食2小時雞煲的價錢是按時段而定，平日由$98~$138，星期五，六，日加$10，但由於沒有加一，所以都是抵食的。雞煲味道不太濃，食完後可叫侍應加湯煮火煱 (侍應見你自己加湯會搶返壺湯幫你加)。火煱配料不外乎豬肉片，肥牛片，丸類同蔬菜，各類肉片及丸類明顯都是冷藏貨，但$100餘一個人任食2小時，要求也不會太高吧。而且個場通風ok, 一路食都沒有煙霧瀰漫情況，食完個身都沒有太強烈的雞煲味。總括而言，2小時任點任食，又包汽水，啤酒及雪糕，每人$100餘在太子區已算十分抵食。

朋友今晚聚會在金仔米線，聽個名以為淨系食米線。當晚去到先知道原來內有乾坤。金仔有兩層，門面光猛整潔。我們一行6人被安排上2樓。任食2個中$138, 如揀烤魚煲加$78。雞同魚唔可以再加，但火鍋配料同小食可任加。飲品和雪糕自己出去拎。2樓地方有點擠迫，經常要唔該借借出出入入。6個人叫左一個雞煲同烤魚煲。雞煲一上枱香噴噴，雞件夠滑，不過油比較多。烤魚煲點了小辣，越煮越辣夠曬惹味，唔錯！個人較喜歡烤魚煲

我真係好鍾意金仔個魚鍋㗎，價錢唔貴，條魚又大大條。估唔到太子店有任食添，汔水任飲，小食任叫，天氣咁啱又凍返啲啲，食個魚鍋最正。今次叫了小辣，因為同行朋友好辣，但要就我，唯有微調。小辣又真係唔太辣喎，連我呢個清湯人都食得掂。條魚，真係大愛，好好味呀

店名：金仔米線地址 : 太子界限街36號36酒店地下及1樓好味指數：8.3／10價錢：$108 土佬雞煲 半隻 （大辣）響鈴$24米線$16油麥菜$20唐生菜$20粟米$18豆腐卜$20魚皮餃$32(左下)蒜泥白肉（大辣） $22(中下)椒鹽玉子豆腐 $20(右下)紅油豬耳（大辣） $30雞煲味道惹味,大辣亦夠辣。雞件嫩滑，不過要儘快食，煲超過十分鍾肉質慢慢變“鞋“。吃完雞，當然就是打邊爐，店員倒出來的湯底非常濃郁，是奶白色，味道鮮甜。火窩配料新鮮，值得一讚米線，爽口煙韌，配合雞煲汁非常好吃。蒜泥白肉的肉有點像肥牛，一點也不滑，而且跟其他店的做法不太相似，蒜蓉沒有多到滿瀉，只是小量蒜蓉加上混合醬料然後鋪在肉上，但味道還是可以的。椒鹽玉子豆腐炸得不夠脆，夠味但不夠特色。紅油豬耳味濃，風味十足。份量算多，略嫌不夠爽脆。 

We have been to this placefor SUPPER a lot of times as it's close to our home and the quality is amazing with such a decent price. It's ALL YOU CAN EAT fish hot pot at just 98HKD per head after 10.30pm (supper discount), the fish tastes BETTER than other a la carte Sichuan restaurants where the fish alone can cost well over 190HKD. Here? Just add 78HKD and you will have a whole fish. The chef here did a great job cooming the fish before putting it into the hot pot ~~~~ the skin is still crispy f

我們是金仔的鄰居,加上金仔平靚正,食物很不錯,服務生超nice好好"king",所以每個月都會光顧2~3次。平時的烤魚店真的過份貴又不是特別好吃。這裡的比我去的都好吃,甚至是任食自助餐,價錢set得很有良心。每條魚一台客要加78HKD,晚上10.30分之後每位只需要98HKD而已,所以我跟家人平時都是散步到金仔吃宵夜。這裡有很多韓國啤酒,炸雞翅(炸得很脆很入味),甘薯,雪糕等都很棒,可是有時如果太晚入座,雞翅這些小食很可能都已經賣光了。另外,牛肉很多時候都太肥,這點要注意。

來到電腦面前寫食評這一刻，我才知道這家店有米線二字。幾疑自己找錯食店。可能是火鍋季節的關係，整晚整間店～不見有人食米線，雞煲火鍋處處聞。雞煲是比較香的，我基本上都是被其香味吸引入來。由於今個冬天已食了雙位數字雞煲，所以很快吃出個所以然。雞煲香味這回事，喜歡的自會甘之如飴。由於真的多枱在"雞煲ing"。所以整個用餐感覺像是在雞煲煙薰浴德池浸泡著。這裡雞煲本身都很不錯，有大中小辣三種。我選了小辣有點不夠。建議喜歡吃辣的至少要中或大。份量略嫌不夠多。30分鐘以內都可以完成。不過今晚有雞煲高手在陣，真的值得寫食評分享。食開雞煲的人都知道雞煲較少湯所以很快要加湯。而這晚在陣的高手就提出一秘訣。就是不要加湯，加啤酒。"啤酒比湯更能發揮出雞的肉味，而非用濃湯去掩蓋佢。雞肉吸收左啤酒會自然地顯得較多肉汁。肉汁又更好地帶出雞煲的香味"（真實對白）而我一試之下，乖乖不得了。真的與平常食或未加啤酒之前的雞煲有很大分別。小弟盡力描述。那塊雞像在口中開演奏廳有層層迴響包裹，纏繞著的雞與香。味蕾像在品嘗最美味的仙釀。猶如將雞煲的整盆精華全納入味覺裡去。有點技巧的，是啤酒不能一次落太多。否則會掩蓋了雞煲湯的味道。大