Video
3-min walk from Exit D, Prince Edward MTR Station
continue reading
Payment Methods
Above information is for reference only. Please check details with the restaurant.
Recommended Dishes
今晚收工唔知食乜好,兩個人行行下就經過金仔,之前都想試下,於是入左去,walk in 都唔洗等!上左去職員安排嘅坐位,雖然兩人坐四座位,但已經好迫,前後背貼背,肥d都坐唔到,個雞煲賣相唔差,但食落好油淋淋,d雞勁多肥膏,叫左d小食(青瓜,蒜泥白肉,木耳)唔錯,到叫其他本身種類選擇唔多肥牛,午餐肉,牛栢葉....等等ㄧ食落口午餐肉ㄧ夾就散,肥牛唔滑但都有推介(炸魚皮)唔會再去
continue reading
喺附近番工，上個月經過呢間野，見到門口易拉架寫住有做火鍋、雞煲、烤魚，配料任食，價錢就幾吸引喇。平日黎$138冇加一，五六日加10蚊，9:30pm後入座仲要係$98，一直記喺腦中，打算搵機會試下。上週五有位朋友R飯食，於是打左黎問價，確認價錢後我地就預訂位置，如果食火鍋、雞煲呢就實收$148(週五)，但我地想食烤魚，四位以上唔洗加錢一樣食到，當然只可以雞/魚二揀一。但如果唔夠四位，想食魚，係要加幾十蚊的，自己留意。預約左8點半鐘，但見前面食評話店員賴佢遲到，所以我地都預早左十分鐘到左。點知…間野客人都幾多，雖然有兩層，但下層位置唔算多，去到嘅時間已經爆滿。帶位嘅女店員一直叫我地等等等等，又話有枱埋單於是我地等到8點45分，佢又話張枱唔肯埋單，大佬，不是有限時嗎…點樣唔肯埋單(?!)店員見我地面燶燶，又問我地拎左飛未，大佬，我訂左位都要拎飛，咁我訂來做乜？然後店員醒覺了，原來我地係訂左位的。於是佢又話等多陣，見佢有講唔好意思前，唔好意思後，我地都照等啦事實上間野係真係幾忙幾好生意，不停見啲員工chit chut咁轉，上上落落，所以如果想食，都建議預約。（當然啦，即使你預約左，都有機會要好似我地咁等法）最終9pm我地入座了。上左2/F，位置比樓下多，不過衛生一般般啦，餐桌最好自己抹一抹，兩磁爐面嘅油積亦都有少少倒胃口。不過喺150蚊都唔洗嘅大前題下，我對所有事嘅容忍度突然高左好多，哈哈。迅速落左一條魚，揀左少麻辣（魚不是任食喔，四人一條，親）餐牌選擇都幾多，以任食黎計，都算幾滿意。其中一張紙係收費項目，例如牛柳粒、蠔、帶子呢啲，另外加多一條魚都係$138，可以接受。小食方面有：椒鹽玉子豆腐、拍青瓜、雲耳、豆芽、木耳、雞翼、泡椒鳳爪、蒜泥白肉、雞軟骨等都係任食，等緊條魚熟之際，我地就食住呢啲開胃野先。涼拌嘅味道都唔錯，蒜泥白肉唔會太肥，雞翼食落都脆口，鳳爪其實都好食，幾入味，只係唔夠腍。大概15分鐘左右，魚同配料就上枱，都係合理時間而其後加單兩次都喺15分鐘內送上食物，店員都幾繁忙，所以我覺得除左等位一刻比較令人不耐煩，加上冇收取加一嘅情況下，我覺得進食過程嘅服務，上菜、加湯等都係唔錯。麻辣魚 - 少辣：因為怕太辣，所以只係點左少辣，一開頭反而未係好入味，但後來愈食愈辣，去到淥菜一刻，我地都覺得辣到…哈哈。不過佢地比較少麻，所以都容易入口。一條魚都幾大條架，平時食烤魚都二百蚊左右，咁嘅質素我覺得幾好食。魚肉肥美，唔會太老，亦冇任何魚腥、泥味，重點係魚骨都唔多呢。其餘配料都係普通酒樓任食嘅質素，肥牛、豚肉十分一般，我地都係食左一轉不過有條魚打底，即使唔食豬、牛，集中食其他野都抵食。另外有丸類、麻吉燒、芝士魚豆腐，選擇都幾多。豬紅呀豬皮、響鈴、山根、芋絲，一般火鍋配料都有。整體黎講，以價錢黎計，就真係冇得輸。食物質素符合價錢，未至於太差。環境方面一般般，但爆場都唔算太嘈，服務方面還可以。只係始終係平價火鍋，有客walk in一定要俾佢入，至於我訂左枱要等位，當然係有多少躁底。餐廳大可打電話確認客人會唔會出現，再留起張枱呢，否則訂左位都要等超過半個鐘，並無意義，walk in黎嘅客人都比我入得快。
continue reading
Book左19:45，三人，19:36到餐廳，問佢有位未，就話我晏左，比人入左先喎👍🏻仲要無枱比我之後，再行過補一句，話我晏左。我同佢講，我幾時遲左？佢無應我丫。咁我Book黎做乜？一係同我講無得book我walk in無咁嬲。19:46無人理，無人交代。我走。
continue reading
開始凍啦當然要搵返D熱辣辣既野食食啦朋友就推介咗去金仔食雞煲喎當然我地係BOOK有位先去 獨立房坐 好正 不過要搵侍應比較麻煩基本上我地係自生自滅冇人理連寫落單D紙寫完都要出去搵人先有人幫我地落單 又冇人幫我地執野都幾慘 但私隱度十足 因為我地自己一間房雞烋我地點咗個中辣 好辣呀個朋友食到成頭汗 佢應該唔太食得辣都幾多雞 幾入味 仲要我地可以食兩個煲 真心抵我地係仲有叫咗魚食 不過都係雞煲抵食好多仲有兩煲雞食 我地十幾人 我覺得好抵又好味性價比好高
continue reading
唔係抵 又唔係好食 雞煲都幾淡 加埋湯之後 更加唔洗講 啲料感覺幾孤寒 因為唔多 叫第一輪好似好抵咁 黎到原來唔多 食得多少少嘅人都應該唔夠 要另外再叫 即係唔係抵 出返少少去旺角食任食好過 如果都係要食到咁嘅價錢 咁不如俾多少少食潮福（當打邊爐計） 俾平啲出旺角求其一間食雞煲都好食 總之俾我感覺係唔上唔落 兩頭唔到岸咁 係競爭激烈咁勁嘅地方 呢間野真係好普通 除左雞煲外 其他都係普通 啲味似波仔咁 齊料再返叮咁 淡味 見到評分到有服務一行 就即係提返我 坐得''隔涉''啲 啲伙記睇唔到你 無人理 總之我嘅經驗好麻麻 真係唔好意思 係ok都唔達標嘅情況下 要俾個劣評呢間野
continue reading