貢茶 (Closed)

飲品一向唔會差得去邊，叫左杯廿蚊芋香珍珠奶茶少冰！正路！但最慘係每一次去個女收銀員都係度禁電話。尋日同今日都去左買野飲，兩次都係度禁禁禁！有人企係度排隊都唔知。每樣野都要同佢個兩次，例如：飲咩野，要印花，要袋(錢都拎埋出黎放在枱上) 完全唔俾反應你之後買野個位阿生同樣遭遇，講買咩飲都要講兩次阿姐！你老闆請你回來唔係叫你禁電話嫁！

這間貢茶幫襯多年了，水準依舊保持住，可能是人流足的關係，在這裡買的茶從來未遇上過澀。我獨沽一味水蜜桃綠茶加珍珠少冰半甜，是我愛的味道，珍珠夠軟，有少冰少甜。現在搬到和小食店分租一個舖位，真的是聰明的做法，做到雙贏的局面。買小食的，又會想買嘢飲，等嘢飲時，又會心思思想買d嘢食。只不過係太好生意了，每每要等好耐先有，不過對比起旺角的貢茶，同樣要等咁耐，呢度水準穩定，值得等。

    當天食完飽飽的lunch後,同事肥仔請飲野,因為強人order又送多一杯,因為我不能飲奶茶,所以選擇也不是很多....我選了~鮮奶仙草凍~微糖走冰~真是非常之大杯,因為呢間無得選要大或中杯~內裡有很軟滑的仙草,又不會有排o趙~又非常足料~當時係第一次試,總之印象很難忘~甜度又剛剛好~奶又夠香,超滿足~啖啖都可以啜到有仙草,真是非常爽爽爽 飲完已經好像吃完一餐咁lu~~有時覺得飲唔晒都幾晒….

我們相信已被天仁寵壞了，就算在尖沙咀晚飯後，也想以天仁的茶王，作為飯後的一口茶。說就輕鬆，但人在尖沙咀，難道要專程坐三個站地鐵，目的只為一口茶？唯有，在區內找其他代替品。走到來加連威老道的貢茶，我與女友同樣要凍頂烏龍，甘苦與共。一個要熱，一個要凍，一冷一熱。女友喝一口熱烏龍後，即刻大叫：(為何那麼甜？)原來，我們沒有要求減甜，又或者，我們並不知道，貢茶的烏龍茶，是預設加糖的。我的一杯凍烏龍，茶味頗甘，但一樣帶點甜。這一次，算不算是擺烏龍？

食完飯, 買杯野飲開心下。今次試新野, 玄米抹茶紅豆, $16d 同事睇個樣就話好核突, 綠gum gum。但我飲落好味哦, 唔太甜, 紅豆好淋, 玄米好香, 好香炒米味, 有少少抹茶味。下次可以encore, ^^*

是日友人要飲野搵左間最就近既貢茶順度叫埋我份兒微糖烏龍奶茶+珍珠$10+2=$12有香烏龍茶味唔甜, 微糖果然係微, 30%下次可以試半糖+少奶夠哂大杯, 飲哂好飽珍珠較細粒易嚼仲以為烏龍奶茶係我想飲果款深色既點知都係同普通一樣奶色深色應該係炭燒奶茶, 但貢茶無呢

行街好口渴啊飲野...望住佢個牌企係度好耐...真係好怕呢d好多選擇既時間...完全揀唔到..-___-揀左好耐諗到試寒天冬瓜茶..加珍珠!我以為冬瓜茶好似綠茶, 原來似清甜個d糖水!!!好正!!!! (即係或者你可以話似清甜個d菊花茶既feel啦..~)加埋珍珠好滿足...呢杯真係幾正啊~不過覺得佢d寒天麻麻.....下次想走寒天(!)ha...冬天飲應該都好好...感覺好滋潤 (雖然人地未必係for滋潤!)

難得今日放假, 天氣又好, 相約老友肥琪到尖沙咀行街, 行到攰攰地, 又肚餓, 入咗一間叫 "ROLL" 既CAKE SHOP 依肚, 食咗件芝麻味既卷蛋, 好滿足…… 之後想食YOGURT, 竟然賣晒… 為有過隔離果間貢茶, 買了一柸珍珠奶茶飲, 個服務員好有禮貌咁問我"要唔要少甜少冰", 態度有禮, 又有笑容, 值得一讚, 講返柸奶茶先, 茶味比以前香濃, 下次一定會再試…… "卷蛋 CROSSOVER 奶茶" 正!

之前已經上過買呢間奶過一次野, 超唔對路, 難飲過其他雜MUG牌子!! 今日再比一次機會佢, 原來係錯既, 超後悔!! 珍珠咬落無味, 食到入心O個位係酸既(唔知係變左定來貨次!) 奶茶, 同奶水一樣味, 無茶味!! 飲左幾啖已經想扔, 但係又覺得折墜, 點知行到去海港城比度門一撞跌左落地下, 天助我也, 唔駛自己扔!!我。以。後。都。唔。會。幫。襯!!

七月十八日 (星期日)同老公仔行了陣,很口渴,想起的是台式飲品!在加連威老道也沒有什麼選擇呢!貢茶!我們點了杯芒果歐蕾,人很多,等了十五分鐘左右等的同時,見到藝人金剛也買了..........等又等,終於到我們了感覺....是失望,很假的芒果味,而且很大陣的乳酸味,我倆都不太喜歡飲下次都是飲珍珠奶茶比較穩陣呢!><

通常在台茶店喝的都是珍珠奶茶，在貢茶就會喝奶蓋綠茶，是日路過此地，天時暑熱，就喝杯冰凍奶茶吧，由女友話事，點了紅豆台農奶茶，又是少冰三分糖，在旁吃過了卷蛋後，就來喝口茶。紅豆的份量相信不足十份一，對我來說是還可以的，但愛吃紅豆的朋友不妨要求多一點，因為那些紅豆也挺好吃，紅豆粉腍而豆殼夠軟，用了糖水煲的紅豆吃起來甜度適中，又有足夠的豆香，實是不錯。至於奶茶又如何，都是用上奶粉的奶茶，但質素可說是有點保證，雖然一定不是那種茶味足，奶味厚的貨色，茶身喝起來一點也不挺，但勝在味道平衡，不會弄至淡如清水，以香港標準來計都算不錯。普通的奶茶加上好吃的紅豆，就給它一個笑臉作鼓勵吧。

3月7日, 食完mcdondon, 準備漫步去紅館睇演唱會之前, 心郁郁又想飲貢茶~ 真係唔順路都要行番轉頭買!::: 烏龍奶茶 ::: $10掃勻個menu, 始終情繫烏龍奶茶~ 茶奶比例好好, 烏龍茶味又夠晒濃, 奶又滑~ 叫少冰都好夠凍~ 仲要勁大杯~ 無得彈!好飲! 但周圍越開越多分店, 希望水準可以一直保持啦!

貢茶開在大熱卷蛋店 Roll 旁, 選址的人果然是高手。雖然 Roll 店內也有飲品賣, 但吃完卷蛋再來買杯貢茶, 其實經濟實惠得多。我就在等我要的卷蛋出爐的空檔中, 走了過來買杯飲住先。離奇地沒什麼客人, 所以我那杯純喫茶系列的 阿里山青茶 (凍, 走甜, $8) 很快便有了。大大杯冰凍清香的茶, 沒下糖都有點清甜味, 回甘也不錯, 是卷蛋配西茶咖啡以外的另一種配搭。(當然有貢茶在的地方就會有人龍, 所以我轉個頭拿完我的卷蛋出來之後, 已經有幾個人在店外等了。)

接近三十度高溫，雖然見門口已經排上長長人龍，仍甘心奉上$12買杯珍珠奶茶，結果，失望而回。珍珠一點甜味都沒有，沒有茶味，基本上只是一杯甜味奶水。嚐過其他貢茶分店，未試過教人失望，結果這次喝了一半就喝不下去，扔了。唯一可取的是等候時間短，前面排有10張"飛"，5分鐘內就排完了，可能是因此犧牲了質素。下次還是叫我最愛的寒天冬瓜茶，不用沖調，應該萬無一失。

食完Roll口渴就順手係隔離買了杯黃金阿華田解解渴，之前次次都是飲奶蓋綠!今次轉轉口味~原本想要熱，但係出左凍....算了!不過都OK~d黃金(類似餅碎咁)mix埋阿華田，唔錯!可以一試