貢茶 (元朗千色匯)

Open Now

Now Closed

今日來左元朗搵美食，夏日炎炎，當然要去買返杯飲品解渴啦！於是就來左元朗教育路1號元朗千色匯地下22號舖噶貢茶 (元朗千色匯) ，環境係普通噶奶茶店，飲品種類多，但仙草奶凍就係我噶首選啦！有考慮過其它，不過最後都係照舊仙草奶凍，茶味香濃，絲滑，仙草都做得滑嫩Q彈，仙草味濃郁，但又唔會搶奶茶噶味道，兩者意外地配合，一啖吸落去，兩者在口腔衝擊味蕾。口感豐富，好滿足！貢茶係一間久唔久就想飲噶手搖飲品店之一。下次都要試下其它飲品先。

唔知點解呢間舖頭好似越買越貴咁， 以前都好似10零$20買到杯野而家都要$33， 味道雖然OK但係唔係好值呢個價錢， 始終外賣舖又冇得坐低飲所以個價錢， 真係真心覺得有啲貴

行過見到貢茶出左薄荷朱古力系列大C妹作為一個薄荷朱古力控😍😍😍又點會放過 今日就試試佢薄荷巧克力脆冰沙 💰41📝奶蓋+薄荷冰沙+Oreo碎貢茶嘅奶蓋不嬲都唔錯 咸甜不膩😋😋冰沙係有薄荷味嘅忌廉冰沙 Oreo碎係粉狀嘅 比得少 唔係啖啖都有😢整體離講 我係鍾意嘅 就係Oreo太少不過夏天飲冰沙一個字：爽🔥🔥

之前都有到過貢茶其他分店購買飲品，并知道貢茶有提供印花給客人儲夠相當數量印花後，兌換買一送一的優惠。昨天當我到元朗千色貢茶分店購買飲品時，遇到一個令我相當不滿的對待。本人因當時買飲品時忘記了貢茶是有印花提供，購買飲品付款時未有即時問店員取印花。領完飲品後，友人提醒了我未取印花。我再拿着飲品回該店問收銀店員想取回印花作日後使用。怎料，該店員的最初回應是：我們未有！我再問是否不會提供，他的回應是：你問了幾杯？取回印花給我時再說： 你下次應購買時問（我們取）！（我呆了!）總結:1)印花不是應該顧客購買產品時，店員主動提供的嗎？（未必每客人都知道/記得會有印花提供）2）如果你不想提供印花給客人，你貼張便條寫着：此店不提供印花 (如果你會/可以)3）我排隊購買及領取飲時，未見到店員有提供印花予任何顧客收銀店員態度令我不會再幫襯！（但會再到其他分店😊）

好久不見了~珍珠奶茶------疫情一直持續，街頭路人寥寥無幾，沒有往日的熱鬧。今日得閒出去行行，好不愜意，裝備好口罩，提上小挎包，帶上搓手液~出發！天氣炎熱，必須來點冰涼的東西，趕走那絲煩悶。來一杯甜甜冰涼的珍珠奶茶，實在妙哉！“貢茶”一直是我的最愛，今天用了外賣自取服務，更是便捷不少，電子支付真的太合我心意。唯一不足今天奶茶味道不同以往，奶茶味特別淡……珍珠依舊，彈牙彈牙~

元朗有好多間珍珠奶茶，尤其喺千色店附近，好多選擇，貢茶嘅水準都算係好穩定，今次用返最傳統嘅珍珠奶茶，佢唔會話得奶味，或者太甜，始終有一定嘅茶味，幾好飲，但係啲Staff就麻麻哋，一來也禮貌一般啦，叫極佢小冰，完全唔睬你

呢家台式飲品店、珍珠奶茶店愈開愈多，今次回歸基本，飲返貢茶，應該係進駐香港既最先既台式飲品店之一。因為飲品店愈開愈多，有左比較之下，貢茶既珍珠比較無咬口。而且茶味唔夠濃同香，重點係叫左少甜，都勁甜🙁🙁🙁

依杯係抹茶沙冰，入面有涼粉、紅豆同珍珠，佢沙冰嘅質地一啲都唔沙冰嘅感覺，係好水感，佢抹茶味都好香濃，唔會好甜亦唔好會苦，而啲紅豆唔係話好多，而且質感好粉，珍珠都好少，而且好甜，啲涼粉就好多，整杯嘢飲都唔錯，不過一啲都唔抵飲

甜度極過份sorry之前本身都有其他分店飲開但元朗呢間分店真係唔OK正想少甜少冰職員只回一句已經整好......未完全交易已經整好杯野（未收曬錢佢已經開始整） 想少甜已經叫不住極快但係質素差到咁，半價都唔想飲抱歉 $25甜到飲唔到要掉 服務不貼心唔會再飲呢間分店.....其他分店都無咁趕頭趕命，呢間客本身都無九龍區咁多，唔知趕頭趕命做咩，好難飲...............甜得好過份，其實糖漿係咪唔洗錢

聽聞Openrice App正在做優惠推廣🤔所以決定試用買飲品🤭 落單挻方便由下單到取餐用了二十分鐘的時間比平常的差不多時間 節省罰企的時候·百香QQ HKD$23·檸檬愛玉 HKD$20兩杯也點了走冰 拿到上手雖然沒有冰但飲品凍到像冰箱拿出來的飲品最後要攤放半小時才可以飲到味道不過不失 是平常飲開的味道吧~節省一半金錢吧 用優惠碼平了HKD$20即是變了買一送一很便宜耶haha🤭

其實。。。呢杯芒果沙冰份量好少，又唔抵飲，芒果味係濃，而且係好重芒果味，不過好甜，而且佢一啲都唔會好有沙冰feel，佢係好水，一啲都唔冰。。而且仲好似好多糖感，一啲都唔好飲

又飲珍珠奶茶？Nonono！😵太悶喇台式茶飲店嘅選擇其實好多，唔淨只係黑糖鮮奶又或者係水果茶🙄對於鐘意不停追求新鮮感嘅我當然要成日發掘多d創新特色飲品😛今次竟然俾我係貢茶發現左佢～地瓜鮮奶茶🥛地瓜姐係我地香港人叫嘅番薯，本住試一試嘅心態，諗住可能只係加入左香精調味，點知發覺原來係原粒地瓜係底部，連奶茶都有加入地瓜一齊shake,所以成杯係勁香，但唔係人工嘅味道👍好surprise,成杯真材實料，飲到最尾會好飽肚，好抵飲😋

夜晚約咗朋友喺元朗食蒸氣海鮮，但我來得太早，佢哋個個都未到，唯有我自己周圍行下先啦，發現千色廣場呢邊地下，開咗好多間台式茶飲店，包括有一方台灣水果茶，天仁茗茶，同埋我最愛嘅貢茶，咁就諗都唔使諗就往公差方向行啦，你一共插冇面係向街嘅頭，對面喺恒生銀行，好易揾。睇吓飲咩先，忽然醒起琴晚打完邊路，個口苦苦地好熱氣咁，咁就叫鮮奶仙草凍啦，聽講仙草就好似我哋叫嘅涼粉咁有清熱下火嘅作用，但仙草就冇我哋嘅涼粉咁硬骨骨，同埋叫仙草一定要叫凍飲，佢冇熱飲嘅。

喝過很多間貢茶， 呢間都真係算非常差， 外賣桂圓紅棗奶茶， 難飲到爆，奶又稀，桂圓1/16粒都冇， 好辛苦先撈到丁點紅棗皮，淡得跟本好似飲緊奶水噤味，真係好差，做壞貢茶呢個名！我知生意難做，租金貴人工貴，用人地專利做好心俾d 誠意，做壞人地既名又何必呢！相反我飲過美孚分店， 人地杯茶是啡色好重紅棗桂圓味， 亦有原粒桂園， 一打開未飲已好香桂圓味，但相反你千色店這間分店真係超呃錢！我以為自己買左杯紅棗皮奶水添呀～～永遠唔可能再幫襯！

台式飲品越開越多，其實間間都差唔多味，但一向都幫襯開貢茶，而且貪佢可以草印花，買9杯，之後果次買1送1！按平時一樣叫左珍珠奶茶，要微糖少冰，排隊都唔算耐，珍珠亦算彈牙。