Goobne Chicken (V Point)

Open Now

Now Closed

近排放假大吃大喝，假期尾聲就覺得唔可以再放蹤，不過我嘅炸雞癮又發作😣就去左Goobne Chicken食烤雞～雖然係烤雞，但這家的烤雞不比炸雞差喔！而且食落無果油炸過嘅膩喉感，食多咗都無咁罪惡吖！想食特色少少嘅我今次點咗甜辣烤雞+果味醬油蒜香烤雞，烤雞外皮好香脆，肉嫩食落重有肉汁！甜辣醬係最常食到韓式辣醬，係唔辣而開胃嘅口味！果味醬油蒜香味就味道層次豐富啲，帶少少果味嘅清甜，感覺好fruity好清新!鐵板芝士泡菜炒飯極邪惡！側面嘅芝士厚厚一層！撈落泡菜炒飯度將泡菜嘅辣味同芝士融合埋一齊，呢度個泡菜本身醃得好好，用嚟炒飯係畫龍點睛～夏天關係食飯成日會叫杯飲品，近排沙冰係我心水，今次叫左老是常出現嘅芒果沙冰，中間嚿冰絕無欺場，飲到尾都重咬到一粒粒小冰粒～夏天消暑好選擇🍹Goobne Chicken重有好多分店，不過我睇中銅鑼灣呢間個景觀好開揚，就早早跑去望住靚景食晚餐啦😍

好耐冇食炸雞啦！🐔鐵板軟芝士蜜糖咖哩烤雞（無骨）($198)之前食過一次Goobne Chicken嘅UFO芝士火鍋，佢嘅芝士真係好好味！今次同朋友兩個人嚟食，我地想食佢個芝士，但係又驚UFO芝士火鍋太大食唔曬，所以我哋就嗌左另外一款細份啲嘅芝士烤雞。佢嘅芝士依然好好味好吸引，唔知點解食極都唔濟！烤雞外皮焗至金黃，脆口得嚟又有少少焦香，一啲都唔油膩，而且仲健康過炸雞，肉質亦都比炸雞更滑。烤雞嘅蜜糖味比咖哩味濃，食落甜甜地，連埋芝士一齊食都十分滋味！🦞鐵板海鮮煎餅($118)每次去食韓國餐廳我都一定會嗌泡菜煎餅或者海鮮煎餅，因為真係好好味！今次我地嗌咗海鮮煎餅。海鮮煎餅真係有好多海鮮，有蝦、魷魚、八爪魚等等，啱曬鍾意食海鮮嘅朋友。除咗海鮮，仲有好爽脆嘅洋蔥，口感豐富。海鮮煎餅會配一個酸酸地嘅醬汁，味道都唔錯㗎！

好愛韓風嘅我，韓式炸雞做晚餐當然是不二之選😁，呢間餐廳位高25樓，可以飽覽銅鑼灣夜景，美食配美景，真係最佳享受。 韓式炒牛肉粉絲$128牛肉充滿著陣陣麻油嘅香味，配上色彩繽紛嘅雜菜，有洋蔥絲、蘿蔔絲、紅椒、青椒、木耳、冬菇、蛋絲，蔬菜口感有爽脆有軟熟。粉絲煙韌彈牙，整體口感豐富，味道又惹味。鐵板軟芝士蜜糖咖哩烤雞(無骨)$198超愛芝士嘅我當然唔可以錯過啦！餐廳嘅烤雞雞肉嫩滑無比😋，外皮烤得有點香脆可口，蜜糖咖喱味係餐廳招牌口感，調味非常出色，越食越滋味😍，再配埋軟綿綿拉絲芝士嘅咸香，真是最佳的配撘。

已經唔係第一次黎食哩間韓國炸雞店，之前食過幾次，每次都能夠保持質素，今次就黎試下銅鑼灣哩間分店。銅鑼灣店環境超級闊落，空間感十足，仲要有落地玻璃，可以望到海景，而且餐廳門口位置有沙發凳，就算等緊位都有地方坐。佢既炸雞有好多款唔同既口味，今次同朋友就揀左我最鍾意既蜜糖蒜香味。🍗蜜糖蒜香烤雞（無骨） $205烤雞上面加上唔少炸蒜，所以食落去好香蒜味，表皮香脆，用左醬油、蜜糖加埋蒜蓉一齊烤製，醬汁微甜咸香，非常入味，肉質亦唔鞋，味道的確唔錯。🍳蟹籽沙律醬芝士雞蛋卷 $128雞蛋卷裏面加上軟滑既車打芝士同莫薩里拉芝士，芝士份量唔少，所以切開時可以見到些許拉絲效果，雞蛋卷入口嫩滑，食落有層次，而且雞蛋面頭既明太子醬勁香，加埋蟹籽同埋沙律醬，味道好夾。整體黎講，餐廳環境相當寬闊同舒適，仲要可以望到海景，而且食物亦有質素，值得一試。

鑑於本身唔鐘意食乾身既炸雞 所以一直對Goobne chicken既烤雞都非常滿意😂😂泥到銅鑼灣V point既Goobne Chicken係25樓，仲望到維港既景都真係唔錯☺️佢有超多選擇 剩係雞類都有接近二十款比你揀 有選擇困難症既我地 揀症幾耐 終於揀到一款🙈😂🔸蜜糖蒜香烤雞 - 佢既烤雞不嬲都好juicy 外脆內嫩🥰個蜜糖蒜香汁 微甜得泥又唔會太漏 掛落脆脆既雞皮上面真係無得頂🤩🤤🔸韓式炒牛肉粉絲 - 上枱個時我同朋友呆一呆 個份量比我地想像中多 而且牛肉份量都同樣唔係少😆不過就偏油少少 但係好夠味 都好好食😊值得一提係店員都好好 安排左張枱係近窗 真係望住個維港食烤雞👍🏻好滿足😂

香港地開餐廳，唔係食物好食就大晒，都要講服務。 星期五晚上同朋友食飯，預先冇book枱，但又驚冇位，放工6:00打去問一問男侍應：唔接受即日Booking我（心諗）：ok 無問題，都好合理。我：而家有冇枱，因為我就喺附近，好快就到。男侍應：依家有枱但係我唔會hold俾你我： ok, 收到，我轉頭上黎，唔該，bye我(心諗): I’m…邊個叫你幫我hold枱，九唔搭八如果係唔想聽電話/唔想返工/ 唔想同人對話，好心你就唔好返工。態度令人討厭。如果唔係約咗朋友，費事改地點，我真係唔嚟😒去到餐廳，另外有個瘦瘦地嘅女仔，又係全晚黑面。只係問佢half & half chicken可唔可以揀自己想要嘅兩種味道，都要睇佢面色👍🏼👍🏼👍🏼👍🏼👍🏼我喺度提提各位，味道係唔可以自己轉，要跟返餐牌嘅設定。餐廳去到七點左右已經坐滿人，食物方面係OK嘅，尤其是個芝士pizza，五種芝士，非常滋味，就算凍咗，都一樣咁好食。泡菜煎餅就一般，好粉，有少少漿口嘅感覺，泡菜少少辣。吼雞方面，我最鍾意蜜糖咖喱雞，因為蜜糖味唔會甜得太過搶，溫和，雞又juicy.

呢間餐廳我諗係我去得最多嘅一間炸/烤雞店。但我呢幾次覺得啲雞而家麻麻地，係得面個層有味道，入面嘅肉基本上係無味，同鞋嘅。本身餐廳款式不嬲都唔多，不過我一向都無所謂，因為我黎都係為左食雞，其他嘅嘢可以唔食。不過佢地個蛋係唔錯嘅，我一直都幾中意食。另外，大家都知道而家經濟都唔係好好，好多以前排哂長龍好難有位嘅餐廳，而家都未必要等位，咁呢間今日當然係唔使等，今時唔同往日嫁喇，。由於我地拎住都幾多嘢，同我見其實餐廳入面只係大約七成滿，都有起碼八張空嘅四人枱，加上我入座個陣係晚上八點鐘，所以我問左兩次(兩個唔同職員)我地兩個可否坐四人枱，簡單黎講，佢地話唔得(都係個啲繁忙時段，booking幾滿嘅原因啦🤣)。坦白講，八點鐘後，要滿場嘅話一早滿左，唔通九點鐘先滿座，啲客人食一個鐘十點關門走人？？？如果我見得兩三張空枱，我係會理解，明白事理，但有咁多張空枱都唔可以俾人坐？寧願放係度都唔通情啲俾客人坐？所以我開始感覺好差。為左 “唔好嘅嘢要講，好嘅嘢都要講“ 嘅緣故，我特別推介大家去旺角嘅Yadllie Plate，唔係我開嘅，亦同我無任何關係嘅。Yadllie Plate係好好食! 佢地係好食過呢度

在韓國炸雞行業競爭大的環境下 能維持經營長時間的 相信這品牌也是有它獨特的風味🍗這裡沿用了烤的方法 強調不經油炸 相對坊間的炸雞店較健康 果味醬油蒜香醬以蘋果檸檬汁調成 甜甜的相當醒胃 雞皮烤至香脆 薄薄一層 烤過的雞肉依舊嫩滑 會是大眾都喜歡的口味😋..銅鑼灣的店舖相對其他分店闊落 配上落地大玻璃 視野廣闊 都市景致盡收眼底 很適合三五好友小聚一番...📍Goobne Chicken銅鑼灣登龍街18號V Point 25樓

🎏 港島吃貨系列 — Goobne🍗 一定唔會感到陌生嘅韓食店🇰🇷#90cp銅鑼灣篇 #90cp韓國篇➖➖➖➖➖疫情下冇得去韓國 唯有喺香港食下韓國嘢止住癮先🥲 結果就碌咗去銅鑼灣v point樓上嘅Goobne食我久違嘅炸雞😛🍗 可能真係太耐冇食 食落覺得特別正🤩美味指數 😋: ⭐️⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨ C5B 甜辣炸雞無骨 $208雖然呢個炸雞並唔係最出名嘅味 但冇辦法我哋最鍾意都係甜辣呢一隻味😂 (其實都好鍾意食蜜糖!!) 雞肉嘅肉質都好嫩滑 仲要無骨嘅關係完全係啖啖肉😎 不過我就覺得佢嘅汁冇我想像中咁好食🙈 味道可以再濃郁少少咁就更加好🙌🏻✨ 鐵板芝士炒年糕 $165呢個真係唔係講笑 真係好好食!!!🤤 絕對係驅使我比滿分嘅一大主因😏 雖然佢主打芝士年糕 但都有少量嘅炒麵 雞蛋 魚糕 等等作為配菜🙌🏻 佢嘅味道都算貼近正宗嘅春川炒辣雞 味道濃郁而且芝士都好多 年糕都煙韌 大雜錦咁一齊食滿足感係極高🤤 重點係佢冇想像中咁辣 係我接受到嘅程度 完全係冇得輸😍🔸

兩個人叫咗個半半烤雞同埋雞蛋卷唔係道道都有得食烤雞感覺烤雞比炸雞冇咁熱氣😂可能係即整所以等咗好耐落單到個雞到 差不多半個鐘🙃兩個味分別係韓式BBQ醬同埋蜜糖烤雞熱辣辣果然係新鮮烤個人覺得蜜糖味比較好食BBQ醬味都唔錯但有少少辣下次會想試蒜味😍不過個份量有點少🙃🙃所以再叫多個雞蛋卷填番個肚🙈好香嘅蛋味加埋上面d醬更好食😋值得一提嘅係我哋坐近窗邊個景都好唔錯遠眺跑馬地🤩係有少少貴🙈🙈

食過咁多間韓式嘅烤雞炸雞之後都係最鐘情呢個品牌嘅出品銅鑼灣分店嘅環境仲要好好！！！喺呢個咁舒適嘅環境食住烤雞，真係好好嘅享受呀呢次我哋揀咗雙拼口味要咗韓式bbq醬烤雞拼蜜糖香辣烤雞雙拼嘅烤雞加埋有一隻雞嘅份量一如既往，呢度嘅烤雞依然係皮脆肉嫩，一啲都唔油膩自己特別鍾意呢一款蜜糖嘅口味，甜甜地咁又有少少黃芥末嘅刺激，正韓式bbq醬就有少少辣度，亦都非常惹味！！覺得調味唔夠仲可以自己點多啲醬汁每份烤雞都會畀埋酸酸甜甜又爽口嘅酸蘿蔔～食住烤雞飲有汽嘅飲品特別覺得梳乎佢哋嘅pizza都好似好吸引，下次都要試下先！！！

第一次到，第一次有靚位，第一次唔捨得走⋯⋯兩個女孩被帶位去到這個位置晚餐，簡直驚喜萬分，一定係因為我倆特別⋯⋯嘈🤣🤣，所以要同其他客人隔離！立即點個半半烤雞先, 這間Goobne的半半烤雞係我最種意, 上次在九龍間分店食過果架😍😍今次要了:原味烤雞 + 蜜糖香滑烤雞食雞一定要揀原味, 因為這才食到廚師嘅功夫!沒有添加特別嘅配料, 就食到烤雞火喉控制得好好, 雞肉好滑亦有香噴噴嘅肉味😋😋另一半嘅蜜糖烤雞, 就係原味烤雞再加添蜜糖, 增加了滑流感同豐富了層次感👍🏻👍🏻這是個完美嘅組合 (我極推)食食半半雞其實都已經有飽肚嘅感覺, 但又唔捨得走, 哈哈, 所以叫了個海鮮湯。真係一個好足料嘅海鮮湯, 蜆、蝦、青口、魷魚..., 用個咁鮮甜海鮮湯來清清食完烤雞嘅味蕾係最好、最正!另外, 沙冰就飲得多, 今次朋友介紹左peach Makgolli, 酒精成份好似1.7%, 好適合女士們, 一杯有桃同米酒香味嘅飲品, 真係又睇得又飲得。

成日係屋企煲韓劇都會見到呢人成日無時無刻都係度食烤雞，真係睇到流晒口水。如果香港好似韓國咁，夜麻麻都有得叫烤雞外賣做宵夜你話幾好呢，煲煲下劇都可以有得食！忍受咗一晚之後，我決定約朋友今日放工去食韓式烤雞，來一解我對烤雞相思之苦！難得出街食飯，當然就要揀間有質素保證㗎啦，Goobne Chicken去韓國旅行都食過，銅鑼灣仲有兩間分店，今日去到登龍街V-Point 25樓，店員很好安排我們坐在餐廳窗邊位，仲趕得切欣賞到Magic Hour!! 食雞當然要浪漫啦！見到Menu新產品-蒜蓉蜜糖烤雞嘅圖好吸引，一於叫咗隻全雞！上枱時，熱辣辣香噴噴，蒜香味十足！咬落有少少脆，入面好juicy，不會太乾！又香又甜真心推介呀！另一韓國必食之選-泡菜煎餅味道酸酸辣辣，惹味又醒胃！不會偏鹹 、趁熱吃好滋味！Cheers~~~~

★ 蒜香蜜糖烤雞 ($205)★ 韓式雞蛋卷 ($148).♡ 蒜香蜜糖烤雞𓂐 餐廳採用的烤雞比傳統炸雞卡路里少三倍，所以吃下去不會有太大罪惡感，但口感跟平時炸雞沒有任何分別！蒜香蜜糖汁很香，口感滑溜，成功鎖住了肉汁，所以整體食物很惹味，吃很多也不會感覺很膩，非常推薦！.♡ 韓式雞蛋卷𓂐賣相超吸引，七彩繽紛的顏色讓人很開胃，蛋味很香濃，裡面包著kimbap的材料，除了午餐肉比較膩，其他材料都很清爽，由於芝士不是很多，所以ko一盤是沒有問題的😜.♡ 雖然價錢不便宜，但整體食物質素好而且景色巨美，不過期望下次服務能再貼心一點～整體評價：🌕🌕🌕🌕🌑.📍Goobne

📍 Goobne Chicken (V Point ) (銅鑼灣)我夠膽講呢間係全港排頭三名嘅韓式烤雞，有多間分店但間間水準都保持得到。佢主打韓式烤雞，唔係炸雞，又添健康風味➖➖📌果香蒜香炸雞 (無骨)香濃嘅蒜味再加上啖啖嘅果香同埋檸檬汁，甜中帶酸，呢個配搭好食得嚟又中和咗炸雞嘅油膩感，而且咬落雞肉入面重非常多汁➖➖📌海鮮煎餅煎餅嘅厚薄適中而且海鮮好足料，加埋韭菜香䓤作為點綴，賣相吸引之餘食起嚟都好好味➖➖地址: 銅鑼灣登龍街18號V Point 25樓➖➖