嘗聚一刻

Open Now

Now Closed

20180930 Sunday, 今日做了過江龍，如果不是相熟人士試過，都會好少過到觀塘區搵食，需然工業區，一 D都唔難搵，比較多停車場，進入飯店，有4張大枱，有兩張4人卡位，都好濶落，因為之前表姐己經安排菜式，所以好快就起菜，（1）五寶茶＝圓肉，桂花，杞子 及紅棗， 女侍應提意可以溝入熱水或少少紅茶；（2）刀拍青瓜小雲耳（3）話梅翠涼瓜）4）蒜泥白肉卷（5）有機腐皮鮮淮山（6）涼拌豬耳（7）椒鹽白福豆腐，以上六種頭盆必選，因為食到停唔到口，（8）姬松茸螺頭燉竹絲雞（9）杏汁燉豬肺，兩種燉湯我都非常喜愛，味道都好原汁原味，（10）金銀蒜粉絲蒸小象拔蚌，如果比多少少粉絲比多少少蒜就好喇，（11）上湯花膠杞子浸時蔬，可以接受（12）年年有餘＝清蒸大海班，如果要我彈，就係條魚，用兩條細魚，容易比較控制，（13）金錢花膠扣鵝掌，如果炆耐少少時間就好喇（14）瓦煲花雕雞，我只可以講 頂呱呱,酒味恰到好處👍👍👍（15）啫啫芥蘭煲,好👍（16）家肥屋潤糯米飯，如果落多DD 臘味就更入味，（17）豉油王銀芽炒麵，欠缺少少火喉，最後一個甜品，木瓜雪耳海底椰燉桃膠，啱哂咁乾燥既天氣，總括嚟講今晚大滿足😋😋

今日小弟牛一，特地和太太來算係簡單地慶祝生日，位於工廈嘅私房菜本身期望不算大.來到時有小小生日嘅佈置，簡單卻算有心。環境相對簡陋，但食材用料好好，菜式味道有十分高嘅質素！服務人員更是十分親切。椒鹽鮮魷：新鮮好食（但坦白講，椒鹽，本身好難唔好食）麻醬淮山：爽口好吃，外面比較少有。竹絲雞湯：味道清甜。杏汁豬肺湯：這個出面較少有（因豬肺很難清潔），但杏汁味略微蓋過豬肺，喝不出豬肺味來。雀巢火龍果炒黑豚肉：黑豚肉、荷蘭豆、百合、火龍果很夾，好味！太雕玻璃蝦球：蒸蛋滑溜有酒香，蝦爽脆味道不錯！砵酒生蠔盞：生蠔本身肥美滑溜，配合生菜應是佳餚，可惜醬汁略鹹，扣點分。原籠荷葉蒸糯米羔蟹：這個很好吃，本身隻蟹真係好多好多好多羔。（佢哋話碰巧當做）有荷香的糯米也不錯吃。拔絲咕嚕肉：外面甜脆，内裏嫩滑有肉味，作為咕嚕肉迷的我，也很欣賞！上湯花膠杞子浸時蔬：今次用咗小棠菜苗本身柔嫩，加上清湯杞子花膠令人回味。煙三文魚蟹子炒飯：飯炒得很好，粒粒分明，調味很好！桃膠西米露：不太甜，唔錯！整體來說環境雖然簡樸，但食材用料講究，服務殷勤，菜式味道相當好！絕對可以媲美某些高級酒店嘅中菜廳！（當然那些高級中菜廳絕不是收這

難得同屋企人一家12口食私房菜 今次就揀咗一間觀塘就腳嘅相聚一刻 果然冇令我失望 當中最出色就應該係呢個蒜蓉粉絲蒸清蒸象拔蚌仔真係鮮味十足蒸得啱啱好一啲都唔韌呢個炸蠔真係炸得非常出色 連一向唔食蠔嘅大姑媽都讚不絕 配埋生菜完全帶出到豪鮮味 咬落去好好啲汁彈曬出嚟非常juicy 配埋個汁 真係幾甲 正呢個開頭以為係蒸水蛋好普通 原來上面係又有酒味 隻蝦都好脆好新鮮 個味好夾整體來講環境都坐得舒適 抵食 下次都會推介呢間私房菜比朋友

原本抱著隨便試試心態，點知幾有驚喜，菜式並不是很特別，但食材必定是優質，而且很新鮮貼心，好少寫食評，但真心要俾個讚👍🏻因為真係整得好好味😋😋😋✅椒鹽鮮魷 ✅椒鹽金菇菜✅山藥杞子紅棗燉竹絲雞 x2✅杏汁燉豬肺x2✅太雕玻璃蝦球✅雀巢火龍果蜜豆百合炒黑豚肉粒✅砵酒生蠔盞✅原籠荷葉蒜茸蒸糯米羔蟹(好味😋)✅拔絲咕嚕肉✅上湯花膠絲杞子浸時蔬✅豉油王吊片炒麵✅木瓜雪耳海底椰燉桃膠 時令果盆 五寶花茶全部都好好食👍🏻👍🏻👍🏻

今次一大班人開party就包場試咗呢間私房菜估唔到比想像中好食 味道適中 唔太鹹 我覺得最好味就係個杏汁豬肺湯 好足料 海鮮又夠新鮮 環境唔錯值得encore下次都想再帶屋企人試

奉奶奶手喻 全家要年三十晚食一餐難忘的團年飯 👨‍👩‍👧‍👦因此 她就挑選了這家私房菜共渡家庭之樂的兩小時😍唔講大家唔知 佢裝修係特別既 門是黑色的 完全睇唔到入面係怎樣的 懶有神秘咁啦🤨當推開大門時 (破秘lah~) 就見到熟悉的八十年代茶記嘅港式格局 (兩老應該好有親切感💑💃🏼🕺🏻）因為枱唔係太多 我地一眼👀就見到有一張預備好嘅長枱俾我地 地方好闊落 坐得好舒服啊！🤗😳未幾 侍應就先上前菜:刀拍青瓜小雲耳 -青瓜入味又好爽淮山好好味😣豬耳好爽口 仲有小小辣 都幾野味🤭呢個豬肺湯 勁勁勁好飲 又有杏仁 十分香仲有 呢個擺咗成晩 ^_^ 但勁香 勁鐘意嘅龍眼玫瑰菊花茶 小小甜 富有濃濃的玫瑰花香 寧神又下火 好好飲😋老爺話可以學下 返去自己經常煲來飲都好(計我話 來多幾次呢度好過啦😏~）跟住 呢個菇好爽口 但本人一般鐘意食鵝掌 （都係怕污漕 唔夠膽食）拿 呢個牛粒睇落普通茶記都食到 但食落係真係唔同嘅 想知咩叫有鑊氣 就知一嘗這碟小菜啦～蒸魚方面 我老爺就話腥 所以全程無食 我問洗唔洗換過條 佢又話唔洗 但唔理啦 我食埋佢 因為都幾好味 係熟咗少少啦～呢個黃金蝦 都好好味 一定要食啫啫

今日同朋友慶祝生日，因應朋友要求就去左間私房菜開餐。拔絲咕嚕肉呢個係餐廳嘅名菜，咕嚕肉真係拉到絲架，入口肉質唔錯，而且唔會有陣陣雪藏味。蒜茸炒豆苗豆苗份量唔小，入口夠晒蒜茸香味，而且炒到唔會太老。蝦膏蝦腰蛋白炒飯蝦膏蝦腰蛋白炒飯真係真材實料架，超級足料，飯又粒粒分明，口感結實幡桃壽包餐廳好貼心幡桃壽包，俾客人慶祝下，粒粒足料又夠香軟今次嘅體驗都算幾好，因為都比較小餐廳咁有心去煮私房菜，有機會都要再黎先得

早幾日一上openrice就見到呢邊有多間私房菜，於是就揀左間舖個名叫嘗聚一刻，因為見到好似好多人食完都覺得唔錯。杏汁燉豬肺，食飯一開始就緊係要飲個湯先喇，呢個杏汁燉豬肺個湯底真係好濃，入口有濃濃的杏仁味，而且豬肺嘅份量絕對唔會小。黃金海中蝦，海蝦入口好有口感，夠晒脆身，加埋佢本身果種淡淡嘅咸蛋黃咸味，唔需要其他嘅調味都已經唔錯。川味口水雞，未入口之前嘅非常亮身，口水雞入口感覺滑身好夠辣味，肉質都算唔錯。雖然餐廳有啲難搵，不過真係唔錯，下次都會再黎

上次同親戚慶生已經食過佢地嘅套餐， 一致好評。 今次到咗自己生日， 又點可以錯過咁好嘅私房菜，一於黎個兩人世界. 上次試完套餐， 今次決定自定菜式，結果絕對係不負所望。 今次嘅主角係蠔王扣南非乾鮑， 大大隻嘅鮑魚， 極之入味， 簡直係， 我連個汁都唔放過 之後黎個游水東星斑， 果然係魚有魚味， 送飯一流。 肉類方面，我地揀左蒜香牛柳粒， 牛柳粒炒得岩岩好， 蒜片亦好香口， 下次要order多蒜片先得，哈哈哈。 最後食埋個瑤柱花膠絲浸菜苗，清清地，但加左瑤柱又好鮮味， 唔錯唔錯，我相信唔鐘意食菜嘅人都會鐘意食. Ps : 是日大滿足， 野食有水準， 一去到餐廳，已見到Happy Birthday裝飾， 很多謝老闆娘的心思。

是日親戚生日， 到嘗聚一刻慶生。 由一開始的前菜，燉湯， 小菜， 海鮮， 到最後既糖水都好有水準。 前菜中， 以椒鹽鮮魷最受歡迎， 個個都話外邊好難食到咁嘅質素 之後既燉湯， 絕對真材實料， 飲完立即暖晒。 到左海鮮上場， 個個都嘩嘩聲， 新鮮，好味， 隻蟹勁靚勁飽羔，花雕雞油蛋白，好正嘅配搭，而聖子皇下邊d粉絲絕對係精華所在,雖然好飽， 但都忍唔住食埋佢。 仲有個又靚又好味既雀巢蜜豆炒黑豚肉， 肉質好嫩，唔會鞋口。最後食埋個足料糖水同生果，大家都棒住個肚，超滿足。

說實是先是因為店名—-「相」聚一刻吸引了，昨天和一班朋友食生日飯，店主不但為客人用上有生日朋友的餐牌，更在枱上佈置了Happy Birthday,感覺很窩心，地方不大只有四張大圓枱兩個四人卡位，不過感覺反而像在家，服務員會幫客人倒茶（是用杞子、菊花、龍眼）製作，入味甘甜！食物在上載的圖片看到，新鮮入味每樣也被我們很快吃完！總結是一間可以再去幾次的工廈私房菜👍

平時好小黎觀塘食飯既都。禁今次就番朋友收工可以快啲到禁就揀番哩區 。訂左8點鐘上到去夾埋我地都係得2檯客。。私房菜最好既地方就係唔會催你走。同埋好照顧到客人既需要。一入到黎已經有位女士熱情禁招呼我地。坐座就已經倒茶俾我地。個茶同平時茶樓唔同。睇到有菊花，杞子，紅棗，飲落去好清。當日小妹生日餐廳好有心思係檯轉盤低整左happy birthday ..同埋菜單上都打埋小妹個名。我唸而家香港都好難塭到禁有心思既餐廳啦。等齊人就上菜啦。首先係小食先。3個小食最心刻係有機腐皮鮮淮山。個淮山佢落左芝麻醬所以好香。👍🏻👍🏻玻璃蝦球有驚喜，個蝦唔會係梅。同埋個底係有蛋白加，有啲酒味。好好食。兩款肉類既菜式都好juice既感覺。。本身麻麻地熟蠔。俾個小tips大家，食蠔要連埋生菜一齊食。食落感覺無禁油同埋可以減淡左咸味。炒飯開頭都以為無咩特別但食落好香。清清地幾好。總括黎講成餐飯都好滿意。員工會不停同你加茶。菜式每樣都好好味。遲啲會再黎試埋其他菜式😋😋

由舊同事成為朋友是很難得的當晚約左三位朋友晚餐選擇一間私房菜，可以食耐d傾耐d互相update 大家近況依間私房環境唔錯舒服，食物質素都高還很窩心，餐牌印上我個名早幾日訂台，揀選埋想食既小菜餐廳職員都很好，有問必答❤️嘗聚小碟椒鹽鮮魷很香脆 食到停唔到刀拍青瓜小雲耳酸酸甜甜很開胃❤️湯山藥杞子紅棗燉竹絲雞很補身的湯水，亦很足料❤️小菜太雕玻璃蝦球好似藝術品咁靚晶瑩剔透的面層，下面是蒸蛋白令人喜出望外翠瓜野菌炒安格斯牛柳粒很新鮮 牛肉很香很嫩砵酒生蠔盞我的至愛 大大隻蠔很多汁很香口三鮮浸時蔬避風塘炒蟹很惹味拔絲咕嚕肉粉醬不會過厚炸得剛剛好 不會有油膩感金菇瑤柱炆伊麵炒得很有鑊氣 又不會油膩真心喜歡❤️甜品木瓜雪耳海底椰燉桃膠時令果盆

觀塘工廈多好野食係人都知架喇，我地幾個人就黎朝下聖。由apm行去餐廳講緊都只不過係幾分鐘時間，店內嘅環境尚算大，當我們入座後，雖然我地已訂左野食，但職員好細心對我地，仲為我地介紹一啲餐廳特別嘅野食，等我地了解下有機淮山鮮腐皮，蒜泥白肉卷有機淮山鮮腐皮，蒜泥白肉卷呢兩個冷盤都幾特別，有機淮山鮮腐皮內有足料嘅淮山、煙肉碎同埋鮮腐皮。入口一啲都唔會覺得太多醬淋淋，再配埋蒜泥白肉卷兩者都好惹味同開胃又唔會太油膩，令人更期侍下面嘅菜式。杏汁燉豬肺食完冷盤一碗熱辣辣嘅杏汁燉豬肺就送上枱喇，師博好細心咁整咾個湯，喝落夠晒好香濃又豬肺嫩滑，鮮甜嘅湯下面仲有唔小嘅豬肺等配料，味道真係好有層次。蒜蓉粉絲蒸蟶子皇舖底嘅粉絲吸收左蟶子嘅精華，我覺得應該一開始就試左先，而主角蟶子大大隻，再加入蒜蓉蒸熟。蟶子入口鮮甜，而且帶有蒜蓉的咸香味，令蟶子嘅味道更豐富，就真係絕對唔可以錯過。拔絲咕嚕肉廚師真係好用心去做呢個菜，餐廳一早處理好左醬料，令其可以有拔絲嘅效果，再用鮮豬肉炸起，呢個拉到絲嘅盤咕嚕肉絕對係值得呃like，即使醬下嘅肉依然保持嫩滑，非常更有層次和玩味。白茅胡椒蝦蝦係用新鮮蝦所以好大隻，每人分到的份量不算

私房菜，環境舒適清靜，與好友飯聚談天一流！老闆招呼周到，非常友善。是日菜單：有機腐皮鮮淮山蒜泥白肉卷椒鹽鮮魷湯：(原盅位上)山藥杞子紅棗燉竹絲雞杏汁燉豬肺太雕玻璃蝦球翠瓜野菌抄安格斯牛柳粒避風塘抄蟹拔絲咕嚕肉瓦煲花雕雞砵酒生蠔盞三鮮浸時蔬黑松露鮮菌蛋白炒飯豉油王吊片炒麵木瓜雪耳海底椰燉桃膠碟頭份量足，用心製作！三小碟的分量已是一般酒樓的主菜份量！推介生蠔，非常肥美！牛柳粒不是粒，比餐廳的薄牛扒還多；燉湯很足料，非常清甜！玻璃蝦的蛋白很滑；山藥腐竹的有機腐竹很有豆味