好煮意 (Under Renovation)

我食午飯一向覺得快快手, 食個飯咪算, 但今日既午飯覺得特別寫意,悠閒!去左好煮意 叫左佢既是日午餐 a餐: 黑淑汁雞扒飯 配湯 +熱奶茶d食物味道真系一般, 份量算幾大碟, 都算抵食, 不過味道 同普通快餐店既碟頭飯其實差唔多, 都算過得去。 不過d 湯飲左幾啖就冇飲, 裹面冇料, 但系又睇到幾浸油, 飲左幾淡, 咸咸地, 唔系好敢飲。不過環境一流, 對住個湖, 雖然有時會擔心雀仔會飛過, 整到自己, 不過當然系唔會啦! 雖然戶外冇冷氣,但唔會太熱, 會有微風, 而且心情都會特別寫意, 所以特別有涼意同朋友一齊吹水都特別舒服

尋日(3-5-2015 Sun) 同男友去青衣城買啲o野順便食lunch,,諗起上月行青衣公園,經過o既一間茶餐廳,於是走o黎食.我o地o黎到,室外都重有位,於是坐室外對住靚風景食,我o地分別要$35.00o既A餐,洋蔥汁雞扒煎蛋飯同$36.00o既C餐廈門炒米,大家都加$2.00要凍檸水少甜.冇耐,亞姐拎兩碗湯o黎,唔知係咩湯,飲吓先,舀到有冬瓜,原來係冬瓜湯,味道o岩o岩清清地.之後凍檸水到o黎,唔甜係o岩o既,但唔多凍.然後食物到o黎, 橙紅色o既廈門炒米幾大碟,料就唔太多,有芽菜仔,蛋,火腿同蝦仁,味道係唔太濃o既,米粉乾身同爽.男友o既洋蔥汁雞扒煎蛋飯呢,我只食一啖雞扒,因為我已經飽,我就覺得有少少鹹.服務:當我o地飲o左兩啖湯,亞姐走o黎問我o地可唔可以轉枱,因為人o地6個人,冇枱.我o地被轉去康文處o既長凳位,但枱係一張二人摺枱.之後我發現,原來佢o地重有張摺枱未開,咁我諗,點解佢o地唔開埋o個張揩枱加長俾o個六個人坐,而要我o地搬?冇錯,我o地坐o個張係兩張摺枱拼埋,就算冇枱,我都唔介意佢o地搬走一張放o個邊囉.點解唔識咁轉彎?靚景個個都想對住,但唔係先到先得o既咩?如

住青衣咁耐，成日經過青衣公園，都未曾想過到這間餐廳用膳。今日心血來潮，便胆粗粗入去試下。正值下午茶時段，無咩人，我同母親大人選擇於室內坐。看看店內待應，全部都係上左年紀的公公婆婆，行動比較慢。坐低後，便開始選擇食物：由於本人未食晏，所以選擇左個午餐 - 葡汁焗雞扒意粉，午餐包一碗例湯，一杯飲品，飲品選擇凍檸茶。而母親大人，選擇左個下午茶餐 - 西多士，熱咖啡午餐 - 葡汁焗雞扒意粉，上枱時熱辣辣，味道尚算可以，但份量真比較小。例湯不錯，沒有味精。凍檸茶就一般。下午茶餐 - 西多士，賣相OK，母親大人話味道都係一般，咖啡吾錯。由於係一間茶餐廳，所以沒有服務可言。並由於待應係一啲上年紀的公公婆婆，可能記性比較差，不時送錯食物。總括而言，只可一次，未必有機會再去。

今日同朋友去公園行…佢影佢既相…我食我既野去到餐廳好彩外面剩一張枱…當然即坐叫野食啦未到下午茶餐時間…就叫個焗葡汁雞柳飯啦黎到既時候好香，面個層好正…但食到底飯就比較乾…似未熟既口感…整體唔怕胃痛係ok 既普通奶茶一杯，不過坐係咁既環境飲野，飲咩都會覺得好味既其實整體都唔錯…服務呢…由於佢唔會趕你走囉…因我坐左個半鐘都冇受任何面色…而且員工大多是上年齡既老人家…所以幾好架啦！

青衣公園內，荷花池旁邊，有一間茶餐廳，叫好煮意。餐廳除了室內地方，亦有露天位置。其實，坐在外邊，對著綠油油的景致用餐，都幾寫意。所以，是日在青衣城開完會，便獨自來吃一餐。見到有我喜歡的上海粗炒，即來一客。可是，粗炒唔夠鑊氣，有欠惹味，並不合心，只草草扒了幾口，便算。喝著檸茶的同時，也要打開電腦，繼續手頭上的工作。不過，當做累了，看看荷花池景，心理上始終是會好一點。埋單三十五，坐足個多小時，抵番晒！

公園幾乎座落在香港每一區，其中最大的是維園和九龍公園，在金鐘也有個動植物公園。在新界，也少不了市鎮公園，在石屎森林的香港，有這些公園，確實帶來了綠色環境，給這個石屎１都市帶來一點生機。在公園裡，或者都會會有一些小食店或食店，然而在下卻甚少光顧，但是今日突然想起了青衣公園裡面，有間食店--好煮意餐廳，就不如來一個在優美和綠色的環境下用餐，感受一下真正寫意的午餐。餐廳分為室內和室外，室外環境優美，流水潺潺，又有荷花池相伴，如果不想被蚊子咬的話，可以坐進室內用餐。拿著餐牌，雖然是以茶餐廳食品為主，但是想點來散餐，又也有午餐可選，令在下難以選擇，最後都是以午餐為好了。例湯為木瓜甘筍煲豬骨，可是在下的例湯沒有甘昏也沒有豬骨，只有零碎木瓜，確實有點失望。因此在下在外吃午餐，最怕的是遇上這樣的情況，例湯沒多湯渣，兼且有味精加上，故在下不點例湯的主要原因。這例湯雖沒有味精，但是味道欠缺清甜，也沒多甘筍的甜味呢！白汁時菜雞扒飯。在毫無頭緒下點了這飯，白汁繞在雞扒上，菜芯則加在米飯之上。白汁的味道雖有忌廉，但有一點粟米的甜味，雞扒是香煎過的，有些微的嫰滑感覺，菜心是白灼過的味道淡然無味，但米飯卻一嚿一嚿的

同事介紹這間餐廳價廉又風景好。農曆年假期，便到此一遊。露天座位，仳鄰湖畔，有假山和人造瀑布。一邊歎港式奶茶，一邊欣賞風聲水聲與鳥語聲，這樣才是生活。這兒營業時間朝七晚七，初四已啟市。午餐由HKD31-35，配有餐飲，有些還再配湯。供應時間由早上十一時至晚上七時。下午荼餐約二十多元，抵食程度有少少比不上午餐。是日點了常餐HKD29，烘底加一蚊。蕃茄奄列，有點清新的口感。雞扒公仔麵，雞扒大大件。奶茶算香濃，加埋良辰美景，夫復何求。

在香港可以欣賞紅葉的地方不多，元朗大棠是最熱門的一個，每到假日，遊人如鯽，簡直比銅鑼灣與旺角還要熱鬧。但其實，可以觀賞紅葉的地方還有中文大學、城門水塘和青衣公園等地。近日天氣持續寒冷，正是觀看紅葉的大好時候，不想去大棠趁熱鬧的話，青衣公園其實也是一個賞紅葉的好地方，雖然這裡觀賞的主要是落羽松而非大棠的楓香樹，仍然十分漂亮。而在賞葉賞景之餘，不妨來這裡歇歇腳，一邊吃點東西，一邊欣賞這兒的美麗景色呢！這間名為「好煮意」的小食店，位置絕佳，店子雖分為室內和室外兩部分，但室內部分與一般的食肆無異，環境無甚足觀，只有對著公園中荷花池的室外部分，因為得享周遭的美景，才有特別可觀的地方。就像這一天，我與太座兩人來到青衣公園，便在欣賞風景之餘，來到這間「好煮意」，坐在室外的座位上， 吃了一個舒適寫意的早餐。雖然這早餐無非是普通不過的「豬扒蛋公仔麵」與「凍熱奶茶」而已，奶茶味道一般，豬扒、煎蛋與公仔麵也沒有甚麼特別的地方。但能悠閒地在這個小天地裡一邊賞風景，一邊吃東西，已覺得人生十分美好，上天待自己不薄了。

是日和妹妹走去青衣影楓香樹樹葉，雖然今天天氣不太穩定，總是煙雨濛濛的，但也無損我們的雅興。人到了青衣公園，找尋"紅葉"之前先去開餐，我便提議去青衣公園唯一的餐廳：好煮意。我去過青衣公園幾次，每次都有行過好煮意的門口但並未幫襯過，不過實在好想在這個湖泊旁邊進餐，終於等到今天了。差不多三點才去吃午餐，餐廳內的人流極少，我看到有枱食客已經食完了只不過在吹吹水，直到我們走後他們仍在傾計，店員又沒有趕人走的意圖，令食客感到一種寫意。這裡提供早餐﹑午餐和下午茶餐，下午茶餐更加直到七點鐘，吃的是茶餐廳食品，三文治﹑炒粉麵飯﹑港式湯麵，連拉麵都有，整體的消費不貴。因為我已經非常肚餓了所以要食飯﹗午餐跟有飲品之外，更送例湯，都是三十幾元，很抵食。隨後有阿姐奉上餐具及開水，不過落單要由另一位阿姐負責，盛著水的水杯好似家中的漱口杯，哈哈。妹妹選擇了全日供應的常餐$25(現在查看餐牌才發現餐價是$28，可能在下午茶時段食就平$3﹖)，包括了牛油麵包﹑鮮蕃茄粒奄列及雞翼湯意粉。麵包內的牛油塗得非常厚滿，雞翼是香煎的，意粉的份量都不是少的呢。期間，看到有不少麻雀接近我們，可愛極了﹗冬瓜薏味豬骨湯，味道清清的，不失

在今天不用上班的日子，可以遲些起床，也不需要為公事煩惱，放鬆心情去享受一個早餐，在這時我便想起有一段時間無去過好煮意，它位於青衣公園荷花池旁邊，坐在室外坐位可以欣賞河畔景色，鳥語花香。早餐點了C餐：雪菜肉絲米配牛油方包+火腿奄列。食物質素都幾好，雪菜肉絲米份量好多，都煮得好食，米粉唔會太林，麺包好新鮮，奄列都好味，個蛋好滑，再加埋透心涼的凍奶茶，認真唔錯。如果想放鬆心情，黎呢度坐坐，欣賞靚景，是一個好好的選擇。

20-2-2013(三） 今天，是我在這公司工作的最後一天，完成工作後，不帶走一片雲彩便正式告別了! 放工後，一個人來到青衣公園欣賞河畔的風光，聽聽鳥語、瀑布的跌蕩聲，享受一下我短暫退隱的生活。在公園內行行走走，行至「好煮意」，我從未試過這店，見覺有餓意，於是坐下來吃個下午茶吧! 點了一碗雞扒肉丁湯米粉配熱菜蜜，售27元。。賣相大份，確實抵食，吃完這個下午茶，晚餐隨時可不吃。雞扒肉質鬆軟，外皮煎得香炸，火侯掌握得好，雞扒整體是肉多於皮，啖啖肉好好吃。湯底帶點微辣，我好喜歡，可以刺激一下味蕾，也增加整碗米粉的層次感。熱菜蜜有點像媽媽煲的西洋菜湯，但加上甜甜的蜜味，清新也，而且喝後立即感到滋潤、很舒服的感覺! 一邊吃，一邊嚐靚景，27元換來個多小時的愜意，誰敢說不超值呢? 嘻嘻。。。。。。

今天星期六特別熱鬧, 好多小朋友在此用膳。這裡最吸引地方係白鴿到處走, 若怕禽流感者則宜三思 。另外, 這裡貼近池邊, 有好多鯉魚及烏龜, 好受大眾歡迎 。點了一個鴨胸肉拉麵, 加杯凍檸茶 。鴨胸肉拉麵: 有三片鴨胸肉, 唔係到處有得食, 味好香, 拉麵都彈牙, 大大碗, 好吸引, 湯味也不錯 。凍檸茶: 好大杯, 青衣區茶餐廰無邊間及得上 , 茶凍檸檬片多, 最緊要係唔太甜 。其實這裡的早、午、晚餐不會太大轉變, 但質素仍然穏守 。

I wasn't expecting too much from this place; it looked a little 'unglamorous', but it was cheap, so i thought it was worth a try.The all-day (11-7) lunch set was only $33, the portion size was generous and the food was fast and piping hot.Even underneath the taste of the sauce, the pork was juicy, and well-cooked (not dry, and not greasy, as is the norm).It's in Tsing Yi park, right by the main lake, and within earshot of the waterfall.Only downside was the coffee, which was horribly over-sweet

今天不用去拜山, 約了朋友郊遊四處去影相, 我地約在青衣等.因朋友住在青衣佢介紹了這間有靚view既餐店食個醒神既早餐, 這兒真是不易找, 在公園內, 荷池側, 不是朋友帶路都唔識行, 亦萬萬想不到公園內居然有間茶餐廳.九點多去到, 全場滿坐(不知是否因是假期), 這兒有室內同外坐位,室內不算大(約有十張枱), 而室外是此店加出來的摺枱, 難得來到有靚view既地方, 當然坐室外, 我地都是大約等了五分鐘就有位. 坐低即看下餐牌有咩食, 嘩~~~ 我點了沙嗲牛肉麵, + 火腿奄列 +牛油方包都是$18蚊, 凍飲加兩蚊, 計埋都是$20 真係好抵!! 餐來啦! 質數都不錯, 個包幾新鮮, 奄列唔多油, 麵是硬身個隻唔係林pat pat個種,唯一個牛肉好似比好多生粉撈過比教湖口, 不過都可接受.總括來說環境好, 價錢平, 質數好!!!!!

青衣區茶餐廳送外賣動輒要百元先肯送，麥記都要六十先肯送。但 "好煮意" 一個早餐($18)都送外賣，正！