品味創意台灣料理 (Closed)

原本入嚟呢間餐廳嘅原因， 就係為咗食呢個甜品， 餐廳門口擺放了介紹呢個甜品嘅相片， 係一個綠色好別緻嘅器皿裝住， 見到其他客都有order, 啱啱遇著偏偏， 到我哋嘅時候，就換咗一個咁普通嘅碗， 唔知係咪要搵另一個碗搵耐左，個雪糕嚟到已經用成溶成，當然個味道冇咩影響，不過不失洛神花茶嘅味道好濃， 而且份量較多， 需要兩個人先飲得哂鳳梨沙冰太甜， 就算努力攪勻， 都驚自己有糖尿蟹黃油好正， 傑撻撻， 有好多蟹肉， 真材實料， 附加有陳醋可以點， 但建議就唔好倒曬落去， 因為陳醋會over哂個蟹味， 一兩滴點綴就已經足夠

因為九龍灣展貿中心室內，可與寵物一同用餐，必須借車仔，消費$200可以免費泊車，所以常來，今次試呢間台灣飯店，非常滿意。4個人坐卡位，小狗放車仔放旁邊，容易照顧，很多遊人經過都同我隻小狗玩。午餐由3X 到6X, 份量足夠，我們叫了肉燥腸仔飯(餸多過飯)，蚵仔粥(蚵仔肥美，咸左少少)，雞排烏冬(雞排即炸，烏冬煙韌)，豬排飯附咸菜，加雞亦3隻，腸一條，免費飲品有紅綠茶類，柚子類，珍珠奶茶類要加$10，沙冰加$15。每樣都好好味，服務員都有笑容，一定會再黎食，值得推介!

曾經來過吃晚餐，吃了啥已忘掉，只記得是貴得不值，今早因太早，同層的的食肆大致未開舖，就順路試一下這早餐。太環保，不要求是不會給杯水你喝。餐牌忘了拍照，點了食物大概是竹炭方包配午餐肉太陽蛋跟蕃茄長通粉，就是普通早餐，提供了煉奶沾竹炭方包，通粉湯味道淡，當然是一日首餐，不是難吃的想吐也還是會吃到八九成那樣的質素；朋友點的是竹炭包拼腸仔雞扒配不知啥的長通粉，通粉他吃剩大半，其餘也是普普通通，喝了幾口熱朱古力說有洗潔精味......於是我也喝不下去。

下午茶時間無咩人，又有卡位坐。叫左酸辣粉，$38價錢唔算平，但味道唔錯同大陸食差唔多。雞扒吐司三文治沙律估佢唔到幾好食雞扒煎得啱啱好承諾仲有啲肉汁加上番茄、菜、酸瓜、芝士，又真係幾似台灣食嘅吐司早餐。下午茶加$10先由台式飲品，屬於普通野。

九龍灣展貿有2間台式食店，lunch時間都幾多人食，於是入去試吓，今日叫咗香酥雞排飯，上枱時塊雞排真係勁大塊，炸得好酥脆，都唔算太肥，碟底冇乜油，雞肉都算嫩滑。

之前都有到這裏食過幾次晚餐和午餐， 印像都幾好的， 反而今次有點失望， 餐牌上午餐的價錢不算抵吃， 點了兩款麵食， 店員跟我們說兩款都要等15分鐘，紅燒牛肉麵＋ 熱百香果紅茶$70， 芝士煙肉炒手作麵$78＋ 焦糖凍咖啡$10。紅燒牛肉麵～ 牛肉份量非常少， 有的部分都是偏肥的， 牛肉麵和手作麵的質地和口感都是一樣的， 湯底還可以， 但其他方面真的要改善。芝士煙肉炒手作麵～ 賣相不吸引，味道普通。焦糖凍咖啡味道一般，百香果紅茶味道偏甜。之前食過幾次食物質素都比今次好， 所以今次有點失望。

因工作關係來到九龍灣Emax, 隨便揀左食呢間！ 午市來講，呢間價錢屬於中等，大多數都$60-$80一個餐🙊 魯肉飯$58 包熱飲 呢個係最平，所以揀佢😂😂 魯肉飯最重要就係魯肉燥，肉粒切得比較大粒， 魯肉份量普通，唔夠撈飯 味道普通，最重要係肉還肉，肥肉還肥肉，完全唔能同飯融合到！ 食起來時 一時瘦一時肥 （即有可能 我不太愛食肥）感覺吾融合魯肉甚至上有少少硬和乾🙈失望 飯方面都大粒軟綿的 而配菜有沙律生菜 算爽脆 新鮮的 仲配有鹵蛋 味道正常 同黃蘿蔔 整體 不考慮魯肉味道 個餐都算抵食的 ！ 哈哈

咁岩黎開呢邊 5點幾都未食lunch 就食個tea頂下肚先 原來emax新開左咁多野食 不過人流好似唔太多🤔🤔🤔🤔揀左一陣見到呢間台灣野有窩夫就決定食呢間下午茶綠茶雪糕窩夫 加凍水果冰茶 $52餐牌寫住冰茶 以為只係一杯茶 原來入面有水果 包括柚 茶加水果甜味幾好飲窩夫方面 綠茶雪糕得少綠茶味 偏甜 溶得超快 食到最尾成隻碟都係綠茶水 同埋本身鐘意搽雪糕上窩夫 食落去個陣都溶哂窩夫外皮唔係脆個隻 係軟身既 但入面都有綠茶味同香既蛋味 都唔錯 好飽肚😂

今次又有好推介比九龍灣嘅打工仔，今次要介紹既係一間台式餐廳——品味。午飯時段會有午時套餐提供，凡係有會員卡或者拎出food court食嘅朋友都會享有九折優惠‼️。午餐餐牌間唔中會轉，而云云嘅午餐中，我經常會食既心水之一就係乳鴿蕃茄米粉🍲。乳鴿足足係成隻嘅份量，外皮炸得香脆，肉雖然唔算厚但都算食到成口肉，而且唔會炸過龍，仲有可口既薯角🥔伴碟。另外蕃茄🍅米粉都絕對唔馬虎，用類似石鍋熱辣辣上菜，番茄湯充滿咗蕃茄肉同菌類，有淡淡清香既蕃茄味，完全唔係個啲額外嘅茄膏味，好好食。如果食厭茶記，哩間台式餐廳可以一試😋。

最近轉左工 係九龍灣國際展貿中心呢邊 同左同事出左黎emax食lunch 見到呢間餐廳係食台式料理 好吸引 lunch time 去到邊都好多人 兩個人都要等一陣先有位 我地一人叫左一個setset有前菜 主菜 仲有飲品 我地叫左滷水雞翼同炒鮮魷 好入味 仲可以揀滷肉飯或者米粉 餐廳環境舒服 位都唔會好迫 推薦👍🏻👍🏻👍🏻

今日和同事去了品味食晏我哋一行五人俾咗個卡位我~~我哋差唔多個個叫咗自選三式我就叫左麻醬菠菜 ，紅蔥醬雞 同埋香菇滷肉飯 $78啲嘢食好快就黎到~麻醬落得都多 幾欣賞紅蔥醬 幾有蔥味 不過就略嫌比較油滷肉飯啲滷肉落到唔係太多 所以食到尾冇乜滷肉可以mix以呢個價錢~~都算係喺九龍灣唔錯嘅餐廳嚟嘅

去九龍國際展貿睇戲，順便起果度食個Lunch。而家九展開左好多餐廳，行左一陣，見依間台灣野幾多人食，就去趁下熱鬧見到好多人都食雞扒飯，我就跟機。好大件，好有去台灣既感覺，但係一咬落去，啲粉未免太多。。好少雞肉。。但味道係ok既同幾脆。而我朋友就叫左魯肉飯。幾香，聽我朋友講都幾好味，魯肉半肥瘦，幾正，但係就少左啲，佢個樣係食唔飽，依個份量係岩女仔食。價錢黎講一般啦，普通午餐價。總括黎講無乜驚喜，普普通通既一餐。

Lunch time 又黎e-max搵食～今次試下 品味台灣創意料理，我哋大約12點左右嚟到，餐廳冇乜人，唔使等位，可以直接坐低。menu有兩類型午餐選擇，分別係自選午餐和lunch set，自選午餐可以揀前菜、主菜和飯面再加飲品。呢個自選午餐實在太多野揀，十個女仔有九個都選擇困難症，所以我地都係直接點lunch set啦，直接揀主菜同飲品 我揀咗嘅係香酥雞扒飯配熱茉莉青檸香酥雞扒超大塊，差唔多大過塊面咁制，雞扒食落似係即叫即炸，幾香脆跟餐配埋飯同沙律，清新嘅沙律可以平衡炸雞扒嘅油膩，感覺都唔錯。如果沙律可以再多啲就好啦餐飲熱茉莉青檸好清新，無加糖，飲完可以平衡下食炸雞扒嘅罪惡感朋友點嘅係魯肉飯，餐飲同樣係點咗熱茉莉青檸佢話魯肉好入味配埋白飯食一流，同埋有半邊滷水蛋，整體唔錯12:45pm前買單有八五折,折左之後都幾抵食

今日lunch黎左Emax食二樓有好多餐廳！我地擇左呢個台灣餐廳試下，都有幾多人排隊，唔知係咪真係咁好食呢？🤨Lunch menu ~價錢都唔平嫁！加珍珠糸列仲要加$10!!🍛叫左個香酥雞排飯 $68好大碟，雞排亦都好大份！雞排肉質唔錯，不過外面層皮太厚，好難咬，最後我都要整走晒層皮只食雞肉。🍚另外飯加左偏甜的醬油，都幾合我口味！不過友人都不太喜歡～飲料點左熱青檸柚子茶，入面真係放左半粒青檸👍🏼所以真係好有青檸嘅香味！

平時我食嘢都唔算高要求，自稱垃圾嘴，一般我覺得難食既都真係好難食下。今次係第一次忍唔住要寫食評。叫創意料理，其實一點創意都冇，根本就是普通台灣嘢。叫唔上好難食，但係絕對唔覺得好食，估計係食物唔夠新鮮。食完感覺就係浪費左一次晚餐，相對黎講價錢偏貴，一個餐70-88，野飲加3-十幾不等，都係好普通既嘢啦，總之唔抵食，差唔多錢食茶木開心好多。環境算OK，星期日都冇乜人，可能平時都冇咩生意，伙計都幾多，感覺應該捱唔到好耐。絕對唔會再食。亦都唔會推薦人去試。