品味創意台灣料理 (Closed)

依家係九龍灣食飯,,一個LUNCH SET都要$45至$60起跳今次去左九展食品味台灣菜~ 落餐到上台都唔洗10分鐘,,好快手!鹽穌雞排飯,塊雞排好大塊,炸粉好厚,雞的肉好薄, 但個味道唔算差而飯上面加左醬汁, 飯唔會太乾加上呢個份量個人認為係好多, 算抵既~配上熱飲, 加埋$68,唔洗加一, 中上價錢的午餐

那天到 九龍灣國際展貿中心看演唱會 ，看之前當然要先醫飽個肚。 環顧四周，方圓十里， 好像也沒有什麼特別好吃的餐廳。。。 看見這裏有位置，便心想 : 算了！都是填飽個肚啫! 就這間吧！唉！果然不出我哋所料 ，食品真的普通過普通。 晚市套餐雖然便宜 ，但是其實都是行貨。 我們叫了咖哩雞球飯和焗豬扒飯 ，都是普通過普通的 快餐店貨色。 咖哩雞球只是溫熱的，焗豬扒飯賣相也不吸引 ，所以我們連相也懶得影了。算了吧！快快吃完去看演唱會。。。

今日又到E-Max 返工，中午飯時間又去試新餐廳，今次揀左創意台灣料理。係食街中心位置，面積頗大，枱凳擺到餐廳外面，等候時間短。鹽酥雞扒飯。份量頗大，不過炸粉厚，比較硬，食落有咸香味，配飯可以。如果鼓油與飯可以分開上更好。台灣牛肉麵。牛肉煮得都腍，但牛肉味一般，湯汁也只是普普通通。蘿蔔煮不透，生水又硬又有青味。跟餐有餐飲，但珍珠奶茶要加$10。午餐份量多，但價錢也比較貴。是一間偏貴一般般的台式餐廳。

隔左一日再黎嘆下早餐，件黑炭多士夠熱，外脆內軟，仲要點埋煉奶～正呀😋😋😋厚切餐肉蛋治，👍🏼，火腿肉丁出前一丁：火腿唔係白烚，好煎過，有誠意😌整體味道較濃，足料，我鍾意😍另外，我喜歡餐廳有紙巾提供，感覺比較貼心☺️

九展本身喺食嘢方面都冇咩選擇...不過，今時唔同往日喇～ 終於越開越多😋😋今早就試左個有機農場雞扒出前一丁配黑炭多士(with 煉奶)～ 雞扒煎到"鞋口"左少少；不過我幾鍾意件黑炭多士（如果夠熱就好了😎😎）另外，早餐選擇不多..如想多選擇及配搭，我覺得樓下「台灣麵」較好～ 如果有選擇困難症既，哩間就啱d😅

入黎打食評，先知負評比例禁多。係個店名改得唔好即，食物都ok既！諗返起個餐牌，又真無咩創意既晚餐時段，呢間都見到算多人食，加上老公食過話ok，今次就試左呢間先啦！滷汁拼盤飯個滷汁係好食既，我中意佢個種甜度，夠味，但係如果你係諗住食咸個種，就會好失望啦！中間啲唔知腩肉定肉，超入味，好食豆腐差啲，唔夠入味，最普通既雞翼，啲肉竟然有啲霉呢下扣好多分其實加個堆西式沙律菜，係咪就係所講既創意？？呢個三杯雞，係我揀架都係啲汁好好食配菜都比我清哂，雞就……留比食肉獸啦不過三杯雞唔係辣辣地架咩？？um, 感覺上佢呢個汁，都係由個滷汁底build up出黎兩杯野飲都好飲水蜜桃紅茶，最怕淡某某，呢杯夠味，正！珍珠奶茶個茶底，茶味濃得黎唔會好甜最重要係個甜味，係啲珍珠度，好耐都無食過覺得ok既珍珠啦，呢間啲珍珠係ok既不過老實講，如果台式店飲品唔得就好大獲最後，服務ok, 但價錢去到8字（未計加一）就真係有少少貴！跟餐得唔知咩綠茶同水蜜桃紅茶唔洗加錢，即係禁，連珍珠奶茶都要加錢（$15）既話，其實呢間真係台式料理店？

同朋友行完1日搵地方坐下食下下午茶，一入去就同我地講無沙冰無麵 😐都唔緊要啦你話無就唔食呢D啦。三個人叫左2個綿綿冰，1份鹽酥雞，1杯珍珠奶茶。味道方面監酥雞好重冰鮮味，珍珠奶茶好重奶味，雜豆芋頭綿綿冰唔錯，普通牛奶綿綿冰漏單…其他人食晒先補番…上漏單綿綿冰同時店員開始拖地，將我頭頂冷氣開大…我地越食越凍😫頂唔順叫店員開細少少…佢直接熄了。我地凍到比人塞左入冰箱已經想走，但成$50既綿綿冰唔食浪費…打算挪挪淋食晒走(點知佢開番個冰箱,冷氣先岩)。再投訴多次，佢地話要拖地開多2分鐘北極冷氣🤔我地等左5分鐘個冷氣都仲係北極😌最後頂唔順唔食走人。

早晨見有時間去試下新野，呢間餐廳開左都應該有2個月，今次第一次去試。西班牙火腿肉丁出前一丁麵拼竹炭多士連奶茶。$32火腿係唔係由西班牙來就真係唔知，但系個火腿並不是一般貨色。而且佢有約略煎個下塊火腿，都幾細心。肉丁都係罐頭既貨色，食得出佢唔係用比較出名果隻。竹炭多士都係第一次聽。食落去好普通嘅白麵包冇乜分別，只係而家食緊黑色嘅麵包。佢比煉奶配多士，我個人都好鍾意呢個配搭。點解我要影呢個糖樽，呢個樽嘅設計好敗北。原因係佢個口好大，一不小心就會倒左好多糖落杯奶茶度。

九展最近開咗好多新餐廳，今日lunch特登坐shuttle bus去食今次試咗台灣野，一坐低見到隔離叫嘅炸雞扒有塊面咁大，賣相ok，所以揀咗叫炸雞扒飯，另外叫咗台灣牛肉麵如果要加珍珠奶茶要加$10炸雞扒飯好快就上，一咬落去係凍，仲要好硬，應該放咗好耐，好唔新鮮，明明隔離枱個塊個樣唔係咁，啲飯唔明點解要加豉油，好難食台灣牛肉麵好少少，但牛肉好硬，咬唔開，啲麵似烏冬珍珠奶茶最正常，珍珠幾chewy每人要成$75，貴過喺德福食，九展樓下間台灣野連野飲都只係$40幾宜家咁多選擇，唔會再來呢間。

今日約左朋友去九龍灣展貿中心睇車，睇車前決定醫下肚先。 搵左一段時間，大部份餐廳仲未開張，只有對依間台灣餐廳稍微有點興趣。一坐低，侍應完全沒有招呼我地嘅意思，繼續自己人同自己人聊天，直到我示意俾餐牌我地時，先施施然慢慢行過來。 睇完餐牌後第一個感覺係與一般台灣餐廳菜式一模一樣，何來創意呢🤔 第二個感覺係價錢略貴🤑點左台灣牛肉麵，魯肉飯，雞扒拼窩夫優點：食物賣相還算不錯地方寬敞缺點：菜式毫無創意侍應服務態度不好價錢略貴總結：不推薦來食，除非附近所有餐廳都唔開。餐廳名稱需要改，菜式一點都不創新。員工服務態度需要再訓練。

辛辣麵加煎餃加芝士，毫無創意，不值得55蚊，出餐速度很慢，見到隔離枱個魯肉飯係白飯加肉，仲要好乾好乾，是但加片菠蘿同粒車厘茄就扮創新仲有個手炒麵好油，味道不是十分特別，呢個價錢我情願食茶木，可一不可再

同男朋友經常都會黎呢邊睇戲，貪有泊車優惠。最近聽聞呢到開左唔少新野，仲有食街，就決定黎試下。人流方面真係小貓三四隻，可能因為位置較偏僻，而且又冇咩人知既關係啦。而今次決定食下呢間台灣野。睇meun選擇都幾多，但望落唔多似係主打台灣野食。食物1.香辣蒜片什菜絲配珍珠帶子炒手作麵因為唔係太食得辣就特登同侍應講左話要小辣，佢地都好貼心咁同廚房師父講左聲😊。手工麵食落好有口感，好黏韌，炒得好入味。珍珠帶子方面，由於第一次食，都唔係好識欣賞，入口即溶既感覺，冇咩味道。2.紫椰菜燒焗芝士海虎蝦燴飯侍應話係最多人叫既選擇之一，於是我地都決定點黎試下睇下有咩過人之處。由於用到紫椰菜既關係，令到知飯都會呈現淺紫色，加上一隻有芝士一起焗既蝦，賣相普通。味道方面，整體認為一般，燴飯既感覺不太到，而且冇咩味，咁既配搭食落令人感覺比較DRY。蝦方面，普通。整體黎講，價錢有小小略貴。

看見有文章介紹此餐廳， 菜單有創意， 決定前往試試該處的午餐。 怎知道menu 沒有鹽酥雞泡菜飯，又沒有"火焰飯"(唔肯定個名)，比較有創意的只有warffle 拼鹽酥雞等組合出現，剩下的都是傳統既台灣菜， 燴飯等。 不過牛肉麵也賣完，只好點鹽酥雞排麵。 雞排真的很大，但是炸得好韌。玉子普普通通，沒有太大驚喜。每份菜既份量都唔細，見好多男仕食完都有剩。因為炸物令到我口渴，所以點了杯涷梅茶。飲品亦比我想像中大杯。價錢以台灣菜而言絕對唔平!不過菜單既選擇同質素令我失望

睇完電影去食 憑戲票送特色甜品，黎到先知係snack bar?!好濟又不好食 好失望。講返正餐，叫左一個抄手打麵，麵質幾好食。另外一個XO醬燴飯就冇咩味。每個餐大約7十幾，份量算多，但味道一般。

E max最近開左好多新餐廳，為食既我梗係要逐間逐間慢慢試啦😜 食台灣野，唔洗諗一定係肉燥飯，鹽酥雞扒，同珍珠奶茶啦！鹽酥雞扒超大，差不多大過我隻手板，炸漿整得幾鬆脆，唔會太厚。肉燥飯既肉燥好足料，夠味得黎唔會太咸，同雞扒超match 👍🏻 珍珠奶茶都係水準之作，珍珠好有口感，但唔會太硬或太林。其實味道真係唔錯，不過價錢真太貴喇，雞扒飯加珍珠奶茶要成七八十蚊🙈另一個朋友叫左台式香腸肉燥肉，成碟只得幾舊香腸，雖然味道唔錯，但分量真係太少喇😣