越泰軒

Open Now

Now Closed

今日午餐咁岩路過，就黎試一下。越南mix泰式餐廳，前排到去完呢兩個地方，所以幾懷念，就黎一試湯底可選：冬陰公或清湯粉麵亦多選擇，我們是一起選了金邊粉及冬陰公。午餐價錢$3x 豬頸肉冬陰公金邊粉比我想像中大碗，湯底可選辣度，到幾有香味，不錯，但豬頸肉到簿左小小同味道不突出豬扒冬陰公金邊粉-比豬頸肉出色，醃得夠味，鬆軟還有幾樣調味供選擇午餐黎講幾底食！

最開心係大家做完瑜伽再去開餐... 一班人去試新野～招牌香茅豬扒金邊粉上台個陣緊係靚仔啦但婆仔要影相就墊高左咁就睇得清楚d... 豬扒都幾大塊... 仲要好好咁自動碎上塊香茅豬扒喎... 咁食就會比較方便... 唔知係咪因為浸住個冬蔭公湯既關係呢... 好香茅就真係唔算得上... 但都算唔錯... 個湯底仲有得揀既添... 婆仔揀左小辣既冬蔭公試下... 未試過如果太辣浪費就唔好啦... 食之前就緊係試啖個湯先... 確係小小辣... 再試可以試中辣... 呢個價錢真係算好抵食～

第一次黎，見平平地幾十蚊是但入去，冷氣ok涼，地方乾淨，平日夜晚去左食，一入去即刻有位。叫左一個飯一碗金邊粉，加埋先$76，認真抵x！湯都幾濃，算係咁，不過個飯得太少汁，食到有啲口乾。

叫左個豬頸肉檬粉, 湯底揀左冬陰功, 都幾香, 食落就唔太辣, 佢應該落左椰汁, 所以食落有D 似叻沙。我地另加左札肉 &芝士腸。豬頸肉味道剛好, 札肉是小塊, 幾香香料味。芝士腸就正常。不過D檬粉好似林左少少。

招牌香茅豬扒冬蔭功湯米粉- 湯底香濃，酸辣味平衡，不算辣。檸檬葉、芫茜、蔥花、炸乾蔥、冬菜、炸蒜均切得極幼細，味道及香氣均細膩雅緻，每一匙湯的味道會因應不同香料而有所變化，鹹香酸辣，爽脆清新，層次豐富。芫茜用上莖及葉兩個部位，莖比葉更濃香- 米粉幼細爽口，不太掛湯，大口吸入米粉時，滿口冬蔭功香氣- 豬扒切成條狀浸在湯中，但仍乾硬，肉癡牙，帶微微清新香茅味*辣椒粉屬中辣，混入湯中很惹味，又不像辣椒油般會影響冬蔭功湯底的味道，食材運用得宜*店舖以黃色及深藍色作主調，鮮明耀目；牆上時鐘設計簡潔低調；棕色長型木枱配無背木椅，與簡潔的裝潢一脈相承，客人快食快走亦有利生意。整體感覺舒適雅緻*若帶骨配料能附上一隻小碟或紙巾，用來盛骨，感覺會更整潔

去開呢頭探朋友,上網揾到呢間餐廳係附近而評價又好似唔錯,所以決定食個快靚正的晚餐.街坊小店的價錢果然親民,三十幾蚊就已經可以食到一碗湯粉,加$5就有埋涷/熱飲品,分分鐘仲平過食米線我叫左碗香茅豬扒冬陰公湯濛粉.碗粉好大碗,冬陰公好濃味, 酸酸辣辣好開胃,香茅豬扒醃得入味又唔韌,好食 就算咁平一碗但一啲唔hea

今日經過長沙灣呢頭，因為要去政府合署整啲嘢，所以喺附近食咗個lunch。呢間係間泰國粉面店。感覺上裝修俾人感覺乾淨，衛生程度唔錯。因為一個人來食，所以叫咗個湯粉就算。湯粉嘅湯底可以揀清湯或這冬陰公湯，我揀咗冬陰公湯，而且仲可以揀埋辣嘅程度添，我揀咗小辣咋，因為唔知辣嘅程度有幾勁。而配料方面我揀咗豬扒，豬扒係炸過先放入湯入邊，因為我都即刻食所以豬扒都仲脆口冇，湯底味道亦都夠晒味，入邊仲有唔少配菜例如芽菜等，一個人都勉強夠食架啦

這日在長沙灣食得多，想食下些未食過的東西，而且都喜歡食泰式食物，於是就和朋友選了這間最愛食豬頸肉，於是就選了招牌豬頸肉湯粉 $34朋友就選了越泰自選飯餐 $37選了香茅豬扒飯，配雞蛋 鰻魚汁招牌豬頸肉湯粉 $34好味，豬頸肉夠軟腍朋友的越泰自選飯餐 $37香茅豬扒飯雞蛋 鰻魚汁我們有SHARE食，配搭一流，豬扒惹味，飯香，配鰻魚汁無得彈，雞蛋不過不失但更惹味今餐食了許多豬肉，使一向更愛吃雞肉的我試下另一種享受，也很好

點估都估唔到岩岩過去既星期日竟然打8號風球，天氣仲要異想既平靜同晴朗！訓醒就落街食午餐，街上一樣都係咁多人，唯一唔同既係好多餐廳都冇開門。難得呢間泰國粉麵店有開，就入去試試～～～我地叫左3樣野:豬頸肉金邊粉($34)豬頸肉份量唔算多，叫左清湯關係就冇咩味～～蘿蔔就好清甜，食落仲要冇渣！香茅豬扒檬粉($33)要左小辣既冬蔭公湯底，朋友說只係得面頭有冬蔭公味道～香茅雞翼($28/5)雞翼用左生炸既方式烹調，皮脆肉嫩，但香茅味完成唔夠呀～～餐牌

這裏的清湯十分好喝， 而且啲牛腩好淋， 檬粉十分彈牙， 充滿越南風味， 侍應嘅態度十分良好， 附近嘅交通又十分之方便， 而且粉麵同湯底有十分多嘅選擇， 適合唔同口味嘅人嚟食， 所以我推薦呢間食肆

不抱特別期望而來，環境感覺年青有活力，有不同人數組合的枱。午餐價錢實惠，服務員有禮殷勤，冬陰功湯底尤其好味，份量足夠，飲了杯特色芒果沙冰，回味無窮，值得推介，會再幫襯

我第一次食時,食物份量多而好味,過了一個月左右,第三次食,現在豬扒薄了,很少肉,飯少了汁都少了無骨鳳爪太酸,太多醋,份量都少了更好笑,廚師不懂分炒蛋同荷包蛋。可否分到才煮給客人?現在客人數目已不多,如果再難食,此間餐廳浪費了,侍應幾好禮貌,價錢好合理,我真的想見到此餐廳會改好,能做下去。

本來想食越南粉, 可惜今日(31-Oct)冇開, 而順道行去試新野. 今晚叫咗個扎肉冬陰公金邊粉. 一心諗住係食開嘅香濃冬陰公湯底, 識食一定係飲啖湯先, 點知個冬陰公湯好似溝咗水咁, 淡咗啲喎! 不過唔知係咪一分錢一分貨嘅關係, 結果求求其其食完晒啲金邊粉同札肉就走. 如果問我會唔會再黎? 我諗唔會喇.

呢個豬頸肉湯檬個湯底 同平時喺泰國餐廳食開嘅有啲唔同冇咁重香料味好似有啲港式嘅風味 檬粉有少少煙靭唔會淋pat pat豬頸肉份量幾多，燒烤得幾香但係湯底略嫌唔夠味味 整體都ok嘅 另外叫jor一個無骨鳳爪份量比較少但係個味調得幾好

今日同朋友行開長沙灣，行到攰攰地諗唔到食咩，突然就地鐵站口有人派緊傳單，咁見咁岩諗緊食咩就出現左間餐廳，於是就去試下，我就食左個咖哩香茅豬扒飯，個咖哩雖然唔係太出色，但個香茅豬扒就幾好食，而份量亦都十分足夠，我朋友就食左個冬蔭公豬頸肉湯檬，野食一黎已經好香，個湯亦好足味道，價錢都好平民，30幾就有得埋單