御前上茶 (Closed)

之前一直都未食過呢間野，難得係對面食完燒肉就過嚟食個甜品，雪糕大小不一價錢，我請契哥吃一枝小的（$20），我們兩夫婦也是吃一枝小的（$20），雖然主要原因我怕肥， 但係我覺得都有點貴。我同老公食咗嘅係混合味道，當中有抹茶味雪糕和豆腐味雪糕，一直都以為這間店主打是抹茶味雪糕，點不知吃抹茶雪糕時抹茶味不重，反而奶味很重。白色的是豆腐味雪糕，反而豆腐味雪糕更好吃，豆腐味很香很濃很純，好像吃緊一個冰了的豆漿，很好吃又不會太膩。

25/07/2017身為抹茶控又係屯門人間野開左咁耐都冇去過食今日終於去左食喇下午茶時段會平啲 份量唔知係咪食啲呢🤣？我就叫左個櫻花蝦銀魚茶潰飯$38一到左店員就會幫你淋個茶食落去我覺得還可以鹹鹹地 但唔太特別 櫻花蝦+銀魚都ok附送熱抹茶味都較濃 好在佢完全唔甜甜品就叫左呢個鐵板窩夫配抹茶既雪糕😼又係一來店員就會淋抹茶落去🍵然後啲仙氣出曬來 場面都幾壯觀 😽😽雪糕甘甘地有抹茶味🤣🤣🤣窩夫浸左個啲抹茶到再加上本身有抹茶餡個抹茶味更加出 唔錯❤️❤️🤤🤤😻😼最濃最好食係鐵板上個啲抹茶 最後搵飲筒飲左 希望見到既人唔好覺得我傻左啦haha🤣😹🤣😹Overall呢個甜品都唔錯 值得一試💙✨😆2個人share完全唔夠分呀 佢本身都唔大份下次有機會再來食過

週末同老公系商場閒逛涼冷氣，經過呢間綠茶食品專門店，見到個好綠顏色好清新的餐牌👀系我好喜歡既抹茶産品😆 醒起同事之前好似都有介紹過。跟住即刻入去食🙈呢個好有層次，雪糕都夠抹茶味，中間有d脆脆豐富口感多d雪糕配就好啦呢個要點d糖漿食，但好甜😆🙈 我麻麻地喜歡總括來講，質素都還可以，但就覺得價錢真系偏貴😆

早前，抹茶迷聽到日本知名抹茶店《御前上茶》黎到新界屯門v-city開分店，引起一輪哄動，有不少抹茶迷黎到朝聖，搞到打晒蛇餅！咁身為抹茶迷既我地，當然都要(等熱潮過左之後)去啦！賴生就一早應承左屈小姐請佢食嫁啦！到左今晚，賴生估唔到既係「賴高一尺，屈高一丈」，本以為賴生既奸計得逞左，成功誘騙交換左碗黃酒煮雞湯比屈小姐補身，點知一場精心策劃既驚世罪案就開幕啦！屈小姐話碗米線太熱，熱到個嘴腫晒，係過左2個鐘既聚會之後話要番黎御前上茶食D凍既甜品，幫個嘴降溫同燒腫喎，仲神不知鬼不覺下串通左Openrice，一早知道收舖時間仲揀定食咩，賴生只好急急腳就範，帶佢黎到《御前上茶》。不過早前既人龍都消失左lu，而店內位亦坐唔滿⋯⋯（不禁令賴生同屈小姐覺得有可疑，尤其見到樓下間聰X甜品勁長龍）咁屈小姐其實都好照顧賴生嫁，雖然中左計，但佢都叫左賴生鍾意既2款食物比佢 - 丸子同蕨餅1）抹茶雪糕（大）加丸子及蕨餅 ：3⭐️A) 抹茶雪糕：2.5⭐️難得黎到《御前上茶》，食佢地個signature 抹茶雪糕是常識吧？ 係賴生同屈小姐試左一啖之後，心入面既疑慮就通通得到解釋了！個抹茶雪糕側重左牛奶味，令味道偏甜，抹

屯門有特式既甜品選擇唔多呀更何況係主打抹茶既甜品❤️同朋友好耐無見要聚一聚，大家都勁鐘意抹茶，諗唔到除左御前上茶仲有咩好選擇👭.細細一間甜品店竟然有勁多抹茶甜品既選擇我地都有選擇困難症，呢樣又想試個樣又想試😂.先黎御前霜淇淋刨冰 $80其實都幾貴，因為比起menu 個份量縮細左，慶幸係味道無令大家失望🙈 唔知係9點半算唔算夜，雪糕口味只得番豆腐 & 抹茶～ 抹茶味都算甘，如果再濃味d 就好！紅豆整得岩岩好，唔會爛pad pad，刨冰係牛奶口味 好出色，食完一啖又一啖🍧.御前戚風聖代 $62分左好多層有脆米、故名思義有戚風蛋糕、抹茶曲奇餅、豆腐同抹茶凍～勁多料好豐富^_^ 原來抹茶同豆腐咁夾😋.等左呢杯柚子沙冰 $54 好耐 照計飲品應該好快嫁啵初初話只供應豆腐& 抹茶雪糕但最後黎就計抹茶雪糕都無左黎之前唔係應該都問聲客人？😮😮.希望下次黎用餐會有番其他口味既雪糕啦～

剛同老婆在v city 血併完，實在太熱又太累，於是到樓上一間抹茶店享受喫茶的樂趣。來到這餐廳，發現人多得很，早已高朋滿座。正想放棄之際，發現原來此餐廳可以外賣，而且價錢比堂食便宜。一人一杯綠茶軟雪糕，$18元也不算太貴，至少比7-11 便宜。綠茶味香濃，雪糕奶味足，很滑口。不消一會，已經消滅了這杯雪糕。如果住在大西北，想食綠茶類食品，不用到市區，來屯門就可以了。下次再想食綠茶軟雪糕，一定會再來幫襯哦!

夏天來了, 又令人好想食凍野了~~是日去左屯門辦點事, 完成左, 一身鬆哂, 天氣又熱辣辣, 一於同友人去食杯甜品先!友人係抹茶控所以一話食甜品, 佢就第一時間話要食 御前上茶了好彩今日都唔算要大排長龍, 等左大約15分鐘就到我地啦~~其實真係幾貴下!呢兜野咁就要$80了!味道係幾好的, 食落好消暑抹茶味好濃 紅豆夠甜 丸子都幾煙un 不過都係0個句, $80 食到餐正餐了食一個甜品真係太貴, 久唔久先會食一次!

呢個鐵板抹茶鬆餅，之前有焙茶雪糕選擇，但依家只有豆腐雪糕可選，有點失望。身為抹茶粉絲嘅我，當然揀回抹茶啦，濃厚帶點苦澀抹茶雪糕跟燒熱鐵板嘅鬆餅無懈可擊，只係鐵板令鬆餅帶點焦燶，有少少可惜。御前盛合都是揀抹茶雪糕，但⋯⋯點解細份左咁多嘅？翻看之前po過嘅相，有圖有真相，幸好味道跟以前一樣，無味嘅白玉配甜蜜紅豆～相得益彰，無味嘅抹茶蒟蒻配抹茶雪糕～甜淡剛好。

行行下街有啲肚餓，系vcity咁岩見到御前上茶同家姐一人嗌左一碗茶漬飯，下午茶送野飲，抵食！佢啲野飲都幾特別本身都驚中伏，不過試下啦一場黎到！ 唔係難入口，又唔係好飲。不過，始終覺得茶同梳打溝埋就好奇怪。。。啊。。唔記得影相個茶漬飯我揀左魚湯，幾正個配搭。但有啲嬲個員工幫我淋落碗飯既時候，整熟左我啲生文魚我下次都係自己落湯整體黎講都唔錯，不過環境有啲嘈。始終係open area 無入餐廳食咁舒服。下次再黎試其他茶漬飯先

年前初開張時只賣甜品，講真～六、七十蚊甚至乎過百蚊一款甜品，以今日連住都出問題嘅香港人，點會唔生意淡薄丫⋯⋯第一次試試轉型做埋飯市嘅御前蟹肉蟹羔親子茶漬飯，鹹了丁點，但蟹肉、羔、子好香又有口感，米飯亦大大粒，好有咬口。細食嘅我就覺得份量足，但老爸嫌個鰻魚飯～飯少唔夠食老媽要汁煮豬軟骨飯我試了一點，好入味，基本上所有醬汁煮嘅東西，都好好配飯的。焙茶紅豆拿鐵少甜好味，除抹茶之外，焙茶亦係我至愛之一

一直都係綠茶控既我有綠茶野 我都會去試下御前上茶is my favourite!!!!之前其實已經試過 熱抹茶蒴餅喇 綠茶同焙茶既雪糕睇佢餐牌 其實真係好多選擇但有時 食唔哂咁大杯所以今年 我揀左綠色紅豆白玉~~我真係 好鍾意食白玉 好有咬口配埋香甜紅豆 同夠茶味既雪糕簡直係讚呀

之前行過,已經食過幾次但係唔係呢個set，今次就試吓佢嘅綠茶蛋糕，個蛋糕唔錯唔太甜，叫咗個鴛鴦雪糕，一邊係烏龍茶同綠茶，但係我覺得淨綠茶會好食啲，成個set唔會甜到漏，做下午茶啱啱好

行逛經過御前上茶，聽到服務員推薦茶漬飯，說明是數量限定的加推餐單，不一定會再推。之前亦嘗試過它的飲料，覺得不錯，所以決定試一試限定熱食。友人與我分別點了鮭魚親子茶漬飯定食及櫻花蝦銀魚茶漬飯定食。每款茶漬飯均能配上不同的湯底。友人的鮭魚配上鰹魚湯，而我的櫻花蝦則配上綠茶。湯底都是用茶壺端上，由職員代為倒進飯裡。友人的鮭魚頗為肥厚，但是鰹魚湯實在太燙，生鮭魚都很快變成熟鮭魚，這點令友人有點失望。而櫻花蝦那個端上桌的時候，櫻花蝦的香氣撲鼻而來，蠻吸引。但當綠茶倒進飯中，香味就消失了。鰹魚湯味道較濃，而相對地綠茶則較為清淡，兩者都是十分燙口，要小心進食。定食附上的薯仔沙律，蠻好吃的。友人的飲料是抹茶拿鐵，而我的飲料是柚子抹茶。抹茶拿鐵味道適中，不會太苦，抹茶味恰到好處。但是柚子抹茶有點中伏的感覺，首先賣相顏色不是十分吸引，而且柚子味太濃，蓋過了抹茶的味道，但又隱約能夠感覺用抹茶沖泡，入口感覺有點奇怪。綜合來說，以飲料甜點為主的餐廳，能作出這樣的新嘗試，也是不錯的。

第一次忍唔住要寫食評同大家分享，呢間鋪甜品淡而無味，招牌既綠茶甜品，唔好話甜味係連基本既茶味都無，都唔知係咪齋染色，仲要價錢唔平，另一重點係幾個侍應既服務態度惡劣，特別係個女人，明明有好幾張枱無人坐，偏要安排搭枱，原因係一陣會有貨到，但我食左全程都唔見有人嚟送貨，食完我叫我小朋友去埋單，個女人講左句等陣就走左，返嚟既時候竟然極無禮貌咁喺我小朋友手上搶左張單同錢，我睇到即刻話佢點解要搶，佢仲要講大話係問小朋友拎，我一直企隔壁，佢根本一句野都無講過，到底佢地係咪做到滑晒牙？連招牌食物都咁難食，我無信心佢其他野會好食得去邊，所以無下次👋🏻

OT完成9點，即刻搭車去vcity食野，因為怕早收乜都無得食。聽聞已久呢間野唔只得主打既雪糕甜點仲有飯食，就去試下。發現個價竟然同午餐一樣咁平，正餐有茶漬飯同綠茶麵。茶漬飯既湯都有四款，同事A叫左個蟹肉蟹糕配鰹魚湯茶漬飯，我呢啲綠茶精當然就叫香蔥吞拿魚蓉綠茶湯茶漬飯。好快就到，擺盤好日式，有兩小碟蘿蔔片同山芋蓉。湯用茶壺裝住侍應幫我地沖，🙈唔好沖熟我啲吞拿魚蓉呀～～沖左落飯，兩種湯都好清，有啲紫菜絲同炒過既玄米粒漂漂下，睇落分唔到有咩分別。試左同事個飯，湯係有分別既，鰹魚湯底就味咸啲，綠茶湯就清淡啲有啲玄米香味，好適合夏天既味道，仲唔熱！係呀⋯⋯唔熱架🙈蟹肉幾多係真蟹肉但唔夠鮮味，吞拿魚蓉都多，仲超級多蔥開心死😻係唔飽囉，好少份量，係OL超輕食，我好快就食完仲囉囉攣⋯⋯同事A食到尾都忍唔住問樓下甜品店關門未，食完仲好空虛😂銷售策略係等你個胃有空食埋佢啲綠茶甜品，好可惜我地想食飽啲，佢地而家仲要無左綠茶卷🙈。味道好既，如果湯熱啲仲好，同埋真細碗，如果下午食都可以食下午茶，少食多餐。