泰巷 (MOSTown新港城中心) (Closed)

食早餐，食嚟食去都係嗰啲，真係有啲悶，所以想搵一間特別嘅嚟食。見到有一間食泰式嘅早餐 ，就即刻衝咗入去，雖然食物都係一般嘅嘢食。 但其實嘢飲先至係重點 ，佢竟然有我最愛嘅泰式奶茶 ，而且甜度啱啱好， 令我可以止到去泰國嘅癮。以早餐嚟講，84蚊算係中等價錢， 但係間唔中食下唔同嘅嘢，都ok啦！

早餐有好多選擇，而且性價比高，今次叫左手撕雞蕃茄通粉 加炒蛋多士再加雞扒 都只係$54 蕃茄味鮮甜濃郁，炒蛋非常嫩滑有牛油香味，黑椒雞扒大大塊好惹味，配上大大杯凍泰式奶茶，大滿足！

首先個青咖喱雞飯只有辣沒有香料味道，雞件少，內質普通。都沒有泰國茄子，只有一些洋蔥。嗯，感覺不太泰國風。飯質普通，一碗量。海南雞船河既湯底很淡感覺，不入味。河粉很中菜風，豆卜多既但湯底不太好食，沒感覺。海南雞只有鹹味，雞肉瘦薄，失望。本身入嚟食係見有d人排隊應該ok。點知兩個主食味道都唔岩口味。之後加個蝦餅諗住提升下味覺，同覺得炸物應該唔易差既。小型左d既蝦餅，甜酸醬只有辣味而酸度欠奉。快快吃完就走了。

今日返工前食咗個早餐 雖然平時唔係好鍾意飲凍野 但真係必試泰式凍奶茶 好有茶香 有別於一般港式奶茶 而蕃茄濃湯夠濃 不過不失 而且早餐加$6就有個白汁碎蛋沙律同燕麥厚多士 白汁碎蛋做得幾出色 加幾蚊就有都算抵食 #小編嚟到次次都要飲凍野 味道：👍🏻👍🏻👍🏻👍🏻 服務：👍🏻👍🏻👍🏻 環境：👍🏻👍🏻👍🏻👍🏻 價錢：👍🏻👍🏻👍🏻👍🏻 #早餐整體不錯唔知午餐又點呢😂 #吃貨20#食好西#打卡好去處 #food #yum #instafood #yummy #munchies #amazing #instagood #eet #dinner #lunch #breakfast #fresh #tasty #food #delish #delicious #eating #foodpic #eat #hungry

馬鞍山一直有美食沙漠稱號，相信好多人都聽過，不過就遠離塵囂，我都經常黎下，今日黎商場睇戲，順路試下有咩食啦手撕雞船河呢碗河粉份量不少，早餐黎講較健康，好過食公仔麵，湯河會較炒河既河粉薄身，呢款好滑，手撕雞咸香，白蘿蔔鮮甜無渣，炸豆卜吸左到最多湯精華，份量好足，配埋七味粉，辣椒粉好惹味，唔好落太多，都辣，熱騰騰好味喎早餐人流旺，需要親身排隊等位，搭枱是必需，如果不喜歡搭枱要等好耐，上菜快，環境乾淨。

早餐食過一次，我覺得吾吸引（我會揀返食大xx果d 😂）午餐我覺得性價比泥講，係ok 的下午茶我自己係比較鐘意食吉列魚柳，夠脆夠熱（試過有d 餐廳既炸魚柳係吾地又淋淋地🤦🏻‍♀️），加埋烘左既燕麥包，正呀🤤晚餐就食過鹽燒烏頭，我覺得好食。夠哂入味，吾點醬汁都ok（不過佢個醬汁就差左少少） 。食過九龍城一間泰國野，鹽燒焗魚，係焗到出哂口，d 魚肉一d 都吾爽😐😐😐服務方面我覺得係幾好！食過咁多次都仲覺得佢地服務好 😎

藉著假期去了西貢，回程在馬鞍山食晚飯。見幾間食肆都排長龍，泰巷的人龍不算太長，約4枱左右，便在這裡等位。餐廳座位間隔尚算寛敞，二個人可坐四人卡位，不用搭枱，很是舒適。加上他新穎的設計，未飽肚先飽眼。😃餐牌有很多選擇，套餐太豐富，2個人都熱到無乜胃口，便散叫。我們點了泰皇孖兄弟（$118）丶椰汁上湯浸時蔬（$48）丶一碗白飯（$12）丶及青檸梳打特飲（$16），特飮是叫主菜的優惠價。特飲先上，很香的青檸味，酸酸的既消暑亦解渴，正！👍🏻👍🏻👍🏻浸時蔬是娃娃菜，椰汁做底，味道清甜。不似有D食肆的上湯，很重味精，食落「確」喉。椰汁的清香，提升了蔬菜的鮮味，而娃娃菜纖維高，有益又好味。😋😋😋孖寶原來是無骨海南雞配風味豬手，先講海南雞，肉質滑溜，不過無乜雞味，所以不算出色。而風味豬手卻是鹵水醃製，很入味，豬手又稔又香，肥瘦均勻，好食到唔停得口。總結而言，以每人不到$100的價錢（若唔叫飲料）算是合理好選擇。如果你叫米飯精選，$50 到$60已有很多選擇，更加超值。

今年心血來潮想食泰國嘢，見又唔使等就食啦， 好彩早咗一步，過咗五分鐘之後就開始要排隊啦😚😚無骨豬手飯豬:夠入味， 一啲都唔韌，配有花生唐生菜: 配泰北豆醬，但冇特別， 分量又少風味拼盤(小): 分量少得可憐……68蚊唔值金蒜香茅骨: 價錢38蚊，份量比想像中多，但嫌炸得過左火，太過乾身

自己其實好喜歡食泰國野 尤別係辣辣地既野食同埋泰式奶茶 所以見到呢間餐廳 諗都無諗就去試下咖哩控既我第一時間當然同朋友各揀左款海鮮黃咖哩同青咖哩啦！個人比較推介食青咖哩，辣度會比較刺激同味道較香！而且咖哩入面既材料好豐富，有青口、蝦、泰國先有既茄子等等！食左辣野當然叫返杯飲品 泰式奶茶 正宗既泰式奶茶一般都會偏甜迎合泰國人口味 我反而覺得呢間既奶茶味道恰好 茶味香濃 彷彿搵返我係泰國旅行試到既感覺 真心推介！搞到同行朋友都叫左杯

朋友話馬鞍山泰巷好抵食，今日有時間去食个tea先。不用等位，地方整潔。我們点了牛肋條湯米，有3粒牛肋條，另有蘿蔔和菜，牛味不重，只可以說是正常，但米線份量足夠。另外一份金不換爆脆吉列魚柳配沙律，炸到金黃色的魚柳算幾大塊，放在一片麥包上，有点怪，可能有索油功效，炸得脆但魚就好一般，点醬汁一齊食較好，否則冇味，配上少少沙律。黃咖哩配芝士焗蒜蓉包，只有2片，切開变4片的蒜蓉包，黃咖哩冇特別。平均$30~$40一份，真係好一般，不過以這價錢，食物不过不失，傾吓計，也未常不可。

今日經過馬鞍山新港城個商場，去果到食埋晚餐。search 下OpenRice, 見到食評唔錯，又好似幾平，甘就入去啦。晚上7點幾， 唔使排隊就入左去。叫左個海南雞配油飯。首先講下d 雞，份量有d 少、 有兩件係雞皮冇肉食，而且雞肉一點都唔滑..再講油飯、d 可能我自己比較喜歡偏軟的飯， 所以覺得佢個飯太乾身太硬...完全唔合我胃口。 另外，order 左一個牛肉粉。個湯底好濃、有d 似藥膳味... 可能我唔識野啦，唔覺得泰國粉係呢個味...而且河粉煮得太耐、太淋！.... 其實好少食到甘 「高質」的河粉了...如果問我呢間餐廳有咩好處、佢都算坐得舒服、服務唔差嘅。

午餐想食湯麵又唔想去茶餐廳，就去左泰巷食下泰式湯粉。午餐時間等左15分鐘左右。跟餐加3蚊可以轉泰式奶茶，因為比港式奶茶甜嘅關係，無得轉熱飲或者走冰，要用冰去中和返甜度。但依間唔算太甜，like!👍🏻我叫左香茅雞翼湯河，有三隻雞翼。湯河有幾樣配菜，粗芽菜，白蘿白，炸豬油，豆卜同九層塔。白蘿白都煲得夠’淋’，湯底算濃味，因為落左九層塔，食落好香。雞翼炸得香脆，不過可以再入味啲就更好。鮮牛肉湯河嘅湯底同配菜都一樣，牛肉都算嫩滑。

難得番下午，可以同家人去嘆個早餐，上午十時多餐廳人不多，有七至八成滿，之前經過見到門口排長龍所以冇食，今日見可立即入座，就試下呢間。之後食過晚餐，因為特價食品份量太少，所以對呢間野印象不太好，今次俾多次機會，看看有冇新的吸引力。早餐都有幾多選擇，今日點了個最平最抵的特價餐，$26一碗粉及飲品。總的而言味道稍咸，米粉份量夠，牛丸有兩粒，有D炒蛋及豆卜一塊，羅白2小件。如果唔喜歡炒蛋浸入湯的人士，要預先叫佢另上。飲料方面，奶茶奶味較重，夠滑，唔落糖都夠甜，我估真係落多左奶。餐廳環境舒適，清潔企理，咁平的價錢有呢個用餐的地方，都算是平同坐得舒服。可以輕鬆地食早餐，都是一天的好開始。每季一款特價食品，早午都有不同的選擇，這是本季的早餐。$26包熱飲一杯，都是抵食之選，適合不想食太飽的人士，因為平時的早餐都另有多士、腸仔等，呢個就只有一碗湯粉，屬於輕食之選。都有其他早餐可供選擇，有泰式的，也有蕃茄湯底的，眼見都有好多人食其他款既早餐。都好像幾大碗，份量好足。每季一驚喜，唔知下次幾時轉季有新的食物款式呢?

今日去左試泰國野，這間不錯呀。頭盤生菜包，啲肉辣辣地幾開胃，唔會好溜。小食就叫做個小食拼盤，有雞串燒，炸春卷，炸蝦餅。小編就覺得串燒同蝦餅比較好食😋😋，春卷餡只有紅蘿蔔加小小菜。唔夠香。但都好脆口。主菜青咖啡牛肉，好香椰香味，小小辣，送飯一流👍🏻👍🏻👍🏻。通菜配泰北豆醬，小小辣幾野味。

每季一驚喜，午餐$48包飲品，以午餐時間價格不貴。泰式金不換穀飼牛肉飯，汁底甜甜也似咖喱，不過金不換落得少得面層幾片。 不過汁另上就方便慢慢食，也不會飯粒浸濕。青咖喱魚塊，炸魚塊份量大份，咖哩汁大碗另上。魚塊肉質幾好，肉紋清楚可見。咖哩汁內也有其它傳統泰國香料及蔬菜配料吃到中途，另一位朋友也到，剛剛有下午茶時間。 價錢比午餐平，不過食物款式完全不同。金不換爆脆吉列魚柳多士，炸魚柳炸放在沒有任何汁或醬多士上。 吉列外層太厚，多士吸了炸魚柳油，除了沙律其他也不好味。泰式熱奶茶茶味夠濃