泰巷 (MOSTown新港城中心) (Closed)

我食過好多海南雞飯，很多都是有骨的，而它是去骨，而且雞肉比較新鮮。但份量少了點，而且去骨不全面，我咬到有骨頭。翠華的去骨海南雞飯，味道有所不及，而且較貴，對比之下，他略高一籌。青咖哩豚肉飯，咖哩不是青色，但味道比想像中好。冬陰公蜆肉，蜆肉感覺不夠新鮮，但湯味濃。配合價錢，這間是值得再去。我6點9去到，不用等位，到7點半時，看見已經大排長龍。要注意的是，普通一杯凍檸水，跟餐都要加13蚊，所以價錢其實略貴。

新港城翻新後引進的又一間新餐廳，今日週末終於有機會來試試。下午茶時間都要排咗10來分鐘先有位。點咗肉燥滑蛋米粉，炒蛋好大份，肉燥肥瘦適中，只是口味偏淡咗d。2大2小四個人，埋單先146蚊，認真抵食，唔怪得知日日都見d人排隊。

下午放工經過馬鞍山同同事決定食個下午茶見到呢間食泰國野決定一試下午茶多款選擇同事點了這個肉燥香矛骨米粉味道不錯我點了一個小食拼盤有扎肉、春卷、串燒同無骨鳳爪份量不算多價格相對比較貴但味道都不錯

今日下午見到新開左一間泰國餐廳，所以就走左入去幫襯下喇，餐廳環境都幾寬敞，坐得幾舒服。叫左泰皇滷水雞脾配特色沙律、薯角加火腿絲番茄濃湯通粉同椰青。個餐賣相幾好唔錯，不過雞脾大隻返少少就更好喇 😆 😆 火腿絲番茄濃湯通粉個湯真係好濃味同幾大碗，坻讚。不過隻雞脾就普通左啲無咩特別，只係味道偏鹹嘅滷水雞脾，開頭睇個名以為味道會好特別，而薯角就韌左少少。

泰巷第一天開到現在都已幾個月，每天都排隊，連平日早餐也要等，可以話新港城中的大熱餐廳。今天食tea 也等了30 mins. Tea set 選擇不多。雞肶餐，有薯角，沙律。薯角是薄身，炸到曲，口感就平時厚的好些。份量做tea幾好。肉燥札肉米粉，食完小小飽。肉燥味道不錯，但不知是不是有泰式肉燥。札肉少左d。個湯底都算幾好又不太油。肉燥雞腓米粉雞腓煎得幾香港式，不是泰式奶茶$38-39/set，不收加一，晚餐就會照收加一。價錢同茶餐廳tea set 差不多。但環境比較舒服，唔怪得多人排隊。可以再黎食下。

上周六原本約咗一班好友去馬鞍山行山，行到半路就因為黃雨和雷暴警告而折返， 一班人晧晧盪盪去到新海港城中心行街食野。 當見到泰巷時已見到一條人龍， 心裡已好奇； 在商場行咗一個多小時後仍然見到一條人龍， 正藉大家都肚餓所以加入了人龍。滿意店員安排座位， 又快又不混亂。 泰式檸茶和泰式奶茶你飲過味？ 問過店員， 檸檬茶和奶茶的茶葉都係從泰國直接入口的， 好有地道風味。因此我和好友分別點了這2款飲品， 也不介意加$3試下。 未飲之前已經嗅到好香的茶味， 泰式檸檬茶有濃而清香的茶味， 帶有清新的檸檬和薄荷， 是這嚴夏的首選， 清涼消暑解渴。泰式奶茶都有驚喜， 香濃的茶味，口感厚實而滑流， 帶有一點點香料的味道， 口感很豐富， 很滿足。食物方面都好有地道風味，沙律裡放了一點肉鬆而寧到味道豐富不少。 泰式湯米的湯又清但味道濃而適中。 食得咁滿足價錢唔算貴， 我哋點咗下午茶餐計埋泰式飲品的$3 每人都係$50.

新港城裝修完之後都未正式行過, 朋友推介呢間泰國餐廳 "泰巷". 佢食過幾次都話好食 今日等我試下啦.早嚟唔使等位, 但我坐低唔夠十分鐘就 full 曬了.餐廳環境比較新派, 走年輕人路線, 齋睇裝修睇唔出佢係泰國菜餐廳。墊枱紙就係主餐牌 (單點) , 菜色聊聊可數, 選擇唔多. 不過好在佢仲有啲套餐, 又ok喎.今餐總共4個人, 叫咗一個二人套餐再加一個黃咖哩牛腩飯 , 原來份量都幾多, 食唔曬.先上個 "THAI 椰子雞湯".味道ok, 如果跟碗白飯會更正.要讚佢個湯粉 "泰豬船河", 好正. 河粉夠滑, 裏面係豬雜錦, 咩都有 : 豬腸豬油渣豬手豬肉丸... 碗粉底好大碗, 食極都食唔曬."泰皇孖寶" 係海南雞併豬手, 無敵! 海南雞夠曬滑, 豬手夠入味又彈牙, 配埋三款醬汁同埋花生, 成碟眨眼就食曬.個小食拼盤就麻麻地啦, 佢嘅炸嘢唔係咁出色, 食剩三分二.黃咖哩牛腩飯好得. 牛腩好林, 咖哩汁香濃但唔辣, 配飯一流.四個人埋單唔使400蚊, dinner 都算幾抵.

今日係連休3日嘅最後一日, 聽日又要返工, 嗚...行行下市中心見肚餓, 記起有一次朝早經過泰巷, 未開門已經大大條人龍排隊, 真係咁好食??為咗八卦心態去試.講真下午茶餐嘅選擇款式都算不少, 但都吸引唔到我, 只有"船河"最為吸引. 睇下船河嘅款式都好多下, 今日揀嘅係  --新鮮豚肉船河 $45, 加$12 有優惠價小食 -- 泰瘋香辣魚餅  2件, 飲品+$3 揀嘅係泰式凍奶茶.說真的船河份量夠, 湯底味濃而不過火, 唔口渴, 豚肉略有調味, 肉滑, 河粉細且滑, 唔錯.泰瘋香辣魚餅, 好油, 成個碟底都係油, 打折扣....  味道只食到碧麗珠味(即係香芧味), 食唔出魚嘅質感, 辣味OK食後有點點刺脷.  因為油份及碧麗珠味, 我唔會BUY囉....港式奶茶飲唔少, 泰式嘅未飲過, 可能好多香港人都好鐘意去泰國旅行, 所以都好熟悉, 但N 本身唔LIKE 泰國, 所以九世前去過一次之後再無踏足過 (好似講遠咗, SORRY!)奶茶顏色偏啡橙色, 入口好滑, 唔似港式嘅奶味, 但泰巷調得有點過甜, 下次再來我會叫少甜先得. 

餐廳的裝修清新雅緻, 有白色的雕花圍欄, 很優雅, 小清新的裝修, 總比太花巧的對比顏色來得順眼舒服, 所以對這餐廳的裝修加分。 這間泰式餐廳 “泰巷 Grand Avenue Thai Café” 已開店了一段時間, 開店時已食了一次, 下午茶餐幾好味，今次我們選了「金不換爆脆吉列魚柳多士」和「脆炸雞脾」。「金不換爆脆吉列魚柳多士」    ~   配有沙律及薯角, 大大件的魚柳, 炸得很香脆, 不肥膩, 魚肉鮮甜又juicy, 值得一讚。 沙律也很新鮮, 份量亦多, 沙律擺放看似一個花球, 好靚, 薯角香脆, 整個套餐味道是滿意。「脆炸雞脾」  ~   配有沙律及薯角, 水準是OK的, 雞肉經炸煮過程仍juicy, 嫩滑。餐茶選了「泰式凍奶茶」和「泰式凍檸茶 」      ~ 奶茶有濃郁的淡奶味, 檸檬茶似有話梅的味道, 有回甘, 與一般港式餐茶味道不同, 頗有特式亦可口, 個人是喜歡的,。另外值得一讚的是即使是下午茶餐, 在food presentation 也好美觀, 餐廳的細心, 一定有客人感受到的。感覺這餐廳水準穏定, 價錢合理, 值得再次光顧。 

難得放假，瞓到3.3食下午茶，約咗朋友仔呢間餐廳度，朋友仔真心推介佢嘅船河，而我就食咗個西多士。沙嗲豬肉，呢個係朋友仔叫既船河，再加錢既，肉質有少少乾，而且好大舊，咬落唔係太方便🙄🙄西多士就有意外嘅驚喜，外脆內軟，中間一層滿滿既花生醬，而且係配搭練奶，香而滑

而家閒閒地去茶記食個旱餐都三十幾四十蚊,難得有間連鎖鋪既早餐有番茄濃湯既通粉,仲要只係29蚊連阿華田,當然味道就唔係好驚為天人喇,但係一早起身想食個快靚正既早餐都係一個好選擇

新港城中心自從裝修完之後多咗好多唔同嘅食肆進駐咁岩行過千色嗰邊就發現呢間新開嘅泰國餐廳12點去食已經開始有人龍既出現叫左一個扎肉米粉同蕃茄芝士焗豬頸肉飯呢個米粉嘅配料好足 有豆卜蘿蔔炸豬皮通菜 炸豬皮浸到半軟身再食好正但食個陣夾左第一下就發現有發泡膠粒係出面食嘢都好難避免呢啲情況唯有自己小心啲焗飯嘅味道都唔錯 係飯比較濕 口感一般另外再點左兩份小食 一份炸雞中翼同泰北豆醬通菜 菜嘅份量都夠兩個人去share單骨雞翼配泰式辣椒醬好夾 價錢少貴

係沙漠之中，有時少不了重複食同一間餐廳，只要不是勁差就總有再食的可能！呢間餐廳，我曾經話佢食物如其名太行，今次我再次黎到，感覺雖然一樣，都係無乜特別，但係有一個原因令我要再寫返句公道說話(由於上次寫過，今次就不再每張相寫內容了)就係個河粉，話說我上次都係食豬頸肉河粉，好記得味道唔錯所以今次再食，上次食味道太濃太咸而且蘿蔔未熟透有草青味...今次！味道無左死咸，淡返少少，蘿蔔熟透而且甜！(反而有個新問題，個日食河粉太碎)即係改善左！係咪應該一讚先！呢個地方可以見到佢地用心！佢地都有試，有改良！雖然今次食都係無覺得有特別，但我相信如果繼續慢慢變會愈來愈好！我都十分期待下次再有驚喜！蝦餅，唔脆，外邊邊位就咁咬，咬唔開，係放耐左就咁反熱的結果，比較失望，因為上次食唔到，而今次是晚上特定來吃，也許是期望太高。總結:今次同上次一樣，沒有被忽視的感覺，一舉手就有職員協助，職員態度良好！排隊方面，因為大約晚上六點食，比較早，未有人潮，在其後都好多人排，目測都有20人左右(不過沙漠好唔好食4圍都有人排)，但反枱都快，好快能安排入座，座位空間足夠。期待下次再來食物會不斷有好的改變！

平時少食泰國菜，唔識咩正唔正宗。。。幾日前食左餐泰國野，叫左二人餐$298佢個椰子雞湯係咁既。。。👇🏾🤔點解...白色既？？？中式果隻椰子煲雞啲湯係透明既，原來泰式是咁的，真係第一次飲。。。裡面有草菇 椰子 雞肉，好似椰汁雞聞落好重椰香，好似飲椰漿咁，重有少少青檸味... 重口味送飯一流🥥🐓🥥🐓🥥🐓🥥🐓🥥🐓🥥🐓🥥🐓🥥跟著係 泰式拼盤 拼盤有 蝦餅 雞肉串燒 野菜春卷 🦐蝦餅彈牙有蝦味，點少少泰底雞醬，酸辣野味🐔雞肉串燒 香口 有肉汁，點啲沙爹醬都好味～沙爹醬唔辣 有少少椰香 不錯啊～～ 🥗野菜春卷 夠脆口 🦐🐔🥗🦐🐔🥗🦐🐔🥗🦐🐔🦀🦐🐔🥗 🌱🐂金不煥炒牛河 唔知金不煥咩味，同普通牛河差唔多。不過炒得幾有鑊氣，牛肉片都幾多，係好味既🤤✨🌱🐂🌱🐂🌱🐂🌱🐂🌱🐂🌱🐂🌱🐂🌱✨🦀咖哩炸軟殻蟹煲（跟餐呢個要加$10）軟殻蟹香脆 好味！咖哩 香氣撲鼻 微辣 十分開胃✨🦀✨🦀✨🦀✨🦀✨🦀✨🦀✨🦀✨最後到餐飲了 叫左 泰式奶茶☕️甜左啲，不過香滑有茶味 難得一試 整體唔錯的。蟹好味！正宗椰子雞就唔係我杯茶啦

星期六一早出去行千色店，因為大減價嘛！喺血拼之前，當然要食返餐美味早餐喇~佢嘅餐牌行簡約路線，用咗夾版，非常方便換餐牌，相信都可以為環保出一分力！炸魚柳炒蛋多士餐咪以為佢係一般嘅西式早餐呀！佢個炸魚柳別有洞天架！脆口得嚟又唔會太厚粉，而個重要就梗係個ICE THAI TEA喇~一飲，泰國風味湧哂出嚟！好想立即飛轉囉！ 手撕雞船麵初初見佢手撕雞份量好少，覺得唔太夠餸，可能食到最後，會DRY DRY地，不過D手撕雞出奇地有雞味，至於個湯低，都係用一般醬料開出嚟，無咩特別……其實以一個早餐而言，真係有點小貴，間唔中食吓都OK吧！