泰巷 (MOSTown新港城中心) (Closed)

據說網上有流言，香港有一個美食沙漠，名叫 沙田馬鞍山 ，在流言中說及這裏的居民搵食十分艱難，來來去去郁是同一款味道，味蕾難以得到滿足。今次就走進沙田馬鞍山 ， 瓦解當中的流言，尋找食物沙漠中的綠洲及樂土啦。今次一於嘗試呢間餐廳啦，位於馬鞍山新港城的泰巷。首先為大家帶來的是餐牌啦，睇睇餐牌上有什麼食物。今次揀了以下幾道菜式冬蔭功湯蜆，豬頸肉飯，鹽燒烏頭，泰式拼盤。餐廳首先送上豬頸肉飯，可能侍應見到我們太餓，俾一俾主菜先。一啖咬下嘅豬頸肉，既香口，又入味，配搭白飯，勁有泰國感覺。其次送上泰式小食拼盤，2串雞肉串燒，2塊炸蝦餅，2卷小春卷。亦是泰國風味，不過份量可以增多。再者送上冬蔭功湯蜆。簡單講，正。皆因從沒試過冬蔭功湯蜆，平時其他泰國菜餐廳，只有普通的冬蔭功，但泰巷與眾不同，既酸辣，又迎合港人口味，值得推薦大家到呢間餐廳後，一定要點。真係好好好好好。。。。。。飲呀。。。。。。最後為我哋送上鹽燒烏頭。燒得好入味，很香，烏頭又夠鮮，不需蘸點汁料都很好味。不過汁料味道也很好，送飯一流。估唔到，沙田馬鞍山會有一間令人驚喜的泰國菜餐廳。看到餐廳侍應以客為本。價錢亦算公道，如果居住在這裡，口痕想食泰

今日九點幾先番到馬鞍山，好多餐廳都last order 左，見呢間相對新嘅餐廳唔駛排隊就去試下啦～今次我叫左無骨豬手船河碗船河比我想象中大碗，女仕黎講份量比較多，味道還可以，不過不失。而無骨豬手有驚喜，好稔好入味，啖啖肉，不過得幾舊就少左啲，唔夠食另外老公叫左香茅雞翼煎蛋飯講真，一上枱時覺得佢咁少餸咁多飯嘅⋯不過食落，原來雞翼係單骨嘅，味道也不錯，唔知係咪太肚餓老公評價也不錯碟泰北麵豉青菜份量比想像中多，麵豉味道不錯整體黎講，表現都Ok r~ 下次會試下下午茶

前排經過，又有新店！當然立即試試！沒有取票等位，必須在門外排隊，下午去滿坐，等3枱左右，好快入座。有下午茶，但選擇了河粉試下。車頭河麻麻地，鮮牛無牛味。無一樣講到特別好的材料係入面豬頸肉河相比之下豬頸肉河就正好多，豬頸肉不會有豬臭味，唯味道較濃。河粉中有豐富配料，但當中蘿蔔未熟透，有草青味。雞翼係加錢換，無特別凍檸茶不是平常飲的味道(剛好不合本人口味，但各人口味不同，不能評價)。總結:職員服務良好，也許是人手足夠，不會出現沒人理的情況。食物較普通。營業手法不夠彈性，下午做下午茶的確不錯，但可供選擇散叫餐牌只有河粉，不能叫小食(例如蝦餅，而茶餐之中也只有小食拼盤入面見到有蝦餅，但由於其他唔岩食，都無叫)，我查詢後知道係不能選，是你比原價也不能散叫，如果說下午茶無開爐所以無，當然十分正常，但本身在茶餐入面都有做同類的食物，我就想不到為什麼不能點單，當然這只是心中一個好奇的疑問罷了 好可惜，無得試心愛的蝦餅。

馬鞍山新港城裝修得7788，仲開左好多新食店。難得有泰式野食，當然要試一試啦!!我食黃咖哩吉豬飯，咖哩味香，吉豬炸得香脆又可口!朋友食牛魔王河，份量唔多，味道可接受!我地都飲泰式冬OT，用既係泰國茶葉，仲有薄荷業! 唔同平時飲開果隻，大家可以試下!!仲要講，果杯好保溫，飲完都唔係點溶冰，大家可以叫少冰會好飲d!整體來講，餐廳環境好，好多卡位，私隱度高。食物ok，可以再試!仲有其他特式食物都未試，下次幾多幾個朋友試埋佢!

平時晚市都排到好長龍嘅泰巷，今日睇完戲先嚟食，唔洗等位直接入！聽朋友講呢度嘅船河好好食！決定同男友嚟試下！簡咗雞絲船河～簡簡單單～meau最低有寫船河入面有啲咩配料，唔食嘅記得落單講埋我就嗌完先記得未走牙菜😭😭，上菜好快，落單等咗唔洗十分鐘就有。船河分量正常，但雞絲分量唔多，只可以講得圖見到咁樣只有中間一堆仔。湯嘅味道勁咸😨😨啲河粉食到中間有啲位未煮散，😶😶😶特別有炸豬皮 脆卜卜～不過得兩條🤣整體好普通，唔明做咩咁多人排隊🤣🤣🤣

好垃圾 入面勁多位 都唔放人入去!要d客係出面排隊同企!個經理就慢慢隔幾分鐘先叫人入去坐!擺明做排長龍多人食假象!價錢偏貴....!!!!!!!!!! 唔抵食!分量偏細嘢食比較油叫咗個豬手，肉比較鞋，唔好食，但係個醬汁就還可以。個飯太乾，樣樣嘢食都差咁d！我唔會推薦去食，食埋呢次就唔再食你一間餐廳唯一可以讚嘅就係椰青好甜好好飲

自己都鍾意食泰菜見泰巷平時多人排隊今晚無飯食就去試下但入到去見個MENU都唔見炒河炒飯得兩個人唔想叫餸食叫左個青咖哩牛肉個餐送上黎就嚇親個咖哩份量係我人生見過最少攪下攪下仲驚成碗得幾塊牛肉個餐要62蚊唔包野飲計返要15蚊一塊肉 你估你自己係神戶a5和牛 牛肉食落去黐牙 成碗都係咖哩 不如改名做青咖哩牛肉湯 而咖哩又唔好食仲有加杯嘢飲要成十幾蚊而且仲叫優惠價阿真係唔扺食 間野真係裝修一流食物9流食野真係唔好睇裝修我從來無係OPENRICE寫過食評今次係我一生人覺最唔抵食其中一次所以我就俾一次你間泰巷

晚餐，叫個小食拼盤，$68 得6件，個豬手飯系豬皮飯，個樣又肉酸，份量又少，吾會再來！選擇又少，然後話咩優惠價加飲品，杯凍奶茶要加$16，請問邊度優惠價？根本就系原價！啲野又吾好食，如果九龍城系100分，我念佢得40~馬鞍山真系無野食架，但無得揀底下，我都吾會再食尼間！泰巷？太行(音焊)!超級極度吾掂咯！吾好食！又細碟！以後吾來！吾想見到大家中招，真心！.......................

馬鞍山已經無乜泰國菜可言，見泰巷新開我就滿心歡喜甘入去食返個下午茶，下午茶餐T6 係小食拼盤 (泰式鳯爪三隻丶春卷兩條、兩串雞肉串、西多士兩小舊) $45 一上台反晒眼🙄 份量少到！ 完全食完等於無食過、再叫左個火車頭船河、 一上抬仲衰 ！！我以為自己食緊車仔面 ，隻蝦話就話係虎蝦 但size 同海蝦一樣小，另外生牛肉仲衰 完全係沙嗲牛肉既牛肉，湯底完全無船河應有既味道🤭所以我只能說係食緊車仔面，我覺得街市間車仔面仲好食過而碗野 $72 🤭

泰式船河我之前未試過"泰巷"我第一次試可能係LUNCH TIME所以都幾多人排隊等了差不多20-30分鐘餐廳座位亦不算多我同朋友兩個人叫左每人一個配凍泰式奶茶(+$3),不過無得少甜但唔算好甜,可以接受加上茶味好香甜同一般港式奶茶感覺截然不同泰豬船河 ($70)每款豬肉配料都有少少,可以試晒幾款有雞絲,豬肉片,豬手最特別有炸豬片,好脆好香~岩晒我!沙爹雞肉串燒(另+$15)沙爹醬唔算好特別,不過不失另外,仲有一個小食, 香茅雞中翼(另+$12),不過係單翼香茅味好重,佐我自己對香茅麻麻地香茅豬扒船河($45)個豬扒分量都幾多,即整~

11點半黎到，以為有午餐，點知原來早餐去到中午12點 正喎，仲可以早餐當午餐咁食早餐Set手撕雞船河 $29 + 白汁碎蛋沙律配燕麥多士 $6 + 泰式凍奶茶 $3牛丸船河 $29 + 爆脆吉列魚柳 $9 + 泰式凍奶茶 $3船河湯底完全唔似泰國既船麵，但佢既湯底好清甜泰式奶茶，茶味夠濃厚，好飲，啱晒我口味如果$29就咁一碗船河就唔多抵食，牛丸得3粒，雞絲又得幾條。如果加錢配小吃，約$40蚊一個人，咁呢個早餐就感覺抵食好多，好過食茶餐廳，起碼多左種新鮮感👍即炸魚柳好香脆，炸粉好食，魚柳一D都唔腥地方濶落坐得舒服，服務一般

今日和太太往新港城泰巷食tea, 我們點了傳統風味無骨朱手船河, 黃咖喱板煎雞扒飯、燒沙爹雞肉串、和泰式凍奶茶。無骨朱手船河朱手肉味香濃, 鹵水汁好香, 啖啖肉好美味, 河粉湯底清甜, 好爽口；黃咖喱板煎雞扒飯黃咖喱汁辣味適中, 雞扒食落鮮嫩美味, 個人建議如果雞扒是一大塊口感會比切開一件件好d；燒沙爹雞肉串雞肉串燒得香脆, 雞肉鮮嫩彈牙, 配上沙爹汁食落惹味醒胃；青通菜配泰北豆醬通菜食落爽口新鮮, 泰北豆醬味道香濃, 辣度適中, 配上通菜好美味；泰式凍奶茶煉奶味甜度適中, 茶味香濃好奶滑口感。餐廳座位舒適, 價錢合理, 抵食美味泰式下午茶。

新港城終於有泰國菜的餐廳了，太好了！星期日的下午，和小朋友行完千色店就來吃個優閒下午茶。首先，在門外排隊等候，等了約十五分鐘就有枱，以新港城的餐廳來說，是非常快的！幸好被安排了卡位座，有小朋友一起，有卡位座係好重要的！點了個碎蛋三文治餐，再加個無骨海南雞湯河及豬脛肉湯河！味道很好，連小朋友都食得很開心！唯一是下午茶的menu 無冬陰功，下次晚餐會再來試！整體來說，侍應生好快手，上菜速度快，服務態度也不錯，希望繼續保持，而不是新開幕不久才這樣啦！

午餐好多選擇，每日6:00前免加一，雖然唔係樣樣好味，跟餐加$15串燒或蝦餅又幾好味喎，抵食過些粉啦最喜歡牛肉炒河，你要預泰式帶甜啊，肉丸湯河都可以，但海南雞飯就唔得喇，黃薑飯太硬又唔夠味，雞亦薄弱左不過60蚊試下都唔算大損失。跟餐加22蚊飲椰青，有驚喜-清甜椰肉幼嫩好抵，一定要飲。跟餐加3蚊凍飲泰奶茶，凍泰檸茶都唔錯，唔可以同茶餐廳比較，.我就覺得好有泰特色。性價比唔洗諗，食得過。最唔喜歡要係門口排隊等位囉

星期五出街食飯真係邊到都多人㗎喇 不過老豆仔話想試試泰國野👨🏻👧🏻 咁就一於出黎食試下佢啦🤤 可能因為馬鞍山係美食沙漠緣故，我地7pm去到餐廳已經排左條長龍，等左大約20分鐘先有得入座。😢 我同老豆各自叫左青咖喱牛肉飯🐮同海南雞飯🐤，都唔錯嘅，不過唔會話特別或者好好食🤷🏽‍♂️。另外叫左個冬蔭功湯🍲同埋沙律🥗，冬陰功湯好大碗亦都幾夠辣🌶（不過其實我不嬲都唔係好食得辣😳）而沙律嘅份量相對較少，酸酸甜甜，食落味道清新嘅🍀。值得一讚係餐廳嘅侍應👍🏻，雖然餐廳一直都好多人，但佢地嘅服務態度絕對唔差，唔會催你快d食完買單之餘仲有禮貌，我叫嘅係青咖喱但佢地就唔小心上左個黃咖喱，我地問個侍應一聲，佢就立即幫我地換返個岩嘅，抵讚抵讚。👏🏻👏🏻👏🏻 $6x一個飯我唔會期望太多，如果你係真係想食超高質素嘅泰國菜🇹🇭嘅話呢間就未必係你想幫襯嘅餐廳喇，佢只係一間普普通通嘅餐廳而已。