泰巷 (Closed)

係荃灣食飯 要搵間唔駛等半個鐘以上 而又好食既餐廳都幾難..今次簡左理間泰巷 唔駛等就入去 環境都可以既四個人簡左6樣野. -泰式鳳爪：夠酸夠辣 好食既 不過份量小左啲 每次黎都會叫-咖哩海鮮焗農夫包：海鮮好小 咖哩係甜咖哩 個包係脆既 但比啲咖哩浸耐左會有啲un..個人比較鍾意辣 -生菜包加春卷：平時食既生菜包肉係乾身 但佢係濕嫁 幾特別 而且重好辣 如果唔食得辣既人應該食唔到, 春卷入面係齋 唔點醬會冇咩味道.. -燒蝦：最唔好味 因為冇任何味道 冇蝦味肉唔離殼 連一啲醬汁都冇 -環遊Thai pizza：一般 薄餅唔脆 好似求其放啲野上去焗下就算咁.. -肥牛炒河：肥牛係邊？ 好就好在唔算好油 不過都係好淡 唔吸引雖然味道一般 但可以靜靜咁食餐飯傾下計 唔會急住要拾台趕住走 都算唔錯既 但如果想食正忠既泰國菜 泰巷唔會係你既選擇.

荃新天地有間外貌好西化泰菜店趁星期日同老婆大人去食個lunch先Set Lunch選擇超多足足13款,泰式粉麵焗飯意粉乜都有叫粉麵還配多個小食,另餐湯,沙律,甜品(三選一)咖啡或茶,最頂癮餐湯係磨菇湯質感稀身不過菌味還是有的小食揀咗香辣泰式魚餅味道不錯可惜薄切切冇嚟口感手撕雞湯粉揀咗冬陰公湯底又幾香濃噃對我嚟講有D辣但做得頗正宗架鮮茄芝士焗泰式豬頸肉焗飯似西式焗飯但味道很好又夠乾身仲有DD飯焦我幾鍾意泰式凍奶茶味道始終沒港式好但呢杯算有茶味芝士蛋糕冇乜芝士味吃過便算

係週末去商場食飯唔洗點等位係冇咩可能, 所以唔洗點諗就去左幫襯呢一間泰國野。泰國菜食pizza好似怪怪地咁，不過又幾好食！夠脆夠薄啲汁好特別，真係有少少泰式風味。當然會叫番的傳統泰國野食啦。呢個金邊粉味道唔算話太出色，不過不失啦。不過佢夠多送，又炒得夠乾，食落都唔錯！整體都ok啦，環境都幾靚，食物唔係話特別出眾，不過就番地方係係大商場裡面，價錢都算合理。

上星期日喺荃新天地揾食見到呢間裝潢極像西餐廳的泰巷 Grand Avenue Thai Café泰國餐廳內心不存期望時反而來得驚喜~不看店名真係看不出這是泰國餐廳感覺像吃美國菜般~店子好貼心備有自助充電器有須要找店員便可~ Set Lunch選擇頗多粉麵,飯,意粉都有,不用擔心順得哥情失嫂意~餐湯得磨菇忌廉湯好喜歡那胡椒粉瓶肥肥的好有親切感haha,忌廉湯不算濃稠但菌香十足美中不足係不夠熱燙~ 手撕雞湯粉$58配小食一款及餐湯,沙律甜品三揀一另有餐茶,湯粉可選冬陰公或清湯底喜歡辣的我當然唔使諗選了冬陰公啦!湯底酸辣兼容偏酸激合我口味但車爸爸就呵呵,河粉滑溜雞絲也不嚡口有驚喜~ 小食車爸爸揀了泰式香辣青檸魚餅味道不俗但太薄身沒甚囗感!! 另一個鮮茄芝士焗泰式豬頸肉飯$58同樣餐湯,沙律甜品三揀一另有餐茶,焗飯樣子超得菠蘿粒用上鮮貨酸甜解膩,豬頸肉質感具彈性有肉香整體味道好不錯係吃不出泰味啫haha~ 呢個餐揀了甜品芝士蛋糕可愛的造型確有驚喜,質地無疑軟滑可惜芝士味不夠出色大打折扣~我例牌凍檸茶正常味道,車爸爸要泰式凍奶茶試了一口茶味不算香濃不試也沒損失~行經沙咀道時見欄杆上的花糟內小花正

J先生是日放假, 晚餐不想吃太多! 提議去荃新天地 - 泰巷二人餐單餐具飲品-泰象啤酒 + $26飲品-龍眼冰 + $12加上一支香芧, 可惜味道好淡...泰式風味-青木瓜蘆筍蟹肉湯清而香的蟹肉湯; 蘆筍條, 蛋白絲, 磨茹粒, 蟹肉...不過沒有青木瓜主菜-布吉香辣黃咖喱豬頸肉 配 油酥餅 (3件)軟淋的豬頸肉; 黃咖喱香而不太辣; 熱辣辣的油酥餅J先生話: 幾好味!主菜-泰式明爐冬蔭烤鱸魚鱸魚烤得香脆, 冬蔭湯不太辣; 魚外脆而肉軟滑輕盈美THAI甜品拼盤金山榴槤塔, 千層糕, 香芒糯米壽司, 蜂蜜千層窩夫伴雪糕賣相討好; 可惜味道一般...泰巷 總結: 值得一試!

下午茶生牛肉河38蚊，得兩塊小牛肉(其實都唔算係一塊，又薄又細)，個湯底好似用滾水咁，一啲味都，個抄河凍嘅，基本好似無抄過一樣問點解，個伙伴話係咁😠😠😠一定無下

差五分鐘就下午兩點，衝衝忙忙還沒有吃午餐。來到荃新天地，見這間入面大把位置，打算內進試下午茶填飽五臟六腑。誰知門口帶位的侍應告知還差五分鐘，要在門口等候。唯有等....餐牌破破爛爛，又霉又舊，真是怕掀得大力少少就把成本餐牌肢解。作為下午茶，價錢在荃灣區都算頗高。無骨海南雞飯 - $57拆骨後的海南雞，連肉都不見了，五六塊雞【皮】，肉少得可憐。廚師的調味太重，鹹！泰式雞翼清湯米粉 - $43以迷你煎Pan作為器皿比較有趣，但是好明顯油份過多。雞翼一早就煎好，上枱的時候已經不熱，乾身而且偏硬。米粉湯底雖然是清湯，但配料中加入了炸蒜粒，湯的味道不會那麼寡。一小塊蘿蔔，可惜有苦澀味而且有根。泰式凍奶茶 +$5抱著嘗鮮的心態加了$5將餐飲轉為泰式凍奶茶，比港式奶茶茶味更重，味道較為苦澀，色澤偏紅，有種獨特的茶香。雖然食物不至於難以入口，但是這樣的價錢實在不值。另外，侍應的服務態度不能用差形容，可以說是惡劣。由等位直至埋單走人，均一遇到黑面，當你透明，三催四請，一定不會再光顧了。

有時午餐很常吃些酸或辣湯粉食，既可開畏，亦可醒神，來了這間泰國菜餐廳試下熱咖啡飲下去是很多快餐店及茶餐廳都用的即磨咖啡機，味道香和濃都普通水準，不過不失啦。呢個係甜品...類似芝士CREAM，都香濃及很滑。香茅豬排湯河粉我選了冬陰公湯底，但冬陰公唔見了蝦  但湯味道很好，酸辣味很入我胃口！河粉很滑！豬排入味，很好！

係荃新天地行街比一個黑色好型格既餐廳吸引住--泰巷 以泰國食物為主咁岩又好肚餓就二話不說入左去 可能今日打風唔洗等好耐  入到去見到佢地既餐牌係同其他餐廳唔同 係整到報紙咁既餐牌 果然好有自己style跟著見到有個$588既4人餐包野飲就嗌左（佢有得自己揀咩菜式的）之後就黎左雞煲，打開個蓋好香，刺激住我味雷，但食落唔太熱，但個汁用黎餸飯幾好食，雞亦都冇雪味，亦都唔會d雞肉太少，唯一就係唔夠熱！再黎就黎左個咖哩麵包，依個夠熱，唔太辣太喊，隻味其實唔似泰式既咖哩，似港式多可能係形合港人口味啦 但都幾好食既第一樣黎既野就係泰式拼盤，炸雞夠熱粉又唔太多都幾大粒 但之後食既炸丸咬落去完全同我想像中唔同，入面係似豆腐黎仲以為會係彈牙既蝦丸，三文魚佢應該加左d醋所以令到三文魚幾fresh幾好味，春卷就完全唔似泰式果d唔好食，肉碎好重青檸汁味都幾開胃幾好食再黎就黎一個野菌雜菇，依個完全唔熱冇咩味不值一提～最後是有甜品的，黎左兩盤，不過都嗌左幾次人黎等左15分鐘到先上，有雪糕（幾好食），一個蛋糕仔（ok)，仲有一個雪糕形狀既cream（冇咩味），兩個泰式和菓子（OK)最後賣單係$688 因為加一同嗌多

為左呢個食評(其實都冇食咩,食左成肚氣),終於開左個戶口.今日中午到荃新天地食午餐,周圍店舖都好多人等位,見呢間比較少人就等呢間同左一個店員講等一個位,個位店員走開左發呆唔理我咪主動出擊搵第二位店員幫手俾位我叫左個海鮮麵,店員上左跟餐既熱檸水同沙律等左25分鐘左右,想搵店員催一催,因為身邊幾台遲過我坐低既客都上哂野食.所以店員唔望人,叫極唔理,但係見佢地咁多客就慢慢搵一個見到我既店員終於搵到一個店員,同佢唔該前唔該後問下佢幫手催一催,店員好惡咁罵'你講咩呀,你想點呀'跟住走左望住佢走開,完全冇幫手催,都冇叫其他同事幫手問問題都會俾店員粗魯對待,唯有走去收銀埋單,飲左一啖熱檸水同少少沙律,叫收銀剩係計沙律同檸水錢全場得收銀姐姐正常

比預期差很多門面做得好內裡真的太差了生蝦不夠新鮮，不爽口青咖哩雞的汁太稀，沒有太多咖哩味，而且雞不是以雞件上金邊粉不夠入味，就咁炒吓就算個烤魷魚不夠乾身，太濕，而尾就燒燶，擺明烤的火力太猛，個尾燶咗個身都未得這個價錢出這個質素

這晚在荃新天地附近閒逛，在一期地下扶手電梯邊的不起眼處，偶爾發現了這間餐廳，門面精緻，用著霓虹燈管堆砌出招牌，吸引了我倆一嘗。記得這個舖位，以前一直是食黑夜壽司的，想不到這次再來，就已經不在了。門外有個大型的餐牌，主打著2人(288元)及4人(488元)的晚市套餐，看到如此豐富的排場，加上打著鼓的肚子，腳步已落入店子內。用餐為時已約9時，也不用等位剩剩。店員安排我們倆口子坐在最邊的梳化位，由於店面頗大，空間感很足，很是舒適。唯一的是冷氣比較大，坐下不久，已如狂風般使人手腳冰冷，美中不足。除了套餐菜單外，比較過店子的另一份單點菜單，二人套餐真是超值的，因單點的價錢由60元起，叫多數碟已經和套餐的價位相近。很是令人難忘的是，店子所用的碟子是煎pan的形狀，很有趣。我們倆口子叫了二人套餐，包括了小食拼盤，自選兩道主菜(共12款)，還有著甜品和飲品，很有豐盛的感覺。在主菜類點了焗菠蘿海鮮飯和龍蝦多士，飲品方面則選了泰式奶茶和泰式青檸茶(也有正常的港式檸茶的，大概是用回檸檬吧)。小食拼盤包含了炸蝦球，蔗蝦條，泰式春卷和泰醬三文魚。蔗蝦一般，所用蔗條不夠新鮮，因此沒有了蔗的鮮味，但香脆的蝦肉仍是美

應朋友約會黎到荃灣，時間尚早，於是黎到荃新天地搵嘢食。周圍既餐廳都好多人，見到呢間餐廳有位，於是就黎咗呢度試下。首先係泰式小食---泰式鳳爪，辣得好開胃，好味道。 跟著係凍華田，不過不失。然後到主菜---香茅豬扒湯檬配冬陰公湯，豬扒好入味，而且好淋，配搭檬粉好好味 餐廳環境同服務都好，下次一定會再黎。

平日的下午茶時間經過，不用等位便入去一試。點了下午茶餐：香茅豬扒清湯米粉配酸辣無骨鳳爪($42)，飲品另加了$5試泰式凍奶茶。香茅豬扒夠味，米粉幼滑，酸辣鳳爪不太辣，啱我口味。最特別是泰式凍奶茶，近乎紅色的，嚇我一跳呢！有點兒擔心味道：奶茶不會是辣的吧？！哈哈！好彩，其實跟一般奶茶的味道分別不大，但多了一種清香。此店坐得幾舒服，下次會再來的。

約朋友係荃灣吹下水飲啲酒食個靚飯，行過荃新天地見呢間泰國野環境好似唔錯又有啤酒飲，岩曬就冇辦法唔入去試下啦  叫左碟海南雞飯，海南雞有口感，有雞味，唔似一般既林到爆海南雞。不得不提，第一次飲啤酒沙冰係清新同感覺良好既。最後食埋個豐富甜品拼盤，有泰式有西式，相當豐富。兩條友係滿足既☺️環境認真舒服又唔太嘈，下次都會考慮再黎。