泰巷 (Closed)

呢到既泰國菜其實吾算正宗，不過fd話想試下呢間就入左黎食。呢到的椰青真係幾好飲首先成班fd得我一個嗌，其他人吾係飲青檸梳打就係龍眼冰（龍眼冰好似有點伏😂），一上枱！不得了！椰青大過我塊面！（利申：我係肥妹仔）最難得的係超清甜同埋肉好嫩，好容易就挖到黎食！ 一個字：正！ 另外我地仲叫左個環遊thai pizza, 薄批，都幾脆，不過餡料可以再多少少，食到一半多dd已經冇餡，淨食批邊

環境寬敞，比想像中舒適。為了做更多生意，一般餐廳的餐檯會布置得較密，尤其於繁忙時間去食飯，一般聲音都會被困住、很吵，但這裡不太會，聊天也較舒服。這裡的pizza有驚喜！小女比較喜歡薄Pizza多過厚Pizza，貪其薄脆之餘，芝士cheesy又鮮甜！最貼心的是，靠牆有usb插頭位，只需自備充電線立即免費充電！下午帶電腦，搵到靠牆位，插上火牛又即刻充電，傾project就不怕無電！ 加分！

一直都想食返餐泰國菜！今次黎到泰巷叫左泰式風味拼盤（極力推介）同埋菠蘿海鮮炒飯 呢個拼盤好惹味，好開胃！我個人好食酸辣野，所以好仲意個肉碎生菜包，小小辣，酸酸地，配埋生菜中和返個濃度，做前菜真係岩岩好！ 香辣青檸魚餅和蔬菜春卷就冇咩特別，不過個春卷炸得好脆！ 仲有個炸單雞骨，初初望落去以為會炸到好乾，但咬落去竟然有肉汁，點小小泰式辣醬，好味！仲意食酸辣既朋友要試！！ 另外個菠蘿海鮮炒飯都幾足料，青口大隻，炒飯唔濕，加埋d肉鬆食，口感唔錯！如果d菠蘿可以酸d就更加開胃啦！

今日放假,想悠閒嘆個早餐,嚟到荃灣見到依間泰巷,好像好大間,便入了去坐低.餐廳內的調味樽都是泰式木製成的. 見到早餐可以去到12點,可以照顧到放假瞓得晏啲朋友,很好.因是泰國餐廳,所以,可以選擇泰式湯河,不用老是只得港式早餐食點了個白汁碎蛋牛油燕麥厚多士,白汁碎蛋有足夠的沙律醬,蛋黃和蛋白切得很碎混和得很好,份量都不少,塗在厚多士上,加上蕃茄,青瓜,感覺好清新,用上燕麥厚多士,好健康.手撕雞湯河,河粉很滑,但份量有點少,手撕雞,撕得夠糼,但好像只食到雞皮,肉且有些靱.湯底有些偏淡.因食泰式早餐,所以可免費升級飲泰式涷奶茶.,但味道偏甜,同埋較細杯,都係港式奶茶較合口味,哈哈

上網睇openrice見呢間餐廳食評算吾錯，而且我成家人都中意食泰國菜，所以趁復活節有假就同屋企人試下呢間了。叫左個4人餐，前菜係泰式拼盤，炸雞都幾嫩滑，吾會好”鞋”湯就係冬蔭功，不過不失啦，主菜叫左烤烏頭，同出面食既有少少分別，佢煮出黎比起平時食既有少少腥，不過問番經理，原來佢地整的烏頭係會有呢種腥味，係吾同出面食開既，不過我地成家人都覺得幾特別，因為配埋佢的湯，食落幾鮮。除左烏頭仲叫左個菠蘿海鮮炒飯同埋農夫包，呢歌款主菜都好味，係略嫌農夫包裡面的餡料少左DD，有D吾夠喉XD甜品拼盤賣相一流！不過掛住食，吾醒起要相機食先，下次會為左個甜品再番黎食多次！！！

行街行到攰攰地又口渴，想坐下就入左泰巷睇下有冇咩特別野飲。最後男朋友叫左泰式奶茶，我就飲龍眼冰0w0 本身以為個奶茶同其他港式奶茶冇咩分別，點知又幾特別，總之同茶餐廳既味唔同喇。龍眼冰都清清甜甜，用支香茅中下仲有陣香味，下面有好多龍眼肉可以畢黎食，甜甜地好解渴。冇埋由剩係飲野杯禁寡，就叫左個咖喱雞配蒜蓉包，細細份當輕食好OK。咖哩不太辣甜甜地好惹味，仲有串菠蘿中和下，幾好食。雞肉都是沒骨的，很滑很嫰又入味，同蒜蓉包一齊食口感好豐富。

琴日係同個frd係荃灣天地食完晚飯，就心思思想食個甜品。大家食平時啲糖水舖都食到悶~~ 想揾下新嘢食。行行下，見到呢間餐廳入面裝修都幾好氣氛，就貢左入去 坐落又真係唔錯，燈光dim dim地，好岩兩個女仔傾下計。 佢有五六款甜品，第一次試就揀左個甜品拼盤try try~ 最好食左椰汁糕先，椰汁糕味淡啲，清清地，甜甜地，幾好味！然後就食紫米糯米糕，好香嘅紫米，唔癡牙！！最仲意食個粒榴連泡芙！！！一啖咬落去，啲餡bit出黎，好香好濃！>v<最後先嘆個雪糕！我同個frd都覺得唔錯，下次黎食個晚餐先~~~

昨日同老公兩個人食飯，突然想食魚，咁打算叫條烏頭，落單時經理話泰式烏頭可能因為配料同湯的影響，會有少少腥，但我覺得泰式烏頭有少少酸同泥味係正常，最後都決定左叫烏頭。點知一食，就真係好腥！我和老公每人食左兩啖頂不順……心想：弊傢伙，咁食唔到落去……算啦咁，同老公講不如叫過其他餸，點知經理聽到，直程話幫我們換過條鱸魚！！！勁好人（可能我個樣太可憐）！！！一上來，嘩嘩嘩，條鱸魚好靚！再食，外脆內嫰！好味過條烏頭多多聲！經理態度勁抵讚！淨係條鱸魚和經理的態度，值得我同老公再來！ 

同friend 黎食 叫左兩個餐💁🏻等左成半個鐘先有😡😡d waiter態度又超級惡劣🙄🙄🙄上餐時位置又有問題🙈🙈搞到好唔方便🙈🙈大家都係咪食好啲👍🏼

早幾日行開荃新天地，入左去泰巷食飯，叫左個二人套餐，價錢唔算貴，＄288有一湯兩餸加個甜品拼盤，冬蔭功湯酸辣程度唔錯，我唔太食得辣都接受到！ 冬蔭鮑魚海鮮湯竟然有成隻鮑魚！有驚喜！另外叫左咖哩海鮮焗農夫包，不過海鮮份量唔算多，咖哩係甜咖哩，配麵包食都OK！

第一次出食評叫左個二人餐，泰式拼盤不錯有個明爐烏頭，賣相可以，但一食落去，魚肉腥味極重無辦法再食，叫個待應問，佢話無理由，條魚下午重係郁既，我唯有食少様再上波蘿海鲜炒飯，好大陣鑊撈味，算，叫做食得落叫佢上甜品，類似經理執枱，見我無食條魚，問咩事，我話條魚好腥，佢話魚係腥架喎，得，我唔會再講，最後上甜品拼盤，可以結論係我永不會再去呢間

點了豬手、海南雞、雞串燒、菠蘿海鮮飯、龍眼冰其中海南雞最為不值，枉為餐廳推介。雞皮乾'憎憎'，像被閣置良久，肉質韌。豬手偏咸，可配飯。雞串無雞味，但醬汁不錯。菠蘿海鮮飯，海鮮料沒特別多，飯粒有點硬。龍眼冰是有史以來最難飲的龍眼冰，味淡如冰水，但杯底的龍眼乾明明很甜很好食。總結：荃灣食泰國野不會再考慮這家

黎到荃灣突然想食泰國菜，見咁多人食應該唔會差得去邊，lunch時間等左一陣就入得 好多人食 叫左個海南雞飯, 醬汁同平時食開唔一樣, 有花生, 薑蓉, 甜酸醬雞油飯好味, 雞皮爽口, 雞肉肥膏比例合適朋友點左青咖哩吉烈豬扒飯，豬扒炸粉唔厚, 厚身, 冇骨冇筋青咖喱椰汁味重D, 唔太辣, 配上泰國香米簡直無得頂

今日去食下午茶，因為夜晚仲約左人所以諗住食熱狗就算啦，熱狗配薯條$36，黎到都幾大份下，熱狗上面有芝士，賣相好吸引，但食落無乜芝士味，包都鬆軟而且暖暖地，腸就係脆皮腸，整體都ok，而薯條亦係啱啱炸起，但形狀古怪，有幾條太薄身似脆片，但都好食同香脆，另外包左野飲，而我就加左$5要泰式凍奶茶，因為泰式奶茶就比較甜d同重奶味d，本人是嗜甜者望落細細杯，但其實份量都ok，因為唔會冰多過茶，埋單$41，雖然下午茶價錢黎講貴左少少，但味道同份量都ok，本來諗住食個熱狗long下肚就算，估唔到咁飽肚！

一清早人在荃灣搵食，荃灣好多野食，但好多都係小巷，人生路不熟，入去既個商場，見座位八成滿，都應該唔會差得去邊。呢度有選擇唔少，有泰式早餐同西式，左睇右睇，都係想食下吉列魚柳！打開Openrice…..真係劣評如潮，心諗都係凍同水，好彩只係食個早餐！吉列魚柳配炒嫩蛋燕麥厚多士....好快有得食，賣相還可以，菜係少左D，魚柳夠大塊，先食一口最想食既魚柳，比起出面D薄到好似張紙既好好多，佢都好厚身，係一般冰櫃龍利柳既厚度，無再片，新鮮炸起，不過就完全無調味，只差一步，可惜！炒蛋雖然有蛋汁，但係熟果部份就好熟，估計都係就咁放係鍋度無點炒過，又係可惜。燕麥厚多士夠厚身，烘得香口，上埋牛油，正！其它就無咩好寫…咁既價錢，係商場入面，坐得舒舒服服，都係合理，食物水準無想像中咁差，執番身彩！