淥鼎記

Open Now

Now Closed

以前深圳遊嘅時候食過淥鼎記，記得佢嘅酸菜魚都唔錯。依家香港都有得食了，不過形式有少少分別，變左係火鍋放題。晚市有三個套餐選擇：小寶套餐、堂主套餐、爵爺套餐。堂主比小寶多咗三樣海鮮（蠔、蝦、蜆），其實冇必要加。但爵爺套餐就有明顯upgrade，包括一份主菜（6揀1）、時令刺身、安格斯頂級牛小排、豪華海鮮拼盤，同埋最最最重要嘅就係冇限時 ！！其實爵爺套餐都係多$100 左右，加多咁多野仲要係無限時，果段叫左啲個套餐！$368（假期+$10）錦繡前菜（一次性）👍🏻👍🏻👍🏻開餐之前先黎四小碟。花生好食，炸雞都okay，涼拌雲耳唔夠凍，仲有碟豬肚就一般般。因為要留番個肚所以都係食少少就算了😅老壇酸菜鱸魚 👍🏻👍🏻👍🏻👍🏻👍🏻主菜可以6揀1，作為酸菜魚控我哋當然揀酸菜魚啦。初初以為係食完之後就用返個煲嚟打邊爐，但原來佢係獨立一味菜，有啲驚喜，睇番menu原來單點都要$198，依家放題包埋就頓時覺得抵左🤣鱸魚白白滑滑好好肉，夠晒新鮮而且好有魚味，份量亦都足夠。至於酸菜就比較遜色，比起其他店嘅老壇酸菜魚，淥鼎記嘅酸菜只係得個酸味冇乜層次。個湯底酸酸辣辣唔錯，配菜仲有寬粉、萵筍、蓮藕片、花生芽。整體我都

提早食個生日飯，見呢間幾多好評咪book枱食book左七點嗌最貴個個set378一位(未計加一)六點十入座，咁就嗌左酸菜魚，開始等等到七點半，莫講話酸菜魚，前菜都未見到我同我女朋友就問其中一位樓面，咁佢既答覆都係整緊，跟住有另一個樓面問我地要咩湯底，我就話"下，我前菜都未食，咁快上湯底？‘’，大概過多十五分鐘，前菜，刺身，酸菜魚一鍋過黎(當時都七點九右)前菜，刺身，酸菜魚味道還好，無話特別好食精彩部份黎喇，食哂就揀湯底，個樓面話試下最新美人花膠鍋，聽落好吸引咁就揀佢喇棗個鍋一到，聞到好大陣雞汁味，係家樂牌雞汁味，本身都懷疑緊係咪我聞錯，結果我試左一啖，我肯定係家樂牌雞汁加水當湯底！！！！湯底有六舊花膠仔，一啖就無左個啲呢，有幾粒紅棗同枸杞做下配角咁。個下個心有十萬句DLLM，當個海鮮拼盤上黎個下，仆你個街，個两舊扇貝肉咁多沙既？？？未嗌啲牛已經大大扣分，嗌埋牛，嘩，頂，以為有驚喜，結果係驚嚇丫，封門柳點解唔起筋就刨？完全係無左封門柳口感，仲要無肉味我同我女朋友係求求其其塞飽就算，memu寫十點三截單，但十點就有樓面隊張單黎同埋話截單，算，照埋一望張單，哦，原來前菜丫刺身丫酸菜魚係漏單，

朋友話最近旺角開咗一間新嘅火鍋店，坐得舒服，仲要有酸菜魚食，於是就被吸引過來！坐卡位坐低都好闊落，坐落來已經好快四款前菜，麻辣鴨舌，雲耳，花生等！每位加$28仲可以係打邊爐之前食酸菜魚，味道同係內地食到既一樣，夠酸，而且肉質好嫩滑！入面仲要有寬粉同蓮藕，材料勁足！我地試小寶餐單幾抵食，湯底嘅選擇都好多，麻辣火鍋🍲好邪惡😝肉類方面嘅自選真係乜都有，任君選擇，肉類好新鮮，雲吞同韭菜餃又係必食，啲蝦肉同韭菜仲係彈牙同爽口！鐘意佢哋飲品區，有自家制嘅竹蔗茅根少甜！同埋勁香茶味嘅茉莉茶！無糖大推！好好飲！總括而言，人均三百唔洗又打到邊爐，又食到酸菜魚呢間火鍋店確實係抵食高質！

餐廳環境新淨雅緻 卡位闊落 坐得好舒服限時120分鐘 火鍋放題總共有六款養生湯底可選試左老壇酸菜鍋酸菜夠多 萵筍 蓮藕 好入味 客人用QR code自己落單 好方便#小寶套餐安格斯精修牛 X 黑毛豬 +$28/位升級 (老壇酸菜鱸魚/重慶雞煲/辣子雞/香辣烤魚/水煮牛肉/椰子雞)肉類包括安格斯極佳級精修肥牛安格斯牛肩胛安格斯封門柳伊比利黑毛豬黑毛豬腩片紐西蘭羊肉片每款牛都肉味香濃滾幾下就食得 非常嫩身我個人特別欣賞紐西蘭羊肉片肉質彈牙 羊味濃郁自家製飲品都好出色推介竹蔗茅根精 香甜清熱 岩哂打邊爐整體黎講用餐環境好 食物質素高店員服務親切又有效率性價比好高嘅任食火鍋

今日收早放工就即係同一樣都係火鍋控嘅好友嚟到近排係旺角開分店嘅「淥鼎記」大食一番，餐廳裝潢設計以皇宮宮廷感為主調，連碗碟杯都十分高貴華麗🍽「淥鼎記」有幾款放題任食套餐，小妹就揀咗小寶套餐-美國精修牛x 黑毛豚肉任食，連同出面嘅任食配料有成超過30款，而且落單仲隨即送上滷水拼盤同黃金炸魚皮，真係食到要捧住個肚走🤣滷水拼盤有紅腸、豆腐、鵝掌等等，滷得夠入味又唔會死鹹。湯底方而有成6款可以揀，我地就揀咗養顏之選-花膠美人鍋，其他選擇其實都好吸引，有酸菜鍋、麻辣火鍋等。花膠美人鍋好足料有唔少花膠同紅棗等，養顏又補身，啱哂女士們😍任點任食有齊牛/豬/羊/雞，手打丸都有3款，全部可以用qr code 落單，必食推介係牛肩胛同封門柳，前者油花紋超吸引，大大片好滋味，後者牛味較重，牛肉控必點👍🏻手打丸就偏愛蝦丸，彈牙度真係比其他丸類高幾倍，每碟得兩粒encore 咗幾round ，自助區除咗有基本嘅蔬菜🥬、麵食、仲有幾款手工雲吞餃子🥟，連芥末貢丸、麻辣牛丸都有得食，而且全部都用密封盒子裝住，安全又衛生👍🏻飲品方面足足有6個大雪櫃，除咗常見嘅汽水🥤、忌廉鮮奶等，仲有自家製嘅竹蓆茅根水，杯杯都會有埋竹蓆茅

朋友介紹創興中心淥鼎記有一個無限時安格斯頂級牛小排海鮮放題，收工一行四人去試試，當晚選了爵爺套餐$368再加1任飲任食，包一個主菜，刺身拼盤，海鮮拼盤，安格斯頂級牛小排，再選湯底打邊爐，先吃主菜選了重慶雞煲BB辣，湯底選了花膠美人湯，刺身同海鮮同安格斯牛小排也好新鮮，外面也有丸類，蔬菜類，手工餃類同飲料任取，也可以用QRCode，order肉類。最後吃飽飽每人有一個Häagen-Dazs 雪糕,整體上食材新鮮，環境舒適，員工有禮物。

上次同朋友黎食左次點心，質素唔錯而且價錢相宜，仲發現原來晚市係專做邊爐，今次就試吓火鍋啦😋小寶套餐7:30前離場$228，應該係最多人揀嘅一款。有六款免費湯底比你揀，心大心細都係揀左美人花膠鍋，貪佢有好多花膠😍，仲有淡淡藥材味好清甜。一坐低就有碟好精緻嘅錦繡前菜，牛肚超入味，花生脆口甜甜地幾得意。之就進入戲肉，開始用QR Code落單。安格斯精修肥牛係首選，入口軟滑無渣；安格斯封門柳牛味濃濃郁；伊比利黑毛豬點麻醬一流。自助區仲有好多自取食材，特別啲有鴨血、淮山。超級中意自家製雞肉冬菇餃，香口又清爽。食到我哋捧住肚走。

今日放工去食火鍋放題，一掃工作壓力。我哋去了旺角淥鼎記，餐廳環境寬敞又坐得舒適。我哋叫了一個小寶套餐$228加一，湯底有好多選擇，最後揀了海皇海鮮鍋，味道清甜。每枱都會送上前菜:滷水拼盤、花生同串串蝦,可以食住等湯底黎。呢個套餐有三款安格斯可以點，仲有黑毛豬／羊肉片／鮮雞件／鯇魚片／手打丸等，我鍾意薄切安格斯封門柳，味道香濃，另外，手打墨魚丸都好好味，特別鮮同彈牙!自助配料同醬料吧有好多款同攞位整齊衛生，配料主要有丸／腸／魚片／水魷／鵝腸／鴨血/餃子/蔬菜......一定有鍾意嘅野食，而且配料新鮮。飲品櫃除了紙包/罐裝/汽水外，餐廳亦提供自家製飲品:竹蔗茅根同冷泡茶，我推薦自家製竹蔗茅根，清甜解膩。總括而言，價錢相宜，食物高質同多款，可以再黎食。

話說月頭有朋友生日黎左淥鼎記食...之後我就念念不忘...今次經openrice book位帶hubby同佢個朋友黎食~星期6得爵爺套餐~!套餐係無限時放題~!首先黎個滷水拼盤先~按人頭分配size...上次可能8個人黎...拼盤相對較大同多幾款食物~!不過都好好入味~!之後就黎個刺身拼盤~!都係果句...睇人頭分配份量同種類~唔理喇~都好新鮮既!主菜6選1...今次揀左椰子雞~都幾接近北上食既味道~上一次黎食已經試左酸菜魚同重慶雞煲~2款都好野味!!!湯底今次揀左海鮮鍋...一黎到就聞到好香蝦味...飲落就似龍蝦湯~黎得個湯底梗係會上埋個海鮮盤同安格斯頂級牛小排~!海鮮盤一如以往都係震撼既~海鮮好新鮮!!!安格斯頂級牛小排肉味好濃~!其他火鍋配料都唔錯~!飲品款式又多~!值得一提有款黃椒醬...睇顏色以為伯冇乜料到~原來有後續~!!!正!

餓左一日，今日收工不如去旺角淥鼎記打個邊爐先返歸。黎到發現裝修唔同咗，而家較暗同有情調，唔似一般打邊爐餐廳。揀左最經濟既小寶套餐，7:30前離座價錢$228加一。川味滷水拼盤個餐包限量前菜。先黎一份川味滷水拼盤，係暖架！等你食住等湯底。滷水拼盤有鵝翼尖6隻，好腍嘅豬腩肉3件，紅腸3片，豆腐3件，同花生。係唔辣既。前菜都有鹹蛋黃炸魚皮，鹹蛋黃味道真係好香，魚皮好脆，味道稍鹹。落單用QR code，每次落單只可以叫三份，我地一行2人，每次大部份肉類都上兩份比我地。包以下食物：花膠美人鍋湯底6選1，今次湯底多咗兩個選擇。我地揀左呢個花膠美人鍋，其他係鴨血麻辣，皮蛋芫茜豆腐，澳門豬骨，老壇酸菜鍋同海皇海鮮鍋。花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底好健康，而淥野食都夠味。安格斯極佳級精修肥牛呢度d肉唔會太薄切，食落有質感。安格斯極佳級精修肥牛牛味濃，只係脂肪稍為多。美國安格斯牛肩胛牛味都係濃，非常嫩口，今晚我地主攻呢款牛肉。安格斯封門柳牛味都好濃，較瘦，所以無咁嫩口，但係牛味都好濃。伊比利亞黑毛豬脂肪平均，食落質感同豬味都唔錯，我地都有主攻呢款肉。黑毛豬捲腩黑

十幾人約埋相聚唔容易，為顧及各人口味，打邊爐是最好不過👍朋友介紹這間淥鼎記，一心以為都係一般打邊爐，對於邊爐控的我。早已沒太大感覺。但食完之後，原來甚有水準。我地叫左個爵爺套餐，沒有時限，可以慢慢食，慢慢傾。先上四個餐前小食，食下花生，傾下計等食酸菜魚。日本刺身拼盤，有四款刺身，有飽魚、牡丹蝦、三文魚、魚子，算係交到貨啦。酸菜魚魚肉滑口，味道不太濃，適合大人細路。已經食到半飽，再入直路打邊爐，見到盤牛肉，立即重燃戰火，還有內容豐富的海鮮拼盤，真是不得了。邊爐的配料雖然選擇不多，但出品精緻。值得一讚的是自家製的竹蔗茅根水，微甜清潤，不錯、不錯👍整晚較差感覺是服務員的態度，他們會指導你食咩先、要食呢個、要食果個先。好似亞媽催促你食飯咁，感覺好差😖因爲我地係無時限的，所以你根本唔需要好似趕收工咁迫我地食野，食野都係想享受一下遮，希望佢地可以改善一下。

淥鼎記打邊爐出名就係人都知, 估唔到而家午市做埋手工點心, 一樣咁出色👍🏻 今日兩個人去左飲茶, 抵讚係好多點心都係一盅兩件, 兩個人都可以試多幾款😍 以下係今餐推介: 🍴高橋蘿蔔糕 - 蘿蔔炸得好香脆, 入面保持到水份, 超香口超好食！🍴 黑椒蒸雙肚 - 除左牛肚仲有魚肚😍個汁好香濃, 魚肚索哂啲汁, 正👍🏻👍🏻🍴春風得意腸 - 大大份, 性價比之選! 腸粉皮夠薄, 春卷夠足料又熱辣辣, 抵食👍🏻🍴特色奶黃流沙包 - 可以話係今餐mvp! 首先個造型已經得意到爆🤣 打卡一流! 狠心地搣開個包, 入面啲奶黃既爆哂出黎, 視覺享受😎 味道非常好, 食得出蛋黃嘅味道, 而且唔會過甜, 我忍唔住食左兩個😂其他點心都非常高質抵食, 兩個人食到捧住個肚走都係$200多啲, 一定番食👍🏻👍🏻👍🏻私心評分食物質素 ⭐️⭐️⭐️⭐️性價比 ⭐️⭐️⭐️⭐️⭐️

呢日同朋友來到創興廣場嘅“淥鼎記”，呢度比一般茶樓寬敞好多，除咗港式飲茶仲可以食火鍋，食雞煲，食川菜。“黄金鮮蝦餃”和“麻婆豆腐餃”，點解嗌两款類似的餃，事關一個係傳統的蝦餃，另一個就係有川菜特色嘅"麻婆豆腐餃"，蝦餃好飽滿，內有2至3隻蝦，够彈牙，好抵食，而咬落係麻婆豆腐餡嘅感覺好特別，可以再辣啲我都接受到。“銀魚滑雞蒸日本珍珠飯”，銀魚多多，雞够嫩滑，重點係用日本珍珠米比較少見，都好揼本。"松露小梨子"就係鍾意佢嘅特別造型，餡料係雞肉和松露。“草莓黃金糕”，本身喜歡黃金糕QQ的口感，加埋草莓sauce ，一外表更吸引。之前朋友喺觀塘嗰間飲過“熊仔奶茶”，超級cutie，又點可以唔嗌呢，但真係飲嗰陣，又真係有啲唔捨得飲喎。

✨食店內裝修融合典雅與型格嘅混合體, 最欣賞係卡位式嘅座位設計, 寬敞舒適又夠空間感！📝餐牌標榜住“傳承經典手藝“用心製作, 真材實料🥰除咗巧手蒸炸點心, 仲有多款招牌主菜, 川粵小食及飲品....💫點心款式新穎,賣相精緻,頓時感到胃口大開😆🦐黃金鮮蝦餃 $19外皮塗上金箔點綴, 賣相非常矜貴, 足料蝦肉鮮嫩有咬口感🌟蟹籽龍皇燒賣 $19蟹籽粒有彈牙感, 蝦肉及豬肉餡料均勻, 肉味豐厚🥟泡菜鮮肉餃（4件）$24皮薄,微辣肉香,餡料豐富💜流心紫薯（3件）$28口感似係紫薯味嘅鹹水角😋🥚蛋煎糯米夾（3件）$32我會形容係珍珠雞嘅創新版, 外層煎得脆脆地嘅煎蛋面, 包著糯米夾住中間嘅豬肉餡料, 口感層次豐富😋🥢蟲草花叉燒腸粉 $32腸粉皮薄,义燒調味恰當, 創新又好食🍮鮮奶綠茶糕（3件）$22椰汁配綠茶, 好柔和嘅味道, 唔會太甜😋呢個餐後甜點, 實在感覺大滿足💕🥰整體感覺超有喜感見到點心上枱後, 已經諗住下次再嚟時, 想要試嘅款式了😋🔖bookmark咗, 我是會100%回頭率😍

今日約咗朋友到「淥鼎記」早鳥，食番個120分鐘小寶套餐每位$228（19:30前離座/21:00後入座）六選一的養生鍋底，皮蛋芫荽豆腐鍋，花膠美人鍋，澳門猪骨鍋，老壇酸菜鍋，鴨血麻辣鍋及海皇海鮮鍋，另外每枱更送上錦繡前菜（一次性）入味滷水鵝掌拼盤👍🔸牛豬羊安格斯極佳級精修肥牛，安格斯牛肩胛，安格斯封門柳。伊比利黑毛豬，黑毛豬腩片及紐西蘭羊肉片，肉質正常。🔸手打滑/丸～要是乎當日酒樓供應爽彈的手打蝦丸、手打墨魚丸及手打鯪魚丸😋40 多款火鍋配料：嫩脆脆肉鯇魚腩及魚片，各式各樣丸，水餃魚，魚皮餃，雲吞，炸魚皮、響鈴、各類的蔬菜等…….勁多野食，每樣食一次已經飽到上心口。我最鍾意自家製飲品：竹蔗茅根水，洛神花茶，綠姸茉莉茶，健康又唔甜，汽水啤酒任飲。