淥鼎記

Open Now

Now Closed

幾年前食過印象ok，今次再去食覺得退步左。宜家得一個set，$388無限時加一，但食到22:30，包一個主菜一盤刺身一set海鮮一盤靚牛係無得任食，其他野app落單/出面自己拎。首先送果盤牛肉得個樣完全無肉味，我地都無食哂。送果碟蝦小食都又係無蝦味，靠少少面頭調味粉，見好多枱都放喺度無食。餃子皮厚餡少，係海鮮好D，有蠔，帶子，蝦，沙白都好食，但鮑魚都係無味。其次出面拎嘅野食fill得好慢，成日要行幾次先拎到想食嘅野。最過份係原來出面D野飲係唔會fill。佢唔甜嘅野飲得罐裝soda water，枝裝水同一壼壼嘅凍紅茶，但所有野飲從來無fill過，晏左入坐更加係無乜選擇，問過店員話佢地唔會fill野飲。最後問店員可唔可以俾枝水，佢都要問完經理話無，只可以斟杯熱水俾我，都唔緊要，我地5個人想要5杯佢都只係用個大少少嘅杯斟一杯俾我自己拎返埋位……任飲任食呢個質素唔會再去，同區有更多選擇。

很少負評，但不吐不快。年廿九28/1在這團年，16/1已在網上成功訂位，到24/1突然收到通知話當晚只有$398套，又要先收訂金。如果我不打算食這款，都太遲改訂其它餐廰。這些規定是否應該16/1訂位時説明。主菜每枱六選一，兩人一枱如是，我六人一枱，要求兩款，又被拒絕，下次我兩人才考慮再去。份量少了的兩款都可以吧！我年前去過官塘店，相比之下，今次的食物質素亦大為遜色，而且蔬菜refill 不足，餐單上明明是竹絲雞窩，當晚來的是普通雞，貨不對辦。

呢排同朋友去咗試「小寶任食套餐」，感覺幾驚喜，特別係佢嘅「魚湯鮮茄豬骨湯底」，真係好特別！呢個湯底味道清甜得嚟又有層次，魚湯嘅鮮味配埋鮮茄微微嘅酸同清香，飲落去好開胃，感覺唔會太油膩，煮肉或者丸類都幾適合。佢主要有三款牛肉可以揀，個人覺得最好食係安格斯牛板翼，肉質嫩滑，脂肪分佈均勻，入口好juicy，煮完都唔會韌。其次係安格斯極佳級精修肥牛，雖然肥牛一向都係火鍋嘅王者，但呢款食落少咗啲驚喜，始終牛板翼嘅口感比較出眾。至於封門柳，肉味偏濃，但質地相對硬啲，要煮耐少少先至好食，唔太啱我呢種鍾意嫩滑口感嘅人。而佢哋嘅手打潮汕蝦丸同墨魚丸都係必試之選，蝦丸真係食到鮮蝦嘅香甜同彈牙，墨魚丸就係帶有濃郁嘅墨魚味，而且仲有啲墨魚粒，咬落去好過癮，感覺真材實料。呢兩款丸類配埋湯底，都好夾。自助區嘅選擇真係多到眼花繚亂，響鈴同炸魚皮，炸魚皮煮完之後都仲脆卜卜，響鈴就吸哂湯底嘅精華，食落去好入味。另外，鵝腸都係一大亮點，淨係輕輕燙幾秒就夠，爽口之餘仲好鮮甜。其他例如蘿蔔、雲吞、餃子、粟米丸等等，都係好穩陣嘅選擇。一壺壺既水果茶味道酸酸甜甜，飲完好解膩，另外仲有冷泡紅茶可以試，清新得嚟唔會太甜。另外，普通嘅

天氣開始凍，又係打邊爐嘅季節啦！日前同女朋友黎旺角創興嘅「淥鼎記」試下，之前試過觀塘分店好滿意，今次旺角分店用餐體驗同樣良好，值得推薦。裝修有一貫嘅特色，檯與檯之間夠鬆動，環境不錯。呢度主打火鍋放題，而最入門級嘅火鍋放題「小寶套餐」選擇都唔少小食嘅多春魚炸得好香口！一開始有盤酸菜魚，啲魚肉幾新鮮彈牙，湯底幾惹味，唔錯湯底有好幾款選擇，當日我唔太想食辣，就叫左健康之選嘅番茄鍋，俾大家睇下個賣相～丸類、餃類、菇類同蔬菜等都擺左喺出面，擺得好企理，而且選擇好多。個人最喜歡手打墨魚丸同蝦滑，因為兩款都爽口。入門套餐嘅肉類方面選擇都OK，包括牛小排、肥牛、羊肉、雞腿肉等。特別推薦牛小排好新鮮，牛味十足！飲品方面，可樂、無糖茶等當然有，最正係果汁先生，絕對係回本之選

同朋友慶祝生日一坐低就開始主食可以揀雞煲、酸菜魚、烤魚 etc 總之好多選擇我地揀左雞煲中辣剛剛好辣度 好味😋食完之後唔捨得轉口味跑去攞一啲豬皮 腐竹加入去炒無諗到味道咁好第二道有刺身4-5款選擇份量足夠每人一份中規中矩第三先至係打邊爐湯底選擇都頗多我地揀了花膠雞可能因為食慣重口味 個人覺得頗談但係煮菜的話就幾好嘢飲任拎現在好似仲有優惠啤酒任飲食完還有一人一杯hagen daaz小食跟餐會送 就無咩選擇整體而言味道okay最緊要 無限時

難食到寫食評，平時飲茶都好食先簡呢間，晚飯打邊爐咁差都有。湯底叫左麻辣同海鮮，海鮮完全無味，但極多油，麻辣仲衰，苦到唔想食，連落公仔麵成慾望都無，個麵都吸哂d 苦味海鮮全部都有沙🥲又唔新鮮，任食既野落5次黎1次，追佢就話無哂，菜得2款，仲要成日無哂，丸最多😪唯一提下就系個刺身囉，正常。$388 仲要加一。去屋村酒樓打邊爐任食仲好食過佢🤣，永久black list希望個老細見到，你搞搞佢，你個晚餐打邊爐，搞唔掂🙏🙏

今天約了朋友在旺角吃午飯聽說這家店的火鍋很出名但中午不想吃火鍋所以點了一些點心味道不錯 後來發現同時有日式食品超乎了想象更神奇有港式奶茶 朱古力等港式飲品😂整體來說味道還是可以的

朋友介紹上嚟創興搵到間抵食放題～ 揀咗個小寶套餐，平日都只係$238就可以食足120分鐘🧭～ 唔怪得成間餐廳都坐滿人🤩套餐個主菜6選1～ 最後冇揀雞煲就食咗招牌酸菜魚🐟 首先上枱已經俾佢嚇親咁大碟！魚片份量都多，入口都夠嫩滑～ 仲有齊配料～ 酸菜、蓮藕、萵筍、寬粉等等。揀咗BB辣，味道微辣，十分惹味。🫕火鍋湯底8選1，緊係食花膠美人窩～ 勁滋潤養顏～ 紅棗、杞子、同大大塊珠身花膠，味濃又黏口🥢任食材料都超多款，肉類都好高質，安格斯極牛肩脊、紐西蘭羊肉片就最易回本。自助放題區都有好多材料，新鮮餃子都有10幾款，手打肉丸等等～ 樣樣都好味🥤最後飲品多款就唔使講，最正係有自家製竹蔗茅根同好多款無糖茶品～

送的海鮮拼盆及刺身拼盆都幾新鮮，但主菜我們點了烤魚，烤魚算是多骨，而且六有一點點腥，但份量是很大，幾個人食完條烤魚，巳經有少許鮑，另外因為張枱很細，放的食物非常擠迫，有多項任食用qr code落單的食物,只有10幾樣，選擇並不多，一早7點幾巳沒有，連放雪柜的蔬菜都經常清空，但廣島蠔幾好食及夠大粒，喜歡食蠔的是值得一試不過沒限時還可以，以這個價錢來說，星期六沒有套票買，4百多一個人算是一般，座位很迫，坐得唔夠舒服，服務人員都很有禮貌，上菜都幾快

海鮮都算新鮮，牛肉有啲都幾重牛味，肉質都可以出面的食物同飲品好多都係得個空櫃，又唔refill…想拎個菜都難。食物款式唔多，丸反而多，菜就得兩款…真係第一次食晚飯可以冇食物拎，無奈本身可以點食物的種類已經少，仲要黎唔齊再催佢話售罄，明明仲落到單服務員的態度麻麻地，臨尾叫雪糕食，一位清潔中的職員叫寫紙，之後枱面冇筆問佢拎，又唔俾。另一位職員又話唔洗寫紙性價比唔高，以呢個價錢有呢種服務唔掂!!今次個座位幾好，夠寬敞，坐得舒服

呢個椰子雞火鍋真係好好味！湯底清甜，椰子香味濃郁，飲落去十分舒服。雞肉煮得剛好，滑嫩多汁，搭配新鮮蔬菜，味道更佳。每一口都令人感到滿足，唔會過於油膩，適合各年齡層。環境舒適，服務態度親切，係一個適合朋友聚會的好地方，值得一試！

🔥 旺角淥鼎記火鍋放題，食到唔想走！😋各位街坊，今日小編去咗旺角淥鼎記食火鍋放題，真係食到成個人都暖笠笠！呢間位於創興廣場5樓嘅火鍋店，絕對係平靚正嘅好選擇！🏙️一入到去，個裝修乾淨企理，冇咁多花巧，但就好舒服。最驚喜嘅係，佢哋嘅火鍋料竟然係無限添加㗎！😱 由新鮮嘅肉類、海鮮到蔬菜，仲有好多配料，真係應有盡有！最吸引嘅係佢哋嘅湯底，又香又濃郁，小編推介麻辣同番茄湯底，絕對係冬天暖身之選！🍲 啲肉片薄薄嘅，好入味，海鮮就新鮮爽口，絕對唔會令你失望！最重要嘅係，價錢真係平到跌眼鏡！呢個價位喺旺角食到咁多嘢，真係抵到爆！💥 仲唔快啲約埋班friend嚟試下？總結嚟講，淥鼎記絕對係平民恩物，想食好嘢又唔想洗太多錢嘅話，呢度就啱曬你！🥰地址：旺角彌敦道601號創興廣場5樓

❀ 淥鼎記 #旺角 ❀❗無限任食火鍋 仲有高質刺身雞煲/烤魚/酸菜魚❗——————————————————喜歡高質火鍋不妨試吓呢間位於旺角嘅淥鼎記~可以一次過食晒刺身、小食、主菜、無限時任食火鍋🍲、Haagen Dazs 雪糕🍦。主菜多達六款選擇，包括烤魚、雞煲、椰子雞、蘿蔔牛腩、毛血旺、酸菜魚。火鍋亦有八款足料湯底，當然唔少得吧枱任飲🍹.✷𝑀𝑒𝓃𝓊✷☞ 淥鼎記爵爺套餐 $388♥ 刺身店員先送上日式刺身拼盤，有大大粒帶子、肥美三文魚腩、鮑魚、漿口海蝦。真心款款新鮮好鮮甜，完全唔係普通放題貨仔👍🏻.♥ 小食當日有香辣炸蝦及雲耳.♥ 主菜六款當中選擇咗烤魚🐟有香辣味或者唔辣嘅醬油味。當日想輕鬆少少，所以揀咗醬油。用脆皮魚，店員建議馬上食用，可以品嚐到皮脆肉嫩嘅口感😍可能揀咗醬油味，始終都冇香辣味咁惹味🙈不過真係超大條，份量十足，未食火鍋，已經超飽飽🤣.♥ 火鍋湯底多達八款選擇，愛好香辣有鴨血麻辣鍋，重口味嘅有蕃茄牛肋條鍋、澳門豬骨鍋、 海皇海鮮鍋，健康養生嘅仲有花膠美人鍋、姬松茸雜菌鍋、黃酒藥膳雞鍋、八寶冬瓜鍋。今次選擇咗海鮮鍋，會送上新嘅煲，唔係同主菜用同一個煲👍🏻湯底本身已經有大量鮮

淥鼎記除左人氣火鍋🍲手工巧手點心都幾推介✨賣相精緻 味道有水準 CP值好高🤑.📌太極黑糖馬拉糕 $30以太極圖為造型 好特別☯️馬拉糕口感蓬鬆柔軟 氣孔比平時細 食落更加綿密🥧加入黑糖製作 啖啖焦香甜味🍮黑色嗰邊應該係落咗竹炭粉 味道差唔多🖤.📌高橋蘿蔔糕(6件) $28蘿蔔糕煎到外層金黃香脆 入口軟綿唔厚粉 清甜白蘿蔔同臘味鹹鮮香平衡 點埋醬汁更惹味👅.📌野菌鮮蝦菜苗餃(3件) $30餃皮煙韌晶瑩🥟除左鮮甜蝦仁同菜苗 仲有蟲草花 口感味道豐富🦐🥬.📌濃湯雲耳浸勝瓜 $48湯頭好濃郁🍲勝瓜當做 滑嫩清甜🥒配埋爽脆雲耳同菇菌 清新健康🍄‍🟫.📌瑤柱酸菜炒飯(午市套餐) $188米飯粒粒分明 炒得乾身爽口 醬油鹹香味濃郁🍚加入金黃瑤柱絲, 酸菜粒同蛋花 簡單配料 已經好惹味🤎不過食到底好油🙈1️⃣松露叉燒腸粉面頭加左黑松露醬 菌香味濃🍄‍🟫腸粉軟糯唔黏 叉燒冇雪藏味 配搭翠玉瓜片 味道清爽🐷🥒如果內餡多啲就更好🤫2️⃣酥皮鳳梨叉燒包(3件)賣相似足菠蘿包 外層金黃酥脆香甜🧡內餡除左有半肥瘦叉燒粒 仲有酸甜鳳梨粒 好特別🐷🍍但包身偏乾同空心👀3️⃣蒜子上湯浸菜苗估唔到套餐跟配都咁大碟 菜芯青綠鮮嫩🥬蒜粒濃

約個friend食dinner , 佢就我旺角放工，咁揀一間有得坐成晚，食吓嘢吹吓水……咁首先梗係揀打邊爐啦， 所以有間可以坐成晚嘅咁我都會揀淥鼎記，因為好多年前都食過一次。門面內裏環境都開始舊和殘，講真旺角係咁上下😂 食物方面不過不失，要左個套餐$378 ，碟牛肉正正常常啦，之後都可以任叫嗰啲當然會比較差啦😝反而個刺身都幾好食，同埋個酸菜魚都唔錯呀，啲魚好似食極都有😂有啲水準！ 服務方面都冇乜要求，不過見佢哋啲同事都好似打仗咁樣⋯⋯但係感覺上整體好似觀塘嗰間服務好啲留意會飲酒嘅朋友，逢星期一至四佢都可以做到任飲….