外婆辣酒米線專門店

Open Now

Now Closed

價值$47有肥牛及醉雞翼米線一碗內有小塑膠袋一角，好彩冇食落肚。送野飲，問員工係咩黎，回答：可樂，岩唔岩飲？！飲一啖後，發現係-涼茶。好明顯自己唔知自己賣緊咩。

$42 就有肥牛酸辣紅薯粉仲包埋凍羅漢果清熱解辣，哩個配搭真係完美～ 酸辣湯底好香好夠味，小小辣啱曬唔食得辣但又想食酸辣粉嘅我。肥牛正常水準，鍾意佢好多配料例如花生雲耳榨菜，哩個價錢cp值都唔錯。

對上一次買左個泡椒米線 佢竟然俾漏左個湯我今次又係泡椒湯 有湯但係淡到水咁既味以前真係好好食 希望可以叫員工跟返之前既份量去調 做餐廳除左服務 味道都好重要 希望餐廳可以同員工反映下

叫咗份辣酒腩片紅薯粉，同埋一份外婆雞外婆雞幾好食，d肉都嫩滑😋但係個紅薯粉湯底真係唔得😵‍💫可能唔啱我口味啦冇乜酒香味，辣度我揀咗小辣，唔算辣，我覺得只係平時譚仔嘅十小辣至於嘢飲方面，羅漢果水我覺得幾好飲！😊

由葵涌年代食到而家九龍灣口水雞依然好好味😋😋個汁真係勁正，最有我最愛的茜蔥，加上芝麻香，配上酸辣湯底，真係十次有十次都食呢味😋因為住得唔近，幾乎每次都是特登搭車嚟食的，但每次都食到好滿足。希望外婆長做長有！

圖中既食物 埋單要$63出得呢個價錢 德福大把更好既選擇個肥牛米線 米線勁少 而且脹曬 明顯係隔夜而且份量食唔飽 得個湯底叫正常至於個蔥油雞 親眼睇住佢用微波爐叮番熱出黎個雞要+$18 啲雞無肉 叮完質感好差杯野飲 要另加$3 但好似糖溝水咁想做白老鼠 就可以黎食下$63 九龍灣 大把選擇呢間出品 仲差過自己屋企煮 明食隔夜野

九龍灣📍外婆辣酒米線專門店👉皇牌辣酒湯配豬腩片紅薯粉 $43其實食過呢間好多次，因為覺得好食😂湯底好香酒味，我叫左普通小辣，係真係小辣嘅，好少好少辣味，唔會話零辣，我覺得食開譚仔10小辣都可以試下😉除左酒味辣味，仲有酸味，我覺得好好飲😂餸方面，木耳份量好似比之前多左，木耳好襯個湯，腩片份量唔算多，但係配埋其他配菜都足夠。👉外婆酸辣湯配肥牛紅薯粉 $41呢個我無食🤣我淨係聞左個湯，下次食左再分享👉泡麻雞 +$28轉例佢有泡麻雞，外婆雞，口水雞同酸辣雞。跟餐加$18一份，份量係1/6隻雞，加$28轉例係1/4隻雞。跟餐係幾抵嘅，因為$28有例😂 四隻味我都食過，我個人最鍾意泡麻雞。佢係少少辣，好少好少麻，有啲泡椒味，調味方面就算有豉油都應該落左好少，佢嘅味道主要來自辣椒同其他固體調味料，好惹味，推薦。雞肉同皮都滑，無overcook。👉外婆雞 +$28轉例同樣係例，不過可能上下例嘅分別，呢份對比泡麻雞少dd。外婆雞唔知係唔係即係呢間鋪秘製嘅獨家味道？佢同出面嘅口水雞有啲似，但無咁油，比較多豉油，味道係偏甜，同埋醬汁係比例稀，少渣。對比泡麻雞口味會無咁重。。👉羅漢果茶幾濃味，無溝過量嘅水，飲

得寶商場多左咁多食店就求其揀一間食囉，就門口位呢間外婆辣酒米線，想食辣又想食米線，呢個店名啱哂。叫左個皇牌辣酒湯底嘅肥牛米線，呢個湯底比其他湯底貴，應該有保證掛，咁鬼餓再加底同加份雞先。講賣相，個肥牛米線就堅多米線嘅，但肥牛其實得幾片，好在都唔係用超肥個種肥牛，不過就咁淥熟嘅肥牛就無乜味啦。至於個湯底，真係失望到極點，無酒味淡茂茂，水歸水路稀能能，仲要叫中辣都唔係辣囉，唉…又話皇牌嘅…另外加個份泡麻雞，已經再加大，都唔見得話好多，唔知例牌會有幾大份呢？雞係有泡椒味嘅，但唔係好入到啲雞入面，一陣雪雞味加醬汁咁樣，又係失望…個份加底嘅米線都幾大碗，雖然個湯底無味，都叫做食得飽嘅。呢個場叫人用手機落單，可以用支付寶比錢，叫做用得消費券囉，但個版面極唔好用，啲餐廳執左改左名又未更新，落完單幾時有得攞又無通知，個程式大有進步空間。簡單黎講，無下次，完。

見得寶翻新做food Court，我就同朋友一齊去望下有啲咩嘢食。咁啱見到有間辣酒米線，就有啲好奇辣酒米線會係咩味，所以就去咗食。🥸🥸------------------------------我同我朋友個別嗌咗一碗肥牛辣酒米線同一個酸辣雞飯。而個米線同埋雞飯都有嘢飲送，個飯都仲要有菜跟。😙😙------------------------------肥牛辣酒米線啲肥牛就係啲好平嘅肥牛，呢個我都唔意外，因為都符合返個價錢。而個辣就湯底就偏甜有少少酒味，但就唔係好啱我口味。反而個酸辣雞飯有驚喜，個酸辣雞調味好好味，酸酸地辣辣地又唔會死鹹，啲雞油唔會好鞋😋😋！------------------------------極度推薦食佢啲雞飯！

九龍灣德寶新裝修，多咗個幾新淨嘅food court，前排就去咗試。 辣酒湯底聽落幾特別，於是我興致勃勃咁嗌咗碗 「皇牌外婆辣酒腩肉米線」，重加咗$18食「泡麻雞」🌶不過希望愈大，失望愈大。米線偏腍，腩肉唔係醃得好入味嗰種，而係近乎白烚，無咩味。湯底係好濃酒味，但食落又唔覺好match，湯底調味唔算豐富。其他配料例如芽菜、雲耳等等無咩特別。個雞相比起就好少少，至少個汁夠香辣，都稱得上惹味。簡單嚟講係食完有啲失望，無興趣食第二次。

之前食過一次呢間店嘅酸辣米線，印象中係一般。今次朋友再約一齊去試，試埋佢個皇牌辣酒湯底，結果好似都係不過不失（笑）。但姐姐服務唔錯嘅，問佢拎碗筷都好有禮貌👍🏻❣️✍🏻 / 皇牌辣酒湯底豬腩片米線✨💵價錢：HK$43/連枝樽豆漿🔘美味指數：❤️❤️❤🤍🤍麵底有米線、紅薯粉或烏冬，主配菜有肥牛、豬腩片或者唐生菜，各揀一款。配菜有雲耳、蔥花、芝麻同芽菜。而湯底其實都有啲酒味嘅，但作為皇牌嚟講，未算好香濃。雖然整體味道唔差，不過無論豬腩片定米線都真係「不過不失」，反而枝豆漿都幾好飲😛✨✍🏻 / 泡麻雞✨💵價錢：跟餐+HK$18🔘美味指數：❤️❤️❤🤍🤍呢個價錢有6舊雞都算幾抵食！但食落唔太麻，有啲似白切雞點辣油，食落未有特別好味嘅感覺🙂。💵埋單價錢：HK$61🔘整體美味指數：❤️❤️❤🤍🤍

昨晚，突然很想吃酸辣粉，於是想起外婆酸辣粉。以前他們在葵涌光輝圍有一店，因在那邊工作，幫襯左好多年，但佢地最後搬左。上網找找，竟然有間小舖在九龍灣，一於試試。小舖在小商場的木馬food court 中，一行入去就見到。辣酒肥牛烏冬久違了的辣酒肥牛烏冬，呢個真經典。少少辣，超香酒味，忍唔住呷了幾口湯。辣酒同烏冬、肥牛，超夾，食過一定會記住佢特別既味道。/5棒棒雞加$28 轉套餐，加了棒棒雞，同羅漢果茶，甜甜辣辣，又有啲麻既感覺，雞也算嫩滑，唔鞋。/5酸辣肥牛紅薯粉然後，都係經典既酸辣粉，我都係㨂左配肥牛薯粉。酸辣粉略微酸了一點。但勝在大碗足料。/5金蒜麻辣雲耳都係跟餐小食，勁香、爽口。麻麻辣辣好過癮。/5 兩個套餐，埋單百先百幾蚊，抵食。老闆娘最後熱情地揮別我們，倍感親切。原來咁近九龍灣有分店，以後一定會幫襯多啲。

得寶見到木馬工房food club,入面有唔同類型餐廳選擇！一入門口見到有酸辣紅薯粉！諗住試下，不過個湯好酸唔夠辣！重點紅薯粉一啲都唔彈，一夾就斷！而且係好難食外婆雞無特別！