圓老爺雞煲小廚 (Closed)

探訪在外國回來朋友，順便入元朗聚舊，在豐年路呢間圓老爺鷄煲小廚晚飯，入到去見座位唔算好多，但裝修雅緻，古色古香！朋友話呢度鷄煲好正，於是點咗個飄香醤海皇鷄煲（半份$108）另外點咗個脆皮牛坑腩（$88）一個泰式焗魚雲（$98）一個蒜蓉清炒油麥菜（$58）鷄煲以易潔鍋盛上，石油氣爐加熱，煑滾三分鐘，再焗一陣開蓋食得！嘩，一打開蓋就聞到香氣四溢，食落，鷄嘅肉質好嫩滑，配料有洋蔥芫荽，特別又香又辣嘅海皇醬汁，食味一流，而且半份鷄其實份量唔細！脆皮牛坑腩，以麵粉包住牛腩炸香上碟，不獨香脆而且富有牛味！泰式焗魚雲，微辣酥脆，真係連骨都食埋！送啤酒真係一流！蒜蓉清炒油麥菜，新鮮青嫩，簡單但甚有水準！整體服務同食材製作都能我好滿意、下次會再來光顧！

夜晚有d涼，突然想食雞煲。睇到有間新開既就入黎試下。好新淨，d檯幾靚，餐具係有d似茶樓咁，好中國風，有電視睇。兩邊掛住一d菜式既相，令格調有所提升。另外通常d餐廳都唔提供紙巾，而呢度會擺埋紙巾，而且有埋洗手間。員工態度好親切，雖然我同老婆仔只係叫左一份半隻既雞煲，但係佢地都無差態度。雞煲上黎，姊姊提醒我地首先大火煮三分鐘，三分鐘到佢又埋黎幫我地熄火，（超貼心）。講返個雞煲，真係好正！d肉地超級軟滑，比清遠走地雞有過之而無不及！大辣都唔係好辣，好入味。連d皮都唔想浪費，食得好開心，雖然唔係啖啖肉，但就係有果種一點兒肉都唔想浪費既諗法。我一定會再黎，下次要試試佢地既魚同其他小食！

和朋友到元朗圓老爺雞煲小廚晚飯，新店開張感覺很有誠意。点了原條牛肋骨，雞煲和香茅蒜香雞，味道和烹調手法均和一般食店不同有創意，值得推介！ 看見鄰桌竟然有海鮮和餐牌没有的菜式，一問之下原來是可以預定的。這真是非一般小店上矣!下次人多必要試試

聖誕夜約左朋友帶住兩個小朋友一行10人，係多人到爆既元朗唔知食咩之際，路過呢間剛12月新開張既圓老爺。可能新張，唔洗排隊，就膽粗粗入去試下喇! 點知有驚喜喎!餐廳有兩層，我地人多坐左上樓上圓檯，都好闊落，又有小朋友櫈，都坐得舒服!間餐廳有小菜有雞煲，班友仔餓鬼咁不停咁叫餸，都唔知落左咩! 餸黎又掛住食唔記得影晒相菜膽雞係叫比兩個小朋友食，走地雞食落都好滑有雞味，小鬼都食左半碗飯! 叫小二快上小朋友肚餓，真係10分鐘內到，讚! 安置完兩個細到我地大人食!水煮牛 普通辣因為有人唔食得咁辣，食到好麻既花椒，薯粉好味道! 我地班麻煩友仲叫人幫我地烚個烏冬撈辣汁呢個係好出色既豬串骨，香口唔肥膩，女士都岩食!豬手有子薑伴碟，好好既配拾，去油膩感，豬手又係好香脆，送酒一流!有人必食沙嗲金菇肥牛煲，普通菜色，但味道唔錯!仲有叫左d拍青瓜，個辣汁好好味! 蒸茄子，牛柳粒，整體都好味! 個人認為可以再幫襯! 元朗區黎講，價錢都唔貴!