Video
7-min walk from Exit A1, Tai Po Market MTR Station
continue reading
Telephone
26609906
Introduction
The restaurant in Tai Po offers a variety of dim sum during the lunch time. It offers seafood and various Cantonese fried dishes in dinner time, as well as nostalgic cuisines, such as Hakka fried eel.
continue reading
Opening Hours
Today
06:30 - 22:00
Mon - Sun
06:30 - 22:00
Public Holiday
06:30 - 22:00
Public Holiday Eve
06:30 - 22:00
Above information is for reference only. Please check details with the restaurant.
About Reward Scheme
服務一向一般但勝在經濟和地点近，上2星期早茶，点心等了半小時有多，叫待應幫手睇睇，眼見爱理不理，根本沒有跟進，於是再次要求幫手睇睇，竟然大大声鬧人，点心是要時間蒸的便走開，我沒有再直接去柜台投訴和结賬。
continue reading
入咗嘅時候佢問搭唔搭枱，我哋話可以，但明明好多吉枱，但係都要搭枱。上到去張枱係完全冇執過，仲有上一手啲碗碟留低，等咗差唔多成10分鐘都冇人執,又冇人問有咩茶，要主動申請坐後邊已經執過既枱，同埋服務員嘅態度十分之差，個個都黑口黑面好似得罪佢全家咁，放碗碟係用掉既方法。食物質素不過不失，但係啲碗碟茶壺真係好污糟，見到都唔開胃，可一不可再！
continue reading
一向我都麻麻地飲茶因為好多酒樓嘅味道同以前就好大分別加上我鍾意嘅麻蓉包，基本上好似絕種咁但係冇意中俾我發現，大埔呢間酒樓有麻蓉包食，我就決定嚟食啦食物 4/5點心 麻蓉包♥️5/5細個嫲嫲爺爺成日帶我去飲茶第一次叫我食呢個包，已經心心愛上到大個咗，好多地方都冇得食即使其他地方有，味道都唔係好正宗但大日子就最接近細個味道首先餡料係金黃色（因為有唔少係用黑芝麻），唔苦，有少少芝麻嘅口感甜度適中。同埋當佢拎過嚟時，見到上面有粒紅點，就感覺到係以前嘅做法，因為好多都冇呢一粒紅點😅沙律明蝦角 4/5好夠脆，入面仲好足料不過好得意，有兩舊係有兩隻蝦，另外兩舊得一隻蝦，不過都好好食🤤煎蝦米腸粉 3.5/5煎得唔錯其餘點心鮮竹卷 3/5味道可以，夠大舊燒賣 4/5大大粒燒賣，唔係連鎖式放隻蝦係上面嘅燒賣😋燒鴨河 4/5下午茶只係19.8，真心抵，燒鴨又好食茶4.5/5我叫咗普洱比出邊嘅酒樓呢度嘅茶底較為出色環境 4/5環境衛生都係正正常常唔可以同連鎖式嘅大酒樓去比較但坐落都係幾舒服嘅唯一唔好就係要行樓梯上嚟，冇𨋢如果年長啲嘅公公婆婆就未必適合服務 3/5服務正正常常，不過食咗一兩次都有遲上嘅問題但追一追都好快比到我哋總括而言，整體都好唔錯，尤其如果鍾意食麻蓉包嘅各位，一定要嚟呢度試吓。如果唔係話鍾意食麻蓉包，其他點心都一定唔會令你失望
continue reading
居於美國的舅公回鄉探望親人，途經香港作短暫停留。今晚家人特地安排於大埔的飯堂(大日子) 同舅公食晚飯。6人的晚飯，但都叫咗唔少的小菜。薑葱蠔 - 蠔夠鮮味。薑葱蟹 - 蟹好新鮮，炒得惹味。蒜蓉蒸扇貝 - 如果多啲粉絲會更好，扇貝未算好大隻，不過都係好新鮮。沙巴 - 烹調時間掌握得好，鮮嫩好味。花生苗 - 今次相對較為辣，唔係個個食到。鴛鴦炒飯 - 大家都滿意，清晒乳豬半隻 - 皮脆肉嫩，我食咗3大舊。片皮鴨 - 皮脆之餘，鴨肉的口感亦一流。整體食物及服務都令人滿意。
continue reading
今日年初四💮同屋企人去完慈山寺就落返大埔飲茶，見到呢間酒樓，就決定飲佢啦！😆新年又係公眾假期 都預左要等位。見到💁🏻短髮知客好忙，又要接電話📞又要安排位置，我見到佢講緊電話，做左個手勢表示6人想攞飛，佢無理我，咁我就都等佢講埋先啦，點知一收線，佢就好大聲好嫌棄咁😠望住我講「你等陣先啦」咁我都理解嘅，紅日係忙啲，等左一陣佢俾咗張飛我，C31 ，我望一望螢光幕C24，即係等7張枱，都唔錯丫！咁我就行出去門外等。等左大約20分鐘，我行入去睇下螢光幕叫到幾多號，一望😳C21 ????? 點解？我行去問下，但短髮知客就似有還無咁講左d野，但又無答到我，總之就叫我等下。後來，又等左大約20分鐘，我見螢光幕叫飛叫到C29。滿心歡喜就到我哋啦！但點知隔離一對夫婦話C27知客拎左佢張飛都無俾枱佢，喺度空等😑 話個知客亂俾位，有人派利是🧧個知客就俾位佢先。忽然之間，呢個時候，知客叫A33飛，就安排左兩個人入去，但此時螢光幕係顯示為A31 ，一位女士就問點解佢A32都未安排位置，就安排俾A33，但明明屏幕顯示又未到A33，而家從未有人叫A32。短髮知客解釋唔到，就發爛渣😡大聲喝個女士話「你唔明，你可能miss左，你知唔知紅日返工我哋服務業好辛苦」女士好有禮貌地回應，我唔係想同你嘈交，如果你安排上有錯誤，唔緊要，你下張補返俾我。呢個時候C29個對夫婦都忍唔住開聲，佢安排不當，隨個人喜好去安排位置，熟客就入先，生客就等下。 我喺呢個時候都問，咁其實係點安排。之後佢唔想理我哋，就話你哋上去啦上去啦。上到茶樓，非常逼夾，枱與枱之間係無乜空間，侍應俾左新碗筷俾我哋！實在係太出色，十分之污糟，有污跡，有食物殘渣，非常嘔心。但由於好少嚟呢區，又等左50分鐘，老人家已經非常肚餓，所以都照食。呢張紙係黐實咗喺隻碗入面。茶壺污糟都算啦。。。呢隻碟上面係有污跡，係摸得到睇得到，又油又凸出來，真係好嘔心🤮食物出得好快，但質素同味道都係有史以來最差。蝦餃點解未食就爛，爆哂皮？問侍應有冇辣椒醬，俾左一碟仔我哋！我用嚟點左蝦餃Oh My F***ing God!! 又辣又酸又澀，再三同家人確認，係壞左！咁都可以俾客食？仲有牛肚係臭架，太激氣無影到相。一係就無洗乾淨，一係就係壞，放咗入口都要嘔返出嚟。最後，總結: 環境 6 / 10服務 3/ 10食物 4 / 10價錢 5 / 10 另外想特別為短髮知客打個0分。估唔到Open Rice 有兩篇食評都係為你而打。
continue reading