Green Common (將軍澳中心) (Closed)

假期後第一日，又係忙到兩點都未食飯，原來年初四，仍有很多食店實行農曆年餐牌，故此選擇此食店，價錢比較正常。門口大大個餐牌，太肚餓睇啱便進入去吃。由於全店素食，所以吸引很多多國的素食者。店內分兩部分，一是像一間迷你超市賣素食的，而另一邊是作餐廳之用。打開餐牌，習慣是叫店員落單。後來才發現原來是用平板自己落餐。由於電腦化同時落單，一向習慣用餐後才上那餐飲，就不在此限。泡沫杏仁奶即時在你面前出現，展現它的魅力。䁔䁔無糖的杏仁奶，如果能在用餐後才飲的話，感覺會更完美。日式雜菜野箘炒烏冬連餐飲$59~大量麻油味道，如果作為一間素食店的話，筆者會覺太多油了，但味道不過不失。結賬時是在超市那邊同用一個收銀處，賬單消費如超過$100可作購買零售產品折扣十元。

星期一年三十晚係家裹做完家務及放好新年擺設，準備過農歷新年。忙碌一整朝，己到年飯時間。因今晚會六點食團年钣，所以中午會食輕量些。行過去將軍澳中心商場，找到間Green Common食素食。未來漢堡餐 - 這塊漢堡不是肉質漢堡，完全百份百植物成份。但食落口無論色，香，味都可媲美真漢堡。我覺得這塊未來漢堡比肉類漢堡更好味。套餐包一杯凍檸檬茶，這間餐廳主題環保，所以飲管是用纸制做。未來熱狗腸蘑菇炒意粉 - 亦都係個句，色，香，味同真熱狗腸無分別。

放工好多時都8點後,返屋企又食唔切飯,好多時都係外出食飯。外出食飯少菜多肉,食得太又唔健康,又易濟。偶爾都要清清腸胃,加上友人係呢間餐廳有員工優惠,可以85折埋單,就兩個人黎左呢到食飯。明亮既燈光配上淺色既配色,再加上寬落既空間,整個環境都比人一種輕快時尚既感覺。過往大家諗起食素就只會諗起食齋,係老一輩先會食。而呢度既設計再加上佢地獨特既菜式,完全改變我對食素既舊有看法。呢到既素食樣樣都好新潮,有飯有麵,仲有漢堡包熱'狗薯條ETC...真係估唔到食素都可以咁多選擇,而且賣相都好吸引,完全睇唔出係素食。MENU上有特別推介一樣叫做"未來香腸"既素食,仲有幾款佢既菜式。我就揀左個熱狗黎食,友人就揀左海南雞飯食。未來熱狗腸蘑菇炒意粉($79)new蕃茄醬意粉再加香腸。個醬幾香茄味,酸中帶少少辣。而未來熱狗腸係超好食!!!完全食唔出係素,無論外型,口感同埋味道都同肉香腸好似,而且佢好似有少少烤過既味。我相信另一個菜式-“未來熱狗”應該都會好好食。海南米走雞-海南植物雞配黃薑飯 ($78)賣相又係好靚。佢既雞肉應該係有秀珍菇係裡面,相對地個口感無咁似,但外型都做到7成似雞肉架啦!亦有3種醬汁比你

...是日提早下班，一街都係人😌🤦🏻‍♀️，是但走左入間鋪食個晏先..一坐低，店員即刻fing左個ipad咁既野比我落單.R頭之際好彩發現台面有貼紙教我點落單邊度有餐具點埋單等等等⋯咁都好d，因為個staff係無講過野😂.餐廳以素食為主打。未來漢堡到底係咩黎？淨係估到係素漢堡🤔🤔.我自己估未來既意思主要係講塊排掛😆😆😆😆塊「漢堡排」食落個味道好似午餐肉嫁 😆😆好得意既感覺👍包烘得香脆熱辣辣，幾好食👍.檸茶偏淡味，係平時叫小甜既感覺，係呢個set之下就配合得好好

自從將軍澳區嘅商場改革附近嘅商舖都出現咗唔同種類嘅嘢食但出奇嘅係有素食對於一啲食肉獸來講係十分之新奇有趣終於可以試吓另一類嘅嘢食啦鋪頭唔算太大皆因一半係堂食另外一半係類似超市咁嘅形式超市嗰便係比啲素食者去購買又或者你食完堂食之後覺得啲野好好食就係買返屋企自己煮啦咁樣嘅形式幾好同好方便想食素嘅人落單買嘢食嘅話就要行出去出面落單買之後坐返去你嘅位置咁啲員工就會提示返你啲嘢食到未大致上呢一間鋪頭都係自助形式嘅咁樣都幾好啊因為自己的事自己做啊嘛咁我就叫咗口水雞配豆乳家常麵一嚟到見到口水雞就覺得勁似平時食開真嗰啲口水雞因為個樣完全係一樣就咁睇係分唔出嘅個感覺勁似食緊真嘅口水雞囉但你心知係素食成件事好新奇好特別辣辣地 咬落去個質感同真係係冇分別豆乳家常麵食完先醒起要影相但已經食晒所以就冇影到碗麵比我嘅感覺係勁清新同健康一嚟到成個麵都係白色嘅只係係碗麵度加咗少少顏色佢加咗幾粒杞子同埋三至四棵嘅菜有一碗白潺潺嘅麵加返啲色彩成碗麵都充滿着濃郁嘅豆乳味連啲麵都勁似用豆乳制成嘅麵十分之健康

一向係食肉獸嘅我經過呢間素食餐廳本來都不以為然，望吓Menu，再睇吓食評，好多人都話其中一款叫新豬肉嘅豬幾真，好奇心驅使下同同事食咗一個健康嘅素食午餐。餐廳一邊係堂食餐飲部，另一邊賣植物肉同健康產品，客人喺屋企都可以煮到健康嘅素食。我哋坐低後，職員會幫我哋開點餐機，枱上亦有點餐教學，餐單一目了然，落單更方便清晰。未來漢堡Classic，我幾鐘意呢種口感，唔會有渣或者少少鞋，都幾真，味道有啲似午餐肉，幾好味。加$12炸薯條，新鮮炸起熱辣辣，薯條夠粗，好滿足。日式雜菜野菌炒烏冬，個味好夠，無咩特別，都唔錯。焗葡汁植物雞配黃薑飯，都係好夠味，幾香，植物雞好少，七成係蔬菜，黃薑飯就咁食都夠味。海南植物雞配黃薑米，呢個午餐先試到植物雞，雞皮係腐皮，植物雞唔似雞肉，咬落有啲啲微微彈牙嘅感覺，再咬耐少少有淡淡嘅豆香味，幾特別。配野菌湯，口感豐富，有大量野菌碎。加$12嘅新豬肉煎餃兩件。炸植物蟹餅，份量咁少有啲貴，好神奇真係有蟹味，配菜嘅沙律都好新鮮。雙色蕨餅，有啲似麻薯煙韌韌，唔甜，幾清新。泡沬杏仁奶，淡淡嘅杏仁味，唔加糖都Ok。絲麥奶茶，飲唔出麥味，無普通奶茶好味。

I love sausages especially British sausages which are a different thing to Frankfurters.The reason I don't eat a lot of meat sausages is that they contain bits of fat and gristle that are quite off putting even though it does help to make it tasty.Here comes the Beyond Sausage which is vegan!!Compared to the Beyond Burger the sausage is tastier as you have the herbs like sage and thyme encased in the sausage like membrane.The only thing that let it down was the bun which was hard, too crispy and

因身體康復中所以選擇左呢間素菜店不過之前有聽聞過 如果黎將軍澳食素呢間係最好選擇！企係門口睇到有個叫「未來漢堡」睇黎主辦人想將素菜推行到未來 同幾個朋友 分別叫左唔同既野我就身體健康問題 好多野未食得住穩陣叫左個7色藜麥兒童餐好得意佢碟係米奇形狀 擺盤同門口張相一模一樣 幾有心機整今日健康到底 又叫左杯冷壓果汁🍹西瓜🍉+菠蘿🍍+蔓越莓 真係幾好飲 好快飲晒友人分別叫左 黑松露磨菇意大利粉+豆漿我試左啖 好鬼香 好好食下次我要叫呢個朋友都話素菜黎講 好唔錯幾有特色推薦啊另外友人仲帶左bb黎 有bb椅服務 又加分了

it costs $79 to order a future burger at dinner time, but it is only $58 as a lunch set!!!!To be honest, the veggie beef is too salty for me and it tastes kinda like luncheon meat, I would prefer it with cheese, but the waitress said adding cheese is not available for lunch set but dinner one. 😟 alright....you can choose either mushroom soup or salad, I opted the first. Nice soup. Although the burger is not big, it fulled up my stomach TOTALLY!!!

講起一個「肉」字，你會諗起啲乜？「咪小鮮肉囉！」係，我知。不過，如果答「動物」既朋友，我會話，少年，你太年青了！係不久既將來，呢個肉字都可能會變成一個中性既字，因為佢亦可以代表：植物。話說今次掃番黎近屋企啲，全將軍澳區唯一一間素食舖頭Green Common。（其實可唔可以同啲議員反映下，爭取第二間素食店！？）點解黎呢間？因為要試佢個漢堡囉！全間以開放式設計，上方招牌巨大，極易見到，Good！漢堡？肉黎喎，師兄？係唔係掛菜頭賣牛肉先？Ａ～年青人，等我先賣個關子，食野從舖面食起，硬係講左間野先啦～全間分開兩邊，門口果邊係賣健康產品，另一邊就係食野。講真，食野果邊真係唔算得上寬敞，不過因為佈置簡單，感覺唔會太heavy。舖頭行簡約主義，感覺輕鬆，又未去到無印果種全白底。OK，食完間野個殼，當然係時候打開個menu驗明真身啦！咦？睇間野個名以為係鬼佬菜，原來都有中國人同日本人。款式唔算好多，不過絕對夠你揀。思前想後，經過猶豫，經過懊惱，膽大心細，眼闊肚窄後，叫左幾樣野，其中一樣就係今次既target！(1) 植物蛋照燒碗(2) 氣炸素雞槌　配蘇太名醬(3) 未來漢堡Classic + 薯條(

今次真係跑，趕食lunch啊！🏃🏻‍♂ —————————————————每日諗食咩真係諗到胃口都無埋😭但好彩「green common」帶比我新希望😍咁多個餐，星期一至星期六都唔驚無野食😋 .B. 咖哩三寶配豆乳家常麵 （$53）咖哩香濃但較少汁汁，魚蛋菇菇同白蘿蔔吸晒咖哩既香味，小脂女差啲忍唔到變多脂女喇！好彩黎多碗豆乳麵，係淡淡豆香既上海麵，平衡番個口感，又有飽肚既感覺，OK!⭐⭐⭐⭐.E. 海南植物雞配黃薑米（$65）（可要求多/少汁、走蔥蒜等）我助手🚗車王話有啲失望、但又有啲驚喜，黃薑米唔夠香口，淡味左少少只似普通飯，但驚喜在植物雞用腐皮代替好軟滑，點完醬真係有幾分似真雞雞！🍗⭐⭐⭐✨ .午餐仲配一杯飲品/湯/沙律，非常圓滿🍶而午餐精選由12點去到6點、非常適合我呢種唔定時放飯既肥朋友最盞鬼係 食完飯憑單買零食仲有優惠添！.🍜咖哩三寶配豆乳家常麵($53)🐥海南植物雞配黃薑米($65)💰Total:$118 .Green Common (將軍澳分店)📍將軍澳唐德街9號將軍澳中心地下G05號舖.味: 7/10飽: 6.5/10抵: 7/10.我🦄小脂女將會繼續同大家跑素 搵盡全

Green Common is providing this futuristic burger, namely” Beyond Burger” to replace the traditional beef burger. It doesn’t taste like beef but soya, yet it tastes GOOD👅👅, especially with the slice of cheeeeese. Goes perfectly with the fries. Its got bright and energetic atmosphere good place to meet up with friends.Recommended!!

辛苦工作獎勵自己食好西：植物蛋素肉多士，比我想像之中大，一人食完真係可以晚飯食一碗菜就夠。但係我就應承咗家人返屋企食晚飯，仲要飽住追北角船🤣🤣建議如果可以有兩個size選擇就更好，又或者下午茶時段出一個細嘅多士再加嘢飲一個套餐。否則飲埋杯嘢對於有食午飯的女仔來講個肚真係就嚟要爆而且$50嘢飲另加，下午茶時段先有得食，比較貴。味道方面冇乜驚喜，多士質感係唔錯嘅。素蛋唔會好似真正雞蛋咁樣黐住係個包度，所以會跌來跌去。比較論盡。薯條質素試過好多次都覺得好有咬口，好鮮味。坐多一陣都仍然脆。Green common有好多菜式我都會encore..不過下次未必會再試呢個配搭了。打算試改邪歸正西多士。

好味午餐@Green Common咖哩三寶 （羅白，雞脾菇，魚蛋）微辣夠惹味豆乳麵好吃午餐連野飲都係$53蚊唔使加一另加左$12試左兩隻餃子，明明係素餃，但好似食緊肉餃咁野飲轉埋蘑菇湯好飽肚！

我鍾意食素，不過係新鮮冇乜點處理過嘅西式素，好驚中式果d 麵筋嘢。green common 嘅素有中式西式，我只係會食beyond burger！賣點就係舊漢堡扒beyond meat，係高科技嘢，想知點勁就自己google 啦。講返味道，夾住其他配菜一齊食，同真肉冇咩分別！但如果就咁食，就食得出係扮肉，不過像真度好高！同埋好飽肚！店內仲有好多gluten free /素食雜貨，推介杏仁奶，gluten free/ soy free cake