Green Common (屯門鄉事會路) (Closed)

原來素食都可以咁好食😝同真肉無分別無肉不歡既我見前排green common有半價就買外賣試下 覺得都唔錯😯😯-未來漢堡 Deluxe $98一見到呢款有黑松露醬就簡左佢😂黑松露醬幾香之餘襯埋磨菇好juicy🤩!塊素扒勁似真肉 都唔錯😂佢仲有款係有牛油果同素芝士片既😍有機會都想試埋～新豬肉椰菜煎餃 $39呢個就普通😂唔知點解覺得啲椰菜好似苦苦地咁反而 樂樂雞 $18 又幾好食 勁彈牙 又炸得脆😝同麥樂雞一樣咁好食又好似食得冇咁罪惡 唔講都唔知原來佢唔係用真肉做既-不過如果冇半價就咁買都少貴😂未必會正價去食

作為一個自認新潮嘅人,一定會試下一啲新派飲食，食肉會令到碳排放增加講左好多年，但偏偏自己係個無肉不歡嘅人，個女又有食物敏感，出街食飯好難揀。得知屯門區Green common 係食vegan food ,所以有日平日下午一點半帶埋女女黎試。試左肉麵意粉，意粉掛汁偏硬，鐘意個口感，阿女都話好好味，係咁食，而且有樣好神奇嘅野就係平時阿女食蕃茄，啲汁一定搞到個咀附近位置敏感同埋紅，但今次完全無，我唔肯定係咪個蕃茄係有機或非基因改造，所以阿女無敏感，讚！加左個薯條，好脆！仲有餃子，個皮好脆有肉汁。非常欣賞餐廳意念，希望多啲人欣賞。

第一次食素食料理既我忽然覺得自己好健康因為平時自己好少食菜 都係食肉為主但經過餐廳 見到啲食物幾吸引 入到餐廳先知係素食覺得幾得意就試下 最特別既係 素食肉都一樣有肉味🤣根本唔覺得自己係食緊素我同朋友仔叫左個二人餐有湯、沙律、小食兩個主菜加飲料🥤我覺得個咖哩飯唔錯 但如果多啲汁會更好仲有個漢堡包好好食！🍔👍🏼⭐️⭐️⭐️⭐️⭐️

假日中午，店入面坐滿哂，大多數都係帶住小朋友嘅家庭用膳。座位闊落有空間，bb椅、兒童餐等一應俱全，的確適合一家大細黎開飯。膳良肉醬意粉（HKD74）就咁一睇以為份量唔大，但其實一個人食一定會飽。意粉偏硬身，男朋友話咬到攰，但我自己就好鐘意啲咁有咬口嘅麵；肉醬其實唔係好食得出有肉，但係蕃茄味幾夠，而且夠結身，可以做到掛麵嘅效果。未來豬柳漢堡（HKD53）就咁睇就平平無奇，但食落就好有驚喜。先係個muffin包，鬆軟又有咬口；一啖咬落，洞洞入面藏匿住嘅柔滑流質素芝士又會慢慢流返出黎，視覺味覺都十分滿足。未來豬柳其實唔係好似真豬肉，不過分分鐘好食過真肉。食得出係豆製品再加啲好香嘅調味，單食可能會大過濃味，但用黎做漢堡就岩岩好balance返。樂樂雞（HKD18）岩岩炸起就上檯，表皮十分香脆，入面肉質無平時食開個隻咁散，不過調味就欠缺，全靠另上嘅燒烤醬俾返個味道佢。不過兩個夾埋又真係好味過平時食嘅多多聲！餐廳連住嘅隔離鋪，係一間賣素食食品嘅士多仔。除左果汁、植物奶之外，仲有相對健康嘅素食零食同埋餐廳煮食嘅原材料——急凍樂樂雞、未來豬柳、素牛漢堡等，似係佢地專賣嘅。睇返標榜「零膽固醇」嘅未來豬柳

放生活動完結後跟朋友黎到呢間新派素食店，原來已經係開咗好多間分店小弟真係孤陋寡聞，睇餐單佢有一些漢堡香腸同新豬肉係傳統素食店小見首先第一個前菜羽衣甘藍無花果沙律，成個沙律都好新鮮羽衣甘藍爽口無花果清甜焗葡汁植物雞配黃薑飯，雞就似一般嘅素肉咁葡汁同平時食開都好接近，黃薑飯有咬口同埋好夠味未來熱狗腸雜菌炒意粉，熱狗腸同真香腸肉一樣，意粉好夠茄味彈牙未來漢堡，就咁睇落去外型同一般嘅漢堡包冇咩太大分別，食落去同食牛肉漢堡包嘅味道一樣肉有汁菜新鮮，因為小弟戒牛好多年，食落太似食牛肉差D以為自己破戒粟米肉粒配紅糙米飯，粟米肉粒都係做得同真肉非常之相似，但係因為本身呢個係一個比較普通嘅菜式，所以食落沒有太大驚喜椰菜新豬肉煎餃，外皮香脆肉有汁呢間餐廳整體黎講味道中上，可以用到素食做到咁貼近葷類食物，可以令普羅大眾更加嘗試素食

咁啱行過屯門 感覺餐廳應該係主打比較新派嘅西餐餐廳唔大 勝在有一大塊嘅玻璃 顯得比較光猛舒服本來想食牛扒意粉 打開餐牌先知原來呢間主打食素的😯😯 食物賣相都幾似樣 同一般食素的餐廳更顯得新潮餐廳的服務員應該是經理吧 見我哋睇左好耐都唔知食乜好(選擇困難症😅),主動過來介紹招牌菜，很友善隨和。經理話素麥樂雞好食，即管試吓🤔Presentation 真係用麥當勞個紙盒出嘅 好搞笑 味道真係同真嘅麥樂雞冇分別 好味！👍🏻😋😋之後點左個口水雞，雖然雞肉味冇乜 但食落去質感都幾似嘅 但就辣咗啲雜菌黑松露pizza, 呢個真係好食!!👍🏻👍🏻松露味勁香 cheese 分布好多!!真的可以將芝士拉成一條 但要趁熱食🤣🤣嘢飲就叫咗杯接木骨花茶,好陌生的名字,見識少😅飲落幾香幾清新 唔錯!另外朋友叫咗杯伯爵茶朱古力豆奶 都好好飲食完呢餐覺得以後可以考慮一下轉飲食路線 除咗感覺好似健康啲之外 其實味道都好唔錯！因為成日覺得食素好似好單調 呢間新派嘅餐廳比到驚喜我！👍🏻👍🏻傾傾吓先知原來呢間green common 原來已經開業左一段時間 而且都有好多分店，而且價錢一啲都唔貴！！埋單都只係二百拎蚊！真係抵食

幾班人企喺門口等，入面就幾十個位喺度。問佢係唔係任座，就話撳掣攞飛，我第一個就撳左啦！大佬呀我抱住一個拖住一個，咁多位都安排入座先啦。行咗去繼續唔理我。到叫食物時都唔覺啲服務員友善，到食晒野杯果汁唔黎話取消先話比我，我以為鮮榨原來就係隔離個雪櫃攞，乜而家啲服務差成咁

對於食素既概念本身依然停留係齋鋪入面既素雞素鵝 今次因為朋友介紹去試一試 點知有驚喜 一黎就點左樂樂雞 肉醬意粉同咖哩漢堡排配紅米飯 樂樂雞第一啖食落去就覺得同麥當勞既唔同 因為係好食過麥當勞 意粉入面既肉碎同咖哩飯既漢堡都整得好似真既肉一樣 好難相信自己食緊素 同行朋友都嚇左跳 價錢亦都唔貴 咁岩樂樂雞做優惠先10幾蚊一份 最後埋單兩個人加埋唔洗200蚊 下次會再去 另外想讚下餐廳入面既侍應 睇得出佢地本身都鐘意食素同埋好nice 想出街食飯又想健康d既話絕對值得一試！

想試呢間賣「新豬肉」餐廳好耐，對佢嘅期望幾高嫁。因為好支持食素呢個理念嗰日我哋等左差唔多半個鐘先有得入座。見佢都幾受歡迎，唔知係唔係大家對素食都越嚟越支持。入到去，佢嘅漢堡包就係我哋嘅目標。之後見到餐牌入面有好多唔同種類嘅食物，有中式嘅飯，又有西式嘅意粉，最特別嘅係佢有海南雞飯同埋日式烏冬咁我哋就帶多個海南雞飯試吓。大概等左10分鐘到，嘢食就上枱啦！個漢堡包佢好窩心咁幫我地切開兩邊，個包其實都覺得幾好食。咬落去外邊係脆脆地，然後個肉其實食唔到同平時素肉既分別味道都係比較普通。然後個海南雞飯其實有點兒難食因為佢係我最討厭素肉玉豆皮味道而且飯唔算好熱又成碟味道唔出食出色，所以實在有點兒失望。叫多個炸魚薯條試吓，咁呢個就比較好食嘅，魚好鬆脆而且薯條好粗亦無油味最後甜品就實在係敗筆，應該係雪左好耐所以拎出嚟嘅時候好硬，又乾所以總括嚟講係有少少失望漢堡包可以一試其他就當支持下啦

近日吃了太多肉，想吃得健康一點，便到了V-City 對面的Green Common 7點半到達，不用等位點了植物肉豆乳擔擔面和未來漢堡咖哩飯植物肉豆乳擔擔面(走蔥蒜)1.湯底和麵應該是原來的豆乳麵，麵的軟硬度剛好，只是有點黏成了一團的感覺，要花點時間分開麵條。2.湯面混合了辣油，香而不辣，不過沒有花生醬味。3.新豬肉的口感也像真豬肉。整體:6/10分未來漢堡咖哩飯1.咖哩:日式咖哩，不辣少甜，只是吃到最後，汁不足夠2.未來漢堡：幾可亂真，跟咖哩配合得很好👍🏻整體分數：7.5/10是晚人均消費$87

住屯門好多年, 成日都諗NEWAY隔離個地盤幾時先起好樓, 會唔會有新商場呢?今日收工行街無啦啦過左去行, 呢個地盤終於起好左, 仲有幾間餐廳添!係對面馬路就望到佢地既POSTER好大張, 入面有得買野食同堂食~男朋友原來自己偷偷地黎食過, 佢話呢度既特色係素豬肉本身想叫樂樂雞(好似麥樂雞咁既野), 但店員話賣曬, 所以叫左肉丸咬落去真係難分真與假, 唔講都未必知係素黎, 有4粒 我食左3粒, 唔比男朋友食男朋友就叫左漢堡扒飯, 其實舊"肉"食落去食好似佢地個素肉丸, 但會比較鬆化, 口感有少少唔同.我的最愛黑松露!! 離遠已經聞到好香既黑松露味, 由於呢碟野係無肉既, 清淡左少少, 但配上超多既黑松露就好香, 唔會冇味.不過我真係好想試下樂樂雞.. 希望下次黎到有得食LA..

在這街道上開了很多新餐廳，家人建議到其中一間試試。我們在街道上徘徊一陣子，便選了這間看上去闊落光亮的素食餐廳。這裏大大顛覆了我們對素食店的印象。過往我們到齋舖吃齋，吃的都是中餐，部分齋還要是非常油膩。這裏的餐點多元化，由西餐的薄餅漢堡、中餐的海南雞，到黃薑飯也有，偶爾看到外國人在這裏進餐。未來熱狗無花果薄餅(6’’)($62)，用上素熱狗腸、無花果、純素水牛芝士和紅菜頭純素蛋黃醬。無花果成為薄餅的主要材料和味道，烘香的薄餅底承托着無花果的香甜，熱狗腸的口感和味道略被無花果掩蓋。用料足，每一片薄餅都吃到無花果。黑糖抹茶豆奶(套餐+$18)，遠處一枱人都點了這一杯飲品。豆奶的味道較出，抹茶次之，黑糖不多，主要是沿着杯邊，需攪拌才嚐到黑糖甜味。面層浮着一粒粒殼物，口感既軟又靭，十分特別。整體味道自然，甜度適中。新豬肉豚骨風味拉麵($75)，這個我覺得是最好吃的。主要是豚骨湯底味道濃郁得來而不會令人口渴，喝一口就會禁不著多添數口。拉麵滑中帶點煙靭。新豬肉少了真正的肉香，卻多了一點豆香。整體與真的博多拉麵相較，這個味香而不膩。焗葡汁植物雞配黃薑米($79)，上桌時聞到黃薑的香味。雞肉的口感非常好

老公本身係想食另一間 睇錯野入左呢間⋯ 原來係食素既。 D價錢都唔係貴，咁嗌左一個黑松露意粉，一個係葡汁植物雞飯加左錢嗌左兩個湯一個雜菌湯 一個雜菜湯兩個湯都正正常常既但意粉就同平時食開個d唔太同味囉⋯ 平時食野我會食哂既都剩到咁老公個植物雞飯難食到食唔落😂😂中哂伏，講真佢係concept係好，環保食素，但都要整得好食嫁嘛d野

收工8點零同女朋友肚仔餓,徒經新墟睇下有冇咩鋪頭好食.見佢鋪面裝修好似幾得,又未食過呢間野,就入去坐低試下我地總共叫左2個意粉,1個湯,1個煎餃,1杯野飲落完單大約2分鐘就拎左個$3X野菌湯,飲一淡,味精.一味得個鹹字,同女朋友飲左兩淡已經放棄,飲唔落跟住過多2分鐘再黎左個$39既豬肉椰菜煎餃(4隻),一咬落去,嘩,仲衰過百佳個啲,唔香,皮大,好大陣雪味之後過多3分鐘拎埋兩碟意粉,分別係$7X植物肉醬意粉同$8X野菌黑松露意粉個肉醬意粉得一大陣番茄醬味而野菌黑松露意粉就係完全無味,意粉好似無落鹽煮咁.上菜速度勁快,心諗一係煮定一係就番叮之後差唔多食晒野等左成十幾廿分鐘杯野飲唔見左人,就吹吹佢睇下係咪溜左單最後講埋杯飲野,好似叫無花果青檸梳打之類,廿幾三十蚊杯,勁細杯,冰勁大粒,最重要係,大佬阿完全無味服務員成6-7個,2個係收銀處吹水傾計,2-3個係出餐度面壁思過唔知做緊咩,剩低1-2個係度招呼有對情侶入黎係門口睇緊餐牌,我幾想叫佢地走人千其唔好入黎最後2個人食左290幾蚊真係無下次

服務態度和食物質素大幅退步Pizza Hut  價錢，但低賤茶餐廳的服務，而且還要加一服務價事發於8月12日 晚市時段當時沒有人等位，而且有很多空位，因為沒有侍應理會我們兩人，於是我們自行選擇位置，選了四人枱，走到所選位置之時，侍應才問我們多少人，然後大發脾氣般收拾剩下的餐具後來，更與其他侍應仇視我們總之，客人所選的位置不合侍應的心意，侍應就一臉不滿希望可以改善，因為今次已經是第二次食物質素方面，菜湯淡了，而且加入香草，味道十分不配一如以往，點了焗素雞扒黃薑米，但心機分少了，沒有切小件沒有新開將那時的細心相比起其他連鎖餐廳，我看不出這所連鎖餐廳的專業