綠茶餐廳 (創紀之城五期(apm))

Open Now

Now Closed

近排香港大熱嘅中國過江龍餐廳，係APM開左第3間分店🔥餐廳內裝修得好有古代中國嘅感覺，而且店員嘅衣著都好復古，對香港人嚟講係一個新體驗👍🏻餐廳空間闊落，唔洗同隔離枱逼嚟逼去，所以都食得幾舒服☺️.味道：🌕🌕🌕🌕🌑人均消費：$200.龍井烤雞 $138呢款烤雞可以話必試🤩雞皮烤得外脆內軟，雞肉好嫩滑，份量都適合2-3個人食🥰而且底層有一陣陣龍井茶葉嘅燻香，所以食落係有一陣香味，十分特別😋薺菜碎肉千張包 $88千張包嘅外包似一層腐皮包住薺菜同碎肉，成粒嘅感覺係大粒啲嘅水餃咁👍🏻值得一提係浸住嘅雞湯，幾清甜同埋配千張包一齊食係好夾🥰南乳醉鮑魚 $98鮑魚片數量都算多，而且每塊切嘅厚度適中，食落都彈牙😋重點係南乳醬唔會好咸同濃郁，配落鮑魚片一齊食係幾新奇，但整體都幾好食☺️狀元芋頭煲 $88芋頭煮到十分淋同入味，而且配啲碎肉一齊係超啱撈飯食🤩芋頭控一定要叫，因為食落係唔會好濟果啲🥰土豆芝士塔 $22芝士都幾多，再配埋酥脆嘅塔皮同埋滑滑嘅薯蓉，一啖食落都幾惹味🥰

近年內地餐店進佔香港商場已成常態，依間中菜館擁有江南景緻，令人坐得舒適。美食好多選擇，菜式充滿新鮮感，而且價錢實惠，一家大細晚飯的好地方。龍井烤雞 $138招牌烤雞係幾好食，雞皮脆薄無油脂，肉質嫩滑有肉汁，以龍井茶葉煙燻，有陣陣清幽嘅茶香。有辣粉可蘸更加惹味。野菜腐皮卷 $78薄薄的腐皮包著大量菜苗，味道清甜少少青，好有鄉土味，感覺健康清新。粉絲裹蝦 $108粉絲蝦煲即場烹煮，淋上醬汁煮數分鐘，店員用計時器精準無誤，唔會煮得過火。粉絲收汁剛好，非常上色入味，唔會好咸。洋蔥好淋，蝦仁軟嫩彈牙，敏出簡單高水準小菜。土豆芝士塔 $22酥皮撻底填滿幼滑的薯蓉，混有煙肉和薯粒，面層有香濃芝士，咸咸甜甜，非常滋味好食。

觀塘APM都開咗綠茶🤩七點之後就開始勁多人，好彩我哋早到😆 APM分店環境都一樣咁靚😚竹林風～古色古香嘅味道🎋茶位每位$12🌱一嚟到就會有龍井綠茶飲🍵粉絲裹蝦 $108呢個係每次必點！店員全程幫我哋整😚 6分鐘之後就有得食🤤蝦肉超級鮮嫩😋粉絲係精華🤩索曬啲鮮甜味🍤自己食一份都冇問題🤣砂鍋西施豆腐 $88呢個又係超好味！豆腐好嫩滑😋仲有蝦乾、芋頭粒、豬肉碎調味！口感味道都好豐富🥳蛤蜊絲瓜 $78蔬菜一啲都唔Hea 好足料👍🏻勁多蜆肉😍鮮蕃茄煮有機花菜 $68好似好普通嘅菜花，但真係整得幾好食！酸酸甜甜，係新鮮蕃茄嘅味道🍅菜花軟硬適中❤️‍🔥老紹興喉囗豬肉包 $38豬肉包size有啲似小籠包，可以一啖一個😆包皮好軟熟！入邊豬肉餡都好味😋西湖雷峰塔 $28香港限定嘅甜品！係山藥凍配青豆汁！超級特別😆唔會好甜👍🏻係養生嘅甜品💕西柚杏仁豆花 $48上面嘅西柚汁酸酸maymay超解膩！下面杏仁豆花有啲似布丁嘅口感，杏仁味濃，唔會太甜，推薦🥰

呢一間中菜館係apm見好有特色🌟，外面仲有中式音樂表演即刻決定試下🥳蔥香脆皮烤鴨作為呢度嘅招牌菜之一就一定要試下啦🤩，烤鴨皮脆肉嫩，咬落超級惹味，香口得嚟又唔膩🤪黑醋脆皮牛腩平時食開炆牛腩多😝，估唔到炸完再點黑醋可以咁夾！外脆內軟，個汁酸甜開胃😌七味鹽香脆九肚魚九肚魚炸得通透🔥，魚肉仲keep到嫩滑，而且椒鹽口味真係好香口😜茶香奶凍茶味同奶香平衡得啱啱好，好有茶香味道而且唔會太甜👅

最近APM開咗「綠茶餐廳」新分店，係國內有二十年歷史，絕對要去試吓👏 ，餐廳主打浙江菜，仲有米芝連星級名廚設計嘅菜式，色香味俱全黑醋脆皮牛腩牛腩外脆內嫩，配上黑醋醬，味道酸酸甜甜，開胃粉絲裹蝦🍤蝦肉鮮甜彈牙有口感，建議用粉絲包裹住食，咬落去有層次感，令人回味蕭山蘿蔔乾炒飯米飯炒得粒粒分明，蘿蔔乾帶出咗特別嘅風味，簡單但好味龍井烤雞龍井茶香浸透雞肉，烤得金黃酥脆，肉質鮮嫩，滿足老肇慶猴口豬肉包，一籠有五件，豬肉餡香滑，外皮鬆軟，食完一個仲想食第二個！麵包誘惑🍞🍦最後一定要試嘅甜品🤤 烤得香脆嘅麵包配上雪糕，口感對比超正「綠茶餐廳」嘅裝修典雅，環境舒適，店員服務到位，無論係朋友聚餐定係家庭聚會，都好適合🥳

新開張位於觀塘APM嘅人氣餐廳「綠茶餐廳🍵」，呢度由米芝連星級名廚設計江淅菜式，無論係賣相定味道都一流，絕對值得一試！👨‍🍳🌟首先一定要試吓佢哋嘅 「蔥香脆皮烤鴨🦆」，皮脆肉嫩，鴨肉多汁，配上滿滿既香蔥同特製醬汁，食落真係好滿足，口感層次豐富，正！😋再嚟係 招牌菜「粉絲果蝦🦐」粉絲吸晒啲蝦嘅鮮味，蝦肉爽口彈牙，加上微微嘅辣味，食落好開胃，真係停唔到口！🍜🔥「砂鍋西施豆腐🍲」都係必試，豆腐滑溜溜，入口即化，砂鍋煮出嚟嘅湯汁濃郁，仲有青豆等不同配料，配白飯一流。💖「蕭山蘿蔔乾炒飯🍚」都唔錯，蘿蔔乾鹹香得嚟帶啲爽脆，炒飯粒粒分明，鑊氣十足，食落好有家鄉風味，好有驚喜！🥕🍳最後要推介嘅係 「喉口豬肉包🥟」，有啲似生煎包，包皮鬆軟，豬肉餡料多汁，咬落去爆汁，食完仲想再encore！🐷💥總括嚟講，「綠茶餐廳」嘅菜式精緻又美味，但絕對物有所值，大家有機會一定要試吓！👍😊

綠茶餐廳於內地有相當人氣，陸續有多達400間分店，特意邀請米芝蓮同黑珍珠主廚擔任飲食顧問，務求將個人特色及創意美學融入各款菜式當中。✿ 海苔芝麻球 $38諗起平時酒樓食嘅煎堆😆表面沾滿芝麻，但就緊系吾系一般煎堆咁簡單，裡面食到海苔陣陣香氣💚配搭非常新穎，可鹽可甜。✿ 鮮果鵝肝塔殼 $128鮮果系芒果🥭底部有少少鵝肝蓉，味道吾腥，芒果香甜開胃💛撻皮亦好有驚喜好香脆～✿ 龍井烤雞 $138餐廳招牌菜式之一，之前食過上海菜龍井蝦仁覺得正，今次就試吓龍井烤雞🐔有淡淡龍井味清香，估吾到茶香同食物系可以咁夾☕️烤雞皮脆肉嫩，香氣十足。✿ 粉絲裹蝦 $108平時最常食粉絲蝦系中菜館或者大排檔，呢度都有得食。店員呈上菜式時會先用蓋蓋住一陣，令其食材更溫熱🔥粉絲一條條頗有嚼勁，蝦仁新鮮又爽口彈牙🦐✿ 江南綠茶餅 $28江南地道名物🍵將茶葉打碎後過篩成為麵餅，裡面芋泥餡軟綿香甜。沾上大量白芝麻，口感外脆內軟。

三色雞絲涼麵而家天氣轉熱，食涼麵就最啱胃口。涼麵係手工麵黎，麵身彈牙得嚟又唔會太硬，而且混合左菠菜，南瓜，紫薯，形成三種顏色，好睇得黎又好食。薺菜碎肉千張包柔韌的外皮包裹薺菜同碎肉的鮮美內餡，底層有一直用蠟燭暖住嘅雞湯，完全唔怕放耐左會凍左唔好食。龍井烤雞一開始會成隻雞咁上等你打下卡，之後會有人幫你切開唔同部位，非常貼心。雞嘅表皮金黃油亮，雞肉嫩滑多汁，龍井嘅清香完全滲入肉質裡面，非常好食，推介！黑松露牛肉炒飯一上菜就聞到黑松露濃郁嘅香氣，而且非常夠鑊氣，炒飯粒粒分明，而且表面有層好靚嘅油光。牛肉粒軟硬適中，又唔會炒到好乾，係個高質嘅炒飯。另外，唔好睇店外好似好細，但其實店内空間非常大，而且好整潔。

野食我覺得中規中矩..以價錢黎講系吾太貴 性價比都ok但系有一樣吾太理解 網上book位只可以4個或以上book到..但系如果2個人食 不但吾可以book位 要walkin拎飛..依樣就覺得系咪想賺d多人位既錢多過2人位既錢再加上觀塘台門口侍應態度吾好…串串共岩岩開業冇耐就咁…所以吾太想再食多次

🔸茶芥: 九曲紅梅 $12/位🔸龍井烤雞 $138🔸老紹興蔥油腰花 $128🔸黑松露牛肉炒飯 $88🔸麵包誘惑 $88-茶芥嘅茶葉係九曲紅梅，茶香清雅，解膩又醒神。龍井烤雞係必試之選，雞皮烤得脆香，肉質嫩滑，搭配龍井茶葉嘅清香，滋味層次分明。老紹興蔥油腰花嘅腰花爽滑，紹興酒香濃郁，仲有蔥油嘅提味，非常滿足！主食方面，黑松露牛肉炒飯係驚喜之選，黑松露嘅香氣完美融合牛肉嘅鮮味，每一口都係高級享受；最後，甜品「麵包誘惑」真係畫龍點睛，麵包外脆內軟，加埋雲尼拿雪糕，幸福感爆棚。綠茶滋味十足，價格亦合理，可以一試！

30年老杭州人，從沒吃到過如此難吃還貴的杭幫菜。點的菜端上來和餐牌照片完全對不上。小籠包號稱是手工現包，實際和20元能買2公斤的速凍小籠包一個質素，比杭州路邊早餐攤位上的小籠包還要難吃。麵餅醬香五花肉的肉已經炸枯，咬下去都硌牙，完全背離了杭幫菜“輕淡適中”的特點。春韭蠶豆煮螺片，蠶豆是冷庫冷凍的已經乾癟了，螺片切片切的非常厚，從沒見過如此厚的“螺片”，可以直接叫做“螺粒”。3個菜連加一盛惠360，在杭州這頓要敢收60我都要報警。

內地人氣爆燈嘅綠茶餐廳，之前喺網上見到成日話好食，早早就想試吓，今次開喺觀塘apm，終於有機會一試真味❣️作為佢喺香港嘅第3間分店，熱潮真係未退，weekday夜晚去到，座位都full爆！餐廳主打江浙菜，環境好有中國風，入到去見到江南水墨畫佈景，配上翠竹同假山石，滿滿國風味，似足置身西湖邊，4,000呎嘅空間夠晒氣派，影相打卡一流！🎋✨🫖🐥龍井烤雞 $138 呢款烤雞性價比高，一上枱即刻聞到陣陣龍井茶香。店員好細心會成隻雞上枱俾客人打卡，再拎去剪件。雞皮烤得脆卜卜，肉質嫩滑juicy，茶香入味但唔會搶戲，呢個價錢真係叫抵食！唔怪得咁多人推！🦐🍚 蝦湯泡飯 $88 一碗熱辣辣蝦湯泡飯，有白米同脆米，仲有鮮蝦同蝦米點綴，米飯吸晒湯汁，清淡得黎好有風味。🍗 金沙雞翼 $68 蛋黃醬裹得實實在在，唔會一夾就散曬，咬落外脆內嫩，蛋香濃郁又唔膩，份量啱啱好。🍞 麵包誘惑 招牌之王，話係暢銷20年賣咗600萬份。麵包鬆軟，上面有一球雲呢拿雪糕 ，甜咸交錯，咬落好似返咗小時候食下午茶嘅感覺。個包都幾大，食完呢個真係塞飽晒🥰呢度有杭州米芝蓮星級名廚俞斌監修，以傳統江南味為基底，加咗創新元素，味道同

「綠茶」餐廳位於APM商場內，店內的設計巧妙地結合了現代與中式元素，打造出典雅而舒適的氛圍。搭配柔和的燈光，加上綠色植物點綴其間，讓人感到自然與和諧。植物不僅為餐廳增添了生機，還營造出一種放鬆的感覺，使整體環境更具吸引力。桌與桌的間距充裕，提供了舒適空間，非常適合朋友聚餐或家庭共享。服務員態度友善又專業，讓人感到賓至如歸-最近「綠茶」的新菜單<春饗•知味>>展現了傳統中菜的創意演繹，每道菜都充滿驚喜-🔸龍井綠茶入口時的淡雅香氣與回甘層次令人陶醉，非常適合作為正餐的配搭-🔸薺菜碎肉千張包千張包以柔韌的外皮包裹薺菜和碎肉的鮮美內餡，底層是暖笠笠的雞湯。每一口都滋味十足，既有傳統的熟悉感，又具創新的精緻感-🔸土豆芝士塔酥脆外皮與濃郁芝士及土豆內餡的完美搭配，層次分明，口感豐富，外形精美，特別受芝士愛好者的喜愛-🔸龍井烤雞這道菜以鮮嫩多汁的烤雞為主角，外皮微脆，散發著濃郁的龍井茶香，完美中和了雞肉的油膩，使整道菜更顯清爽-🔸花菇燒豬手花菇燒豬手是一道非常經典又令人滿足的主菜。燒得軟糯的豬手配上吸滿湯汁的花菇，每一口都充滿膠原蛋白的滑順感與濃郁的香氣-春饗知味的新菜單成功

晚餐叫咗粉絲裹蝦（煲上，多油，但好在粉絲冇黐底）、撈汁蘆筍（廚師應該要再研究吓，草青味太濃）、天目筍火腿老鵝湯（湯淡咗一啲，鵝太韌同埋多油）、麵餅醬香五花肉（入面嘅五花肉炸過太韌）、砂鍋西施豆腐味道OK

喺Apm 搵咗間環境好有特色嘅餐廳裝修得古色古香，座位寬敞舒適😌ღ 龍井烤雞 $138烤雞嘅表皮金黃酥脆，而內裡卻保持著多汁嘅口感。搭配埋龍井茶嘅獨特香氣，更具風味，令人食唔停口，回味無窮。ღ 粉絲裏蝦 $108粉絲吸收晒蝦嘅鮮味，食落口感彈牙。好味之餘營養又豐富ღ 高湯蝦乾小青菜 $58高湯清澈透明，味道鮮美，搭配蝦乾嘅鮮味同小青菜清脆嘅口感，味道清新層次感豐富ღ 西湖雷峰塔 $28外觀精緻，入口冰凍涼浸浸，令人感受到淡淡嘅甜蜜。ღ 九曲紅梅 $12/位