Greyhound Café (新城市廣場) (Closed)

幾年前已經好喜歡Greyhound Café椰子千層蛋糕，椰子肉好足料，間中都好想去食。呢日同Mr.K入左沙田影相，見到忽然好想食，一直有留意評論話差左，希望唔好失望啦！薄切三文魚配泰式辣汁三文魚面舖了泰式辣汁、刁草、蒜片和香草醬，把三文魚加埋秘制生蒜辣汁一齊食，一口嘗盡酸甜香辣層次，作為前菜非常醒胃。招牌脆炸單骨雞翼唔係一般的炸雞翼，雞翼用泰式魚露醃制再生炸，外皮脆卜卜入面唔會乾爭爭，單骨更方便進食。最喜歡他們的飲品非泰式檸檬茶莫屬，平時不喜加冰是因為怕沖淡茶底，這裡的冰塊是用檸檬茶製成，所以飲到最後一口，味道仍然濃厚，不會變得淡如清水。啖啖蟹肉黃咖哩飯呢度的蟹肉飯係激多蟹肉，蟹肉夠鮮味配上偏重椰奶帶甜味的黃咖喱，好有泰式風情，咖哩份量係足夠撈成碗飯食，唔會去到最後要食乾哽白飯的情況。龍蝦炒金邊粉我以為是有龍蝦肉的金邊粉而已，上到桌才知是如此誇張，原隻龍蝦一齊上，驚喜！金邊粉炒得乾身，旁邊有齊碎花生及辣椒粉，可根據喜好加入，走過油嘅龍蝦肉，爽口彈牙，好食！ 終於到左甜品時間，估唔到兩個主菜都咁大碟，黎到一定要揀佢個signture cake椰子千層蛋糕，雖然層數比之前明顯少左，但新鮮

成個大學階段都喺沙田呢邊渡過，亦成日黎沙田新城市廣場，但偏偏冇試過呢度間Greyhound。同其他分店一樣，佢decoration走trendy, chic路線，燈光咁暗，幾有情調。而我黎之前已經好清楚自己要叫乜，就係炸豬手同試佢地嘅crepe cake!!先講豬手，份量真係超級大，而且有竹籃糯米飯、蔬菜同兩款醬，睇落好有睇頭！豬手皮每塊都炸到脆卜卜，豬手肉就夠嫩滑，每舊都口感豐富，而且調味唔會過咸，好好食！兩款醬分別係帶甜嘅沙嗲醬同酸辣汁，兩款都帶泰國風味，但我覺得唔洗點都夠好食👌🏻龍蝦金邊粉又係超大碟，仲要原隻龍蝦上，淨係叫黎影相都抵😂Crepe cake我揀左mixed berries 味，黎到發現超級大件！雖然唔係好食到千層嘅感覺，但蛋糕加左好多藍莓同紅莓，另再配一杯紅莓醬比我倒落去，用料十足，而且酸酸甜甜幾好食👍🏻

呢間泰國fusion餐廳一直都好想食，今日終於食到喇，平時一直都好多人排隊頭盤點左泰式海鮮沙律再加一碟三文魚。海鮮沙律超級足料，有三文魚，魷魚，蟹肉，十分好食。依家啲三文魚係凍食，配埋面頭嗰啲醬酸酸甜甜咁十分開胃。主菜點左海鮮墨汁意粉同龍蝦炒金邊粉。墨汁意粉口感一流，而且好足料，有幾隻帶子煎得好香。而個金邊粉就原隻龍蝦上，十分鮮甜，入邊仲有龍蝦膏。甜品點左泰式奶茶千層蛋糕超級好食。本身千層蛋糕口感十分好，另外配有一杯嘅濃縮奶茶，鍾意食濃味嘅朋友可以點埋個奶茶醬。嘢飲，就梗係泰式奶茶啦，同係泰國飲既味道完全一樣，另外仲叫咗杯雜果乳酪，又係正既。

我記得上星期好大雨嗰陣時候肥雞同咗朋友去沙田新城市廣場試下呢一間主第一泰式fusion嘅餐廳，咁肥雞入到去梗係嗌番杯咖啡先啦，前菜嗌咗冬陰功大頭蝦湯同埋米紙卷，咁佢嘅冬陰功大頭蝦湯入面仲有啲雲吞仔喺入面，雲吞入面有一成隻蝦啲湯酸超酸辣就唔係好啦，如果係鍾意飲酸嘢嘅朋友仔可以試下咁佢個 雞肉米紙卷啲米紙卷比平時出街食嘅口，所以食落去好有口感，佢成個菜唔會話好濃味，所以你可以點下啲甜酸醬佢中和番個味道咁主菜肥雞嗌咗個龍蝦龍蝦炒金邊粉同埋黃咖哩蟹肉飯，呢兩個main dish完全出乎肥雞意料之外，佢個龍蝦先走去過悠，然後再炒龍蝦啖啖肉配賣熱辣辣嘅金邊粉，加埋香脆嘅花生碎， 除咗用豪華呢兩個字已經諗唔到形容詞佢個黃咖哩蟹肉飯又係1樓全部都係滿滿嘅蟹肉一啲都唔吝嗇甜品就係芒果糯米飯同埋奶茶cream cake咁個奶茶千層蛋糕就普通啦冇乜奶茶味

今晚肥妹仔去咗沙田沙田新城市廣場度做嘢做完嘢已經八點幾喇，行咗一圈，見到有呢一間好出名嘅新派泰國餐廳，於是就捉住肥妹仔同事一齊入去食。有於肥妹仔真係太肚餓嘅關係，我哋係叫咗前菜，主食，甜品同嘢飲，真係超級豐富。越式鮮蝦雞肉米紙卷呢一個米紙卷每一粒都細細，入面就包咗蝦仁同埋雞肉，本身係冇乜味道，只係食食材嘅本身嘅鮮味，點埋附上嘅甜酸汁，好開胃好好食。冬陰功配意大利雲吞其實肥妹仔係未食過意大利雲吞，今次係第一次食。佢呢個意大利雲吞入面淨係包住咗一隻蝦，但係我相信意大利雲吞唔係個主角，而佢本身個冬陰功湯係主角。呢個冬陰功湯係偏酸，微辣，唔食得辣嘅人都可以食。而佢嘅大頭蝦好新鮮，蝦頭有蝦膏，蝦肉爽口彈牙，正。龍蝦炒金邊粉肥妹仔去到邊一間泰國餐廳都一定會叫金邊粉，呢一度嘅金邊粉係升級版豪華版，係原隻龍蝦一齊上。佢嘅金邊粉好好食，炒得好乾身，但係最吸引嘅走過油嘅龍蝦肉，一絲絲非常爽口彈牙。 啖啖蟹肉黃咖哩飯呢一個蟹肉黃咖哩飯又係不得了，通常被妹仔食咖哩蟹肉飯呢係咖哩多個蟹肉，呢一度係 蟹肉多個咖哩 ，真係一啲都唔手軟。 蟹肉好新鮮，鮮味好濃，咖喱係偏重椰奶味，好香好滑。肥妹仔撈埋成碗飯食，超級滿足

非常難食都無說好不好食啦沒有一樣東西是熱既 湯是溫的 菜是凍既然點左mini burger 菜單上係三個 巨攞個普通餐盤裝左兩個俾我 我問巨乜地菜單不是三個？又拿回去換了個長碟裝多左一個俾我 旁邊d薯條有兩條是熱既 兩條凍既 都唔知乜嘢意思 點左脆皮豬手糯米飯 糯米飯中用個膠袋套著 豬手係完全凍既 點既時候中話要等20分鐘 個皮硬到根本咬唔到 個椰子雞湯竟然係冬陰功味既再講服務同d服務員講d野難食 凍既完全無d反應 好似唔關巨地事一樣我話個burger點解係兩個？幾個服務員攞個菜單係度對照好似唔知巨應該係點樣既我媽咪話個豬手硬到食唔到巨話係甘既 我話至少要熱掛？巨話熱左更加硬 你中要唔要加熱啊？

呢個冬陰公龍蝦🦞主菜原來係個龍蝦，呢個龍蝦比我想像中咁大隻，超多肉好鮮甜而啲雲吞，雲吞呢就真係得好細粒，但係佢用好薄嘅皮所以食到鮮蝦嘅味配搭冬陰功湯主菜就叫咗個鮮蝦帶子墨汁麵，帶子大大粒，配上黑色的墨魚汁🤪最後甜品就叫咗個斑斕千層糕蛋糕，好有特色，甜度適中，又唔會太溜，仲有得落斑斕汁 ，如果你唔鍾意太甜可以唔落咁多，不過本人就落哂，因為實在覺得太好味了

今日去左沙田新城市廣場底層，去食greyhound cafe ，原來呢間野喺泰國都幾出名，喺香港仲有好多分店。先來前菜：秘製辣肉醬手包粉卷🌯用菠菜包住粉皮跟住再落肉醬啲菠菜蒜頭汁，超級非常好食，個肉醬汁唔算太辣係岩岩好之後主菜平時都食得韓國部隊鍋多🥘，都係第一次試食呢一個泰國部隊鍋，入邊有好多海鮮嘅料，不錯喔！最後甜品就叫咗奶茶千層蛋糕相當唔錯，有少少好苦，帶點甜，會食到好重好奶茶味，好有特色！🤪

同朋友晚上過來食，我見餐廳話有素食就入左去食啦。不過呢都有點失望，可以簡的素菜真係太少啦。加埋得4-5款到。實在太可惜。我見左個飯食，仲有個芒果糯米飯。整體都可以的，不過希望再多點素食簡啦。

泰國菜在我心目中一向都排在極高的位置，喜歡它們多元的味道，菜式運用天然多樣化的香料，加上色彩鮮豔的配菜，令泰菜成為一種個性鮮明，簡單又多元的料理。Greyhound Cafe 的泰式料理就融合了傳統泰菜的精隨並加入西方料理的靈感和元素，做出多樣化的菜式，並調和出平衡的美味。餐廳有多間分店，而我今天去了沙田新城市廣場的分店，餐廳用了樸實又帶著時尚簡約的設計原素，加上侍者友善的態度，令到整個用餐個程都十分輕鬆自在。薄切三文魚配泰式辣汁 ($118)👍👍👍👍👍薄切的三文魚用了泰式的辣汁、刁草、蒜片和香草醬。把三文魚包著所有材料，一口放入口內，首先吃到是泰式辣汁的酸甜味道，接著就是三文魚的鮮甜並帶有少許煙熏的香味，最後就是蒜片、刁草和香草醬多種的香氣。這個前菜味道清新怡人，亦為今天的晚餐作一個風味的前菜。啖啖蟹肉黃咖哩飯 ($198)👍👍👍👍黃咖哩在紅、黃、綠三種咖哩當中，屬於最溫和的一種，味道比較甜而香氣濃厚，配合鮮甜的蟹肉就最適合不過。材料用了鮮嫩的蟹肉，加入洋蔥、通菜、紅辣和雞蛋，並配合茉莉香米。蟹肉份量十分多，與白飯的佔比各半，正如其菜名，啖啖蟹肉。蟹肉咖哩飯還附有一碗鹹菜肉碎清湯。芒

下午茶時段，又唔想食太多野，但又想坐得舒適啲，Greyhound係唔錯嘅選擇。平時食一件cake都要60幾70，下午茶點一件椰子千層蛋糕加杯招牌檸茶，都只係$58另加一，另外再點咗個迷你漢堡加杯野飲都只係$78另加一，兩個人食埋單都係$150，傾下偈、嘆下茶，Hea下時間，都唔錯。不過唔知係咪下午茶關係，杯檸茶斟唔滿，亦唔知係咪間間嘅水準都唔同，平時去開尖沙咀、旺角嗰間，杯招牌檸茶會帶點青檸酸，比較好飲啲，沙田呢間略為甜咗啲，有失泰式青檸茶嘅風味。

呢間唔使點等位，就入左去食。空間寬敞，不錯！4個女仔叫了前菜、兩個main course、一個菜、一個小食、一件cake，味道不錯。先先佢話蛋糕碟冇得寫生日快樂，後尾放左個朱古力生日排，仲點埋支candle，絕對是加分位👍

首先，呢度d服務員好有性格，佢要回應你時自然會回你，多謝唔該呢d字眼係唔會出現。就算佢地拿錯野食來，你同佢講，佢都係正眼都唔望你一眼，講句轉頭幫你跟就算，個個仲要好似係經理來的。我地今日係想食waffle, 先來呢間泰國野試，之前見佢d甜品都OK。係佢度食完d普通set lunch, 要左個香蕉朱古力waffle.🙄🙄，外面軟的，都算，內面糊仔咁唔知熟未。同佢地另一個服務員講，我問佢你地的窩夫係唔係腍的，裡面好似糊仔，咁都有禮貌話轉過一份俾我，我話唔需要了，但個個經理係旁邊冷笑咁講左句，『佢要脆的窩夫？』

兩個人點咗三碟野食 ，原本怕叫太多，食完三碟就好似食空氣咁 ，要出去再食碗麵！味道其實不錯、環境也舒適， 就是份量及食物質素差！ 總叫了三碟 ， 如下：1）炸雞好大碟 ，但全都是面粉 ，冇乜雞肉可言。2）意粉 味道不錯 ，但份量小得可憐 ，食兩三下已食完。3）豬頸肉飯 ，份量又係少 ，而且食物不夠熱。總括，價錢都不算便宜、份量少、質素差，性價比低 ， 食物不夠熱 ，不會再食！ 食咗我三四百蚊連基本食飽都做唔到！已向經理反應， 他很接納 並感到抱歉以蛋糕🍰感謝我們的意見

Greyhound 已經在泰國出名左一陣子，但去到泰國無食，在香港試左🤣好耐都冇去沙田，上幾個星期六去左附近個博物館，順便黎市中心睇吓有乜食，D餐廳完全唔同囇，間間都好多人等位，呢間比較小人，等了幾張本枱就有位。第一次食，原來係泰式Fusion 菜，menu 都有D泰菜，我最愛Pad Thai 。 叫左2個pad Thai , 因為有朋友食素，所以叫左一個蝦pad Thai 同一個素pad Thai ( 忘記影相） 份量ok ，不是太多亦不是太少，味道都幾好味。青醬帶子闊麵，大家都對西餐唔係抱咁大期望，因為呢間都係泰菜🤣 但竟然出奇地好味，帶子好新鮮青醬好creamy ! 仲要灑左很多芝士在面！ 和牛漢堡包麵包應該係嘉頓個種，入面塊漢堡好有牛肉味，都係冇預計嘅🤣有一個細心位，就係將生洋蔥同蕃茄分開上，應該對一D唔食嘅朋友會方便左！但係我好鬼鍾意食！加多一個小食粟米餅配雞醬，呢個係好味嘅自己整應該唔難🤣🤣🤣