廣東燒味餐廳

Open Now

Now Closed

未到六時正，走去廣東燒味茶記。點咗個雙拼湯河。下午茶價錢$28。凍飲$6。總價$36。抵食。個燒肉好脆。屬上等食材。個燒鴨好鮮甜。個河粉好有咬勁。加入少量紅醋。好滋味。杯奶茶好香滑。天口熱加杯凍奶茶。真係好正。

我老豆 在廣東燒味9:15分坐下，原本9:30落單冇問題，但係，我叫老豆在9:15落單，我在深水埗地鐵站來緊，叫職員早D落單，但係職員全部好似等收工緊，唔理我老豆，咁算，我9:30正來到，我講落單，職員話收工！我發老皮，9:30不是可以落嗎！就求其落個單食算啦故事仲有下半部⋯遲咗再講，總之元州街呢間正垃圾,職員

今天去了這間《廣東燒味餐廳】，位于長沙灣永發大厦地下，地方簡潔，光猛，在這吃了個晚餐。其中點了一個【梅菜蒸鯇魚套餐配飯和飲料】$80。服務員端上枱熱呼呼，好大一塊鯇魚腩，鋪滿切成粒粒的梅菜，加上薑絲葱花還有搶眼的紅椒絲，肯定惹味可口。趕緊趁熱吃一口，想象不到梅菜不甜不咸也不香，淡淡的，魚肉很實又不滑沒有鮮味，幸虧梅菜吃起來爽脆，帶點醬油的味道，還免强可吃一些。結論：就是好看不好吃。

啱啱發生咗一件好唔開心嘅事， 講出嚟比大家開心吓⋯⋯話說12:00左右我去咗長沙灣嘅廣東燒味買外賣， 叫咗一個叉燒飯一個咖喱牛腩飯同埋一隻雞⋯⋯燒味檔前面有個阿姐袋外賣⋯⋯我講咗一句： 師傅唔該走汁之後個阿姐攞咗我張單然後好惡咁同我講你仲有個咖喱牛腩飯啊出去等啦， 跟住我同阿姐講我叫師傅就執姐唔使咁呀？之後個阿姐知咗線， 一輪xx仔、xx剷咁嚟招呼我， 跟住我行返埋去同佢講我叫師父仔執姐乜嘢xx仔xx產先？ 跟手個阿姐話我非禮佢， 我要報警⋯⋯😑跟住我就同佢講話咁你快啲報啦， 跟住佢收返埋個電話我問佢你又話我非禮你你應該報警喎， 又攞個電話出嚟又收返埋佢， 我再同佢講你快啲報警喇， 之後佢報咗警⋯⋯警察嚟到我第一時間同啲阿Sir講話我買飯叫走汁佢一輪粗口然後話我非禮佢， 之後個阿姐又話我冇非禮佢⋯⋯我買個飯叫走汁者， 唔使全家死晒再非禮呀姐呀嘩⋯⋯⋯⋯P.S. 我有還口有爆粗但係冇講任何人身攻擊下姐嘅說話， 我同佢講你話我喺度惡搞事先， 又話我非禮你咁一陣間警察嚟到一齊睇閉路電視邊個惡先同對方道歉， 公唔公道？ 跟住佢又話到你喺我度洗咩同你睇閉路電視？ 之後警察嚟到佢又話我冇非禮佢⋯⋯

今天我到了長沙灣的廣東燒味店點了咸魚雞粒炒飯和切雞湯瀨粉。咸魚雞粒炒飯真的有夠香了炒得非常香，飯亦炒得好乾身，每粒飯都可以獨自夾起，吃完都不會覺得油膩切雞湯瀨粉也是我喜愛吃的下午茶選擇之一切雞雞肉挺嫩滑，瀨粉粗幼適中，湯亦不太濃味；另外他們的薑蔥也挺好味，若你喜歡可以加落湯中，會有另一番風味價錢實惠，味道不錯，在此店嘆下午茶，正

今日終於無咁忙了,可以不用食tea而係食lunch喇去左長沙灣附近就食左廣東燒味餐廳入到食返個3寶燒味餐叉燒-肥瘦平均都唔錯咸蛋-唔算太咸不過唔夠流油燒肉-皮都好香口紅腸-正常野米線-唔會太淋凍奶茶都ok,不過茶唔夠香

今晚行過元洲街「廣東燒味餐廳」，順路食埋晚飯。揾到唯一一個卡位就嗱嗱臨坐抵，坐抵之前，經過前一個卡位，有個客食緊鐵板燒，覺得很吸引，翻開餐牌睇，原來只是$50一客，我地加一個白飯都係$5，很快牛扒鐵板燒來了，未放低落枱，已經聽到佢〝枝枝揸揸〞咁嘅聲音，眼前的牛扒超過半吋厚，肉質很稔滑，佐少少辣的黑椒汁，白飯也吃清光！三寶餐麵$40有得楝餸，楝咗豬扒、沙爹牛肉，和特定的火腿奄列&奶茶，稔滑的豬扒有三塊，都算唔少份量，沙爹牛肉就較少，牛肉有肉味係唔錯，美中不足是太多油！

今日黎到廣東燒味，試下個扒餐。lunch 最緊要平靚正，50蚊 夠抵食，塊扒都夠大，味道還可以，係d蒜蓉硬左d，整體黎講都okay嘅，lunch 想食平少少可以試吓。

經過呢間舖幾次，好多時7點唔夠就坐滿人，點知經過見到無人等枱就同屋企人入去試下，4個人食左個燒味飯$50，椒鹽鮮魷$75，茄子炆鯇魚$64同肉絲炒麵(呢樣唔記得價錢)，平時燒味飯最怕啲燒味係晒啲飯上面，攪到啲飯攪到又骨碎 一大埋汁攪到咸到死，但係佢地啲燒味係分開上，燒鵝仲係熱辣辣好多似啱啱整起咁，不過海鮮就應該唔係用好新鮮既海鮮，因為啲鮮魷同鯇魚肉質都明顯有啲軟淋淋，唔係平時新鮮既口感，不過始終只係收普通小菜價錢，又無加一，好難要求俾到啲好新鮮既靚海鮮，椒鹽鮮魷炒得好香不過有少少偏咸，成晚最滿意個肉絲炒麵，做得好香脆而家唔會好油，個麵既水準仲好過部分咩咩大酒家，什麼什麼酒樓，總括覺得呢間餐廳唔錯，4樣野其中兩樣雖然一般，但係另外兩樣就性價比較高，整體覺得呢餐飯不過不失，唔錯，如果想食新鮮海鮮既呢間就未必適合，黎食既建議叫燒味同其他小炒，都唔錯

此店是有12分店的燒味茶餐廳，與太興分佔不同檔次的市場。格局低，燒味平凡，只是午膳糊口和找地方歇腳的茶餐廳。其實，厨師功夫不錯，炒粉麪飯有質素，聽到悅耳的炒鑊聲，肯定是即叫即炒，並且用鑊鏟和手翻動鑊的次數很密。看到今日午餐是沙爹炒牛河，垂涎三尺。驚喜的是有潮州風的炒牛河，加入了沙茶醬，並有少量菠羅。早年曾在上環皇后街的潮州巷食到，回味無窮。

我呢啲職業司機 送貨送到邊 食就食到邊 最緊要就係快捷 因為路邊可以泊車嘅地方唔多 總之一買盒飯盒 坐喺車度立即食完就開車走有日開工就買一盒叉燒飯食 盒叉燒飯算係好大盒 飯又夠多叉燒又夠多 啲叉燒仲好淋好香肉味 不過我認啲叉燒就比較瘦咗啲 是關半肥瘦嘅叉燒先至係最好食 不過算啦咁鬼多叉燒 真係仲想點 而且真係好好味 以前都喺呢間買個飯盒食 都冇今次咁好味不過最大鑊就係佢冇比豉油我 我明明叫佢畀多啲豉油同埋蔥油我 但佢偏偏係唔記得比 搞到好乾 如果有埋豉油同埋蔥油 一定更加好味

今日做野，攪到好晏先食野！是旦就入咗一間餐廳！下午茶價錢都平宜，我就叫咗一碗叉燒米粉，同一杯熱奶茶。個碗叉燒米賣相一般～米粉都可以，湯淡了一些！但係叉燒d 肉無彈性！好似雪咗好耐咁！很失望！呢間應該係出名食燒味？！另外，就係一杯熱奶茶～簡直係驚喜，竟然茶味濃郁！起碼有 80分下次，我一定要爲奶茶再來幫襯！

一早講明要走汁走薑蓉，已經揹住個bb，講左要雞胸比bb食，結果d骨多到喊⋯⋯⋯😡😡😡😡條友仲要擺薑蓉落個飯度，話返我轉頭，唔怪得間嘢無客！！！呢間嘢真係早執早著！！！😡😡😡😡真係行多兩步去街市買無咁嬲